ملابس الشركه القبيحه

الكاتب : RUSTY F | المشاهدات : 631 | الردود : 8 | ‏7 ابريل 2008
  1. RUSTY F

    RUSTY F بـترولـي نشيط

    58
    0
    0
    صبحكم الله بالخير ..
    اليوم صارلي موقف بايخ تكرر معاي كذا مره اللي إهو وانا أصب بنزين بسيارتي والا واحد يدق لي هرن يبيني أعبي له !!
    مو هذا موضوعنا ..
    موضوعنا سياسة إختيار الملابس اللي تفشل والتعليقات المكتوبه عليها والتعذيب النفسي والجسدي اللي يصير لنا كل سنه وقت إستلام الملابس ..
    أبي أعرف منشان الله (على قولة الربع) منو اللي قاعد يختار ملابس الشركه ؟؟ منتوا ملاحظين إن ملابسنا خاست علينا صار لها جم سنه ما تغيرت ؟؟ حتى نادي الساحل والفحيحيل يغيرون شكل ملابسهم كل موسم إلا شركتنا مادري إشسالفتها .. الملابس لونها إييب المرض وشعار الشركه مثبت عليها بطريقه غبيه وبدائيه حتى مو مطرّز عليه تطريز حاله حال الشركات الثانيه وطبعا البلسوت مافيه شي يذكر غير المخابي المشرعه اللي ما تقدر تحط فيها شي تخاف يضيع منك والواحد منا لا إستلم الملابس ركض على أقرب خياط على شان يعدل البلسوت بالله عليكم هذي حاله يعني ؟؟
    والكلام المكتوب شي يفشل جنّه واحد توه متخرج من المتوسطه ومتعلم له كلمتين إنجليزي !!
    Safety First
    Safety is the best tool
    وفي جمل ثانيه قريتها مو حاظرتني بهالوقت بس صج مالها داعي !! إعن أبو داركم هذا بلسوت والا دعاية safety ؟؟
    نفسي أشوف التحفه اللي مختار هالعبارات منو ودي أقعد معاه صج ماني خبير إنجليزي بس عالأقل أقول له يعطينا بلسوتات بدون هالعبارات اللي تفشل وتقص الويه يا مال الظعفه !!

    مادري شسالفة ال red wing مع شركتنا الدبوس إستربح من ورانا عليه بألف عافيه بس تكفه شوفوا لنا نوع ثاني والا فصلوا لنا تفصال حالنا حال باجي الشركات والله بلسوت GPIC أحلى من لبسنا عشرتعش مره !!
    والذل لما تروح المخزن ويقول لك مافي ملابس والا مافي قياس معين !! الشركه على أي أساس إتييب الملابس ؟؟ خابر كل موظف له بلسوتين و safety boot شنو الصعب بالموضوع ؟؟ والا في منهم يتوزعون نثريات بصناعية الفحيحيل كالعاده على حساب الموظفين ؟؟
    طولت عليكم بس أتمنى الشباب المسؤولين عن هالأمور يراجعون نفسهم ويحسنون من ذوقهم إشوي والا ترى آخرتنا بنداوم بجينزات أبرك لنا .. آل safety first آل !! صج مسخره
    والله قهرني اللي قال لي صب لي بنزين ماني قادر أركز
     
  2. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    مشكور على الموضوع

    أولا الخامة خايسة

    ثانيا اللون لا يناسب الكويت

    الجو عندنا حار وعلمونا بالمتوسطة بأن الالوان الغامقة تجمع الحرارة والفاتحة طاردة للحراره

    يعني من المفروض تكون الالوان فاتحة

    الظاهر اللي قاعد يشتري الافرهولات كان قاعد في ربوع سويسرا وحاس بالبرد هناك وخاف علينا من البرد

    أو شخص مؤمن بنظرية التغير الحراري إللي راح يصير بالعالم وقاعد يأمن مستقبل المشغلين بالمصنع


    لأن العلماء متوقعين التجمد في العالم

    وأزيدك من الشعر بيت مو بس نادي الفحيحيل والساحل يغيرون لبسهم حتي وزارة الداخلية تغير لبسها

    إلا شركتنا المصونة معتزة باللبس الوطني لدولة البتروكيماويات الديموقراطية

    وعاش الرئيس

    حتي لونها يفشل بعد

    يذكر الواحد بالسجون المصرية مثل ما نشوفها بلأفلام لبس أزرق وهلمت ابيض وشبك في كل مكان وكاميرات مراقبه

    يقول محكوم علينا مأبد بالاعمال الشاقة

    بس باقي شي واحد يحطون علينا الشويش عطيا علشان تكمل مرة وحدة

    والمطافي الله يعينهم محكوم عليهم إعدام يعني

    العشماوي على طول


    الله يكفينا الشر

    [​IMG]

    كل يوم بروح فيه البحر بذكر ايامكم الحلوه

    هتوحشونا ولن ننساكم
     
  3. دبليو دي 40

    دبليو دي 40 بـترولـي نشيط

    144
    0
    0
    المعلومة الأكيدة

    ان الرئيس السابق

    اهو اللي اختار اللون

    ووافق ان قسم المواد يلبس اللون البيج...

