أسئلة خطيرة جدا لم يتطرق لها احد من قبل

الكاتب : كويتي999 | المشاهدات : 1,020 | الردود : 13 | ‏12 ابريل 2008
  1. كويتي999

    كويتي999 بـترولـي نشيط

    137
    0
    0
    عندي سؤال مهم جدا
    بالنسبة لموضوع المشاكل التي حصلت بين فالح العسكر وفيصل الجدي
    وبالطبع كلكم شفتو الحرب الاعلامية
    الي شنها فالح العسكر على النقابة السابقة
    وما تم صرفة من آلآف الدنانير لتغطية هذه الحرب الاعلامية
    من تأجير خيمة ملكية كبيرة جدا والكل يعرف ان تكلفتها عالية جدا
    واعلانات الجرائد والمطبوعات
    اي انه تم صرف مبالغ طائلة تفوق الحد المتعارف عليه
    في تقديري انا تم صرف ما لايقل عن 10 الاف دينار
    لأن الاعلانات الي نزلت الجرائد كثيرة جدا والاعلان الواحد ربع صفحة 350 دينار او اكثر


    الاسئلة هي

    1- من قام بتمويل هذة الحملة وماذا يريد مقابل هذه الخسارة المادية (والحدء يفهم)؟
    2- هل يوجد كنز في النقابة يعوض هذه الخسائر ؟
    3- لماذا قام فالح العسكر بتزوير تواقيع بعض الموظفين في كشوفات طلب الجمعية العمومية؟
    والدليل على التزوير موجود



    ارجو الاجابة على هذه الاسئلة بالتحديد بإجابة واضحه ومختصرة بدون الدخول في مواضيع اخري
     
  2. جابر

    جابر قــلــم بــتــرولــي أعضاء الشرف

    لحظه ؟؟؟
    أنا اللى أعرفه ...إن فيصل كان مستلم النقابه ....ولم يتركها رسميا الا بعد 24\3 ....ياليت توضح (لى)...متى تسبب العسكر بهالخساره ..(إستفسار وليس إستنكار أو نقد) :)

    نقطه مهمه برأى:
    حتى لو ثبت هالشى فعلا .. فمعناه إن فيصل إستلم منه (صح)....ولم تثار هالشغلات (قانونيا) صح ..إذا خلصت السالفه .:eek:..
    وكان مفروض من اللى أستلم منه ...يطلع كشف حساب ...ويحاسبه عليه لو فيه شى غلط ( الحق ..حق):) ...خصوصا إن القضايا شغاله بينهم .:(.
    لكن هذا مايمنع إنك تقدر تضيف هالأسئله وقت الجمعيه العموميه ....أو فى حالة طلب الجمعيه العموميه غير العاديه وتأييد طرح ثقه ....وهذى مو هدف هالحين ...

    الهدف الحالى : الكادر .....واللى بعده العقود ....

    للعلم :انا من الناس اللى مستعد (يغفر) هالشغلات لو كانت(صحيحه) .....إذا الشباب جابوا الكادر والعقود :D
     
  3. كويتي999

    كويتي999 بـترولـي نشيط

    137
    0
    0
    يا اخ جابر
    انا كلامي واسلئلتي واضحة جدا
    والظاهر انك لم تقراء كلامي
     
  4. جابر

    جابر قــلــم بــتــرولــي أعضاء الشرف

    انا رديت على شبهة المبالغ الماليه فقط...لأن كان فيه رقم ..وإسم نقابى ..قد يكون إستلم (الخزنه) فى يوم من الأيام ...و حتى أوضح إن مصدرها مو صندوق النقابه ..وكنت أبى منك تأكيد على هالشى ...

    أى مصدر مالى ثانى ...مايهمنى ... ناس كثيره تدفع من جيوبها على المركز ..

