الخدم في البيت ليش ؟

الكاتب : jem2008 | المشاهدات : 1,140 | الردود : 31 | ‏12 ابريل 2008
  1. jem2008

    jem2008 بـترولـي نشيط جدا

    410
    0
    0
    السلام عليكم
    مشكله الخدم عندنا في الكويت كبيره ! انا شايف اقلب الكويتين عندهم خدم وسواق ليش الاذيه !!
    الحين صارلي وانا متزوج 25 سنه ما حطيت خدامه ولا سايق ولا جبت لعيالي مدرس او مدرسه واذا طلعت طلعت مع زوجتي واولادي (طبعا ديوان العائله + المعاملات+ الدوام اروح بروحي) والحين شفت نتيجه هالموضوع بدون خدامه او سايق (ترابط اسري قوي)وانا والمدام وسته عيال نتشارك في جميع امور هالدنيا من مشاكلها ومحاسنها والزيارات للاسره اقصد العائله قويه ونتيجه العيال في المدارس من متوسطه الى قويه والحمد لله ينظرب فيهم المثل في الاخلاق ونحب الجيره والتواصل مع الجيران
    ودي اشوف ردكم واقتراحاتكم لهالموضوع
     
  2. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    اكيد الديوان بتروحه بروحك مو مع المدام... :d
    اذا المدام متفرغة حق البيت و مو موظفة اعتقد تقدر تدبر امور البيت بمساعدة منك طبعا و بمساعدة من العيال الكبار
     
  3. Workers

    Workers إدارة المنتدى

    7,767
    30
    48
    ذكر
    الكويت
    مرحبا ياخي العزيز

    الله يتم عليم نعمتة ويحفض اسرتك من كل مكروه

    اعتبرها حالة نادرة جدا بل لم اسمع بها سوى منك طبعا اقصد في وقتنا الحاضر

    وحتى لو كانت المدام ربة بيت ومتفرغة للبيت فلا يوجد في اعتقادي حالة شبيهه لحالتك المثالية

    وامثال ام عيالك نقولها جعل ابو عيالها مايعرس عليها :)فيها الخير البركة والله يكثر امثالها

    تقبل تحياتي
     
  4. السيدة العجوز

    السيدة العجوز بـترولـي نشيط جدا

    314
    0
    0
    أخي العزيز انت في اغلى واكبر نعمة والله يهنيك في زوجتك لان نادر وا نسمع في وضع نفس وضعك
    والمفروض ما توضح جذيه اكثر من اللازم لان الناس ما تعطي خير
    عسى الله يحفظك من الحسد والعين ويدوم عليك هذه النعمة ويزيدها ويخليلك عيالك وام العيال
    والله يهنيك بحياتك بدون خدم لان من غيرهم حياتك لا طعم خاص إحنا ما نعرفه ولا نحسه إلا انت طبعا
    وشكرا عالموضوع بس نصيحة لا تشرح عن حياتك ولا توضح انك مرتاح وسعيد لان مو الكل يتمتع بحياة نفسك
    الله يوفقك ومشكور عالموضوع وتقبل مروري
     
  5. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    المرأه مالها الا البيت


    وش له خدامه وسايق


    كد عافيتها جعل مالها عافيه وش ابيبها كان ماهي راعيه بيت
     
  6. jem2008

    jem2008 بـترولـي نشيط جدا

    410
    0
    0
    اكيد اروح انا والولد والباجي بنات
    وبعدين المدام خريجه كليه الشريعه والبنت الكبيره طبيبه طب بشري ولله الحمد وكلنا نتساعد في البيت لدرجه انا صرت طباخ امتياز مع مرتبه الشرف
    شكرا على المرور
     
  7. jem2008

    jem2008 بـترولـي نشيط جدا

    410
    0
    0
    هلا والله
    الحمد لله اني اتبع اللي احسن من نصايح الله سبحانه وتعالى (((وواحده خيرا لكم)))
     
  8. jem2008

    jem2008 بـترولـي نشيط جدا

    410
    0
    0
    اختي الكريمه بالنسبه لي ولزوجتي احنا نكمل بعضنا بعض مثلا التنظيف مره عليها ومره علي ومره على العيال لو نحسبها مره في الاسبوع تحوشني مو صعبه ونفس الشي للطبخ والكوي وغسيل الملابس و000و000و00
     
  9. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    ماشالله
    الله يديم الحب بينكم....احلى شي الاسرة المتفاهمة
     
  10. jem2008

    jem2008 بـترولـي نشيط جدا

    410
    0
    0
    هلا اخوي الشايب
    لو نفكر فيها شوي
    الحرمه لها تقدير واحترام اولا وآخرا
    وعافيت المره من عافيت الرجل
    يعني وش فيها اذا ساعدناها في عمل البيت
    عندنا مثل وهو الاكبر ولا نوصل مواصيله وهو سيد بني ادم الرسول عليه افضل الصلاة والسلام
    ارجع لسيرته وانت تعرف شنو اللي كان يعمله في بيته ومساعدته لزوجاته الكرام​
     
  11. jem2008

    jem2008 بـترولـي نشيط جدا

    410
    0
    0
    شكرا اختي
     
  12. Blue angel

    Blue angel بـترولـي خـاص

    الله يديم عليكم المحبه و يحفظكم من كل شر

    تحياتي لكم :)
     
  13. MamLOoO7a

    MamLOoO7a بـترولـي مميز

    ماشاء الله عليك والله يوفقك ويهنيك

    طبعااا انا لو كنت غير موظفه قدها وقدود أقعد من غير خدامه

    بس صعبه موظفه وبالشركه يعني مو مدرسه او بالحكومه تقدر تطلع وانت عارف دوام الشركه تعب بتعب وين اقدر اجابل البيت

    جربتها شهرين بدون خدامه والله راحه نفسيه بس تعب علي لاني ما ارتاح من ارجع الدوام على طووول شغل ثاني :)


    بس بصراحه بصراحه متعه القعده بالبيت ومن غير خدامه :)

    مشكووووور على طرحك للموضوع
     
  14. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الله يبارك لكم إن شاء الله
     
  15. jem2008

    jem2008 بـترولـي نشيط جدا

    410
    0
    0
    مشكوره على التعليق الجميل وعلى المرور
     
  16. jem2008

    jem2008 بـترولـي نشيط جدا

    410
    0
    0
    والله بنات الكويت قدها انا ادري علشان الراتب تشتغلين بس البركه في البيت
    اولها تعب وتاليها مستقبل زاهر اهم شي الترابط للعائله بدون تعليق
    شكرا على المرور
     
  17. jem2008

    jem2008 بـترولـي نشيط جدا

    410
    0
    0
    الله يبارك لك ان شاء الله وتتخذ هالقرار انت وزوجتك
    تراها بركه
     
  18. alqreen

    alqreen بـترولـي مميز

    509
    0
    0


    ماشاء الله عليك الله لايغير عليكم الترابط الحلو
     
  19. jem2008

    jem2008 بـترولـي نشيط جدا

    410
    0
    0
    شكرا والفال لكم
     
  20. العابر

    العابر بـترولـي خـاص

    الله يوفق الجميع
    بس ياجماعه الخدامه الحين صارت للزوجه مثل الشنطه في إيدها
    يعني لازم تشوف مدام كويتيه تمشي وراها خادمه تدز عربنه فيها طفل او طفله
     
جاري تحميل الصفحة...

مشاركة هذه الصفحة