نبي اجازه دراسيه

الكاتب : Strongman-koc | المشاهدات : 2,135 | الردود : 37 | ‏3 ابريل 2008
  1. Strongman-koc

    Strongman-koc بـترولـي نشيط

    114
    0
    0
    السلام عليكم انا الصراحه ودي ان النقابه اتطالب بقانون الاجازه الدراسيه الي احنه القطاع النفطي محرومين منه والي كل الوزارات تقريبا تعمل فيه يعني ليش يحرمون الموظف من هذي الاجازه الي فيها فايده حق الموظف والشركه بالمستقبل والصراحه وايد شركات اسووونها اهني بالشركه طبقوا المنحه وطالبين جم طلب تعجيزي وانا الي فهمته من قسم التطوير الوظيفي ان بس يبون عدد محدود يعني 2 او 4 وليش يبه ما نبي منحه نبي على معاشي انا اروح ادرس وارجع وخلاص سواء على الديبلوم او الباكاليوس واطلب من اللجنه الاعلاميه انحها تهتم بالموضوع ولا اشرايكم يا جماعه
    وشكرا
    جعفر القلاف

    KOC -IT Group :confused:
     
  2. دسمان79

    دسمان79 بـترولـي نشيط

    82
    0
    0
    عندك واسطه ابشـــــــــــر******

    اخوي جعفر عندك واسطه امورك ماشيه ماعندك يبيلك خدمه 30 سنه وتقدير امتياز طول مدة الخدمه تجتاز التوفل وتكون الدرجه 100% واخر اسمك ال؟؟؟؟؟؟؟؟؟؟؟؟؟؟
     
  3. ali_85

    ali_85 بـترولـي نشيط جدا

    419
    0
    0
    موضوع فعلا يحتاج اهتمام انا مثلا عندي دبلوم وباقيلي سنتين ثلاث بالكثير علشان اكمل بس وماني قادر واحد من الشباب بدفعتي
    استقال قبل شهرين علشان يكمل بره
     
  4. المرهم

    المرهم بـترولـي جـديـد

    29
    0
    0
    قبل ثلاث سنين من غير توفل والحين لازم توفل
    بس 3 على مستوى المصافي من العمليات حق الهندسه
    و2 من الاداره حق الماستر يعني اذا الواحد حييييييييييل محظوظ
    يبيله ابو 20 لي 25 سنه عشان تضبط معاه طبعا بالمشمش
     
  5. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    أنا معاكم أخوانــــــــــــي... أنا من أشد المطالبين بالإجازة الدراسية لأنها تحل وايد أمور.. منها الموظف يستفيد ياخذله شهادة و يفيد الشركة و تقدر الشركة تسد مكانه.. ماكو شي مستحيل..ما أقتنع بأن الواحد منا مافي أحد يسد مكانه... إذا الموظف يستحق إنه يكمل دراسته و الشركة تستفيد منه فلازم تعطيه الدافع وتعينه... و نفس الوضع ينطبق على الموظفات إذا يستحقون الإجازة الدراسية و يمكن تاخذها و تستفيد منها إذا كانت مرافقة زوج يدرس بالخارج.. الموضوع كبير و لازم ينحل و يناقش بكل جدية
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    ركز علي آخر الأسم ال؟؟ :D
    ولاهو أي ال؟؟
    لازم يكون ال قووي حييل ;)
     
  7. حرف

    حرف بـترولـي خـاص

    1,776
    0
    0
    الكل يتمني تكون فيه اجازه دراسيه

    بس تفكير الشركه تقول ليش اعطيهم اجازه دراسيه واصرف عليهم وبعد كم سنه ياخذون الشهاده

    وهي بامكانها تنزيل اعلان توظيف واللى راح يتقدمون بالاف بجميع التخصصات الى يبونها ومن جميع الجامعات العربيه والعالميه

