ظاهره ما الاحظها الا بمنتدياتنا؟؟!!

الكاتب : كريستاله | المشاهدات : 804 | الردود : 17 | ‏6 ابريل 2008
  1. كريستاله

    كريستاله بـترولـي خـاص

    1,358
    0
    0
    اخواني خواتي انتو ما لاحظتوا مثلي المنتديات الثانيه (اقصد الدول ثانيه )
    ما تنتقد كثرنا وتتحلطم على كل شي؟؟!!
    يعني مثلا الزياده الموضوع اخذ حجم كبييييييييييير زياده عن اللزوم ومو قادرين نصبر لحد متنزل الشهر اللي وراه والدواوين والقروض وغيرها
    انا اعتقد ان المواطن الكويتي كثير التذمر فعلا وهذا ظاهره مو ايجابية بنظري لانه بعدين والا ليش بعدين من الحين الكل معلن سخطه وصعب ارضاءه على اي قرار تتخذه الحكومه ؟؟!! حتى لو بين مع الوقت انه ايجابي ومن صالح الديره مثل تغيير الاجازة الرسمية سوينا عرس وهلليله وانا الحين بنظري احسن مية مره عالاقل يوم الجمعه صار اشزينه وخفيف اللي هو عيد المسلمين

    حتى الاطفال قامت تتذمر واتسولف بسوالف السياسه انا اعتقد ان هالشي مو من صالح الكويت واهي بالاول والاخير اهم شي في الدوامه كلها

    اللي يوافقوني او يعارضوني انا باتم الاستعداد وكلي صدر رحب علشان اسمع رايكم


    الكويت اولا واخيرا مهماااااا اختلفت الاراء
     
  2. المحيط

    المحيط بـترولـي مميز

    647
    0
    0
    أنا عندى وجهة نظر

    أذا كثرت المواضيع أو الخيارات

    لازم إنفندها تدرين ليش لأن الحلول موعملية

    ولا هى سريعة لتحسم القرار بشأنها

    فتجدين النقاش ليس الحل أو الإختيار
    بل
    تتشعب الأسألة
    1-سبب المشكلة
    2-من مسبب المشكلة
    3-من المستفيد من المشكلة
    4-هل يستفيد المواطن
    5-هل الدولة قادرة
    6-هل هناك حل آخر
    7-لو صار كذا أو كذا
    ألخ ألخ ألخ

    أذا مافية حل سريع وشافى ستستمر الدوامة الأسألة والتذمر
     
  3. Workers

    Workers إدارة المنتدى

    7,767
    30
    48
    ذكر
    الكويت
    مشكوره ياكريستالة والله مدري وين ابدا نعسان ودايخ بس صدقيني الناس مايتذمرون من فراغ تصدقين اول دولة تكلمت عن الزيادات

    واخر دولة طبقتها بعض دول الخليج سمعو بالزيادة من جرايد الكويت وعطو مواطنيهم زيادات كثيره مافية تأخير ياكرستالة ياكرستالتنا الغالية لاتلومينا الحكومة تصيد على المواطن كل فلس واعضا ء مجلس الامة يكذبون علينا في اشياء كثيره والمسؤلين عندنا بالشركة يكذبون كذب مالة حدود كذب ككذب شي رهيب والمصداقية ليس لها مكان والله ياكرستالة لو الصدق والحقيقة تقال كان انتهى شي اسمه تذمر ويمحي معه الاحباط و سالفة النسبة مالت التقارير طايحين في العالم قص من هذا واعطي هذا ظلم ظلم مو طبيعي

    تصدقين ياكرستالة اوقات يمر يوم كامل ماضحكت من كثر ماسمعت كذب المسؤلين


    صح اني كثرت من التذمر:)
     
  4. HUMMER

    HUMMER بـترولـي خـاص

    يعطيج العافيه اختي كريستاله عالموضوع وماقصرتي

    وعلى قولة المثل كلن بقلبه شقى الليله وهذا حال لسان الكويتين

    تواعدنا الحكومه وتخلينا على امل وبعدين مانشوف هالشي الا بطلعة الروح
     
  5. judgement

    judgement بـترولـي نشيط جدا

    342
    0
    0
    معاين ابار
    هذا حال الناس مثل ماقالو الاخوان كلن بقلبه كلام وايد عن هذا الوضع الي احنه فيه ومثل مايقول المثل (مافي دخان بدون نار)
     
  6. جابر

    جابر قــلــم بــتــرولــي أعضاء الشرف

    يعطيج العافيه .....مساحة الحريه فى البلد تحكم شنو ينقال بالمنتديات ....الدول تعرف بالضبط شنو ينقال في المنتدى ومن منو ...وعليه الخايف مايكتب ...
    بينما بالكويت ،هالشى مايمنعنا ، حتى وحنا عارفين إنها قد تكون مراقبه ..هم نكتب ونعلن ونتحلطم ...نبيها تووووووووصل :D

    والا تعتقدين إن الحال فى الدول اللى حوالينا أفضل من عندنا :confused:...أو إنهم مايدرون شللى يصير بلدانهم ...:confused:..

