شارك معاي موضوع مهم

الكاتب : سهيل | المشاهدات : 512 | الردود : 7 | ‏5 ابريل 2008
  1. سهيل

    سهيل بـترولـي نشيط

    60
    0
    0
    السلام عليكم ... ياريت الكل يشارك ويعطي راي بالموضوع اللي بكتبه

    ممكن كل واحد يشارك في اقتراح او رأي لمشكلة الاسكان والتعليم والمرور وشكرا

    ورجائا عدم الكلام بالمجلس او الحكومه ؟؟؟ وشكرا
     
  2. بلبل عنقريزي

    بلبل عنقريزي بـترولـي خـاص

    2,187
    0
    0
  3. kkk

    kkk بـترولـي مميز

    حبيبي
    ماكو مشاكل
    ماكو الا العافية
    حبيبي مال البخيل يأكله.......................؟؟؟؟
    تحياتي
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بأعتقادي حل مشكله التعليم ...

    1 زيادة ميزانية التعليم
    2 - الاستعانة بخبراء تربوين من خارج الكويت و تطبيق نظام تعليم مشابه لنظم التعليم في الدول المتقدمة و ذلك كله عن يتم بعد دراسة الوضع التعليم بالكويت ايضا عن طريق خبراء من خارج الكويت .

    3- التشدد في قبول المدرسين و المدرسات بكلية التربية و التربية الاساسية .
    4 - التعاقد مع افضل المدرسين من الخارج
    5 - بناء مدارس نموذجية تحتوي على ملاعب و حمامات سباحة ( مو صعبة الكويت فيها خير ) يكون عدد الطلبة بالفصل لا يتعدى 15 طالب .

    عن نفسي لااااااااا اثق بمستوى التعليم بالكويت و ابسط دليل معظم خريجين الثانوية و اغلب الجامعيين لا يتقنوون اللغة الانجليزية .
     
  5. سهيل

    سهيل بـترولـي نشيط

    60
    0
    0
    يعطيك العافيه اخوي بس لو زايد على اقتراحك

    بناء مدرسه للنوابغ يعني اي طالب نابغه تهتم فيه الدوله علشان تستفيد منه بالمستقبل وشكرا للمشاركه
     
  6. future engineer

    future engineer بـترولـي جـديـد

    20
    0
    0
    طالب
    الكويت
    ممكن كل واحد يشارك في اقتراح او رأي لمشكلة الاسكان والتعليم والمرور وشكرا

    ورجائا عدم الكلام بالمجلس او الحكومه ؟؟؟ وشكرا
    .......................


    سلام عليكم..

    بالنسبة للاسكان....

    على حد علمي ان الكويت كما هو المعروف المبني من ارضها هو ما يقارب 5% وكان السبب واتوقع مازال ان ارض الكويت والحمدلله ارض نفطية يعني كلها خير ولله الحمد... ف كل ما راحو منطقة من المناطق الصحراوية على اساس يبنون فيها وجدوا ان التربة ما تتحمل وبالتالي صارت ازمة الاسكان وخلو المناطق كلها قريبة يم بعض... وهذا رايي الشخصي.. :")

    وبالنسبة للتعليم...

    فاتوقع ان 90% من الطلاب الكويتيين هم من الاذكياء ولكن لعدم وجود دافع للدراسة هو السبب في تكاسل الطلبة.. انا اذكر كان معاي طلبة بالثانوية دايم راسبين يعني باليالله ينجحون بس اذا سالهم مدرس بقوة تحصله يجاوب من غير لا يرجع الى دفترة كله مخزة بالذاكرة او عن طريق الفهم.. فاتوقع حل هذي المشكلة هو التعاقد مع مدرسين ذوي خبرات عاليه وذوي شهادات عاليه حتى يتم توصيل المعلومة بطريقة سلسة وتحبيب الطالب للدراسة... ومثل ما قلتو بناء مدارس للنوابغ مثلي يعني :")


    اما بالنسبة للمرور...

