انا زعلانه :( :(

الكاتب : Blue angel | المشاهدات : 1,983 | الردود : 55 | ‏3 ابريل 2008
  1. Blue angel

    Blue angel بـترولـي خـاص

    السلام عليكم و رحمه الله و بركاااااااته


    اشلونكم و شخباركم؟؟؟ بصراحه انا واااااااااايد زعلانه و متضايقه من المنتدى لسبين :-

    - اعتب على بعض الاعضاء اللي يدشون المواضيع و ما يردون حتى بأي كلمه سواء لي او لغيري ، حتى لو ما عجبكم الموضوع كلمه شكرا و لا يعطيك العافيه مو صعبه ، مع احترامي لللاعضاء اللي يدشون و يشرفوني بردودهم و تشجيعهم يضيق خلقي و احس باحباط اذا شفت عدد المشاهدات اضعاف اضعاف المشاركات :(

    - الاعضاء اللي قاعدين يخلونا ، انا بالنسبه لي كل واحد يروح احس اني فقدت اخ او اخت و الله يضيق خلقي ، احنا كلنا ببيت واحد و اهل ، كل انسان يمر بظروف و تشغله اشوي بس يا ليت ما ينسحب لاي سبب كان .

    و عندي طلب صغيروني من الاداره اللي دايما ما تقصر معانا ، احس بعض الاعضاء يتحبطون اذا ما لقوا تشجيع يا ليت الاداره بين فتره و فتره تبعث بكلمات تشجيع لاي عضو يستحق و تكرمه بأي طريقه كانت سواء تثبيت احد مواضيعه او مثلا العضو المميز لكل اسبوع او شهر ، يعطيكم العافيه و عساكم عالقوه


    تحياتي للجميع :)
     
  2. MAB12

    MAB12 بـترولـي مميز

    يعطيج العافية والله لا يجيب الضيقه

    موضوعج فعلاً مهم ... مرات نشوف بعض المشاركات مكتوب عندها الردود 4 والمشاهدات 2500 مرة هذا الشي يخلي الشخص يستغرب

    عشان يكون في حماس بين الاعضاء ياليت الادارة تتبنى طلبج ويكون في تكريم شهري لافضل كاتب وافضل موضوع وافضل بدلية (عشان المشرف القحطاني) :D


    تقبلي مروري
     
  3. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    ســـــــــــــــــلام حبوبتنا و ملاكنا الأزرق
    لاتزعلين و لا تضيقين خلقج
    أنا من أكثر المتابعين لمواضيعج
    وعساج عالقوة.. و سامحينا عالغياب
     
  4. كي او سي

    كي او سي بـترولـي خـاص أعضاء الشرف

    مشكورة بلو والله لا يحرمج من فقد عزيز وغالي عليج اي(ن) كان

    والله يسامح اللي كان السبب في هذا، ولا يضيق خلقج، مع اني حاس باللي قاعد يصير وكأن المنتدى فقط لموضوع واحد وهو موضوع الزيادة، اذا انتهت اخبار الزيادة حتى المشاركات تكون قليلة والردود نادره

    بالنسبة للردود على المواضيع هو ليس الخطأ بالادارة ولو اني احملهم جزء من المسؤولية ولاكن الخطأ الاكبر يقع على عاتقنا ، اضرب لكي مثال

    عند فتح موضوع معين يجب الاخذ والعطا في الموضوع نفسه، واذا كان شخص مر على موضوع معين وقال مشكورة على الموضوع فيقابله بالطبع رد "العفو وحياك الله فقط"، ولكن اذا كنت تستطيعين فتح الموضوع اكثر حاولي ان تسألي كثيرا علشان تدخلين في جو الموضوع ويتفاعل القارئ مع الموضوع الى ان يسأل القارئ او يبدي رأيه وانت ايضا خالفيه او تكوني موافقه مع القارئ بالمنطق فيدخل شخص ثاني ويقرأ ويرى التفاعل اللي حاصل فيعارض ثم يدخل شخص ويقنع ومرور شخص فيمدح وهكذا ، ولكن بهذه الطريقه لا اعتقد ان يكون للموضوع لذه معينه وخاصه ان مر شخص على موضوع ويلقى الردود جميعها مشكورة او الله يعطيج العافية ، يمكن حتى الموضوع ما يقراه بسبب هذه الردود، وهذا ما يمنع ان يقول على الاقل شكرا او يعطيج العافية وخاصة نقل الخبر يعني البحث واذا كان هناك بحث معناه ان هناك تعب فيستحق ناقل او كاتب الموضوع هذه الكلمة وخاصة اذا كان له دور كبير ومواضيع مميزة في المنتدى.