    أعضاء مجلس الأمه يصرفوووون الألاف علشان الإنتخابات ..وعلشان راتب 2000 دينار ...هل معنى هذا إننا نتهمهم ونقول (لو مافيه كنز مادفعوا هالكثر) ....بعض الناس يشترى السمعه الطيبه بالفلوس....والأصل إحسان الظن ..

    أما الباقى فهو أمر عام ...على أولوياتنا ..حتى لانخلى الشبهات والبحث عن الأسباب يبعدنا عن هدفنا الحالى ...

    حاليا ..رضينا أم أبينا ...العسكر هو رئيس النقابه ...وحقوقنا هو المسئول عنها ..أفضل ننتظر ونشوف ..بدلا ما نحاول نحاسبه على ممارسات تمت أثناء النقابه السابقه ...وإذا ما جت حقوقنا بعدها كل هذا ينزل بكشف..والجمعيه العموميه هى الحكم ....

    هذا كله مجرد إعادة صياغه لمشاركتى الأولى ..

    لكن مادام مصمم إنى ما قرأت موضوعك ...على راحتك ...ماتشوف شر
     
  5. مغرم

    مغرم بـترولـي نشيط جدا

    252
    0
    0
    الاسئلة هي

    1- من قام بتمويل هذة الحملة وماذا يريد مقابل هذه الخسارة المادية (والحدء يفهم)؟
    2- هل يوجد كنز في النقابة يعوض هذه الخسائر ؟
    3- لماذا قام فالح العسكر بتزوير تواقيع بعض الموظفين في كشوفات طلب الجمعية العمومية؟
    والدليل على التزوير موجود


    1- سؤال سهل جداً وبسيط عدد الاخوة اللى كانوا نازلين في قائمة وحدة جم كان عددهم
    اكيد 15 صح
    يعني لو قلنا كل واحد دفع 500 دينار تضربها في عدد 15 يطلع لك الناتج المتوقع والتقريبي 7500 دينار
    اتوقع ان الشباب دفعوها من كيسهم الخاص ههههههه وماعندهم دعم مالي من جهات اخرى دعمهم
    منهم هم وانت اتصل على فالح عسكر واسأله او اسأل الاعضاء اللى معاه كل واحد جم دفع وريح مخك:)

    2- لو كان فيه كنز كان فارس السبيعي الرئيس التأسيسي وفيصل الجدي الرئيس السابق اكلوا منه :)

    3- والدليل على التزوير موجود بصراحة هات دليلك وحطه بالمنتدى علشان نحكم بارك الله فيك بس ترمي التهم جزافا مايحوز هالشيء:)
     
  6. جابر

    جابر قــلــم بــتــرولــي أعضاء الشرف

    مغرم : سالفة الكشوفات هذى قديمه جدا ..وفعلا كان فيها (أخطاء) ....لكن عايض وفيصل (حسب علمى) ...أخذوا بعذر الشباب إنها ماكانت مقصوده ...خصوصا إن نسبه (الخطأ) ماكانت راح تأثر على المجموع بشكل كبير ...وماوصلوها للقضاء حفاظا على عدم تشتيت الموظفين ....وهذى حسبت لهم فى حينها .......
    بس الحجى هذا كله قديييييييييييييم ..............وأصحاب الحق نفسهم سمحوا .......شللى طلعه هالحين ......العلم عند صاحب الموضوع...
     
  7. كويتي999

    كويتي999 بـترولـي نشيط

    137
    0
    0

    ياحبيبي واضح جدا في كلامي اني قلت لك انهم صرفو الفلوس قبل دخولهم النقابة
    يعني انا ما اطعن في ذمتهم نهائيا
    ثاني شي انا سالت مجرد سؤال ليش صرف كل المبالغ النقابة منصب تكليفي ومتعب
    ومافيها منصب علية القيمة مثل مجلس الامة والمجلس البلدي
    وبعدين اعضاء مجلس الامة يصرفون على انتخاباتهم لأن هذا كرسي المجلس مو نقابة
    فيه حصانة ويصبح صاحبة الرجل الثاني بالدولة بعد الامير
    لكن بالله عليك قولي النقابة شنو فيها علشان يصرفون عليها هالمبالغ
     