    فاتوقع ان يجب ان نسوي مثل ما سوت دبي.. وضع كاميرات في جميع الاماكن او بالحرى مثل اوروبا يعني المطلوب مراقبة تامة وتنفيذ العقوبات اللازمة...

    وارجو ان يكون رايي واضح ولو ان فيه حجي وايد :")

    وشكرا للجميع
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    عزيزي الكريم بالنسبة للأسكان

    غير موقع المطاار وشووف المسااحة الشااسعة الي رااح تتوفر
    أنقل كل الألوية العسكرية خارج نطاق المدينة وشوف المساحات الي راح تخلفها الألوية


    التعليم
    غير المنهج المعتق غير القيااديين القداامي ذوي العقوول الجاامده
    وشووف مستوي التعليم كيف بيصير
    أسس الطلبة صح بمنااهج جديده وسلسة وأحذف بعض المناهج الي مالها داعي مثل الفرنسي


    المرور

    لاطب فيه ولا علاج

    أذا بنوو أدارة متكااملة غير الشقق الي مستأجرينها الأدارات ندور لها حل :D
     
  8. العابر

    العابر بـترولـي خـاص

    عزيزي سهيل شكرا عالموضوع
    وفي تصوري البسيط
    أعتقد أن الحلول كالأتي
    1-التعليم : شوف دامهم يجيبون من المدرسين من مصر ومعاشه 250 دينار والمسكين أجار سكنه وأكله وتحويشته يعني شتسوي له ال250 فيلجأ أخونا بالله للتدريس الخصوصي تشوف المدرس يتعمدإنه مايبذل مجهود عشان نظطر إنا نجيبه لعيالنا والساعه بخمسه جنيه والحسابه بتحسب...أقل شي وفروا للمدرس سكن عشان يعطي بجهد واضح وإن تبون الصراحه معاشه 250 ويسكن بعماره ب180 بلأمانه لو قاعد هالمددرس عند أمه بديرته مو أحسن لأنه مراح يستفيد شي المعاش بيطير قبل نص الشهر مافيه تحويش ولا بطيخ...!

    الإسكان..
    المشكله الأساسيه التفرقه مناطق داخليه ومناطق خارجيه هذي اكبر مشكله..وغيرها التخطيط السيء والمشوه لديرتنا ولا بيوت الظهر والأحمدي على 270متر والشارع من ضيقه سايد واحد يعني لوتصفط سيارتك عند الباب أو عندك عشا ومسايير راحوا وطي جيرانك..وعندك المطار حاطينه على طريق المخيمات ومكشوف للجرايم على فكره هناك شركات بريطانيه وعالميه رافضين يهبطون في مطار الكويت والسبب إنه موسيفتي إيه شيلوه وإستغلوا مساحاته..وشركة نفط الكويت الله يجزاها خير كل ماجات الوزاره تخطط تبي توزع بيوت وقسايم حطت لوحتها ممنوع البناء والتخطيط ارض للكي ـو سي..بالله عليك وين الحل


    المرور..
    حبيبي المرور هذا يتيم الأبوين ما فيه بشر يحترمه لاكويتي ولا وافديعني صارت الداخليه ورجالها ملطشه والعيب والسبب مومنّا كمواطنين ولا وافدين لا والله السبب منهم هم أنفسهم الواحد منهم اهم ماعند كشخته هذاك بدلته مفصلها عندالمحل الفلاني وخامتها فلانيه وهذاك خامته مخمل والبقيه أعبر وترقيم ومخالفات بهالبنات صار الشرطي نفس سوق الحريم
    والادارات كلها اجار والمخالفات تجيهم بملايين الدنانير ولا في شي يتغي بالداخليه ماعدا الدوريه مره يصبغونها أسود ومره أخضر والصبغه الجديده وردي لزوم الترقيم والله أعلم..
    أنا أختم كلامي وأضم صوتي لصوت أخوي بلبل عنقريزي وأقول مالها حل..


    اللهم صلي وسلم هلى رسول الله
     
جاري تحميل الصفحة...

مشاركة هذه الصفحة