رجل امن محبط؟؟؟؟؟

للأسف اخوي هذه سياسة الشركة

ان اللي خدمته فوق ال15 سنة بنظرهم انه المفروض تريحه ما تخليه يشتغل واذا اشتغل ما تحاسبه واذا غلط أيضا ما تحاسبه

عقلية متدنيه شنو تسوي

طبعا أقصد 5% اللى تكلم عنهم الأخ

 

الله يعينكم يا رجال الأمن وعساكم عالقوه والله يخفف عليكم من هالأشكال الواحد فيهم يعامل الناس كأنه شركة أبوه

بس عندي اقتراحين:-

1- ليش ما اتحطون كاميرا أو رادار ويكون دليل لكم (كلامي جد مو غشمرة في شركة امسويه جذيه بالكويت لا ويخالفون الموظفين بنظام النقاط تأثر على تقييمه)

2- أقترح عند بوابات Refinaries و Head Office يحطون أعلانات للوائح الأمنية عليها توقيع الchairman

وإلي ما عاجبه ردكم قولوله أقر

 

طارح الموضوع الظاهر انك ابقراطيسك وتوك على هالسوالف = اذا كانت البدايه احباط عندك عيل بعد عشر وعشرين اشراح اتقول == عالعموم الله ايعينكم ويوفقكم

 

اذا رد عليك بكلمه رد عليه بعشر

هالناس ما تحترم عشان جذي لا تحترمه وهينه .... وفتشه من تليفون وولاعه وكل شي
وربي احرقه لك لو كان عندي

اتمنى واحد جذي ... يقولي انا قديم وربي اتمناها منيه

 

شوي شوي يا أخوي

ترا هذول أخوانك وأنت ما ترضى أن أحد يغلط على أخوك الكبير حتى لو كان غلطان يفترض فيك تنصحه

وبعدين أنت ما تقدر تحكم على الأمور من كلام طرف واحد

يمكن الأخ المسرع كان عنده مشكلة كبيرة بوحدته أو أحد العمال متعور أو أمر من هذي الأمور

وبعدين الأخ مال الأمن تصرفة قمة في الحضارة , الريال راح كلم مسؤولة وعمل الاجراء المناسب

بسسسسسسسسسسسسسسسسسسسسسس

والى موظف الأمن

ترى الأمور سهالات ولا يضيق خلقك

ياما راح تشوف ويمر عليك أكثر من هالأمور

 

كلامك اخوي صح ...
اذا كان الشخص مؤدب هذيج الساعه احطه بعيوني والله العظيم
بس اكو ناس كل كلمه وثانيه انا قديم وانا يعرفوني الناس ... شكو امانه شكو

عالعموم اذا احترمك الشخص احترمه واذا اهانك هينه ...

عالعموم مشكورين عالرد

 

يمكن الأخ المسرع كان عنده مشكلة كبيرة بوحدته أو أحد العمال متعور أو أمر من هذي الأمور

وبعدين الأخ مال الأمن تصرفة قمة في الحضارة , الريال راح كلم مسؤولة وعمل الاجراء المناسب
ولا تلومه ترى الاوبريشن يهمه الوقت عشان يرجع الوحده للوضع الطبيعي
وترى انت سويت اللي عليك وعادي لا زم تقبل اي شيء لان الناس مختلفه

 

يا اخي طبق القانون اللى تقول عنه عليك وعلى ربعك سكيورتي .والله العظيم يا عليكم سرعه مثل الفشقه ومثل سرعة الفورميللا على الطريق المؤدى لبوابه البحر فى مصفاة ميناء عبدالله يوميا على هالحال ,لكن صابرين عليكم لين تكبرون

 

انا راح اتكلم معاك بكل صراحه وبدون زعل ومن خبر امتدت لحوالي 22 سنه في الامن وتدرجة بالوظائف رجل امن - رجل امن اول - موجه امن - وحاليا ضابط امن انتو تدربتوا احسن تدريب ولكن لما نزلتوا الي الواقع وجدتوه مختلف عما درستوه خلال السنه والنصف والسبب ان المحاظرين اجانب ويتحدثون بمبدا النظام الصارم المهم مو ناقصكم الا الرعايه والمتابعه من ضباطكم وتوجيهكم وناقصكم ايضا دوره في فن التعامل مع الاخرين لان الموظفين لهم مشاكلهم هذا جاي الدوام متنرفز من شغله زافته مرته متهاوش مع اح فيجب علي رجل الامن ان يكون مبتسم في جميع الاحوال ومهما وصل الامر لا تشد ولاتعصب اخذ الامور بكل هدوء واكتب تقرير واختمه مطالبا بالتحقيق معه ولنا وقفه اخري حيث ان صلاة العصر قربت

 

اقول بوجويس!!!!!!!!!!!!!!!!!!!!!!!!!!

اكرب على اللي مايطبق القانون كرب البعير الاجربي

ويعطيك العافيه

 

هذا والله كلام انسان فاهم وعارف شغلة

ويا ريت الكل يكون مثلك يا طويل العمر

والله يعطيك العافية

 

سؤال دخلت احد المجمعات سواء حكوميه او تجاريه وعند المدخل وجدت في كل زاويه رجل امن وانت تبي تسال عن شي واحد منهم مكشر وعاقد النونه والثاني بشوش ومبتسم تذهب لمن ؟