رئيس نقابة نفط الكويت

السلام عليكم ورحمة الله وبركاته

اخي القدير ملح المقوع نشكر لك هذه المشاركه في حق اخوان ابو سعد
ونقوله بيض الله وجهك وعسى الله يعطيك العافيه ,, ومايقوم به من عمل ليس مستغرب على شخص مثله
قد يكون بعض الأخوان تمادا في النقد وقد قمنا بالتنبيه اكثر من مره ان يكون النقد في العمل وليس في الأشخاص
نتمنى ان يكون النقد مبني على اسس حتى يستفيد الجميع ,, كما انني متأكد ان الأخوان الذين تمادوا في النقد لا يقصدون الاستنقاص من قدر اخوانهم ولكن ربما لهم مطالبات لم تقم النقابه بتحقيقها او قصرت فيها وشي طبيعي ان يقصر البعض في عمله فنحن بشر في النهايه والكل يخطئ ,, نتمنى التوفيق لابو سعد كما نتمنى التوفيق لجميع الوقائم والمرشحين للأنتخابات القادمه

 

يا ملح المقوع

بيض الله وجهك

بيض الله وجهك

بيض الله وجهك

أن والله ما جيته في حاجة لي

ولا لغيري

لكن ابن الحلال سمعته واصله حتى داخل الديرة ..

وحقق انجاز نجاح اربع دورات متتالية وسوى سابقة في القطاع النفطي

وهذا ما تحقق إلا بسبب ثقة العاملين في أبو سعد


وعز الله يا ملح المقوع إنك كفيت و وفيت

وإنك ملح المنتدى بعد

تقبل مروري

أخوك

سمارت

 

الله يعطيك العافية يا ملح المقوع وماقصرة والبركة بالكل بس يا معود إذا كانت علاقتك قوية بالرئيس شوفلنا موضوع الأعما ل الشاقة لموظفين الغاز ترى هالموضوع متعبنا نفسيا و محد راضي يرد علينا ويعطين جواب يطمأنا بخصوص هذا الموضوع ، أتمنى اسمع منك رد مطمأن بأقرب وقت وشكرا مقدما .

 

ما يتكلم عن شخص بو سعد الا رجل متحامل ...

احنا انتكلم عن الوضع السيء بالنقابه واللى خله الناس تكرهها .. وحتى اعضائها اختلفوا و انشقوا عنها

يمكن بوسعد طاح بين المطرقه والسنادة وابتلش (بحكم انه محايد بين الاعضاء) لكنه يظل بوسعد ... رجل المواقف اذا احتجته

 

- اذا طعتنى-


اخذ نسخه من تواقيع ربعك اللى قدمتوها مع الشكوى بالنقابه ... واكتب شكوى جماعية ثانية حق تيم ليدر الغاز وارفق فيها تواقيع ربعك ... وراح يرسلها لتيم ليدر شئون العاملين اللى راح يحولها للعلاقات الصناعيه وتمشى امورك عدل وبسرعه لان هذا الطريق الرسمي الاساسي قبل طريق النقابة.

راح يردون عليكم بالفترة المحدده بالبروسيجر ... وراح يكتبون كتاب للتأمينات عن طريق العلاقات المحليه ويرسلونه لهم وتنحل المشكله.. هنى تبي متابعه مع التأمينات ..

وطبعا بنفس الوقت راح تصحى النقابة ويجونك ركض عشان اللمسات الاخيره والانجاز يتسجل لهم وراح يتابعون الكتاب بالتأمينات خصوصا ان المعتدله الحين تبى اى انجاز يرقع سالفة انهيار قواعدها .. والعماليه موجود رئيسها بالغاز معاكم ما راح يخلى هالانجاز يصير لهم ... اكيد انه راح يتحرك عشان يآخذ اللقمة من المعتدله.

عموما موضوع الاعمال الشاقه سهل بس يبى اللى يتابعه بين الادارة والتأمينات ...


انت طبعا ما همك ... المهم ان المشكله تنحل

 

عين العقل يا شباب


ومنور يا فوكس

حنا نشوف والله إن وضع النقابة ما هو سيئ

ولو إن ما يخلو أي عمل نقابي خصوصا في شركة كبيرة من نفط الكويت شيلحق النقابي عليه


وحنا شفنا نقابات سابقة كيف صار الوضع فيها لالالالالالالا يحتمل بتاتا

والله لا يعيد هذيك الايام

لكن نقابتنا الحالية صراحة ....... يا جبل ما يهزك ريح


ونتمنى منهم أيضا التطور أكثر


وبالتوفيق للجميع

تقبل مروري

سمارت

 

ونعم الرجل أبوسعد

ونعم الأخلاق

وراعي فزعه

من قبل أن يدخل العمل النقابي

عرفناه منذ زمن ولم يتغير

وعلي العموم ما فيه احد كامل بالدنيا

شكرا ملح المقوع علي الكلام الطيب عن زميل وأخ للجميع أبوسعد

 

و النعم و الله اب بو سعد


رجل إب معنى الكلمة و ما قصر و يانه


و الله يكثر من أمثاله​

 

يا جماعه ما نبى نلمع بشخص على حساب الاخرين
المهم هو الانجازات لصالح جميع موظفين الشركه وليس اشخاص معينه , يعنى الشفافيه مطلوبه من رئيس النقابه او اعضائها - نحن لا نعرف الا مقر النقابه ولسنا على استعداد لزياره اى ديوان و يجب ان نكون ملمين بانجازات النقابه وليس فقط ناس معينه تعرف وتاخذ المميزات وماذا عن الباقى شكاوى لا زالت معلقه بالنقابه لم يرد عليها احد لانها غير محسوبه على جماعه , مثلا ليش الى الان لم تعلن النقابه عن مصير الزياده نحن نعرف انها بالطريق ولكن كنقابه يجب ان يكون لديك موقف من حيث الاستفسار عن هذه الاجراءات ثم الاعلان عنها لاعضائك _