    وشاكرلج اهتمامج والله يعطيج العافية

    وانت دوم متميزه وحتى ردودج زينه ولا غبار عليها، مع احترامي للجميع
     
  5. Workers

    Workers إدارة المنتدى

    7,767
    30
    48
    ذكر
    الكويت

    لك حق تزعل ولك حق نرضيك

    اتمنى من الاعضاء الكرام مقاطعة
    هذه العاده سيئة الذكر (تقرا وترحل)

    ولادارة ماقصرت اللجنة الاعلامية ممثله برئيسها الوسام

    في كل مره نقرا شي للوسام نعرف من توقيعة دعوة صريحة لمقاطعة وترك عادة سيئة (تقرا وترحل)

    واشكرك جزيل الشكر على الموضوع والشكر موصول للاخ الفاضل الوسام وانا بصراحة لم ابدا بالكتابه


    في هذا المنتدى الحبيب والغالي والعزيز على قلبي الا بعد الاخذ بنصيحة الوسام وعملت بها


    واتمنى من الاخوان البحث عن الوسام وقراءة توقيعة :)
    وتقبلو تحياتي
     
  6. Blue angel

    Blue angel بـترولـي خـاص

    هلا اخوي MAB12 الله يعافيك و تسلم ما قصرت ، يا ليت و الله يفكرون بطلبي نبي يكون حماس مو بس عشان موضوع الكادر و الفلوس ، انا ودي يكون هناك اكثر ترابط بينا و بين اخوانا و خواتنا ، الف شكر على مرورك و ردك الطيب :)
     
  7. Blue angel

    Blue angel بـترولـي خـاص


    هلا حبيبتي و اختي ورده المنتدى ، نور المنتدى بوجودج ، ادري فيج ما تقصرين و متابعه مواضيعي و مواضيع غيري و تهتمين بالرد ، تسلمين حبيبتي و الله يخليج لنا و لا يحرمنا من طلتج ، الف شكر :)
     
  8. جابر

    جابر قــلــم بــتــرولــي أعضاء الشرف

    يعطيج العافيه ياملاك المنتدى ....والله معاج حق ...أحيانا تشوف المشاهدات كثيره والردود قليله ...لدرجة إن الموضوع ينزل لأسفل الصفحه مع إن صاحبه تعبان عليه ...:(..
    بس ترى هذى حال الدنيا ...الناس ماتتفاعل الا مع الموضوع اللى يشدها ....حتى لو الواحد حاط (قلبه) بالموضوع ..مو شرط الناس تتفاعل معاه ..:eek:. فوق هذا بعض الناس يدش على الموضوع .. فضولى ...وبعدين مايدرى شيقول ويطلع وهو ماكتب شى :eek:

    مافيه حل يخلى الناس كلها تشارك ...كل واحد فينا شخصيته مختلفه ...وهى اللى تدفعه ..يشوف.. والا يشوف ويشارك ...

    لكن جزء من الحل ...
    • المشرفين ...والمراقبين ..والناس النشطه فى المنتدى يأخذون على عاتقهم ..إنهم يسجلون ولو مشاركه واحده بكل المواضيع ..اللى تكتب أثناء تواجدهم ...كنوع من التشجيع
    • كاتب الموضوع يحاول يختار المواضيع اللى تهم اللى بالمنتدى ...مو اللى تهمه هو .....
    • كاتب الموضوع يكون صبووووووور ....ولا يتضايق لما يشوف شغل يوم كامل ..بعد ساعتين صار فى أخر قائمة المواضيع
    ..

    موضوع حلو ومن القلب ...ويعطيج العافيه مره ثانيه
     
  9. Blue angel

    Blue angel بـترولـي خـاص

    هلا كي او سي ما قصرت اخوي و لا يحرمك من فقد عزيز يا رب ، عدل كلامك صارت الزياده بس اهيا الموضوع النشط و اللي يهتم الاعضاء بالرد عليه بس لو تقارن هم بموضوع الزياده بتلقى عدد المشاركات اقل من المشاهدات :)

    بالنسبه للتفاعل و اعطاء الارآء كلامك حلو بس صعب انه يتنفذ لانه ساعات التفاعل و الحوار يتغير مجراه و الاداره ما تسمح بهالشي و انا اؤيدهم لانه ساعات اما يكون فيه شات او مناقشات حاده بين الاعضاء و تصير مشاكل و احنا مانبي نخسر اخوان و خوات اكثر ، الف شكر على الرد و التعليق الجميل ما قصرت و الله يحفظك :)
     
  10. Blue angel

    Blue angel بـترولـي خـاص


    هلا اخوي pickw اول شي مشكور و ما قصرت لتواجدك بموضوعي ، و فعلا اخوي الوسام ما قصر بتوقيعه اللي يذكر اخوانا و خواتنا انهم يشاركونا بالرد ، يا ليت كلنا نتشارك و نشجع بعضنا:)
     
  11. كعبول

    كعبول بـترولـي نشيط جدا

    496
    0
    0
    انزين شنسويلج يعني ؟

    تبين كاكاو بونجوم مع نفيش :) ؟

    لووووووول


    والله كلامج صحيح بس تدرين الناس طخت بعد ما طلع ان الكادر راح ينزل ان شاء الله وباذن الله شهر 4 ...