    يعني تفكير من طقي

    والله يعينااا
     
  8. djlion

    djlion بـترولـي جـديـد

    23
    0
    0
    السالفة مو جذي أخوي, المشكلة يعني حتى لو تبي تروح على حسابك ما يخلونك مو سالفة فلوس, أنا ما عندي مانع حتى بدون راتب أروح أكمل بس ما يرضون لازم استقالة و روح قدم اوراقك من اول يديد و يمكن يقبلونك و يمكن لأ, الواحد مو قادر يلاقي وظيفة هالأيام, عشان جذي الناس خايفة تستقيل و تييب شهادة و بعدين يقعد له سنة او سنتين بدون وظيفة

    عموما إللي حاب يكمل دراسته, وزارة التعليم العالي أخيرا تم فيها الإعتراف بالجامعة الخليجية في البحرين و فيها نظام بس تداوم ثلاثة أيام بالشهر, بس السؤال إللي محد عنده جواب ليلحين هو

    هل نظام الثلاثة ايام بالشهر معترف فيه بالتعليم العالي ؟ أم فقط نظام الدوام المتواصل ؟ و لو كان مو معترف فيه بالتعليم العالي فهل الKNPC تقبل بالشهادة ؟ لأنه حتى الهنود مالوت الmaintenance قاعد يشترون شهادات من الهند و هم يشتغلون هني و قاعد يصيرون مهندسين فيها, كل يوم واحد منهم ناقز من عامل لين مهندس سلامة

    السؤال الثاني هو
    في إجازة إختبارات تعطيها الشركة لكل العاملين فيها لكن السؤال هو هل لازم أكون شغال لمدة ثلاث سنين مثل ما قال البعض ؟ أو ما يحتاج خدمة ؟

    الشي اللي يبط الجبد إنه لما إتصلت على التعليم العالي قالوا ما يدرون, و لما سألنا إدارة الشركة ما تدري عن سؤال إجازة الإختبارات , يعني منو نسأل بالضبط إذا كل واحد ما يدري وين الله قاطه
     
  9. Wes@m

    Wes@m بـترولـي نشيط

    51
    0
    0

    اسأل دائرة التطوير الوظيفي بالشركة
     
  10. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    البعثات والإجازات الدراسية

    يجب تحديث القوانين المتعلقة في الإجازات الدراسية بحيث تتماشى مع واقع الحال في الشركة ومتطلبات سوق العمل في القطاع الحيوي النفطي ولابد من التنسيق بين وزارة التعليم العالي وإدارات الشركات النفطية للوقوف على هذا الموضوع لما له من أهمية في تطوير العمالة الكويتية وتأهيلها بالشكل المطلوب... نرجو الإهتمام بالشباب... هم الركيزة... والمستقبل الواعد....

    والكلام موجه لكم نقابات وإدارات (( يسروا ولا تعسروا))

    ولكم أطيب التحية
     
  11. عبدالحميد دشتي

    عبدالحميد دشتي بـترولـي مميز

    782
    0
    0
    انا ادرس بالجامعة العربية و موظف بالبترول الوطنية و يعطوني اجازة امتحانات شهر بالسنة غير رصيدي السنوي بدون أي شروط مالهم شغل لا بخدمتك ولا شي
     
  12. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    مثل ماقال اخووي سلمااان

    الواااسطه تسوي اللي مايصير يصييير
     
  13. Strongman-koc

    Strongman-koc بـترولـي نشيط

    114
    0
    0
    اشكركم جميعا على مروركم والتعليق بس اذا احد يقدر اوصل الموضوع الى ادراه المنتدي علشان اوصلونه النقابه وخل يسعون فيه ويعطونه مبرر يعني اذا الشركه تقدر تقنعنه انا ما اصير خلاص نرضه بالواقع اما اصير خل الناس تطلع اترح علة حساباتهم اقصد على معاشاتهم نفس الوزارات :confused:
     
  14. حرف

    حرف بـترولـي خـاص

    1,776
    0
    0
    نظام الثلاثه ايام هذا نظام من الجامعه تسهيل للطلبه ومعترف فيه بالتعليم العالي لان عند التعليم العالى مدون عندهم انه دوام كامل شهر و تعتبر انتظام ..
    وبالنسبه للاعتراف .. فى بعض التخصصات تم الاعتراف فيها والبعض للحين لم يتم وراح يتم بالمستقبل وتقدر تستفسر من التعليم العالي شنو التخصصات اللى تم الاعتراف فيها

