منو عندة سؤال ؟؟

الكاتب : نفطي كويتي | المشاهدات : 843 | الردود : 12 | ‏2 ابريل 2008
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    بما أن ما احد معبرني ولا معبركم بالمنتدى

    قلت لنفسي خل اقص عليكم واقول لكم إني ناظر بالشركة

    لا لا لا ما دام إتي متخيل أو قاعد أحلم خل منصبي يكون

    نائب عضو منتدب
    لأن اصلا ما في ناظر بالشركة صار اسمه رئيس فريق

    يعني إللي عندة شكوه على النظار أو بيرفع قضية لا يوهق نفسة ويشتكي علي منصب مو موجود أصلا

    عشان لا تضيع شكواه ولا قضيتة


    المهم أنا

    النائب العضو المنتدب


    تنازلت وتواضعت لأن من تواضع لله رفعه وإحتسبت الاجر عند الله

    ونزلت نفسي لكم عشان اعرف شنو همومكم وشنو أسألتكم وشنو تبون تعرفون بالضبط


    وياليت ما تطولون لأن انا مو فاضي لكم وعندي اشغال واجد وأهم منكم :mad::mad:

    ولكن شنو اسوي ابي الاجر ونوع من انواع التواصل عشان لا تقولون مقصرين معاكم

    مع اني اعرف ان هالشي ما ينفع معاكم ولا تستحقونة :(

    بس ندش بالموضوع إللي عنده أي سؤال أو إستفسار يسأل.

    وانا راح اجاوب

    أأأأأأأأأووووووووووووووففففففففففففف:(:(

    يالله بلشو
     
  2. يورياوي

    يورياوي بـترولـي مميز

    688
    0
    0
    q8
    ماراح آخذ من وقتك طال عمرك .
    بس ابيك تشيل جميع النظار وتحط ناس كفو تغطي مكانها وتكون قد المسئولية وتخاف الله مو بس همها مصلحتها .
    وآسف علي الاطالة.
     
  3. هلمت

    هلمت بـترولـي جـديـد

    12
    0
    0
    نفطي بقولك شي ممكن
    انت سوبرفايزر مو حاصلك تبي تصير عضو منتدب
    اخاف صج :)
    لا ويورياوي راد عليك بعد والله طرطرة هههههههههههههههه
    جنكم شحيت ومحيت
     
  4. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    حياك الله اخي يورياوي

    بعد الحمد لله والفضل والمنه

    قامت الشركة بإلغاء وظيفة النظار عشان عيون بعض العمال المظلومين

    وعينت مكان هالوظيفة رؤساء فريق منها تستفيد الشركة منهم وكف الظلم عن العمال ومنها

    يكونون صف ثاني للمنتخب الوطني خصوصا بعد استقالة بعض رؤساء وإداريي المنتخب الوطني

    أرجوا أن اكون قد افدتك
     
  5. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    [​IMG]
    كلمة ثانية وأطردك برة:mad:
     
  6. هلمت

    هلمت بـترولـي جـديـد

    12
    0
    0
    ليش الطرد

    ما قلت الى الصج
     
  7. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    عندك سؤال عن الشركة إسأل ما عندك لا تذكرني بوظيفتي الحقيقية

    خلني بالمنتدى عضو منتدب

    حياك الله ونورت الموضوع
     
  8. يادنيا

    يادنيا بـترولـي مميز

    طال عمرك الله يخليك يا عضونا المنتدب

    ليش ما تخلونا نجمع رصيد اجازات او نبيع الرصيد

    مشكور على الوقت اللي خليتني اعبر فيه

    مع السلامه ياطويل العمر احنا بخدمتك ز :)
     
  9. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    حياك الله أخي الكريم : يا دنيا

    أول شي سؤالك حلو ويا ليت نشوف مثل أسإلتك إللي تهم الموظفين في الشركة

    ثاني شي موضوع الرصيد

    الموضوع هذا قديم

    ولقت الشركة إن مو من صالحها تجميع الرصيد

    بعد أن لاحظت بعض التلاعبات من قبل الموظفين

    يعني واحد متمرد ياخذ مرضيات بالسنة شهرين وأكثر

    تغنيه عن الاجازات السنويه ويقوم بتجميع الرصيد

    ومن ثم يبيعها للشركة يعني استفاد من الناحيتين

    ممكن احسبها معاك حسبة بسيطة لو كل موظف باع رصيد شهر كل سنة
    ومتوسط راتب الموظف 1000 دينار
    نضربها 400 موظف
    تتخسر الشركة سنويا 400000 دينار
    وهذي خسارة كبيرة على الشركة

    وبعدين حسبه ثانيه إنت ساعتك اليوم فرضا 6 دنانير

    وقمت بتجميع رصيد إجازاتك كما كان معمول به سابقا

    وجمعت 150 يوم وأتي يوم تقاعدك وأصبحت ساعتك اكثر من 15 دينار

    وبعتها احسب كم راح تكلف الشركة من أموال

    وفرضية اخرى موظف جمع رصيد وطلب إجازة سنويه اكثر من 90 يوم هذا ما يسوي ربكة بالقسم

    وثالثا اخي الغالي اعتقد إن رصيد 90 يوم سنويا كافي وواجد عليكم
    لو تحسبها مع مرضيات والاوفات والإجازات الطارئة والدراسية والحج