  8. كويتي999

    كويتي999 بـترولـي نشيط

    137
    0
    0
    انا ماقلت لك انه فيه كنز
    انا سألت هل فيه كنز ؟؟؟
    لأن لا احد يصرف هالمبالغ بدون مقابل
    ابي احد يجاوبني


    الدليل موجود في ملفات النقابة واذا فالح العسكر عنده الشجاعة انه يعترف فيه خله يعترف واذا ماعنده الشجاعة على الاعتراف بالحق روحو لفيصل الجدي يوريكم اوراق التزوير

    اما تقولي حط اوراق التزوير في المنتدى هذا شي غير منطقي
    لأنها فيها اسماء موظفين ومايجوز التشهير فيهم
    وانا واحد من الي زورو توقيعي
    ولما رحت النقابة اقدم شكوى بالتزوير لقيت غيري مقدمين شكاوي

    ولكن الشي الي ماعجبني ان فيصل ماقدم الاوراق للمحكمة
    ولما سالته قالي ما اقدر اقدمها
    لأني اذا قدمتها راح يسحبون الموظفين الي النيابة وهذي فيها فصل واحتمال سجن
    ومهما كان هذيلا زملائنا
    وراح يقولون فيصل بدل مايدافع عن الموظفين يروح يوديهم للسجن
     
  9. kjo

    kjo بـترولـي نشيط

    93
    0
    0
    فعلا انا بعد تم تزوير توقيعي ولكن بعد ماكلمت فيصل الجدي انه يقدم الاوراق للنيابه اقنعني انه هذا الشي غلط وممكن تنقطع ارزاق والصراحه انا كبر في عيني تصرف فيصل الجدي بعد هل كلمه بس اللي زور توقيعي انا اقول الله يسامحه لانه موكفو يمثلني الصراحه اذا بدء بالتزوير عشان يوصل النقابه شلون يؤتمن على مطالبنا وحقوقنا
     
  10. جابر

    جابر قــلــم بــتــرولــي أعضاء الشرف

    حبيبى أنا ما أحكم على النيات ..النص اللى كتبته ..يترك التفسير للأثنين ..وانا حبيت أأكد إن الذمه بريّه ..وعليه وضحت النقطه ...ما أتهمتك بشى ..

    وبعدين لما قلت مجلس الأمه ...كانت على سبيل المثال ..والتركيز كان على خدمة الناس وتقدير الناس للى يخدمهم...مو على مركز شخصى ..حصانه وقرب من الحكومه ..
    أكرر :
    النقابه ..ومسئولية (الدفاع) عن حقوق الموظفين ...ممكن ترفع الرجال فوووووق (إذا كان يستحق) فى عيون الناس ...وهذى بروحها تسوى فلوس ...تقولى يقدر يسوى هالشغله لو إنه مو بالنقابه ..أقولك صعبه ..الغطاء القانونى يوفر (القوه فى المطالبه) ...وبالتالى القدره على توصيل الحقوق لأهلها....بالإضافه إلى هذا هى مدخل للإتحاد (البترول ) ...مسئوليه أكبر ...وحقوق أكثر ...وسمعه بين الناس واسعه ..وهذى تسوى يدفع من جيبه.

    أما الشخص اللى يبى يوصل للنقابه ...علشان مايداوم ...ويطلع رحلات ..أو يضبط ربعه فى الدوام ...ما أعتقد تسوى عليه يدفع هالمبالغ من جيبه ...صح ..

