قانون المرضيات الجحف

الكاتب : قائمة_الجميع | المشاهدات : 1,392 | الردود : 19 | ‏8 ابريل 2008
  1. قائمة_الجميع

    قائمة_الجميع بـترولـي جـديـد

    8
    0
    0
    بفضل من الله عز وعلا استطاع أخوانكم بقائمة الجميع التدخل لدي المسؤلين بعد ان زاد تذمر العماله من قانون المرضيات الجديد والقاضي بعرض المرضيه الرابعه علي المدير التنفيذي وفي حال الرفض يعتبر غياب بدون عذر لقد قام اخوانكم بعمل اتصالات مكثفه حتى تم ايقاف هذا النظام هذا ونعاهدكم باننا الملاذ والحصن الحصين لاخواننا العمال في جميع نواحي الشركه مع تحيات قائمة الجميع
     
  2. الشيبة

    الشيبة بـترولـي نشيط جدا

    233
    0
    0
    إنتو من صجكم ولا قاعدين تغشمرون ... منو اللي قال لكم إن هذا النظام مجحف !!! لاتقعدون تسولنا سوالف ... موظف مايدوام وييب تقارير مزيفة شتبي تسويله الشركة يعني ... ليش التذمر بفهم أنا ... يعني إذا كان واحد ماشي سيده ليش يتذمر يعني ...

    بعدين هذا الشي منصوص عليه من ضمن سياسات الشركة ( إذا كنت ماطلعتو عليها) ... شنو يعني تبون تخالفون النظام ومصلحة الشركة على أبو ذاك اللي يبي يدوام على كيفه ويحضر على كيفه !!!!!

    وبعدين على أي أساس أنتو تقومون بإتصالات مكثفة على قولتكم ... منو أنتو ... وتمثلون منو ؟؟؟؟
     
  3. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    سؤال هل المدير التنفيذي عنده الخبرة الطبية الكافية بالحكم على مدى حالة الموظف الصحية اذا يستحق ولا لا
    على سبيل المثال انا عندي حساسية من الغبار " بعيد الشر عنكم " يعني الصيف هذا الله يكون بالعون عل الأقل طبية بالشهر و من يومين الى 3 ايام...هل راح يعطيني راحة ولا يقولي ورني عرض اكتافك وانت ما فيك الا العياره
     
  4. kjo

    kjo بـترولـي نشيط

    93
    0
    0
    الله يعطيكم العافيه قائمة الجميع اخوي الشيبه انت كله معصب شلون تظلم الناس انهم مزيفين يعني انت لو طحت مريض اكثر من ثلاث ايام ودخلت بالمرضيه الرابعه وتم رفضها من قبل المدير التنفيذي شنو راح تكون ردت فعلك اتقي الله في نفسك
     
  5. كويتي999

    كويتي999 بـترولـي نشيط

    137
    0
    0
    مشكورين ياقائمة الجميع بيض الله وجيهكم
     
  6. HaZzAa

    HaZzAa بـترولـي نشيط

    72
    0
    0
    K G O
    KuWaIt
    معانا موظفين كويتييـن .. ماخذين مسميات و درجات عالية ..

    و لا نشوفهم بالدوام..

    بحجة انهم مرضى!!

    طيب اطلع تقاعد طبــي ..

    مو راضي !!

    و اذا اطلبوا منه مرضيااات جاب لهم !!!

    فشنـو الحل معااااه ؟؟
     
  7. الشيبة

    الشيبة بـترولـي نشيط جدا

    233
    0
    0
    المدير التنفيذي ممكن أن يستعين باللجنة الطبية في طلب المشورة
     
  8. الشيبة

    الشيبة بـترولـي نشيط جدا

    233
    0
    0
    أنت كله معصب !!!!

    أبي أسئلك :

    إذا شفت إن في ناس قاعد تضارب بمصالحك على حساب تصفية حساباتها .. ما تعصب ؟

    إذا شفت إن في ناس قاعد تستخدمك أداة لضرب ناس آخرين ...ما تعصب ؟

    إذا شفت إن في ناس تعتقد إنك مغفل كفاية عشان تصدق إن هالشغلات اللي قاعد تسوى علشان سواد عيونك مو علشان تصفية حساباتها ... ما تعصب ؟

    وبعدين لو كنت مريض صج ماراح ترفض طبيتك إن شاء الله ... هالنظام علشان تحط حد حق المتلاعبين , وياكثرهم ..

    يعني أنا بفهم شظرك هالنظام إذا كنت إنت ماشي سيدا ... خير يا طير خله تروح حق المدير التنفيذي , وإذا كنت مريض صج , إن شاء الله تاخذ حقك .
     
  9. ابوحمد

    ابوحمد بـترولـي نشيط جدا

    224
    1
    18
    الملاذ لله وحده سبحانه ....

    يعطيكم العافيه وكثفو اتصالاتكم لخدمه الموظفين والله الله بالطبيات يالربع انفتح الباب بفضل الشباب
     
  10. جابر

    جابر قــلــم بــتــرولــي أعضاء الشرف

    القانون اللى نعرفه عن الطبيات : (الخفجى)
    إن لك حق ...طبياتك ومراجعات (المعالين) الطبيه ...لا تتجاوز 36 يوم ...فى أخر ثلاث سنوات والا قريدك يتعطل ....(معدل 12 يوم بالسنه) .(قانون من 2005)...و ..أى طبيه من ثلاثة أيام وأعلى ...تعرض على لجنه طبيه (قانون قديم جدا) ...والله أعلم :eek:
    أما الشغلات الثانيه ماعندى خبر فيها ...:confused:..
    إذا فيه شى جديد عن الطبيات ...ياليت أبو سعد والا أى واحد ثانى يقدر يحصل على هالقرارت يحطها فى المنتدى حتى نعرف شقاعد يصير .:eek:..
    وبعدين شدخل ال E.D ...طبيات وخرابيط .:(..هذا شغل اعلاقات اموظفين ومديرها والمستشفى ...الظاهر سوالف (المجادى)E.D.H الحالى ..(طبعا ]دائرة علاقات الموظفين تتبعله)....الله يفكنا من شره ..:mad:.
     
