الكويتية ماتـاخذ الا كويتي !!!!!

شكرااا علي الطرح

بالنسبة لي جواابي طبعااا ماني مؤيد لزواج البنت من الخاارج

أولاا الحفااظ علي النسل

ثاانياا عدم التزوييج لغريب ما ينعرف عاادااته من تقااليده


يعني مااهوو منطق بنت كويتية تتزوج واحد غريب
مافي وجهه مقاارنة بالعاادات والموااجيب

وعلي قولة المثل ---------- سكبة الثوب رقعته منه وفيه

والأقربوون أولي بالمعرووف

 

زيد اخو عبيد

نفس المعني

 

انا اشوفه عادي صراحه انها تتزوج من من مثلن السعوديه وقطر ..

ماشوف فيها مشكله دامها موافقه واللي بهالدول قبائل نفس العادات والتقاليد

 

الكويتيه غير فاهمتك تدري انته شنو تحب تسويلك نقرور مشوي
تبخر البيت وفيها من عادتنا وتقاليدنا الكويتيه من كل النواحي الاجتماعيه والثقافيه .......الخ

 

أشكرك كرستاله على الموضوع.
لنا تحفظااااااااااات وعاداااااات وتقااااااااااااااااليد مايصير أبد أبد
ممنوع منعا باتا أن تتزوج البنت مو من قبيلتها مو بس من كويتي أو خليجي.
اصلن نفسيا ماترتاحين أذا مو من قبيلتك شلون مو من الكويت.
وبيني وبينك أحسها أفضل.
كلامك نفس كلامه.
تقاليدك نفس تقاليده.
أفضل احساس أنك تقولين له تراك مني وفيني.

 

قبل كم سنه (( بالتسعينات )) كانوا الشباب الخليجي يتزوجون من الكويتيات بكثر ولاكن بشروط يكون ذو نسب اصل وفصل ويكون قريب من العادات والتقاليد واذا الله كاتب النصيب بيصير بس فى الفتره هذى تغير الحال
وصار للموضوع زاويه اخري ينظر بها الشاب الخليجي للبنت الكويتيه علشان جذى راح اركز على الزايه وعلى نظرة الخليجي للبنت الكويتيه
----------
انتى تتكلمين ان الكويتيات يرفضون الخليجي

وانا اشوف الخليجي يرفض البنت الكويتيه ولا يتقدم لها .... ولاسباب كثيره

اول الاسباب واهمها ... الافلام الكويتيه اللى تعرض فى جميع الفضائيات والمنتجين والممثلين ( حسبي الله عليهم ) قاعدين يعكسون صور بايخه عن الفتاه الكويتيه وهذا عكس انطباع سئ للشباب الخليجي عن البنت الكويتيه
واانا لمست هالشى من اصدقاء خليجين او محادثه مع شخص خليجي سواء شات او تعرفت عليه
تكثر اسألتهم واستفساراتهم هل فعلا هذى البنت الكويتيه

ثانيا .. الخليجي يبي بنت سنعه وربت منزل والكويتيات لا سنع ولا هم يحزنون بس ديكور
اذا طبخت طبخت لك بيض واكلتك معلبات

ثالثا .. ألــــخ



سلام

 

انا مؤيد جدا لكلامك خصوصا اني عندي تجربة خاصة بالزواج من كويتية, الصراحة مع احترامي للجميع الكويتية بالجيل الحالي لا تصلح لأن تكون زوجة وانا اتكلم ليس من منطلق اني لي تجربة خاصة فقط ولكن هم الربع عندهم نفس المشاكل, ونسبة الطلاق جدا مرتفعة 71% رقم خيالي هذا نسبة الطلاق بين الكويتيين عيل شلون لو الكويتية خذت من برة اتوقع نسبة الطلاق تصير 100%, وانا جدا أؤيد الزواج بغير كويتية ويفضل لبنانية أو سورية من العايشين بالكويت
ولكن لا ننسى ان في كويتيات ينحطون على الراس بس النسبة جدا أصبحت ضئيلة

 

النصيب هو الاساس في كل ماذكرتي اختي الفاضله

ولكن لنأخذ بالاسباب ...من وجهة نظري الخاصه طبعا

الكويتيه المتزوجه من غير كويتي اما ان

امها ليست كويتيه

كبيره بالعمر

ارمله

مطلقه


الكويتي المتزوج من غير كويتيه

نجده متزوج من كويتيه .....ولكن يريد التغيير ويتزوج من غير كويتيه

او تكون به اعاقه ( مع كل تقدير واحترام لهذه الفئه)