    على كل حال ...تظل تسوى والا ماتسوى ...شغله نسبيه ...بالنسبه لى تسوى ...اذا الشخص ماراح (يفشّل) نفسه
     
  11. كويتي999

    كويتي999 بـترولـي نشيط

    137
    0
    0
    يعني يصرفون كل هالمبالغ ويزورون بالتواقيع علشان ياخذون مناصب ويشتهرون بس؟؟؟
    الله يكون بعون الموظفين الي ضاعت حقوقهم
    والسبب ان فلان وغيرة يبحث عن الشهرة
     
  12. RADAR2

    RADAR2 بـترولـي نشيط جدا

    179
    0
    0
    الجواب : بسيط جدا كل قائمة في أي منظمة تعمل " حطة " لحملتها الانتخابية ، والخيمة الملكية موجودة من قبل بموافقة المحافظة والجماعة استأجروها لمدة ليلة وبسعر لا يزيد عن ألف دينار وخمسمائة !! وأذا كان عدد من شارك من عمال الوفرة 200 عامل وعدد من ساهم في الحطة 100 فتكون الحصيلة 20 دينار على كل شخص = 1500

    والخمسمائة الباقية للبوفيه والقهوة والشاي !! فعلى رسلك يا باشا !!

    وأما السئؤال عن وجود الكنز داخل النقابة فنقول أن الكنز الحقيقي أن يطون لك منظمة تدافع عنك وتطالب بحقوقك وتحسن من مستواك المادي والاجتماعي فهذا اكنز الحقيقي !!

    وأما التزوير في بعض التواقيع إن صحت الرواية فكان الأجدر أن تقدم للنيابة لمعرفة صحة الادعاء من عدمه ؟؟

    ولكن السؤال الذي لم تسأله : هل مناقشة التقرير المالي للنقابة السابقة وهل يوجد تجاوزات مالية في النقابة المنحلة !!! من حق الجميع أن يعرف مصير أموالهم واشتراكاتهم وبيان أوجه الصرف ؟؟؟

    وسلالآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآم
     
  13. كويتي999

    كويتي999 بـترولـي نشيط

    137
    0
    0
    والاعلانات الي بالجرائد من يمولها
    وانت تقول بكل بساطة ليش ماقدم ادلة التزوير للنيابة
    واذا قدمها تقولون انه فيصل يقطع ارزاق العمال ويتسبب بفصلهم وسجنهم
    اقول الي اولها تزوير الله يستر من تاليها

    وسلالالالالالالالالالالالالالالالالالالالالالالالالالالالالالالالالام لاخواننا المزورين
     
  14. جابر

    جابر قــلــم بــتــرولــي أعضاء الشرف

    كويتى 999 ...محد يقدر يبرر سالفة (تزوير) ...على هالأساس أنا كتبت إنها (أخطاء) ...حسب علمى الفرق بين الثنتين ...تواجد النيه ...

    اللى أعرفه ...الكشف ..ضم ...أسماء قليله جدا مشكوك فيها منها ..(غير كويتيين) وجنه قالوا (أسماء مكرره) وواحد جنه (قال أنا ماوقعت) ....

    أنا مانى باللى يدورون العذر لهذى التصرفات ...أو يخفف منها ...

    لكن هذى قديمه ...وتم تجاوزها ....إثارتها هالحين وبهالوقت هذا بالذات ...وحنا نطالب النقابه بحقوقنا ...تضعف من موقفهم ...وماتخدمنا بشى ................أولويتنا الحاليه( أهل الخفجى طبعا)....الكادر والعقود ....والباقى ....ينطر ...ينطر ...ينطر ..
    للعلم :
    روح للمنتدى ودور على المشاركات القديمه ...وراح تلقى (أخطاء) كشف الجمعيه العموميه غير العاديه قد أثير...
    وللعلم :
    طيب من فيصل وعايض ..إنهم ماتشددوا وعرضوها على النيابه ...ولو إنهم قدموها محد كان يلومهم ...لكنهم أخذوا الطيب ..وهذى من ضمن الشغلات اللى خلتنى (أنا) متمسك فيهم لأخر يوم وأخر إجتماع ..وحتى 24/3 ..
     
جاري تحميل الصفحة...

مشاركة هذه الصفحة