الوعد بالشيشه..

الكاتب : العابر | المشاهدات : 557 | الردود : 10 | ‏9 ابريل 2008
  1. العابر

    العابر بـترولـي خـاص

    الصديق: ألو السلام عليكم

    العابر: وعليكم السلام ياهلا

    الصديق:العابر إشحالك وإشحال لإخوان عساهم طيبين

    العابر: بخير الله يسلمك طيبين وأنت إشحالك وإشحال الجماعه

    الصديق: ياخي وينك ماتبين ولا تدق تقول سيّر عسى ماشر فيك شي

    العابر: ماشر والله بس إنشغلنا شوي وأشغلتنا الدنيا أنت إشلون الدنيا فيك

    الصديق: والله الحمدالله على كل حال..أنت وينك

    العابر: أنا في البيت

    الصديق أوكي جايك هالحين

    العابر: يامرحبا والله ومسهلا الوعد بالشيشه

    الصديق: أفا وش إلي بالشيشه

    العابر: أنا وياك إنتواعد هناك بالشيشه إنطق السلوم وناخذ علوم بعض

    الصديق: والدوانيه وش فيها والدلال المباهير والتمره الصفريه والعود الأزرق وشبة الضو وينها صدق إنك ماتستحي تعزمني بالشيشه الشرهه على إلي بيجيك

    العابر الدوانيه كلها مشتاقه لك..والدلال والتمر والعود الأزرق..والتلفزون والستاره ماهو بس أنا حبيبي الدوانيه كلها مشتاقه لك!
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    كآآآآآآآآآآآآآآآآآآك


    يا عزااه رااحت الديوانية ورااح المخيم وبيلحقه الجاخور والأسطبل

    ومااعاد يبقاالك ألااا محوول الكهرباء :D
     
  3. العابر

    العابر بـترولـي خـاص

    والله الظاهر إن أخرتنا محول وصمونه وعصير سانكيست وزقاره لعيون المراجل
     
  4. اي والله راحت الدوانيه وراح كل شي والوعد بالشيشه ياجماعه هههههههههه
     
  5. العابر

    العابر بـترولـي خـاص

    خلها على الله ياشيخ
     
  6. حـ شمر ـزن

    حـ شمر ـزن بـترولـي جـديـد

    26
    0
    0
  7. العابر

    العابر بـترولـي خـاص

    إيه يحق لش تضحكين لاعندكم دواوين يالحريم ولاهم يحزنون شاي الضحى غصبن عالحكومه تشربونه مع بعض إنشالله فوق السطح أهم شي علوم الفريج تتناقلونها :)

    شاكر لش عالمرور الجميل
     
  8. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    ههههههههه

    الله يعوض عليك
     
  9. العابر

    العابر بـترولـي خـاص

    الله يجزاك خير

    لكن الخساره للجميع خلاص مافيه لاتواصل ولاهم يحزنون كل واحد طرق هالسياره بالهاشوارع يفتر لين يطق راسه ويرجع ينام
     
  10. Workers

    Workers إدارة المنتدى

    7,767
    30
    48
    ذكر
    الكويت
    مشكوور يالعابر علومك كلها زينة والشيشة يقولون فيها تعديات وراح يزيلونها يقصدون الجلسات خارج المحلات :)

    واذا درو ان الناس صارت تقعد في القهاوي حتى تراخيصها يمنعونها :)
     
  11. العابر

    العابر بـترولـي خـاص

    عزيزي والله ان كلامك يخوف كل شي تتوقعه هالأيام
    شاكر لك عالمرور

    وعلومك أطيب يالغالي
     
جاري تحميل الصفحة...
مواضيع مشابهة
  1. الشايب
    الردود:
    7
    المشاهدات:
    494

مشاركة هذه الصفحة