مساعدة السكن ووصولات الإيجار

الكاتب : RUSTY F | المشاهدات : 494 | الردود : 6 | ‏7 ابريل 2008
  1. RUSTY F

    RUSTY F بـترولـي نشيط

    58
    0
    0
    الرساله موجهه لقسم الإسكان والأخ العزيز عبد اللطيف الديحاني (بو بدر)
    أكيد إحنا سعداء بهالمساعده اللي تقدمها لنا الشركه ( ما نتحرمش ) لكن إجراءات صرفها تدوّخ .. أوكي آنا معاكم إن لازم كل سنه نجدد بياناتنا وهذا من حق الشركه على شان تعرف إللي يستاهل البدل واللي قاعد ياخذه بدون ذمه وضمير ويتحايل على القانون ويااااااااااااااااااا كثر اللي أعرفهم ياخذونه بدون إستحقاق ..
    المشكله في وصل الإيجار اللي شهريا لازم نروح نوصله لمكتب بو بدر في الإدراه (الشعيبه) .. إحنا أكيد نتشرف بشوفة بو بدر أخ عزيز وودنا دوم نشوفه لكن فيها مشقه علينا إنتوا تدرون صعدة الباص ونزلته بروحها (تغث) واذا كنت مداوم صبح تعال دور لك وقت ولازم واحد يغطي مكانك على شان تزرق للإداره وقصه حزينه مالها داعي واذا كنت بإجازه لازم تدور لك واحد مداوم تعطيه الوصل وإلخ ..
    المطلوب :
    إحنا ما نقول ما نبي نسلم الوصل شهريا لأن في ناس إقترحت نجمع وصولات سنه كامله ونقدمها لقسم الإسكان سنويا وبالتالي البدل يصرف تلقائيا كل شهر بدون عوار راس لكن هالشي مستحيل يصير وانا شبه متأكد منه ..
    إقتراحي إن قسم الإسكان يوزع صناديق واحد في الإداره .. واحد في إدارة المواد .. واحد عند الربع في الإطفاء والأمن .. واحد بغرفة التحكم A .. وواحد بغرفة التحكم B .. ويحددون تاريخ إستلام الوصولات من الصندوق بتاريخ معين بحيث اللي يتأخر وما يحط وصله بالصندوق يتحمل ويروح يسلمه حق بو بدر شخصيا .. أعتقد الإقتراح مو صعب و بو بدر قدها و وقدود والعمال والمراسلين يا كثرهم بالشركه كل اللي على قسم الإسكان إنه يدز مراسل يجمع الوصولات من الصناديق بتاريخ معين وكان الله غفورا رحيما .. والا إشرايكم يالرفاقه ؟؟
     
  2. عنتر بن شداد

    عنتر بن شداد بـترولـي جـديـد

    22
    0
    0
    فيه نظام شبك ألى بين الدوائر يقدرون يشبكون ويا الدائره او الوزاره اللى يبون ويفكونا و بدون عوار الراس والاستأذان من العلل واقصد المسؤلين
     
  3. ANACONDA

    ANACONDA بـترولـي مميز

    687
    0
    0
    للحين احنا عالوصولات = اعتقد فى تكنولوجيا وربط الحين مع وزارات الدوله ويقدر الواحد ايعرف كل اللى يبيه بموجب الصلاحيات الممنوحه له = او يمكن ارسال الوصل عن طريق الفاكس او جعله كل 3 اشهر مره ؟
     
  4. بايب رينش

    بايب رينش بـترولـي نشيط جدا

    180
    0
    0
    ياجماعه انا مشكلتي تختلف عنكم

    انا وصل ايجاري يروح ولكن ماينزل الا بالاتصال

    ليش الله اعلم

    ودمتم
     
  5. RUSTY F

    RUSTY F بـترولـي نشيط

    58
    0
    0
    الظاهر إنت مقرود وصولاتك توصل والبدل ما يوصل لك وما عندك ملاح وحالتك كسيفه يبيلك فورمات .. عالعموم لا تزعل ترى أتغشمر والله والا إنت أخو عزيز وغالي والله ودامك بايب رينش أكيد قريب علي وبالتشغيل
     
  6. المتمكن

    المتمكن بـترولـي خـاص أعضاء الشرف

    1,350
    0
    0
    والله اقتراحك جيد


    وتشكر عليه
     
  7. Workers

    Workers إدارة المنتدى

    7,767
    30
    48
    ذكر
    الكويت

    مشرفنا الغالي اي اقتراح تقصد ؟



    وانا اقترح التحديث السنوي المعتاد لانة يثبت حقك وتستحق بدل ايجار وهو مره واحدة بالسنة


    وبالنسبة للايصالات مالها سنع غير دوخة الرأس واذا الاخوان يبون يطالبون بخصوص موضوع الايصالات يطالبون بالغاءه او

    على الاقل كل 6 شهور هذا من وجهة نظري

    وتقبلو تحياتي
     
جاري تحميل الصفحة...

مشاركة هذه الصفحة