    وفي من الا عضاء مايعجبهم موضوع معين !

    وفي من الاعضاء ماله خلق يرد .. ! عااد هذي صج :)
     
  12. Blue angel

    Blue angel بـترولـي خـاص

    الله يعافيك اخوي جابر ما قصرت على مرورك الطيب ، كلامك صحيح هذي حال الدنيا و الاذواق تختلف و كل انسان له شخصيته و اهتماماته بس بنظري مدام انت دخلت الموضوع و قريته على الاقل كلمه شكر و لا جزاك الله خيرا ، و يا ليت الكل يسوي اقتراحاتك و يطبقها عشان كل مواضيع تكون نشطه و فعاله ، و الله يعافيك و يخليك و الف شكر على الرد الجميل ما قصرت :)
     
  13. Blue angel

    Blue angel بـترولـي خـاص

    لووووووووووول كعبول ابي كاكاو كندر بو بيض :D

    اي و الله صاااااااار هدووووووء خلاص بطالب بزياده ثانيه عشان يصير حركه و تفاعل بالمنتدى ، ادري كعبول حتى انا ساعات ما يعجبني كل المواضيع بس لاني دخلت و قريته احس من الذوق و الواجب اقول للانسان اللي تعب و كتب مشكور ، تدري ساعات يكون الموضوع مكرر و انا انبهه صاحب الموضوع بس بشرط لازم اقوله مشكور و يعطيك العافيه على الاقل اقدر جهده ، ليش مالهم خلق الكلمه الطيبه صدقه و ترفع المعنويات و تشجع العضو يكتب و يختار مواضيع اجمل و اهم ، مشكور كعبول على المرور الطيب :)
     
  14. نفطنينهو

    نفطنينهو بـترولـي نشيط

    135
    0
    0
    رجل امن
    الكويت
    خلاص بالنبسه لي اي موضوع بدخله لازم ارد عليه حتى لو بكلمه وحده ...

    وبالنسبه للي يطلع من المنتدى ... مادري شقول .. يمكن اكو ضروف ... ؟ الصراحه مادري


    ولا تزعلين ..
     
  15. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    الصراااحة
    كلام منطقي
    وشي والله يحز بالخاطر أذا الواحد يشوف المشاهدات أضعاف الردود
    ممكن يسببله أحباط
    -------------------------------->> نفس العضو هذا
    حاشني أحبااط تاام من تنزيل المواضيع
    وصرت أكتفي بالردود

    الله يعطيش العافية عزيزتي بلو
    وأنشالله تنظر الأدارة بأقتراحش المشجع

    تقبلي مروري
     
  16. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    معاج حق
    بس مع احترامي للجميع بلا استثناء أكو مواضيع الصراحة تافهة لي درجة تلوع الجبد

    شلون تبين الواحد يرد أو يعلق عليها اذا كان يالله يالله دش وقرأ بداية الموضوع

    هذا رأيي وبالتوفيج للجميع :)
     
  17. Blue angel

    Blue angel بـترولـي خـاص

    ما قصرت اخوي نفطنينهو من طيبك ، انا ابي كلنا نتشارك و نكون على قلب واحد ، الف شكر على المرور الكريم :)
     
  18. Blue angel

    Blue angel بـترولـي خـاص

    هلا اخوي جونم مشكور على تواجدك الكريم ، و ان شالله الاداره تشوف الموضوع و تساعدنا ، ادري ساعات يحوشنا احباط بس ميخالف حاول و حاول عشان الاعضاء اللي يهتمون و يتابعون مواضيعك يستاهلون تحاول عشانهم :)
     
  19. Blue angel

    Blue angel بـترولـي خـاص


    اخوي KNPC انا معاك باختلاف وجهات النظر و الذوق ، كل انسان له شخصيته و بالعكس التنوع و الاختلاف يعرفك على شخصيات جديده و يعلمك التكيف مع الناس و تبادل الاراء ، اسمحلي اخوي العزيز احترم وجهه نظرك الكريمه بس يا ليت تكون بطريقه الطف و هذا طلب صغير من اختك :)

    و مافيها شي مدام دخلت الموضوع تشكر الانسان اللي اكتبه حتى لو كان مو عاجبك مو شرط تمدحه و تجامله ، مشكور و ما قصرت على المرور و الله يوفقك يا رب :)
     
  20. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    كلامج صح

    واشكرج يالملاك الازرق
     
جاري تحميل الصفحة...

مشاركة هذه الصفحة