ولائك و ولائج حق منو ؟ الكويت؟؟؟

الكاتب : كريستاله | المشاهدات : 567 | الردود : 11 | ‏8 ابريل 2008
  1. كريستاله

    كريستاله بـترولـي خـاص

    1,358
    0
    0
    شلونكم .؟؟ شخبااااركم ؟؟


    طبعا كل كويتي وكويتيه راح يقول ولائي للكويت ...

    بس هل صج هالولاء موجود ... ولا بس حجي يمشي الحااال ... ؟؟؟؟

    شلون يكون ولائنا لوطنا ... ؟؟؟؟

    سواء اذا كنت كويتي... ولا اي جنسيه ثانيه ... ؟؟؟

    شنو اهو الولاء للوطن .. وشنو شروطه ...؟؟؟

    والاهم اشلون انعرف الي عنده ولاء للبلد من الي ماعنده ...؟؟؟؟

    انا اقولكم ...



    الولاء للوطن .. مو تمشي اب مسيره وتعلق علم ديرتك وشعارات .. ورقص ومصخره بالشوارع ...

    وترش على فلان رغوه وتتحرش اب بنات الناااس ... وتقول انا قاعد احتفل بالعيد الوطني لديرتي ..

    وبعد ماتخلص اتقط قوطي الرش بالشارع ... وتتعايز اتحطه اب كيس الزباله .. ( عزكم الله )

    الولاء للوطن .. مو اشوف غيري يسوي الغلط واسكت واقول مالي شغل ... وبعدين انا اسوي مثله واقول الكل يسوي جذي ...

    الولاء للوطن يكون باحترام اهل ديرتك ... وعدم النظر لهم نظره ادنى .. على ابو انك انت ولد فلان الفلاني ... وعندك خير ...

    الولاء للوطن ... مو اكون تاجر وابوق اب خير ديرتي عشان ارضي رغباتي الخاصه وبالطقاق البلد ..

    الولاء للوطن ... ما اقوم ارفع اسعار السلع الاساسيه .. وانا ادري انهالشعب على قد حاله ... بس الي يهمني اني اغتني .. اكثر وبالطقاق باجي الناااااس ...

    الولاء للوطن .. مو اكون وزير ولا شخص في منصب قيادي بالبلد ..واطنش بالقرارات الي ترفع عزه البلد ..وتطورها .. واصدر قرارات اتضر الديره بس عشان اراضي فئه معينه من الناس على حساب الشعب ...

    الولاء للوطن .. ما يكون بالبوق والنهب والسرقه بالمال العام .. وبالنهايه .. ارشي فلان وفلان عشان يسكتون على بوقاتي .. ويطنشون ...و تطمطم السالفه ...

    الولاء للوطن .. مو اكون عضو بالمجلس ... واضبط عيال عمي وعيال خالتي والعائله كلها على حساب قوانين البلد ... ومصالحها ...

    الولاء للوطن .. مو على اني ملتزم ابديني واقوم اقتل واذبح وافجر بالناس على ابو جهاد وبالنهايه ناس ابرياء يموتووووون ...

    هذيلي الي ماعندهم ولاء للوطن ... هذيلي الي لازم يتحاسبون ... لان ولائهم وخوفهم مو على البلد ...

    وطبعا ... كل الكلام الي قلته هذه مو لشي الا لاني ادري انه مع الاسف اكو هالنوعيه بالعالم كله ..

    مو بس بالكويت ... بس لازم كل واحد يبلش اب نفسه ويشوف وين صج ولاءه .. هل لديرته .. ولا لا ؟؟؟؟؟


    والسلام ختااااام ...
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    وعاش الوطن وعاش الأمير

    ------->> يغني النشيد الوطني

    شكراا علي الرووح الوطنية
     
  3. كريستاله

    كريستاله بـترولـي خـاص

    1,358
    0
    0
    غلطت في العنوان اشلون اعدله


    لازم يكون
    ولائك و ولائج حق منو ؟؟ .. الكويت ؟؟؟
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    أطرف مشرف أو مشرفة دزيله علي الخاص وبيغير عنوان الموضووع
     
  5. كريستاله

    كريستاله بـترولـي خـاص

    1,358
    0
    0
    شنو أطرف؟
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أطرف = أقرب

    في مراقب شابك ذلحين خليه يعدل عنوان الموضووع
     
  7. جابر

    جابر قــلــم بــتــرولــي أعضاء الشرف

    يعطيج العافيه ، مع كل هالشرح صعبتى ياكريستاله على الناس اللى تبى تضيف شى جديد..
    بس بتناوله من جهه ثانيه ...
    • الولاء موجود عند الكويتيين .كلهم ....المشكله ..إن الدرجه مالته (مو ثابته) أو مو أعلى شى ..
    • التاجر عنده ولاء ومايرضى على الكويت ...لكن إستثماراته بره ...ومستعد يتبرع للى برا ..والكويتيين لا ..يقول خل الحكومه هى اللى تدفع ..انا مو مسئول ..
    • الحزبى/القبلى/الطائفى ...عنده ولاء للكويت ...لكن يتقبل الأفكار (الكثيره) من هالجماعات ويثق فيهم ..أكثر من حكومته ...وبالتالى ممكن يسوى الغلط وهو يعتقد إنه صح
    • الفرد العادى يحب بلده ويموت فيها ...لكن لما يسوى الغلط ...يقول بينه وبين نفسه ..محد راح يتضرر ..عادى ...أو إنه يكون سلبى ويقول مالى شغل ...هذا شغل الحكومه ...
     
  8. العابر

    العابر بـترولـي خـاص

    ياليت هالناس تفهم
    إن الكويت أمنا جميع
    الله يتر عليها وعلينا ويحميها من شر الأعداء والحسد
     
  9. bdr

    bdr بـترولـي نشيط

    57
    0
    0
    يريت الكل يقرا هالكلام الزين ... يعطيج العافيه على هالحجي
     
  10. كريستاله

    كريستاله بـترولـي خـاص

    1,358
    0
    0
    اشكركم لتواجدكم بموضوعي
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    [​IMG]

    الكويت تريد من يعمل لها لا أن يهدم ما بناه الآخرون

    الكويت تريد منا مواطنين و قدوات يحتذى بها الآخرين لا امثلة للنيل من بلدنا الحبيب

    الكويت تريد منا أن نوئد الفتن و نشع الحب و السلام لا الفرقة و الخصام

    شكرا مرات و مرات يا كريستالة على المواضيع المنوعة الممتازة
     
  12. القحطاني

    القحطاني بـترولـي خـاص أعضاء الشرف

    4,717
    0
    0
    يسلمو على الحجي الحلو

    تسلمين كرستاله
     

مشاركة هذه الصفحة