الى اخواننا النقابيين واخص بالذكر اخونا فيصل

الكاتب : under maintenance | المشاهدات : 629 | الردود : 7 | ‏6 ابريل 2008
  1. under maintenance

    under maintenance بـترولـي نشيط جدا

    453
    0
    0
    السلام عليكم ورحمة الله و بركاته
    لاحظت انه بعض ردود الاخ فيصل الكندري على المشاركات مافيها اي نوع من وساعة الصدر , ياجماعة الخير و يا فيصل انت لو انك ما كنت نقابي هل في احد منا راح يسألك اي شي عن الشركة او يخاطبك بالصوره الي قاعدين يخاطبونك فيها ؟!؟! طبعا لا , انت يوم تطوعت للعمل النقابي اكيد انك عارف مسبقا انه في شي اسمه انتقاد و انه في شي ثاني اسمه الناس فكرها و فهمها مو سوا, في الي تشرحله المعلومة توصله بسرعه على قولتهم على الطاير و في الي لا والله تعيد و تزيد عشر مرات اذا مواكثر ما توصله و اخر شي يقولك لا انت غلط اسمحلي و اييبلك موضوع ثاني, انافي رد لك لاحد الاعضاء بصراحه ما عجبني لانك نقابي بس ولا لو انك مو بالنقابه كان عادي



    قولتك مشكور على دعمك تدل على الاستهزاء لانه مادعمك و مو شرط الكل يدعم جهودكم , و يوم تقوله ما صدر الا الاسبوع الي فات و بعدين تطلب منه دليل انا اقول لو انه انت حاط دليلك اول كان احسن , و بعدين تقول له اسمحلي اقول لك علشان مصداقيتك و لا تفتي هذا كلش ما باسلوب نقابي نهائيا

    نصيحه اخي العزيز حاول انت تكون روحك رياضية و ان تتقبل النقد , و اذا وصل النقد الى التجريح عندك ادارة منتدى تقدر تشتكي على العضو و راح يوقفونه لاني سبق وقلت لك انه الناس مو سوا

    انا اقول انه ردك على الاخ كان المفروض انه يكون كالاتي

    الاخ الشيباني اشكر مشاركتك الي لها كل تقدير لكن اسمحلي اخالفك بوجهة نظرك لانه الكتاب الي راح ارفقه بلرد عليك يثبت صحه كلامي و اذا التبس الامر عليك انا حاضر اوضحه اكثر و باسمي و باسم نقابة نفط الكويت اشكر تواصلكم و ردودكم اخوكم فيصل الكندري

    شفت الفرق ؟!
    و للعلم اهي مجرد وجهة نظري يمكن تكون غلط لكن خل انخلي اعضاء المنتدى يحكمون , و ترى مو القصد تعليمك طريقة الكلام و الحوار لا الله يشهد بل هي مجرد وجهة نظر (( لانك نقابي بس)) لانه الكلمة محسوبه عليك


    رابط الموضوع المردود على الشيباني فيه

    http://q8ow.com/vb/showthread.php?p=152637#post152637

    ارجوا ان لا اكون غلط عليك باي شي و انا ما ادري اكيد عن غير قصد و ارجوا ان تتقبل نقدري و ان يكون بناءا لا هداما و ان تتقبل اعتذاري اذا غلطت عليك و ان تتقبل فائق احترامي و تقدري .

    اخواني لاتحرمونا من ردودكم و خل نشوف اختلاف وجهات النظر , و لكم كل احترام و تقدير
     
  2. الشيبانى

    الشيبانى بـترولـي نشيط

    92
    0
    0
    الله يعطيك العافيه ويجزيك الخير كلام طيب وصحيح وموزون
     
  3. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    مشكور على الموضوع

    شى طبيعي يصير شد في اى مناقشات وكل الكلام اللى صار بينى وبين الشيباني ما خرج عن سياق "المناجر" .. وان شاء الله مافي زعل بين الاخوان
     
  4. عامل نفطي غيور

    عامل نفطي غيور بـترولـي نشيط جدا

    402
    10
    18
    الاخ فيصل الكندري لم يتغير سواء كان في النقابه أولم يكن
    وشهادتي فيه مجروحه وانه دائما متواصل مع العاملين من خلال
    المنتدى ونحنوا عو نن له وسوف من خلال المنتدى نتابعه
    ونقدم له مايستطيع وله منا كل التوفيق هو ومن معه يعملون
     