    مساااااااااااااااااااااااااااااااحة.... الحريه هى السبب ....الله لايغير علينا
     
  7. السيدة العجوز

    السيدة العجوز بـترولـي نشيط جدا

    314
    0
    0
    أضم صوتي لصوتج نعم الكويت أول وأخيرا وبزيد عليه جملة (الحكومة أبخص بشعبها) لأنني حكومية أبا عن جد
    مشكورة عالوطنية اللي فيج ومشكورة عالموضوع
     
  8. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    انا الاحظ ظاهرة طول التواقيع و كبر حجمها...عشان ننتقل من اول تعليق لي الثاني يبيلنا دقيقة..شدعوة اختصروا
    :cool:
     
  9. Workers

    Workers إدارة المنتدى

    7,767
    30
    48
    ذكر
    الكويت
    تذمر بخصوص التواقيع:D

    مافية كبر حجم ذاك الزود وكلها ياحكمة او نصيحة وغيره من الامور الطيبة وتقبلي تحياتي ياصخرة رسوبية:)
     
  10. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    ما قصرتي كريستالة على هالطرح... صحيح المفروض ما نسهب في المواضيع بشكل أكبر من حجمها بس هذا هو الواقع و الناس لو ما عندها اهتمام بالموضوع غصب بينترس مخها و تسولف فيه عشان يماشون الناس...

    الله يصلح الأحوال
     
  11. عبدالحميد دشتي

    عبدالحميد دشتي بـترولـي مميز

    782
    0
    0
    لوووووووووووووول
    انتي اكثر وحدة كان عندها مشاركات عن الزيادة والقروض
    ِ
     
  12. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    لووووووووووووووووووووووووووووووووووووووووووووووووووووووووول صادوه
     
  13. النوخذه

    النوخذه بـترولـي مميز

    517
    0
    0
    مراقب
    الكويت
    احنا لو الله يفكنا من الحسد جان بالف خير حسد وحنه وحش والمشكله اليديده الي الكل قام يفتهم ويفتي واكثرهم بالمنتدى
    لو اطلع اشاعه واقول يوم الاحد الياي بيصرفون الكادر بيطلع جم واحد بيقولون اي عندنا خبر خالة بيت جيران يدي رفيجتها بالمحاسبه وقالت حق اخت هنديتنا الفلبينيه ويبي فوقها سبق صحفي وتهنئه واذا ماطالب بعد يصير مدير المنتدى :)
     
  14. كعبول

    كعبول بـترولـي نشيط جدا

    496
    0
    0
    والله كلامج صحيح .. !!

    وانه مايبط جبدي الا اللي يسال والجواب موجود ..!!

    وابسط مثال الكادر .. !!

    كله :

    - متى الكادر .
    - متى الصرق
    - شصار على الكادر
    - مافي شي جديد على الكادر
    - ليش طول الكادر
    - ياليت اللي بالمحاسبة يقولون شصار على الكادر >>> يكون مغير يعني


    وقائمة للانهائية ... !!

    ياخي بس اسكت .. حشى بالع رادو وقاعد ... شكثر تحن .. !

    انتوا ماسمعتوا بالمثل القائل "" ان الانسان لمن يكون قنوع باللي عنده .. فهذي اهي احلى كنز """
     
  15. fox1

    fox1 بـترولـي نشيط

    53
    0
    0
    والله كلامك عدل اخوي
     
  16. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    نقطة نظام و ورقة إستجواب

    يا إخوان ترى مليناااااااااا متى بينزلون فلوسنا مالت المشاركة بالنجاح يعني شالسالفه لي متى ب ننطر؟

    -- يعني مثلا" مثلا" هذا نوع من أنواع التذمر والتحلطم --
    لووووووووووول
     
  17. fox1

    fox1 بـترولـي نشيط

    53
    0
    0
    ههههههههههههههههههههه
    حلوه
     
  18. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    انا اشوف انه الخطأ لازم ننتقده سواء كان من حكومه او شخص ....

    من كلامج الاحظ انج تقولين انه انتقاد الحكومة و تعرية اخطائها مو من صالح الكويت و هالكلام مو صحيح في الدول المتقدمة ينتقدون الحكومة ( احنا ننتقد ما نتذمر ) عشان يقومونها عيل باليابان صارت جلسة ليش اعرفوا انه السنه الدراسية بألمانيا اطول من السنة الدراسية باليابان .

    كرستاله احنا مو ناقصين احد يطلب منا السكوت و الساكت عن الحق شيطان اخرس .
     
جاري تحميل الصفحة...

مشاركة هذه الصفحة