    المشكله فى الـKNPC انك اذا اخذت اجازه امتحانات قبل لا تطلع يخلونك توقع على ورقه والورقه هذا مكتوب فيها ان لهم الحق بعدم الاعتراف فى شهادتك :( (( وهنا تعتمد على الواسطه )) اذا لم يقبلوها
    ولاكن اذا درست من غير ماتاخذ اجازه امتحانات من الشركه وتخرجت يعترفون فيها غصبن عليهم

    واجازه الامتحانات يحق لجميع الموظفين الحصول عليها ولاكن بعد اكتمال شرط واحد وهو لابد ان تكون لديك خدمه 3 سنوات فى الشركه

    وان شاء الله قدرت اوضح لك الصووره
     
  15. Strongman-koc

    Strongman-koc بـترولـي نشيط

    114
    0
    0
    مشكور اخواني على تفاعلكم بالموضوع وانشاله انا وصلت الموضوع حق اعضاء باللجنه الاعلاميه علشان اوصلونه حق النقابه والله كريم ننطر وانتوا شباب بدوركم اتقولون خق ربعكم اصير في توجه على هلموضوع يمكن نقدر انحصل على المطلوب
     
  16. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    اظن تم الاعتراف بالجامعه الخليجية بجميع التخصصات الكتاب وقع من قيل الدكتورة رشا الصباح بتاريخ 18\3\2008
     
  17. FCC

    FCC بـترولـي نشيط جدا

    250
    0
    0
    حسب ماعرفت انة فية ماستر بالبحرين اللى حاب يكمل بعد الجامعة بنظام التعليم المفتوح والحضور ثلاث ايام بالشهر بس السؤال هل التعليم العالى يعترف بهالنظام .. ما أعتقد :confused:

    انتظام الدراسة والحضور شرط اساسى لقبول الشهادة , ومو كل التخصصات المطروحة مقبولة من التعليم العالى

    اللى يبى يكمل برا لازم ياخذ الاوكى من التعليم العالى ويفتح ملف والا ترا ماتنقبل شهادتة :)
     
  18. wildibm

    wildibm بـترولـي جـديـد

    34
    0
    0
    الكندري :D
     
  19. Ayato

    Ayato بـترولـي جـديـد

    4
    0
    0
    أخوي بالنسبة للجامعة تأكدت أنه معترف فيها في جميع تخصصات الهندسة 100% بس نظام الثلاث أيام بالشهر كان فيه إشكال بين التعليم العالي و الجامعة و رافضينه و هذا إللي أهم شي ودي أعرفه هل أكيد تم قبول هالنظام أو لأ, أما بالنسبة لإجازة الإمتحانات لازم 3 سنين خدمة ؟ في ناس صارلها سنتين و خذت إجازة دراسية

    و شنو هالتخلف يمكن يعترفون فيها و يمكن لأ -_- التعليم العالي معترف فيها, شنو يبون أكثر من جذي !!


    واحد فاهم : نعم تم الإعتراف بجميع التخصصات لكن لا يزال السؤال هو هل تم الإعتراف بباقي الأنظمة ام فقط النظام المستمر, لأنه لو تم الإعتراف بالأنظمة كلها, مافي أحد راح يكون عنده عذر ما يدرس و ما راح يحتاج شي الشركة غير راتبه إللي نازل, تتعب سنتين او ثلاث و تعيش مثل الناس و قريدات سنعة, ولا هالشفتات و 6 ايام بالاسبوع و المذلة


    عبدالحميد دشتي : أخوي كم سنة صار لك خدمة ؟
     
  20. عادل

    عادل بـترولـي نشيط جدا

    382
    0
    0
    اطالب بتثبيت الموضوع حتى تكون مطالبه اكبر ورسميه
     
جاري تحميل الصفحة...

مشاركة هذه الصفحة