  11. جابر

    جابر قــلــم بــتــرولــي أعضاء الشرف

    للعلم : السياسات المعلنه بخصو ص المرضيات (فى الخفجى)هى كالتالى (الأرقام فى السنه):​
    • اول 60 يوم ....بأجر كامل
    • ال60 يوم التاليه ..بثلاثة أرباع الأجر
    • ال60 يوم الثالثه ..بنص الأجر
    • ال60 يوم الرابعه ..بدون أجر
    لكن طبعا هذا فى حالة منح الأوراق الطبيه والمستندات المقبوله ...بدون ذكر كيفية تأثيرها على درجتك أو منو اللى عنده حق يوافق أو يرفض ..​

    المعلومات من أوراق وزعتها دائرة علاقات الموظفين 2006
     
  12. الشيبة

    الشيبة بـترولـي نشيط جدا

    233
    0
    0
    أهلين جابر

    أول شي الأي دي ماله شغل , أهو قرار طلع من دائرة علاقات الموظفين بناء على نص من الإيه آر بولوسي .

    بعدين و للتصحيح

    اول 60 يوم ....بأجر كامل
    ال60 يوم التاليه ..بثلاثة أرباع الأجر
    ال20 يوم الثالثه ..بنص الأجر
    ال90 يوم الرابعه ..بدون أجر


    وتسلم وتعيش
     
  13. جابر

    جابر قــلــم بــتــرولــي أعضاء الشرف

    عشت على التصحيح ...الكبر شين :eek: ...
    لكن شلوون الشباب يقولون إن فيه تعديلات ...وإن المرضيه الرابعه تعرض على ED ..هل هذى جديده ..والا بعد كانت موجوده من ضمن ER POLICY
     
  14. الشيبة

    الشيبة بـترولـي نشيط جدا

    233
    0
    0
    مافي تعديلات ولا شي ... النص كان موجود من ضمن الإيه آر بولوسي بس مو مفعل
     
  15. جابر

    جابر قــلــم بــتــرولــي أعضاء الشرف

    علم ....وتسلم على التصحيح ...:)..يابخت المظلوم بالجنه :eek:
     
  16. M.A

    M.A بـترولـي نشيط

    84
    0
    0
    القانون اللى نعرفه عن الطبيات : (الخفجى)
    إن لك حق ...طبياتك ومراجعات (المعالين) الطبيه ...لا تتجاوز 36 يوم ...فى أخر ثلاث سنوات والا قريدك يتعطل ....(معدل 12 يوم بالسنه) .(قانون من 2005)...و ..أى طبيه من ثلاثة أيام وأعلى ...تعرض على لجنه طبيه (قانون قديم جدا) ...والله أعلم
    أما الشغلات الثانيه ماعندى خبر فيها .....
    تم تفعيل الفقره التي تنص على تحويل المرضيه الرابعه الى المدير التنفيذي حيث ان هذه الفقره موجوده بالاساس ولكن غير مفعله من قبل....
     
  17. نوبطشي

    نوبطشي بـترولـي نشيط

    68
    0
    0
    قول الحمد الله على الصحه والعافيه ولا تفترض سوء النيه في الاخرين واذا انت اداوم في الخفجي اتعرف ليش اللي ماشي سيده ليش يتذمر واللي يلعب بذيله ليش يلعب بذيله
     
  18. نقابي 7*

    نقابي 7* بـترولـي نشيط جدا

    227
    0
    0
    ايميل مدير العلاقات الصناعية

    هلا بحكيم نفط الخليج
    كل كلامك صح ولكن هناك ايميل بعث للمدراء وعمم على السكرتارية بهذا الشي وهذه المادة موجودة في سياسات شؤون الموظفين الفقرة 1-5 الخاصة بالاجازات وهي ما استند عليها مدير علاقات الموظفين ويمكن الاخ عايض العازمي بوسعد يفيدنا او يصحح معلوماتنا في اسرع وقت لانه يعمل في علاقات الموظفين )help desk)
    وللعلم يا اخوان بان هذا القرار يعتبر ضرر كبير على العمالة الكويتية في الخفجي وانا اوافق الاخ هزاع بالطرح
    .
     
  19. الشيبة

    الشيبة بـترولـي نشيط جدا

    233
    0
    0
    مرحبا نقابي

    أنا ماني فاهم وين الضرر ؟؟؟؟

    يعني إذا أنت دوامك أوكي ليش تخاف ؟؟
     
  20. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    يعطيكم العافيه يا قائمة الجميع على الجهود المبذوله وانشاء الله يوم حق النقابة الجديده بخصوص الكادر
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    928
  2. UNIONKGOC
    الردود:
    0
    المشاهدات:
    2,276
  3. المحرر النفطي
    الردود:
    2
    المشاهدات:
    1,516
  4. المحرر النفطي
    الردود:
    15
    المشاهدات:
    2,331
  5. المحرر النفطي
    الردود:
    73
    المشاهدات:
    4,792

مشاركة هذه الصفحة