 

احنا لم نتكلم من فراغ واهل مكه ادرى لاكن لماذا التفرقه بين العاملين والمصالح الخاصه طغة في العمل النقابي التفرقه حصلت بتسكين الدرجات التفرقه حصلت في مستشفىالاحمدي بين العاملين ا لتفرقه حصلت بين اعضاء مجلس ادارتهم متى كانت النقابات تفرق بين العاملين ولمصلحة من الجواب معروف والمعنى في قلب الشاعر والله انكم على هذه الحال اسواء الى اسواء واحنا لم نتكلم من فراق العاملين هم ابخص مايدور على الساحه

 

وين تصير دوانية رئيس النقابة و وين يقعدون ؟؟

 

ما أفيد أحد يتلمع على حساب أحد

و الرجاء ثم الرجاء ... لا أحد يحتكر الغيرة والحمية له لحاله

نحن هنا

ولا أحد يزايد على حب القطاع ومصلحة العاملين


حنا نذكر ما واجهنا ... نذكر النقابة اللي كثير من الموظفين يذكرونها بخير


و الناس هذي ما تحتاج تلميع و لا غيره ..... هم اسماء لامعه في سماء القطاع (الله يالتعابير)


و لا يخلو أي عمل نقابي من أخطاء خصوصا في شركة مثل نفط الكويت ... كبيرة وأقسامها ومشاكلها واجد


والشكاوي ما يقدر أي مجلس راح او يجي أن يغطيها كلها .... واللي ما يعرف يقول حامض .. واللي وده يجرب ينزل


لكن العبرة برضا الأغلبية


والصناديق هي الفيصل


و أبو سعد له حق.... و كفو ويستاهل

و القطاع فيه الكثير من أمثال أبو سعد ... والطيب مو محكور على أحد


لكن أبو سعد أتيحت له الفرصة ....وبيض الوجه وزيادة



و نسمع الشركات الثانية تقول يا هنيكم فيه


وتقبل مروري

سمارت

 

قربت اصيدك يا سمارت ...

خمسين مشاركه واصف جنبك

 

ونعم في ابو سعد - بس انا أيدك في هاذي النقطه ووهذا سبب انتقاد الجميع في الشركه للنقابه

 

انا لا تربطني اي علاقه من قريب او بعيد برئيس النقابه وليس ممن اتيت لديوانه العامر ولست ممن يطرق ابواب المسئولين من قريب او بعيد وكذلك النقابه ولكن الشي بالشي يذكر صحيح بان الاخ بوسعد كما ذكر بعض الاخوان شهم وحميته طيبه وكريم وينفع الكل ولكنه ليس بنبي وليس هو بعيد عن دائرة النقد فاما ان تكون معي او انت ضدي فهذه والله مصيبة المصائب لكن ما دام ارتضى ان يكون راس للنقابه او رئيس لها فلن يسلم من الصداع عفوا من الانتقاد الايجابي كان او السلبي فنحن ببلد ديمقراطي ارتاينا الديمقراطيه لنا طريق فمثل ما اننا ننعم بحريتها يجب ان نستحمل لهيبها فارجو للاخ العزيز ابو سعد كل توفيق ولجميع الاخوان الاخرين في جميع القوائم وان يضعو نصب اعينهم مصالح العمال كل العمال والدوائر دون استثناء نصب اعينهم فالنقابه للجميع وليست لشخص او قبيله او عائله او طائفه دون اخرى وحفظ الله الجميع وعاشت الكويت حرة ابيه

 

يا جماعه ليش تزعلون لما شخص ينتقد


طالما اني انتقد عمل الشخص من خلال اداء الشخص بعمله مو باخلاقه


طالما ان دليهي وافق انه يكون رئيس النقابه اكيد هو عارف ان بيكون في نقد وفي مدح


لاننا بشر وارضاء الناس غايه لا تدرك


محد شكك باخلاق دليهي ولا تربيته ولا ذمته


انتقدو الناس طريقه عمله وهالشي من حق الكل


ولو احد يشوف انه ما قصر وعنده الف اثبات لهالشي

بيكون في شخص يشوفه مقصر وانه مستغل المنصب لمصالحه الشخصيه اكثر من مصالح العمال


اذا انت قريبه او صديقه او زميله


غيرك ما يعرف عنه الا انه رئيس للنقابه وان عليه واجبات مفروض يقوم فيها ويشوفه مقصر


يعني خلاصه الحجي احنا ننتقد رئيس النقابه على اداء النقابه

ما ننتقد دليهي

 

حسبنا الله ونعم الوكيل....!!!!!
الموضوع ما يحتاج لا تعليق ولا (تلميع) او (تجريح) اونقد...............
كفانا مزايدات على حساب انفسنا!!
كفانا( ضحك على ذقون!) الموظفين!!
كلنا عارفين الي صار لنقابتنا من انتكاسات اخيره (ويمدح السوق من ربح فيه).
ونسأل ان يوفق من كانت نيته خااااااااااالصه لله وللعمل النقابي ولمساعدة جميع الموظفين بلا تمييييز..........آآمين

 

حرك يالله حرك

العب يعييييييييييييييييييد


رئيس نقابتنا نار على علم


وصدق اللي قال


أزهد الناس في العالم أهله



لكن ..... الناس تعرف أبو سعد


ولا هو بحاجة ندافع عنه



سمعته تدافع