  5. nawaf52

    nawaf52 بـترولـي نشيط

    127
    0
    0
    الأخ اندر منتنس انا مودفاعآ عن فيصل الكندري والأخوان أعضاء النقابه بس للأسف بعض الأخوان في المنتدى لا يوجد لديهم لغة الحوار ولو تراجع أغلب المشاركات تجد أن الأخوان يقومون بالغلط على الأخوان أعضاء النقابه واللذين هم يمثلونهم أمام الشركة ، وتجد بعض الأعضاء غيرمسجلين بالنقابة ويطالبون ويغلطون على الأعضاء ، ولو تناقش الأخ اللي يغلط ويسب وذم الأعضاء هل ذهبت للنقابه وتناقشت معهم عن هذا الموضوع قبل لا تثيره بالمنتدى وياخذ الموضوع أكبر من حجمه تكون الاجابه قطعآ بلا ، فإذآ الخطء خطء الشخص مو أعضاء النقابة.

    وصدقني للأمانه إن الجماعه يشتغلون بجد بس لازم كل مطالبه عماليه لازم تاخذ لها لفه على ما تنجز وأعطيك مثال لما الحكومه عطلوا الكادر 5 شهور هل نلوم النقابة طبعآ لا لأن الموضوع أكبر من النقابه ، وأخيرآ بقول شغله وما ودي أخوانا الموظفين الجدد يزعلون منها أنهم مندفعين ومتسرعين ويبون اللي يطلبونه اليوم يالقونه غدآ، ياشباب السماء والأرض بنية بسبعة أيام وأنتم تبون كن فيكون أنا موظف بالشركه من 16 سنه مريت باللي مروا فيه الشباب من إحباط وظلم ودش بدورة ترقية كلنا 9 و8 يترقون وانا لا بس صبرت والصبر مفتاح الفرج والحمد لله اليوم أنا بدرجه يوم توظفت ماحلمت فيها ، بس أقول الحمد لله والشكر لله على النعمه والعافيه ولا اللي لك من ترقيه ومن نصيب بتاخذه غصب على اللي يرضه واللي مايرضه ، وسامحوني على الإطاله بس كان ودي أبين للجميع إن اللي إحنا اليوم فيه من نعمه ترا مجهود من سبقنا بالشركه والنقابة اللي لا كلوا ولا ملوا من المطالبه لين وصلنا لما وصلنا إليه اليوم ، ولا يفهم من كلامي مطالبه بالسكوت لا بس خلونا نتحاور بدون تجريح وبدون مهاترات وبرئيه واضحة المعالم .


    أخيرآ وليس آخرآ يا جماعه قولوا الحمد لله لأن النعمه تبي حمد وشكر مو مهاترات وسب وقذف وقيل وقال .
     
  6. هي جت على فيصل بس ؟؟؟
     
  7. المهندس

    المهندس بـترولـي خـاص

    1,305
    8
    0
    الأخ فيصل الكندري اول شخص كسر القاعده النقابيه المغلقه- الريال منفتح على زكلاءه الموظفين ويدخل المنتدى ويجاوب ويرد على تساؤلات الزملاء- يمكن يخطي ويمكن يصيب في انفعلاته بس اهوا بشر. الريال متفاهم ومتواصل وطيب جدا ويكفي انه مهندس.

    اتمنى من الشباب انهم يستغلون طيبه الشخص علشان يجرحون فيه.

    فيصل الكندري افضل شخص في النقابه وعسالله يوفقه وشهادتنا فيه مجروحه

    بالتوفيق
     
  8. STARMARK11

    STARMARK11 بـترولـي جـديـد

    27
    0
    0
    السلام عليكم ,, بالنسبة لانتقادك لاسلوب فيصل الكندري,,لا اجد فيه اي نية استهزاء , بس اشوف رده جدي وواقعي.............فيصل انسان متواصل وفي الوجاهه.

    ((والله ولي التوفيق))
     

مشاركة هذه الصفحة