شوفو لنا حل مع سالفة هالإجازات

الكاتب : Instrument | المشاهدات : 1,255 | الردود : 10 | ‏26 أكتوبر 2007
  1. Instrument

    Instrument بـترولـي نشيط جدا

    339
    0
    16
    Instrument
    K.O.C
    السلام عليكم ...


    يا جماعة لا زم نشوف حل حق سالفة تصفير الإجازات ...


    انا الحين عندي رصيد ،، و ابي ارحله حق السنه اليايه

    يا اخوي ما ابي آخذ اجازه الحين ،،، مو اب حاجتها ..


    لأ ،،، يدق علي المسئول و يقول لازم تصفر الرصيد


    كل سنة و أحنا على هالحال ..

    و مع الأسف ،، نلقى موظفين رصيدهم 60 و 50 يوم

    معنى الكلام ،، يعني على ناس و ناااس


    السؤال : هل في قانون يلزم العامل لا زم بتصفر رصيده قبل دخول السنه اليايه ؟؟؟؟


    لأن الصراحه الموضوع فيه شي غلط ... :)
     
  2. dehen_3ood

    dehen_3ood بـترولـي خـاص أعضاء الشرف

    والله احنا إللي نسويه ان نحدد الإجازة متى بالسستم بس تالي نسوي لها Amendment
    فـ مو شرط نطلع بهالوقت !! واترحل الإجازة لي السنة الياية بس ما توصل لي شهر 7 أو 8 إلا بطلب من التيم ليدر

    أما إذا ياك تيم ليدر غصب إلا بطلعك إجازة فـ يا حيل الله ويا قوته
    شتسوي بعد !!
     
  3. نفط الكويت

    نفط الكويت بـترولـي نشيط جدا

    183
    0
    0
    المفروض النقابة يكون لها دور
     
  4. BG. 1

    BG. 1 موقوف

    489
    0
    0
    منتظر الترقية
    البيت ماخلص
    ما صارت هالنقابه


    قانون الشركه حسب ما اعرف اقصي شيء شهر 3 من السنه القادمه الا اذا كانت حاجة الشركه

    في بعض الدوائر تشتري الرصيد مثل ما حصل بالمقوع​
     
  5. مختبرجي

    مختبرجي بـترولـي نشيط جدا

    196
    0
    0
    KOC
    اخوي BG. 1

    في بعض الدوائر تشتري الرصيد مثل ما حصل بالمقوع


    ودنا نعرف شلون تتم طريقة بيع الاجازه او جزء منها وشنو شروطها ؟
     
  6. Phox

    Phox بـترولـي نشيط جدا

    400
    0
    0
    مافى بيع اجازات الا للتيم ليدز ولحاجه العمل ... في حاله وحده اعرفها شرو رصيد اجازاته وكان مهندس بس بموافقة الرئيس

    بالكي بي سى يقدرون يجمعون سنتين ويبيعون الزايد بعد السنتين ... بس المؤسسة تتبع بالتنظيم ديوان الخدمة المدنيه وموظفينها ما يقدرون يفتحون محلات او يطلعون رخص نفس موظفين شركات القطاع النفطي :)

    امرك لله .. اذا قالوالك اطلع اطلع ...

    في مشكله بنظام الاجازات الجديد اللى طبقوه من 2007 ...
    النظام يقول .. لك اجازه لازم تآخذ فيها نص الرصيد ... ولك 3 اجازات بعدها اتجزئها على كيفك بس .. والخامسه واللى بعدها لازم ما تتجاوز اليومين !!!
    مثلا .. رصيدى 45 يوم .. طلعت الاولى 23 يوم .. والثانيه اسبوع والثالثه 3 ايام والرابعه 3 ايام ، صار مجموع اجازاتى 36 يوم وباجي من رصيدى 9 ايام ... ما اقدر اطلع 9 ايام كامله !!! لازم اطلع اجازة يومين وادواوم يوم وعقب اطلع يومين اجازه واداوم وجذى !! سستم بايخ لازم ينحل
     
  7. ام ريما

    ام ريما بـترولـي مميز

    والله اخوي الكل يعاني من السالفه هذي
     
  8. المشاكس

    المشاكس بـترولـي خـاص أعضاء الشرف

    998
    1
    0
    انا راح اقول لكم شنو النظام بالضبط

    في حالة ماطلعة إجازه حتى آخر السنة وهم بحاجتك ترحل بطلب من التيم ليدر وتكون آخر مهلة 31\3 وإذا لازالو بحاجتك يكتب المدير كتاب فيها تأجل إلى 30\6 ويكون هذا آخر موعد لك
    أما بخصوص شراء الرصيد كان بالسابق موجود بس تم إلغائه من قبل رئيس الشركة خالد الفليج أعتقد أو قبله وألي سمعته ألحين أنهم ردو هالنضام بعد ما كثر الأوفرتايم في الحقول بسبب النقص وشافو إن شراء الإجازة أوفر لهم من الأوفرتايم

    وللعلم بأمكان المدير أو التيم ليدر إن يوقع إجازتك بدالك وتعتبر بأجازة في حالة رفضك للتوقيع عليها
     
  9. المشاكس

    المشاكس بـترولـي خـاص أعضاء الشرف

    998
    1
    0
    على فكره وبخصوص النظام الجديد في تقطيع الإجازة .... أول مانزل القانون لك الحق تاخذ 3 مرات إجازة إضطرارية والباقي تاخذها دفعه وحده كاسنويه .... بس لما سافت الإدارة إن هذا القانون راح يتعارض معاها وهم المتضررين من هالقانون غيروها وقالوا تقدر تاخذ يومين يومين كثر ماتبي المهم ماتتجاوز نص عدد أيام الإجازة .... لأن هم دائماً ياخذون قبل نهاية الأسبوع أو في بداية الأسبوع يومين وتصير عنده 4 أيام ويوم قبلها تزريق يصير 5 أيام وعليكم الحساب
     
  10. Phox

    Phox بـترولـي نشيط جدا

    400
    0
    0
    انا ليلحين عندى اسبوع من 2006 ما طلعت ... مو شرط انك تطلع 30/6 حسب الحاجه بس اقولك ان نظام تقطيع الاجازه صار فيه العيب اللذكرته لك والمفروض يردون الاجازه على النظام القديم ... تطلع بالنص دفعه وحده والباجي بكيفك

    مشكور على المداخله يا مشاكس
     
  11. Mr. Engineer

    Mr. Engineer بـترولـي مميز

    662
    0
    0
    أخوي،

    هذا التعديل إلى يومين يومين وضع بشكل خاص لخدمة الـ operators في السناتر و باقي موظفي الشفتات في الشركة، يعني إذا أخذ يومين يطلعله إجازة 6 أيام، حركات :cool:

    وشكراً
     
جاري تحميل الصفحة...

مشاركة هذه الصفحة