بنات الطيب

الكاتب : غيوم | المشاهدات : 1,317 | الردود : 31 | ‏7 ابريل 2008
  1. غيوم

    غيوم بـترولـي خـاص أعضاء الشرف

    7,298
    1
    0
    إن بغيت الطيب فيهـا طيـب مـا مثلـه مثيـل
    وإن بغيت الحسن ربي صاغها بـأروع جمـال
    وإن بغيت الجود فيها الجود من عـرقٍ أصيـل
    هذي (بنت كويت ) بنـتٍ تضاهـا بالرجـال
    ما تعرف اليأس أو قولة (بعيد )أو مستحيل
    ما تلاقـي عندهـا تعريـف للكلمـه محـال
    الصبوره .القنوعه .ترضى بالشـي القليـل
    لوما أخشى من الملامـه كنـت ألبسهـا عقـال
    الرقيقـه الحنونـه راعيـة بـالٍ طويـل
    الكريمه العظيمـه مـا تقصّـر بالوصـال
    بنت أبوها تخدمـه بعيونهـا لـو هـو عليـل
    وأمها تفخر بهـا وتدعـي لهـا بولـد الحـلال
    أي وربـي لبنت كويت انـا مارضـى بـديـل
    يا بعدهم يالرطب ياللـي كسـر سـوق الخـلال
    يالجميله يالأصيله جيت لك مثـل الذليـل
    يطلـب القـرب بوصالـك جننـه زود الـدلال
    يالحشيمه يالرحيمـه يـا وفيـه بالخليـل
    زان طبعك من جـدودك ثـم عمامـك والخـوال
    من يلوم اللي غدى مـن نظـره بعينـك قتيـل
    لو يحـاول أو يقـاوم مالـه بموتـه مجـال
    إن حضرتي تشعلين الحفـل بالخصـر النحيـل
    تبهريـن الحفـل وانتـي تصبحيـن الإحتفـال
    من يشوفك غصب عنـه قلبـه المغـرم يميـل
    مو بكيفه وين ما رحتـي معـاك القلـب مـال
    إنتي نهرٍ مـا يجـف مـن العطـا يالسلسبيـل
    وإنتي في دينا الهوى وطبع الوفـا أروع مثـال
    إنتي أختي وإنتي أمـي وكـل إحسـاسٍ جميـل
    وإنتي العشق الحقيقـي وزوجتـي وأم العيـال
    لو ألـف الكـون كلـه مـا ألاقـي لـك قبيـل
    إنتي وحدك لا يهمك من حكـى فيكـم وقـال
    إنتي مثل النجمه اللـي تضـوي الليـل الكحيـل
    وإن يطال سهيل فانتي النجمه اللي ما تطـال
     
  2. العابر

    العابر بـترولـي خـاص

    الله عليك كلام جميل ونقل أجمل
    يسلمو عالإختيار الطيب

    وإسمحلي عالمرور
     
  3. الجوهرة

    الجوهرة بـترولـي خـاص أعضاء الشرف

    3,136
    1
    0
    [​IMG]
    يسلمووووو حبيبتي
    ^^غيوووووم^^

    رووووعه من انسانه ارووع

    لاخلا ولاعدم يا الغاليه

    تحياتي لك..
     
  4. غيوم

    غيوم بـترولـي خـاص أعضاء الشرف

    7,298
    1
    0

    الله يسلمك من كل شر

    حياك الله يا خوي
     
  5. غيوم

    غيوم بـترولـي خـاص أعضاء الشرف

    7,298
    1
    0
    الله يسلمج حبيبة قلبي

    أشكرج علي مرورج الحلو

    تحياتي لج
     
  6. OK__6

    OK__6 بـترولـي نشيط جدا

    303
    0
    0
    كلام طيب وكلام اطيب

    شكرا ع الموضوع
     
  7. غيوم

    غيوم بـترولـي خـاص أعضاء الشرف

    7,298
    1
    0
    العفو يا خوي

    حياك الله
     
  8. الفيصل

    الفيصل بـترولـي خـاص أعضاء الشرف

    الله يعطيج العافيـــه


    على هذه الابيات


    تسلميــــــــــــــن
     
  9. Blue angel

    Blue angel بـترولـي خـاص



    واااااااااااو روعه الكلمات ، يعطيج العافيه ، اسمحيلي اهنيج و اقدملج اوسكار

    [​IMG]
     
