ماندري وين نروح ؟

الكاتب : net1 | المشاهدات : 861 | الردود : 9 | ‏8 ابريل 2008
  1. net1

    net1 بـترولـي نشيط جدا

    229
    0
    16
    السلام عليكم ورحمه الله وبركاته

    احب اشكر ادراه المنتدى وجميع الاخوه الاعضاء على هل مواضيع الى يستفيد منها الجميع مابي اطول في الموضوع


    * انا ومعاي مجموعه من الشباب تونه متعينين في الشركه وفي عندنا مجموعه من الاستفسارات ماندري نروح حق منو يقدر يفيدنا فيها اتمنى من الاخوان الى يقدر يجاوب على بعض الاستفسارات ولا يقولنا نروح حق منو ؟؟؟


    1- بعد الدوره التدريبيه هل هناك عقد ثاني نوقعه للتثبيت وهل راح يتعدل الراتب ؟

    2- للاخوه الاداريين هل بعد الدوره في راح يوقعون عقد ثاني وهل راح تتعدل رواتبهم هل لهم بدلات لانه بصراحه رواتبهم تفشل خاصه الى على قريد 8 ؟:(

    3-هل احنا على نظام التعيين الجديد ولا القديم ؟

    4-الحاصلين على دبلوم فني معينين على قريد 9 والحاصلين على دبلوم ادراي على قريد 8 اما الجامعيين فني او ادراي نفس الشي !!!!؟؟؟

    5- الى عنده شاده خبره ودورات هل تفيده هل شهاده ووين يقدمها ؟

    6- مافي عندنا ملعومات واضحه عن مثلا خصومات السفرات النوادي الصحيه الحباره .....الخ ؟

    7-طبعا اغلب الى معانا توهم اول مره يشتغلون فا الكل متحمس للشغل وشاد حيله اتمنى انه يلقون الرد من الادراه لو اقسامهم الى تساعدهم وتدفعهم على هل الحماس يعني حرام ينصدمون ؟ (( انا متوقع هل الصدمه لاني مشتغل من قبل :) ))

    8- اغلب شهادات الدبلوم يفكر في تكلمت الدراسه والبعض يدرس ا هل لازم يبلغ الشركه ولا شنو يسوي بالظبط ؟؟ تنقبل شهادته ولا لا ؟ (( وانا سمعت انه في ورقه توقعها لما تبي تطلع اجازه دراسيه محتواها انك ما تطالب الشركه انه تعدل وضعك اول ما تحصل الشهاده تنطر القريدات وانت تكون لك الاولويه)) ؟؟

    @@ للعم انه بعض الشباب راحوو حق احد المسؤلين في الKOC سألوه عن الدوره الي احنا فيها بالحرف الواحد قال احنا مالنا شغل انتو الحين تبع الKPC راحو حق ال KPC المسؤال الى اهنا يقول لالا انتو الحين موظفين KOC !!!!! شسالفه احس انهم توهقو فينا بصراحه @@:eek:

    ** وفي اكثر بس نسيت نطروني باجر لما اقعد مع الشباب أكمل لكم **:)

    اتمنى منكم الافاده وانا اسف على الازعاج
     
  2. Mesk W 3nbar

    Mesk W 3nbar بـترولـي نشيط

    100
    0
    0
    انا الي اعرفة انكم كي او سي

    تحت اشراف ال kpc

    ومافي عقد ثاني

    يعني انت موظف كي او سي لاعديت مئة يوم حالك حال اي موظف ثاني

    بس تكون في دورة

    مثل الموظفين الي يروحون دورات تدريبة ويرجعون اقسامهم

    انت حالك حالهم

    والله اعلم
     
  3. NokiaCity

    NokiaCity بـترولـي نشيط جدا

    اخوي متاكد اللي عنده دبلوم إداري يتعين على قريد 8 ؟:confused:


    انا سامع الدبلوم يتعين على التاسعه بعد صار في فرق بين الاداري والفني ؟
     
  4. net1

    net1 بـترولـي نشيط جدا

    229
    0
    16
    أي متأكد 100% انه دبلوم ادري على قريد 8
     
  5. نشيط

    نشيط بـترولـي نشيط

    100
    0
    0
    اي والله جاان زين احد يجااوب على هالاسئله احنا محتااجييين اجاابه
     
