شروط منتداي الخاص ... لوووووووول !!

الكاتب : كعبول | المشاهدات : 517 | الردود : 8 | ‏8 ابريل 2008
  1. كعبول

    كعبول بـترولـي نشيط جدا

    496
    0
    0
    السلام عليكم



    حبيت اعطي جو شوي بالمنتدى .. :p!!


    هذي اهي الشروط اللي را احطها في منتداي الخاص ..باذن الله ... :D!!!


    ---------------------------------------------------


    اسم المنتدى مممم ....

    يالله منتدى الفيل الرشيق .. !!



    شروط التسجيل :


    هذي اهي الشروط ... واللي موعاجبه بالطقاق يطقه .. وعندك عشرين الف طوفة طق راسك فيها ... اخاف احنا ميتيين عليك بس .. تكفه!

    واللي يبي يدش حياه الله .. فهمتوا ياللي ماعنكم شغل !


    1- شوف تكتب عن السياسة والدين .. مانبي .. تقعد تتفلسف وتسوى نفسك حكيم زمانك مع الوجه .. ماعندنا .. واللي يخالف ... راح اكسر كيبورده وكمبيوتره على راسه .. ومعاها رسائل تهديد بالخطف !!

    2- شوف كلام وصخ مانبي .. تبي تتطنز .. روح اطنز على كيفك .. بس من غير سب .. فاهمين ! واللي نمسكه يسب .. عقابه نقص لسانك و نقطع صبعين من ايدينك ! ترى مانلعب !

    3- اللي يسجل باسماء مخربطة ولا مخلة بالاداب ... هذا بنحطه بالدوانية عندنا و نجويه ونشخله شخال .. الين يقول اشهد ان الكابرس وحش !!


    4- مسموح لك تكتب 4 مواضيع .. ولا تقعد تتفلسف علينا وتسوي فيها انك عضو نشيط ومادري شنو ... فلسفة زايدة مانبي ... واللي يكتب اكثر من 4 ... راح انرجع عدد مشاركاته الى صفر .. ونحذف صورته الرمزية مع التوقيع ... ونكتب تحت اسمه انه ما استحي على وجهي وخالفت القانون .... ومعاها تفله .. اي بكيفي مو بكيفك مع الوجه تقول برتقاله خايسة!

    5- شوفوا انتوا اعضاء لكم بس انكم تكتبون ... والمراقبين راح احط ربعي .. ولا يكون اشوف واحد منكم يقدم شكوى .. واللي يخالف راح اقطه من فوق السطح لاعلى برج بالكويت ... لانه يقولك الكويتي انفع!!!

    6- اجباري ترسل كلمة السر لعضويتك وايميلاتك كلها حقي شخصيا... واذا ماتبي تعالي وانه اعلمك شلون ترفض !!

    7- اذا كشفنا انه اللي مسجل باسماء نسائية واهو رجال او اسماء رجاليه واهي بنت ... الرجال ينطق طق و بسوي وجهه كلمات متقاطعة صعب حلها .. والبنت نقولها عيب ياحلوة ... كيفي منتدا وانه حر!!!


    8- تبي تبوق مواضيع وتنقلها .. كيفك بالطقاق .. بس اذا جه صاحب الموضوع واشتكى عليك ... راح نكتب تحت عضويتك بايق موضوع ونصفر عداد مشاركاتك .. ونهدك للكلاب عندنا .. وممنوع تناقش .. مع الوجه بايق موضوع ويبي يتكلم بعد!!

    9- اجباري لازم تقط بدليات في كل مواضيعك وردودك .


    ها عجبتكم الشروط ؟ ..... بس الحين مافي تسجيل ! تبون دزولي رسالة على ايميلي اللي ماني قاله لكم .. !!!


    في واسطة ... !!!

    راح نخليك اتدش عضو بس بشرط ... !!

    تقول والله العظيم ان العضو كعبول في منتدى القطاع النفطي عمره مابدل ولا قط بدلية وعضو من احسن الاعضاء اللي مروا بحياتي كلها !!!



    موافق

    غير موافق (( اذا فيك خير بس قول مو موافق وشوف شراح نسوي فيك ))




    مبرووك (( واجباري تعزمنا على العشا في اغلى مطعم بالكويت .. والفاتورة كلها عليك ياحلو ))

    ==========================================



    شرايكم بالشروط الحلوة :D:D:D؟
     
  2. KOCiya

    KOCiya بـترولـي خـاص

    1,596
    0
    0
    تقول والله العظيم ان العضو كعبول في منتدى القطاع النفطي عمره مابدل ولا قط بدلية وعضو من احسن الاعضاء اللي مروا بحياتي كلها !!!
    .
    .
    لووووووووووووووووووووووووول:D
    والله يا كعبول انك مو صاحي :D
     
  3. بلبل عنقريزي

    بلبل عنقريزي بـترولـي خـاص

    2,187
    0
    0
    عن نفسي مستعد اعطيك مسدس فيه طلقه سامه واخليك ترميني براسي

    ولا اني احلف انك ماتبدل ولا قطيت بدليه

    انا اسف كعبول فأنت سبب اختلال اللغه العربيه بهالمنتدا

    تقبل كلماتي القاسيه بصدر رحب
     
  4. كعبول

    كعبول بـترولـي نشيط جدا

    496
    0
    0
    لوووووووووووووووول

    ليش يبه ؟

    بيييييه لهدرجة انه مشهور عندكم جذي وانه مادري !!!

    بعدين كلمة المنتدى تنكتب جذي " المنتدى " مو " المنتدا "..
    تدري كنت مدرس لغة عربية بالثانوية ايام الابتدائية .. !!!
     
  5. KOC08

    KOC08 بـترولـي نشيط جدا

    219
    0
    0
    كعبول مستحيل اسجل في منتدي انت لك يد فيه ...................................
    هههههههههههههههههههههههههههههه
     
  6. هههههههههههههههههههههههههههههههه


    انا مستعد اطق راسي بالطووفه ولا اني اسجل على هالشروط المعجزه :)
     
  7. كريستاله

    كريستاله بـترولـي خـاص

    1,358
    0
    0
    راح يكون منتدى من غير أعضاء
     
  8. العابر

    العابر بـترولـي خـاص

  9. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    ههههههههه

    الله يعطيك العافيه
     
جاري تحميل الصفحة...

مشاركة هذه الصفحة