او امه غير كويتيه

او عنده فلوووس ويكون رجل شهواني للنساء ( وياكثرهم عندي بالدوام والاولي ماتدري مسكينه)

عن نفسي لا اقبل الزواج الا بكويتيه

وان تعذر الامر او النصيب اتزوج سعوديه فقط

بالنهايه لا اريد للبخور والعود الازرق ان ينقطع من غرفتي وبيتي

لكي كل الشكر والتقدير

 

حلات الثوب رقعته منه وفيه

 

مشكوره اخت كريستاله على مواضيعج الرائعه والمميزه بس

اتمنى انج ماتنسين ان احنا تربطنا عادات وتقاليد واعراف مانقدر تخلى عنها

 

تشكر كريستالة على المواضيع المتنوعة ،

أنا شخصيا أعرف حالات، كويتيات تزوجن من دول الخليج ، أكثر من يلاقي المصاعب هي الأم فهي تريد إبنتها بالقرب منها و

تفرح إن تزوجت من الكويتي و في نفس الوقت تقلق خوفا من قلة زياراتها لها بعد الزواج ، فما بالكم بالتي تتزوج من خارج الكويت ؟

و العادات و التقاليد أغلبها متقاربة في دول الخليج العربي

 

الكويتيه اذا تقدم لها خليجي رجل ذو دين و اخلاق و رضت فيه عليها بالعافية ما فيها شي يتزوجون و ما اعتقد هالشي يضايق احد و ان كان له بعض السلبيات منها حرمان ابنائها من بعض المميزات اللتي يحصل عليه الكويتي بالاضافة الى احتمال خروجها من الكويت و العيش في بلد الزوج .

 

قابلت كثير من الاخوه الخليجيين فى سفراتى بالخارج والكل كان يسأل عن المسلسلات الكويتيه وكأنها تعكس الطابع الكويتى والعادات والتقاليد الكويتيه بالنسبه لبنات الكويت

فكنت ارد واجاوبهم بأن 90% من الممثلات فى المسلسلات الكويتيه غير كويتيات وذا كانت كويتيه تكون امها اجنبيه وماخذه اطباعها.

وأكثر المنتجين والمخرجين يهمهم الفلوس فقط ما يهمهم اظهار الصورة الحقيقيه لاهل الكويت الطيبين اللى فيهم خير.

والله يحفظ الكويت واهلها من هالشاكله اللى شوهت صورة الكويت.

ودمتم.

 

بالنسبه لزواج الكويتيه من خليجي انا اتشوف مافيها باس طالما الطرفين راضيين وايضا مثل ماتفضل الاخوان ان العادات والتقاليد وحدة
بس المشكلة بنظرة الكويتيين حق غيرنا كل عبالنا احنا احسن ناس مافي مثلنا مادري ليش النرجسيه اللي فينا هذي.اوكي احنا زينين ونعم فينا بس ليش غيرنا موزين مادري اما بالنسبه حق اخوي عبدالحميد دشتي او اخوي حرف ان الكويتيه موسنعة صحيح ان كثير الكويتيات مثل ماتفضلت وان هذي الظاهرة لايمكن ان تغفل الا انك نسيت ان الكويتيين بعد ماشيلون مسؤليه كثير من الشباب وخاصة بو يتزوج من هني وشفط حق مرته من هني سفرات مع ربعه وسهر بالدواوين ولما الله يرزقه الله بيهال كمل التشفيط واهي اللي جابلهم بكل شي اهو الصراحة الكويتي شاطر بشغلة لاتنكر ان دفيع مايقصر مع عيالة بس اني اشيل مسؤليه اسمحلي فالمشكلة ماهي مشكلة كويتيه سنعة او كويتي مايتحمل المسؤليه المشكلة ان تربيتنا احنا الكويتيين نشات على الرفاهيه والبذخ من هني صرنا موسنعين والصج ينقال اذا تبون يا شباب الحق رغم ان الكويتيه مدلعة لكن لما تتزوج تكون مع زوجها احسن الاسوا في تحمل المسؤليه لانها طبعا صارت امام امر واقع الزوج مشفط واهي لزام جابل عيالها

 

آنا أقول عادي بس الكويتيه ماراح ترتاح ولا تقدر تعيش بره الكويت والكويتي إذا تزوج راح يظل هني وغير بعض المميزات

 

مشكوره اخت كريستاله على مواضيعج الرائعه والمميزه بس

اتمنى انج ماتنسين ان احنا تربطنا عادات وتقاليد واعراف مانقدر تخلى عنها