    والآن الرئيس تغير

    فعسى اللون يتغير

    والله لا يغير علينا
     
  4. pic2020

    pic2020 كاتب - صحيفة الكويتيّـة أعضاء الشرف

    462
    0
    16
    ....


    صدقت


    ...


    البلسوت ... يفشل ... ويحرج


    ...


    وشعار الشركة .... يجيب الحارج



    ...



    والوان البلسوت ... ومخابيه ... تحرق ... القلب ...!



    ....



    صرنا ... مع البلسوت الازرق ... والهلامت البيضاء ...!


    ...


    سنـــافر ... القطاع النفطي !

    ...



    وبابا ... سنفور ... راح ...!


    ...


    وسنفورة ... تصفف شعرها ...!





    ....




    وشرشبيل .... الخصخصة .... يهددنا ...!



    ...




    :(





     
  5. RUSTY F

    RUSTY F بـترولـي نشيط

    58
    0
    0
    شكرا عالمشاركه يعطيكم العافيه يا شباب وقد يكون الرئيس السابق أهو اللي إختار اللون العجيب والحين دور أم بدر بس عالعموم صحيح اللي قاله الأخ (نفطي كويتي) بخصوص الكاميرات وأسوار المراقبه جنك قاعد في غوانتنامو بس ناقص كل واحد بيده هراوه وعالبوابات يحطون لنا (كلاب) عزكم الله .. الواحد يتعذب من يدش من البوابه لين يوصل منطقة عمله ونفس الطريقه وأهو طالع تقول طالع من سجن وأعتقد هذي أحوال أغلب القطاع النفطي خاصه اللي في المصانع مثل حالاتنا من الواحد يدش الدوام تنقطع عنه أخبار العالم الخارجي واذا طلع وده يركض من الوناسه مع إن اليوم كله ضايع .. الله كريم هذا رزقنا والحمدلله على كل حال وان شاء الله الزيادات الأخيره اللي نسمع فيها وما نشوفها تكون حافز يهون عليناالموضوع لين الله يرزقنا التقاعد ..
     
  6. المتمكن

    المتمكن بـترولـي خـاص أعضاء الشرف

    1,350
    0
    0
    :))))))))))))


    اضحتنى اضحك الله سنك
    والله والله والله


    والله العظيم من الاحراج اللى يمــر عليك كل اسبوع او كل يوم والحال من بعضه
    انى صارلى سنه او اقل ما اداوم الا بالدشداشه وابدل داخل القسم
    طبعا هذا يعتمد من قسم الى قسم
    لا وفوق كل هذا البلسوت اللى البســه مفصله على حسابى الخاص

    طبعا للعلم النقابه السابقه واللاحقه
    واللى قبل النقابه السابقه
    يا ما تكلموا عن البلسوت ونوعية الاختيار وكتبوا الكتب

    لكن كانت

    الاستجابه 2% ولا حيـــاة لمــــن تنادى


    والحل انا اللى اشوف تكون هناك مقارنه من البلسوت وبالصور اللى توزعه شركتنا الموقره وبين البلسوتات فى باقى الشركات لعل وعسى ان تكون هناك استجابه


    فى ظل قياده

    رئيسة مجلس اداره شركة صناعات الكيماويات البتروليه


    مها ملا حسيـــــن


    ام بـــدر


    والله يعطيك العافيه وتسلم على طرح الموضــــــــوع
     
  7. RUSTY F

    RUSTY F بـترولـي نشيط

    58
    0
    0
    الله يعافيك وعساك عالقوه ويالبت الرساله تكون وصلت للمعنيين
     
  8. بايب رينش

    بايب رينش بـترولـي نشيط جدا

    180
    0
    0
    ياريت يتغير

    انا بنفسي سائل الاخ القديم هلال الفضلي

    وقال لي احنا نطور كل بين فتره وفتره

    بس صاحبنا راح وراحت احلامنا معاه

    ودمتم
     
  9. HUMMER

    HUMMER بـترولـي خـاص

    عساك عالقوه اخوي وترى الحال من بعضه ونتمنى من اداره الشركه ان تلغي نظام البلسوت

    لانه نظام فاشل بالنسبه للي يدوامون شفتات ومومريح وان يعيدوا النظر بموضوع القميص والبنطرون
     
جاري تحميل الصفحة...

مشاركة هذه الصفحة