الى متى يا أخوان!!!!!!قائمة الجميع لوسمحتوا عن التخريب

الكاتب : q8kjoc | المشاهدات : 930 | الردود : 14 | ‏11 ابريل 2008
  1. q8kjoc

    q8kjoc بـترولـي جـديـد

    43
    0
    0
    [الى متى هالتناحر وهالصجه واللجه لي متى واحنا نختلف ولا نتفق حتى في أحلك الظروف اللي لازم نلتحم فيها ونكون ايد وحده الحين اللي يمثلنا اخوانا الحاليين بالنقابه وما نقول فالح العسكر براسه بل هم مجلس ادراه يسعوون جميعا لخدمتكم فأعطوهم الفرصه وبعدين أحكموا ترى الأمور ما تصير في ليله وضحاها فالصبر جميل ياأخوان والحكم بعد مده ترى من الظلم الحكم المبدأي على الأخوان وهم ما صارلهم مده طويله توهم بالحمد ياجماعه وقائمة الجميع اللي قاعد يسوونه غلط المفروض يخلوون اخوانهم لما يشتغلون ترى المشاكل بين القائمه والنقابه مو من صالحنا انسوأ الأسماء وابتعدوا عن العاطفه وعطوا اخوانكم بالنقابه فرصه وبعدين يحق لأي واحد ينتقد بس نقد بناء مو نقد غير صحي لا يودي ولا يجيب هذي الديموقراطيه والاخوان اكسبوا القضيه وقال القضاء كلمته وامسكوا النقابه وعسى الله يعينهم ويوفقهم لكن اللي قاعد يسويه فيصل الجدي وقائمته المفروض ما يصير لأن هذا تخريب في نقابه وهي الجهه الرسميه المخوله من قبل العمال فيجب ان نبتعد عن بث الأشاعات وأعمال التخريب اللتي تمارس أذا رديت يافيصل انت وقائمتك ومسكتوا النقابه تصرف بكيفك بس الحين في نقابه ويجب عليك احترامهم ولا تحاول تزعزعهم ترى هالسوالف ماهي طيبه والله ولا نتمنى تصير في نقابتنا نرجوا من الأخوان انهم يعيدون النظر فالكلام اللي أقوله ويلتفون مع نقابتهم لمزيد من الإنجازات ولتحفيزهم لتحقيق الطموحات أو السكوت وتركهم يشتغلون بدون شوشره وسلامتك أرجوا ان تكون الرساله وصلت...........[
     
  2. جابر

    جابر قــلــم بــتــرولــي أعضاء الشرف

    هل التخريب بمسابقه النقابه السابقه للنقابه الحاليه على المنجزات ...:confused:
    هل حقوقنا ...ماتصير حلال الاإذا جت من النقابه الحاليه الشرعيه ...:confused:

    أنا طبعا أتمنى من فيصل واللى وياه ..إنهم يبعدون شوى عن لغة التهكم والسخريه من النقابه الشرعيه .:eek:..
    لكن بنفس الوقت أقول بعد إذا بيدكم شى فيه فايده ...أما تتفقون مع النقابه الحاليه أو إذا صعبه (وهذى مفهومه)تجيبونه بنفسكم ..;)..أهل الخفجى ماراح يرفضون الخير سواء جاء من أفراد أو نقابه، حنا للحين لاكادر ولابطيخ والناس كلها تعدلت رواتبها بالسيستم ...وحنا نتفرج :eek:
     
