دمعة سجين

الكاتب : مزيون | المشاهدات : 268 | الردود : 2 | ‏9 ابريل 2008
  1. مزيون

    مزيون بـترولـي نشيط جدا

    328
    0
    0
    مكانيكي بالقلب
    في أي قلب طيب
    http://www.q8ow.com/up/download.php?filename=cccbcdddc0.mp3

    كلمات الأنشودة

    يابوي أنا جيت لك والنفس ندمانه ::: وفي القلب نارِ تشب وتشعل أشعالي
    ولدك تاه الطريق وكثرت احزانه::: وشرب المرارة وغيره يشرب الحالي

    رح خل ينفعك من طاوعت شيطانه ::: صاحبك راع الوفا اللي ماله أمثالي
    صديقك اللي يعدك ثالث أخوانه ::: وشلون خلالك وقت الضيق للصالي

    يابوي عطفك رميت الروح بأحضانه ::: ونثرت دمعة سجين شاف الأهوالي
    لا عاد تذكرلي الماضي وخلانه ::: راحوا وشفني وحيد جالس لحالي

    غرتك دنياك والايام خــوانه ::: رضيت في الصحبة الحسنه بالأنذالي
    وأغضبت ابوك وفضحته بين جيرانه ::: نزلت راسه وهو في مامضى عالي

    أنت السبب في الخطا وانا ادفع أثمانه ::: أهملتني وانشغلت بجمع الأموالي
    خليتني للهوى وإبليس وأعوانه ::: يلعب بي الجهل من جالِ ليا جالي

    أنا أجمع المال واتعب حيل من شانه ::: قرش على قرش وريالٍ على ريالي
    واشري لك اللي تبي من وسط دكانه ::: وتختار سيارتك لو سعرها غالي

    يابوي أنا جيت والعينين غرقانه ::: تايب على الذنب وأرجي رحمة الوالي
    السجن قطع فؤادي صمت جدرانه ::: وظلمى زواياه عنها موتي أشوى لي

    تعال ياروح ابوك ونبض وجدانه ::: لاعاد تشكي وتبكي يابعد حالي
    الذنب ذنبي وصار وشفت برهانه ::: وقررت أخلي الطمع وأهتم بعيالي

    استغفر الواحد المعبود سبحانه ::: ومن رفقة السوء أحذر كل الأجيالي
    وانا أوصي الاب من فضله واحسانه ::: لاتشغله عن عياله كثر الأعمالي

    سلامي للجميع
     
  2. كريستاله

    كريستاله بـترولـي خـاص

    1,358
    0
    0
    وايد حلوه هالقصيده


    استغفر الواحد المعبود سبحانه ::: ومن رفقة السوء أحذر كل الأجيالي
    وانا أوصي الاب من فضله واحسانه ::: لاتشغله عن عياله كثر الأعمالي

    والسبب الرئيسي في انحراف الاجيال

    ضعف الوازع الديني
    ورفقه السوء
    وانشغال الوالدين
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    تسلم يا المزيون
     
جاري تحميل الصفحة...

مشاركة هذه الصفحة