    الله الله :eek::eek: يا كثر اجازاتكم

    بصراحة انا ودي اقلص بعض الاجازات

    ورابعا وهذي نصيحة مني خل نقابة الاتحاد والنقابات تتبنى الموضوع

    وإذا اقتنعوا فيها المسؤولين بالمؤسسة ما عندنا مانع نطبق القرار

    أرجوا اني قد أوضحت لك

    وحياك الله اخي الكريم
     
  10. يورياوي

    يورياوي بـترولـي مميز

    688
    0
    0
    q8
    مشكور طال عمرك علي التوضيحات الوافية :)
    بس حبيت اسأل عن تأثير الخصخصة علينا كموظفين ؟؟؟؟؟

    وشاكر لك
     
  11. هلمت

    هلمت بـترولـي جـديـد

    12
    0
    0
    حبيت اوجه لك سؤال طال عمرك

    هل اللي سمعناه بالشركة صحيح وهوه ان ادارة الشركة تخاف وتهاب من الاجتماع مع النقابة ؟
     
  12. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    ممتاز ممتاز سؤال جميل ويدل على ثقافة صاحب السؤال مو لقافته

    دايما ما يسأل هذا السؤال المهم

    ودي اعرف ليش انتم خايفين من الخصخصة

    والمشكلة بأن الموظفين شافوا شنو تأثير الخصخصة أو بيع المصنع على اخوانهم في مصنع الملح والكلورين

    كانوا يتمنون درجة وحده وأيضا كانوا خايفين من البيعة

    وبعنا المصنع


    وجبناهم عندكم وصاروا كلهم مسؤولين عليكم

    من سينير إلي مدراء انظر إلى قسم الصيانة والتشغيل والتصدير والمختبر والمشاريع
    والادلة كثيرة على فايدة الخصخصة على موظفين الشركة

    منو مشرفي الورديات عندكم ومنو نظاركم ومنو السينير عندكم في جميع الاقسام منو ها جاوب منو
    ها يالله جاوب جاوب
    اقول جاوب:mad::mad::mad:


    يعني لو خصخصنا الشركة ورحتوا البترول الوطنيةوكنت انت مشغل ممكن تصير سينير على موظفين البترول الوطنية

    وإذا كنت سينير ممكن تصير سوبر فايزر والسوبر يصير ناظر والناظر يصير مدير والمدير يصير عضو منتدب

    يعني منو مستفيد انتم ام موظفين البترول
    والشي الثاني كانوا اخوانكم في مصنع الملح ينتجون ملح ولقينا بأن الضغط مرتفع عندهم دايما قمنا وريحناهم وبعنا المصنع
    واحد يقول انا اشتغل بالخلايا في مصنع الملح والكلورين إشدعوه
    ( نحول )

    [​IMG]

    حتي النحل ينتج عسل فية شفاء للناس وهذا ينتج ملح يجيب الضغط

    لا و مستانس

    احلفك بالله انت ما تستحي تقول شنو شغلتك رجل ابو عيال محترم تنتج سماد:(:(

    انا شخصيا استحي اقول اني عضو منتدب للمصنع قاعد اقص على العالم واقول اني عضو منتدب لشركة ايكويت:(:(

    يعني الشركة قاعدة تفكر بمصلحتكم وتفككم من هذا الاحراج:D:D

    اقصد نحن قاعدين نفكر بمصلحتكم;);)

    وشكرا لك
     
  13. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    حياك الله اخي الكريم

    ليس كل ما تسمعه صحيح

    وشنو إللي نهابه أو نخافه

    نحن اشخاص نؤمن بالديمقراطيه

    وهذا ما تربينا عليه نحن اهل الكويت

    نحن ابوابنا مفتوحه للجميع

    وبإمكانك أن تجرب بنفسك وسوف ترى بأننا لا نرد احد أبدا وحتى لو قلت بأن هنالك باب زجاجي

    فبإمكانك فتح الباب بيدك وبكل رحابة صدر راح نستقبلك
    وما راح نطلب منك سوى طلبين طبعا بعد ما نضيفك ونسمع شكواك
    راح نطلب هويتي الشعيبة والشركة

    وبكل رحابة صدر راح نطلب الامن ويوصلونك للباب الرئيسي للشركة

    ياليت اشوفك وتمر علينا

    والكلام هنا عن الخوف من شنو نخاف هذا انتم ونقابتكم وإتحادكم صار لكم اكثر من 4 شهور

    تهددون وللحين ما جاكم شي وماصار إلا إللي نبيه نحن

    وأقصى تهديد ممكن تهددونى فية الاضراب الله يسلم الهنود والاجانب وتأكد بأن المصانع لن تقف

    يعني بكل ما تعنية هذة الكلمة

    وجودكم مثل عدمه

    ولذلك انتم من يجب أن يخشانا ويتودد إلينا عشان نتنازل ونحقق مطالبكم

    واخر شي النقابات جميعها جعلت لكم وليست لنا وعلاقتها بينكم وبين الادارة الوسطى تضبط تقاريركم تطالب بدرجة

    تسحب انذار توقع اجازة مرفوضة يعني تخليص معاملات

    أشعليكم قاعدين نهيأكم تكونون أعضاء مجلس أمة للدائرة الخامسة

    وأرجوا اني اكون قد افدتك

    وحياك الله
     
جاري تحميل الصفحة...

مشاركة هذه الصفحة