المنتدى بكبره يعتبر جات وفيه عدة اقسام وتقدر تسولف بأي منتدى وبأي موضوع بساذا فتحنا جات راح تنحصر الاسئله و الردود لأي موضوع بالجات نفسه يعني المنتديات الثانيه راح يحوشها جفاف ( هذا مجرد رأيي بالموضوع )
الصراااحة انا اؤيد الفكرة هذي وبقوه والمنتدي ما يعتبر جات نبي شي لايف والصراحه اذا يكون في جات برايفت يكون افضل يمكن واحد عنده مشكلة ومنحرج يقولها حق الكل يقولها حق واحد يعز عليه (
اعارض وبشدة لان الشات لا يمكن السيطرة علية وسوف يستعمل لاغراض اخرى . اما ايذا علشان المشكلة و ينحرج راعيها لا يقولها هناك الرسائل الخاصة يمكنه ان يرسل رسالة لاي واحد ويطلب رأيه . { هذا رأيي والرأي لا يفسد للود قضية }
أضم صوتي لكم ولكن عطوني مراقب بالشات ولكن بالدوام ومن خلال كمبيوترات الشركة الشات عموما عليه بلوك يعني اللاب توب معاك بالدوام ولا شات بالبيت للعلم
بصراحه انا مو مع الشات انا الحين اتضايق من بعض ردود الاخوان على بعض والتمادي في الرد وغير هذا ذكر اسماء اشخاص والتجريح فيهم خلنا على المنتدى وياريت تقوم الرقابه بحذف الكلام الجارح او التمادي على بعض الاعضاء
سلملي عالشات ... موكافي المنتدي العام والمنتديات الخاصه لمناقشة المشكال ؟؟!! لا واحد المشاركين يبي شااات ببرايفت !!!!!!!!! يبي يناقش بذمه وضمير ...... بلا شااات بلا ني.........
السلام عليكم ورحمة الله وبركاته برامج الشات منتشره في كثير من المواقع وعليها اقبال كبير ولكن ماهو نوع المواضيع التي يتم التناقش فيها في الشات؟ انا متأكد ان اغلب الناس في بدايات الانترنت دخل شات وعارف شنو يدور في غرف الشات بعدين لو عملنا شات راح يموت المنتدى مع العلم ان الكلام اللي ينكتب في المنتدى يبقى على طول موجود اما الكلام اللي في الشات فهو لا يتخزن ولا راح يستفيد منه احد. لذلك فكرة الشات مشيوله من تفكيرنا في المنتدى ونرجوا ان تقبلوا وجهة نظرنا ولنا اسباب اخرى نعتذر عن طرحها
انا ما افضل الشات لانه وبصراحه مضيعه للوقت وبنفس الوقت ما راح يكون فيه موضوع جدي ومناقشات والامور هذي كلله راح يصير ضحك وتطنز وشكرا
التشات أو الجات أو الشات تختلف الأسماء و القصد واحد ، قد يتركز دخول الأعضاء أو أغلبهم للشات و ترك الإطلاع على المواضيع المهمة الموجودة هنا و هناك ، و يؤدي إلى قلة التفاعل مع قضايا القطاع النفطي و هذا هو السبب الأهم لوجود المنتدى كما أظن، و ممكن ارسال الرسائل الجانبية لمن نريد . ما رأي الأشقاء ؟