  3. نقابي 7*

    نقابي 7* بـترولـي نشيط جدا

    227
    0
    0
    اتصال هاتفي مع فيصل الجدي

    الاخ العزيز جابر
    للمصلحة العامة وبعد ان قرأت مقالتك في الاعلى قمت بالاتصال على الاخ فيصل الجدي لسماع رأيه بكل شفافية وكان الاتصال الساعة 1:15 بعد الظهر وكان السؤال التالي :
    هلا بوحمد هل انت من متصفحي منتدى القطاع النفطي؟
    لا يا طويل العمر انا ليس من متصفحي منتدى القطاع النفطي ولكن كنت اتمنى ان اكون من متصفحي منتدى القطاع النفطي ولكن وللاستغلاله للمهاترات وتصفية الحسابات رأيت عدم الدخول نهائيا.
    الاخ فيصل كتب اليوم عنكم بواسطة الاخ جابر (اسم وهمي) في المنتدى بانكم واخوانكم بقائمة الجميع تقومون بوضع العصى بالدولاب فهل هذا صحيح؟
    رد فيصل الجدي : ليس كل ما يكتب صحيح ولكن دعني اوضح لك بعض الامور بتسلسل الاحداث :
    1- لقد قمت بتسليم النقابة للزميل فالح العجمي ومددت له يدي الاثنتين بوجود الاخوان طلال الكندري ومرزوق العتيبي وجلوي المطيري وقلت له بالحرف الواحد نحن في مركب واحد اي خلل سوف يتضرر جميع ركاب السفينة وانا على اتم استعداد لاي مشورة سواء على مستوى الحوار مع الشركة او المؤسسة في اي قضية على الساحة وقلت له يا اخ فالح ثق تماما اننا واخوانكم في قائمة الجميع ارتضينا القضاء حكما ولم نلتفت لاي نداء يدور حاليا في العمليات المشتركة بالخفجي لعمل جمعية عمومية غير عادية لحل مجلس ادارتكم. وثمن الكلام مشكورا.
    2- كان هناك قرار جائر يتضرر منه الكويتيين وهو قرار المرضيات التي تتجاوز الاربعة في السنة الميلادية ولقد تلقيت اتصالات كثير من الاخوة الموظفين يطالبون بالالغاء وقمت باجراء الاتصالات وانتهت بتجميد هذا القرار وصدرت تعليمات من اعلى سلطة تمثل الشركة الكويتية وبفضل من الله طبعا.
    وهذا تكملة لرد الزميل الجدي:
    يا اخي الفاضل هل هذا يعتبر وضع العصى في الدولاب او اننا ما زلنا نبحث عن المصلحة العامة، اتمنى من الاخوة متصفحي منتدى القطاع النفطي الابتعاد عن رمي التهم لمصالح خاصة لانه في النهاية سوف تظهر الشمس لكي تنير طريق من ضل طريقه.
    الاخ فيصل كل الشكر على توضيحك لهذه الامور ونتمى ان نراك سندا لاخوانك في النقابة.
    الاخ جابر هذا كان الحوار على الهاتف مع الزميل فيصل الجدي وكنت اتمنى منك وبما انك القدوة في منتدى نفط الخليج ان تبادر قبل ما تقوم بوضع اي موضوع بالاتصال بالاخوة مؤسسي قائمة الجميع لاستيضاح الامور.
    كما اتمنى انني وفقت بنقل الخبر بدقة وبامانة .
     
  4. ابوسعووود

    ابوسعووود بـترولـي نشيط جدا

    222
    0
    0
     
  5. نوبطشي

    نوبطشي بـترولـي نشيط

    68
    0
    0
    مافي تخريب ولا ترهيب يا اخوان ماله داعي هالكلام كل شي معروف وواضح ولنترك النقابه تثبت اهليتها او عدم اهليتها وكفايه حشد التعاطف بحجة انهم محاربون وان هناك من يخرب عليهم واعتقد ان الاخ فيصل وجماعته اكبر من هالسوالف وانهم الى الان يسعون لمصلحة العمال اللي هي بالتالي مصلحتهم
     
  6. جابر

    جابر قــلــم بــتــرولــي أعضاء الشرف

    هذا إتهام كبير لى ...روح شوف مشاركاتى فى المنتدى كلها ...ماراح تلقى إنى أستحق هالتهمه ...ومشاركتى اللى فوق فيها دفاع عن النقابه السابقه أكثر من هجوم ..مع تحفظى على أسلوب السخريه والتهكم من مؤيديهم...
    بطل عيونك عدّل ...قبل لا تتهم الناس وشوف منو اللى قال هالكلام ..:(
    أنت أتهمتنى قدام الناس ...والناس هالحين تعرف إنك (غير صادق) ...والتهمه سهله عندك ...المشاركه اللى أشرت لها فوق .وكل الناس يشوفونها .....ورحت تركض لفيصل :mad:..وتقوله فلان قال ...وفلان قال...وتوصله معلومات غلط .....إذا هو صدقك ...كيفه ....مايشوف شر ..:eek:

    أتمنى منك أنك تقرأ المشاركات عدل...قبل لاتروح ركض لفيصل أو غيره ...وتبلغه فيها :mad:
     
  7. ابوحمد

    ابوحمد بـترولـي نشيط جدا

    224
    1
    18
    السلام عليكم

    الاخ العزيز جابر اتوقع الاخ نقابي اخطا بتوجيه الكلام عن غير قصد لانه صاحب الموضوع لست انت واتمنى ان تحسن النيه وتلتمس له العذر لانه الموضوع واضح ..


    اما اذا كنت يا اخ نقابي قصدت توجيه الكلام للاخ جابر وفيعلم الله انه من خيرة الشباب الموجودين بالمنتدى ويتحرى الحقيقه قبل الكلام ولم يقف بصف احد ضد احد وكان يقول كلمه الحق دائما ويتشرف المنتدى بوجوده وكتابته في جميع اقسامه


    اما عن المهاترات اللتي تحصل في المنتدى نسأل الله ان يهدينا جميعا
     
  8. جابر

    جابر قــلــم بــتــرولــي أعضاء الشرف

    عساك سالم يا أبو حمد ...والطيور على أشباهها تقع ..
    الأخطاء تصير ...وأنا بعد ماكتبت الرد ..حسيت إنه ممكن يكون غلطان ...وإنى( شدّيت شوى)..لكن اللى يخلى الواحد (ينجرح) ويرد (بسرعه) ...إنه دق على فيصل وكلمه ..وقال جابر يقول ..انتم تحطون العصى بالدواليب ..يعنى مو معلومات حتى يطلب رأى بموافقه أو رفض .....ياليته رد بالمنتدى وبس .الكلمه يمديها وصلت لعشرين رجال هالحين ......وين تعدّل هالغلطه :confused: ...

