نبي نشغل الملاح في بيوتنا !!

الكاتب : RUSTY F | المشاهدات : 868 | الردود : 9 | ‏7 ابريل 2008
  1. RUSTY F

    RUSTY F بـترولـي نشيط

    58
    0
    0
    مادري في أحد راح يقرا هالموضوع والا لأ من الناس المعنيين بس عالعموم حجوه تقرقع في قلبي ولازم أقولها وسبقوني الشباب بطرح هذا الموضوع لكن حبيت أثيره مره ثانيه و (أحن = حنّه = حنّان ---, للتوضيح) ليش ما نفتح الملاح عندنا في البيت ؟؟ شالسالفه بتخترعون الذره إذا فتحناه عندنا في البيت ؟ والا خايفين على الأمن القومي ؟؟ والا شنو بالضبط ؟؟ كل واحد له إسم مستخدم وباسوورد خاص فيه شالمشكله !!
    شي غريب .. والشي الأغرب إن محد معبرنا !! والشي الأغرب إن النقايه ما عمرها سعت في هالأمور سواءا القائمه السابقه أو القائمه الحاليه (عاد آنا شاد الظهر فيكم ومتعشم خير لا تقصون ويهي)
    همّتكم يا شباب معانا حلوا هالمشكله الواحد يبي يعرف شله وشعليه مو حاله هذي الواحد إذا كان بيوم راحته والا بإجازه طويله يبي يشوف أوضاعه ما يقدر لازم يشرف الشعيبه والا الصباحيه على شان يفتح الملاح !! شوفوا لنا صرفه
    ترى أزعل <----- أي شي
    وانا إذا زعلت ما أسوي شي أوكي ؟ <---------- مليق
     
  2. عنتر بن شداد

    عنتر بن شداد بـترولـي جـديـد

    22
    0
    0
    الله يعطيك العافيه كلامك مضبوط ولكن لا حياة لمن تنادى كانك تطر منهم الشركات الثانيه بدات بعدنا وطافتنا واحنا عندنا القسم الجمهورى يتحكم فينا ولا يتطور بس شاطرين بالايميلات الى يطرشونها يعنى فاهمين ويكشخون بالبدلات وبالدورات اللى ينظمونها واهم ولا شى يالنسبه للشركات الاخرى
     
  3. بايب رينش

    بايب رينش بـترولـي نشيط جدا

    180
    0
    0
    مانبي ملاح !!

    تدري ليش لان اغلبنا ياقسم التشغيل ماعندهم ملاح !!

    يعني احنا عايشين بدونه

    لكن مطلبك حلو وشد الظهر بالنقابه الله يسهل عليهم لان المطالبات والمتطلبات كثيره

    والله يعينهم
     
  4. RUSTY F

    RUSTY F بـترولـي نشيط

    58
    0
    0
    لا يا بايب رينش ما يصير ما عندك ملاح كسرت خاطري بغيت أبجي يوم قريت الرد !! شلون ما عندك ؟ إنت طلبت من قسم ال IT والا لأ ؟؟ إذا ما طلبت دق على العسعوسي في الصباحيه يضبط لك إياه رقم مكتبه 3211615
     
  5. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    يعني شنو ملاح ؟؟؟؟!!!!

    لا اتغشمر اعرفه بس اهو مايعرفني ....

    المشكله مو بالحصول علي الملاح ....

    المشكله باستخدام الملاح ...

    لان علشان تدخل علي الملاح تحتاج جهاز بالشركه .وعلي سيرفر الشركه ...

    وانا والكثير معاي بالتشغيل مانملك هالمقومات لاستخدام الملاح .....

    الا نروح الكنترول روم ....

    وعندها قدم طلب للحصول علي الدور في استخدام احد الاجهزه ....

    الا اذا ضبنا احد باليوريا وخلونا ندخل بجهازهم .....

    معانااة ....

    خلنا نقدر نستخدمه بالدوام بالاول ....!!!!!

    علشان نطلب استخدامه في البيت

    ومشكور علي هالموضوع
     
  6. Workers

    Workers إدارة المنتدى

    7,767
    30
    48
    ذكر
    الكويت


    اشكر صاحب الموضوع

    بوحمد بصراحة انت والاخوان اللي مايجدون فرصة في استخدام الملاح اكثر ناس محتاجة لخدمة الملاح خارج

    الشركة اذا داخل الشركة مو قادرين وخارج الشركة ماتوجد الخدمة

    يعني راحت عليكم خدمات الملاح .. مايصير.. اخوي بو حمد خدمات الملاح خدمات قيمة جدا سأذكر بعضها

    تفصيل الراتب حتى قبل سنوات

    تفصيل ختم الكرت داخل وخارج

    معرفة تقاريرك السنوية من دخولك الشركة حتى هذه اللحظة

    اذا كان عندك خدمة قديمة قبل الشركة تجدها بالملاح

    اذا عندك انذارات لاسمح الله تجدها ايضا

    فتح ايميلك عن طريق الملاح
    الايف لنك كذلك

    اذا كنت مسؤول تكتب التقارير عن طريقه


    واشياء كثيرة ومن رأيي يابو حمد المطالبة بشدة او على الاقل يخلون لكم غرفة فيها اجهزه

    والمطالبة باستخدامة بالبيت افضل حل

    وتقبل تحياتي
     
  7. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    ياهلا بالزميل ...

    اي والله راحت علينا هالخدمه من قلب ....

    وبناءا علي طلبك بخصوص البدء في المطالبه ابشرك رحت لناظرنا وكلمته بخصوص هالمطلب اللي نفتقده في عملنا وكذلك الزملاء اللي ماعندهم هالخدمه ووعدني انه راح يطلب من قسم الا اي تي تزويدنا بهالخدمه ...\ وفعلا كلمهم امامي وسألهم عن امكانيه تزويد مقار عملنا بهالخدمه وقالو له انت اطلب وحنا نفذ وبصراحه الناظر (مساعد النبهان ) ماقصر وتفهم لهالمطلب المهم وعمل اتصاله ...واللي بصراحه يستحق الشكر علي سرعة استجابته لطلبنا

    والله يقدم اللي فيه الخير ....

    وشاكر لك نصيحتك واهتمامك
     
  8. دبليو دي 40

    دبليو دي 40 بـترولـي نشيط

    144
    0
    0
    ان شاء الله كل شي بيصير بس شوي شوي لأن السرعة مو زينه !انا قلتلك سالفة السرعة مو زينه؟
     
  9. Workers

    Workers إدارة المنتدى

    7,767
    30
    48
    ذكر
    الكويت

    الله يجزاك خير يابو حمد تفعاعلك واجتهادك بمطالبة حق لكم تشكر عليه والاخ الفاضل ابو يوسف ماقصر جزاه الله خير

    وتراه يحب المشاركة في موضوع PIC's Knowledge Base الموجود في الملاح :) لاتقصرون معه


    وتقبل تحياتي
     
  10. بايب رينش

    بايب رينش بـترولـي نشيط جدا

    180
    0
    0
    نشكرك يابوحمد

    ونثني بالشكر للسيد مساعد النبهان

    بس ياريت طالبت لكل المصانع علشان يحوشنا نصيب من الملاح

    ودمتم
     
جاري تحميل الصفحة...

مشاركة هذه الصفحة