  6. koc-marine

    koc-marine بـترولـي جـديـد

    11
    0
    1
    السلام عليكم
    اخوي بالنسبه لاستفسارك اقدر ارد على البعض حسب معرفتي :
    1 - بعد مرور 100 يوم من التعيين وانت منتضم في الدوام توقع على عقد تثبيت في الشركه و ماكو اي تعديل في الراتب الا اذا داومت في موقع يصرف فيه بدل خطر او بدل نوبه ..... الخ .
    2- بعد اجتياز دوره التدريب قدم شهاده الخبره للقسم اللي انت متعين فيه و انشالله يدخل في ملفك وتحصل على ترقيه .
    3 - بالنسبه للخصومات تقدر تسأل عنها في مبنى الموارد البشريه وانشالله يساعدونك .

    الله يوفقكم يا شباب و لا تستعيلون على رزقكم , فتره التدريب ممله شوي واذا توزعتو في مواقعكم بتحسون بالفرق
     
  7. المنصور

    المنصور بـترولـي خـاص أعضاء الشرف

    بالنسبة لإستفساراتك

    1- بعد الدورة التدريبية يوزعونكم لمواقع عملكم ، وبعد الـ 100 يوم يتم تثبيتك ويدزون لك كتاب التثبيت وراتبك مثل ماهو مايتغير.

    2- الاداري اللي شهادته دبلوم وماعنده خبرة يتعين على قريد 8 والفني وشهادته دبلوم يتعين على قريد 9 ، و بالنسبة للبدلات كل واحد ياخذ بدلات المكان اللي يداوم فيه وحسب طبيعة عمله ومافي عقد ثاني يتوقع عليه إلا اذا كان كتاب عرض (Offer Letter) يعني الموظف ياخذ درجة.

    3- انتوا على نظام التعيين الجديد ، لأن القديم ماكان في دورة.

    4- الجامعي الاداري يتعين على قريد 11 والجامعي الفني مثل المهندس يتعين على قريد 12 ، طبعًا ماعندهم خبرة.

    5- دوراتك تنحط بملفك الشخصي عند فريق العمل اللي راح تروح له وشهادة الخبرة راح تفيدك بحاله وحده واهي اذا كان مدة خدمتك طويلة يعني من 4 او 5 سنوات واكثر.

    6- الخصومات والعروض تنطبق عليكم واذا تبي تعرفها لازم تدخل على ايميلك بالشركة وتشوفها لأنها تندز أول بأول.

    7- بالنسبة لحماسكم فـهذا شي طيب واذا رحتوا اماكم عملكم لا تخلون الموظفين القديمين يحبطونكم.

    8- اللي يبي يكمل دراسته يقدر بس لازم ياخذ اجازة من رصيدة السنوي واللي يبي ياخذ اجازة امتحانات لازم يكمل سنتين بالشركة ولها شروط وانا ذكرتها بموضوع سابق (http://www.q8ow.com/vb/showthread.php?t=334&page=2) ، والورقه اللي انت ذكرتها راح تلقا توضيح عنها في ردودي (http://www.q8ow.com/vb/showthread.php?t=640&page=4).​


    اتمنى اني قديت ارد على اسئلتك وموفق خير
     
  8. العابر

    العابر بـترولـي خـاص

    حبيبي اذا جاك مجال لاتتخرج ياحلو التدريب
     
  9. net1

    net1 بـترولـي نشيط جدا

    229
    0
    16
    مشكورين يا شباب والله يعطيكم العافيه بس واحد من الشباب عنده خبره حوالي 6 سنوات في مكانين بوزراه وبقطاع خاص عنده شهاده خبره بس للاسف لما تعين دبلوم ادراي على قريد 8
     
  10. المنصور

    المنصور بـترولـي خـاص أعضاء الشرف

    في معلومه غايبه عن البعض

    واهي ان الشخص اذا عنده خبرة سابقه وقدم على إعلان نازل لحديثي التخرج.. ماراح يحسبون له خبرته

    اما اذا كان مقدم على اعلان للأشخاص ذوي الخبرة.. فـ راح يحسبون له خبرته




    ماعدى السهو والخطأ
     
جاري تحميل الصفحة...

مشاركة هذه الصفحة