    هالإندفاع وأتهام الناس ...مفروض محد يستسهله ...لأن الغلطه صعب تعدّل...

    على كل حال ..أنا من الناس اللى يرد على كل مشاركه بعيدا عن تأثير المشاركات الأخرى ...الا إذا صارت شخصيه ..

    ومابينى وبين نقابى إلا كل خير (سوا غلطه كبيره ...وأخذ قرصه صغيرونه ...والقلوب صافيه :D)
     
  9. ابوحمد

    ابوحمد بـترولـي نشيط جدا

    224
    1
    18
    الاخ جابر عساك سالم
     
  10. نقابي 7*

    نقابي 7* بـترولـي نشيط جدا

    227
    0
    0
    الاعتراف بالخطا

    اخي العزيز جابر
    والله ثم والله ثم والله انا جدا آسف لعدم قرائتي من كاتب المداخلة والسموحة والعذر من الاخوان جميعا واتمنى ان تتقبل اسفي اخي جابر ولم يكن قصدي شيء حاشى لله ان اتهمك باي شيء او اتقول عليك شيء لم تقله بس السرعة في اخذ الخبر واكرر اسفي اخي جابر مرة اخرى:(
     
  11. جابر

    جابر قــلــم بــتــرولــي أعضاء الشرف

    مسموح .....ومهى محتاجه حلفان ونا أخوك ...وأنا قلت لأبوحمد (قبل لاتكتب إعتذارك)...القلوب صافيه ...:D
    واللى مايسمح لإخوياه بالزلات ...يتركه الزمن بليا أصحاب ...:D
     
  12. الملسون

    الملسون بـترولـي جـديـد

    34
    0
    0
    كلام طيب يا q8kjoc

    يعطيك العافيه يا q8kjoc وكلام طيب وجميل منك

    وودي منك تراجع المشاركات القديمه وتشوف شنو كان صاير بالمنتدى قبل لا ياخذ الأخ فالح والمجموعه الي وياه النقابة شوف الكلام والاسلوب والتهجم على النقابة السابقه

    انا ما اشجع الي قاعد يصير لأنه عيب وسوالف يهال وناس جاهله

    لكن من استلم الأخ فالح لليوم ما شفنا منه شي ولا تصريح ولا اي تحرك كل شغله الشاغل شلون مايتغير تاريخ مدة النقابه مع الأسف

    اذا كان الأخ فالح والاخوان الي وياه الحين بالنقابة من صج همهم مصلحة الموظفين والعاملين عليه ان يتحرك ويروح الشركه ويشوف المواضيع العالقه ليلحين والمهمه

    اتمنى للأخ فالح وباقي الأعضاء التوفيق
     
  13. جابر

    جابر قــلــم بــتــرولــي أعضاء الشرف

    لا يالملسون :D

    طلع على الأقل تصريحين منه ومن الكندرى ...ورتبوا حسب ماسمعنا لإجتماعين مهمين مع الشويب والخشتى هالأسبوع ..وقبل لاينتهى هالأسبوع بإذن الله فيه أخبار .... وهذا يعد مجهود طيب فى أقل من 3 أسابيع من إستلامهم النقابه رسميا ..صح ..
     
  14. الملسون

    الملسون بـترولـي جـديـد

    34
    0
    0
    اتمنى يا اخ جابر نسمع اخبار مرضيه ومفرحه

    وانت تقول 3 اسابيع من استلمو النقابة

    ترى 3 اسابيع مو شويه تدري ليش لأنهم كان من المفروض مرتبين نفسهم من قبل وعارفين شنوا الي يبون

    ولا المسأله كانت بس نبي النقابة وخلاص

    ما سوو جمعية عموميه وحلو المجلس من فراغ اكيد كان عندهم اسباب وينها لليحين ما شفنا شي

    مو كانوا يقولون فيصل متخاذل مع الشركة وانه يعمل لمصلحته الشخصية ولا يدري عن الموظفين

    وين مصالح الموظفين الي يبون يراعونها لليحين مو مبين شي عقب 3 اسابيع


    كان المفروض منهم يبيننون لنا كل شي مو ساكتين

    وبعدين تصريحين بنفس المضمون وبنفس الوقت

    عمرها ما صارت بنقابة الا اذا كان هناك خلاف بينهم



    ولكن ارجع واقول الله يوفجك يا فالح ويعطيك العافيه ونتمنالك الخير
     
  15. جابر

    جابر قــلــم بــتــرولــي أعضاء الشرف

    كلامك عدل يالملسون....وسليم 100%....بس أنا حاولت أبرز النقطه الوحيده اللى شفتها سليمه ...واللى تخلينا نتفاءل بالخير (ولو شويه :eek:)
     
جاري تحميل الصفحة...

مشاركة هذه الصفحة