  10. كريستاله

    كريستاله بـترولـي خـاص

    1,358
    0
    0
    الصبوره .القنوعه .ترضى بالشـي القليـل
    لوما أخشى من الملامـه كنـت ألبسهـا عقـال


    الشعر رائع بس هالبيتين مو لايقين عالبنت الكويتيه
     
  11. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    لا و الله في بنات يرضون بالقليل و ينحطون على الجرح يبرى لكن المشكله بالجمال ..... عندي بيتين ينطبقون على معظم بنات الديرة ...

    هي طيبة هي صبوره هي حنونه لكنها بينية ما فيها جمال
    هي سمينه هي قصيرة هي دميمة ما اقول الا ربي سبحانه له وحده الكمال


    انا وين و الشعر وين و يا بنات ترى هالبيتين غشمره هااااا لحد يزعل .
     
  12. كريستاله

    كريستاله بـترولـي خـاص

    1,358
    0
    0


    مالومك تحكم على بنات الكويت انهم جكر

    من اللي انشوفه بالمجمعات اغلب اللي موجودين مو حلوين ومهولين باشكالهم


    بس في وايد حلوين محد شايفهم
     
  13. غيوم

    غيوم بـترولـي خـاص أعضاء الشرف

    7,298
    1
    0


    الله يعافيك و يسلمك من كل شر يا خوي

    حياك الله
     
  14. غيوم

    غيوم بـترولـي خـاص أعضاء الشرف

    7,298
    1
    0

    الله يعافيج يا قلبي

    مشكورة علي الأوسكار بصراحة احرجتيني ;)

    تحياتي لج
     
  15. غيوم

    غيوم بـترولـي خـاص أعضاء الشرف

    7,298
    1
    0
    هلا و غلا فيج حبوبة

    ليش هالبيتين مو لايقين علي البنت الكويتية .. بالعكس في بنات قنوعات و صابرات يعني أصابعج كل مو سواي

    و أثبتت البنت الكويتية أنها أخت الرجال أيام الغزو .. و لا نسيني مواقفها


    تحياتي لج
     
  16. غيوم

    غيوم بـترولـي خـاص أعضاء الشرف

    7,298
    1
    0
    حياك الله اخوي و مشكور علي هالبيتين

    الجمال جمال الاخلاق و الروح أدري بتقول هالحجي مأخوذ خيره ... بس خلنا انكون واقعين

    وايد حلوين بس وين الاخلاق و ين العقل الي فيهم أهم شي عندهم أشلون يبنون جمالهم

    و مثل ما قالت أختي كريستاله في بنات كويتيات جميلات بس محافظات علي هالجمال يعني مو لازم تبينا حق الي يسوي و ألي ما يسوي


    تحياتي
     
  17. حرف

    حرف بـترولـي خـاص

    1,776
    0
    0

    س تعبت
    بس طبعا انا اخص مااعم بالموضوع


    ومشكوره غيوم على هالموضوع
     
  18. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    بنت الكويت غلاها و مكانتها من مكانة و غلاة الديرة و كل ما كانت جميلة بروحها ، أخلاقها ، دينها ، ثقافتها كلما كانت أغلى و أغلى

    و شكرا يا بنت الكويت غيوم المنتدى
     
  19. Workers

    Workers إدارة المنتدى

    7,767
    30
    48
    ذكر
    الكويت
    مواصفات تمام التمام

    [​IMG] [​IMG]
     
  20. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    العفو ... انا ذكرت انه في بنات ينحطون على الجرح يبرى و اقصد اللي يملكون الاخلاق العالية زائد المعامله و الاطباع الحلوه لكن هذا ما يتعارض مع كلامي انه جمال الشكل محدود و قله الكويتيات اللي يتميزون بالجمال خاصة لو قارنه بينهم و بين بنات الشام لحد يزعل الصج ينقال ... اما سالفة في حلوات بس محافظين على جمالهم اي ندري في بس قلة و أغلب الاحيان تكون مغروره لانها عارفة مستوى الجمال بالكويت .
     
جاري تحميل الصفحة...

مشاركة هذه الصفحة