الظلم ظلمات يوم القيامة

الكاتب : يورياوي | المشاهدات : 1,271 | الردود : 22 | ‏1 ابريل 2008
  1. يورياوي

    يورياوي بـترولـي مميز

    688
    0
    0
    q8
    شباب عندي استفسار وابي ردودكم .
    شنو تأثير ( مرضيات دخول المستشفي والعشر ايام اضطرارية والاجازة السنوية والاجازة الدراسية ) علي التقارير هل تأثر لدرجة انها تنزل التقرير 5.5 والا السالفة مزاجية من النظار .
    شباب والله الوضع كل ماله للأسوأ هل يعقل انه ناظر يقول ليش تاخذ مرضية وليش تدخل مستشفي وليش تاخذ اجازة وليش تاخذ اضطرارية .
    حسبي الله ونعم الوكيل .
     
  2. دبليو دي 40

    دبليو دي 40 بـترولـي نشيط

    144
    0
    0
    هذي قمة المزاجية والمصخرة(متعمد اكتبها بالصاد لأنها تعبر اكثر)
    اخ يورياوي لو تشوف النا اللي غايبه 140 يوم وعطوهم جيد شيصير فيك
    لو تشوف العامل الغير كويتي اللي مقزر الدوام رليف وسوبرة يقول ما يشتغل وبالاخير السوبر يكتبله جيدجدا
    احنا عايشين ايام العصور الوسطى والحكم الاقطاعي
    قالها المتنبي
    اغاية الدين ان تحفوا شواربكم~يا امة ضحكت من جهلها الامم

    الله يعوضك انا اقول ياتروح تشتكي عند النقابه او العلاقات الصناعيه ايهما اقرب
     
  3. دبليو دي 40

    دبليو دي 40 بـترولـي نشيط

    144
    0
    0
    هذي قمة المزاجية والمصخرة(متعمد اكتبها بالصاد لأنها تعبر اكثر)
    اخ يورياوي لو تشوف النا اللي غايبه 140 يوم وعطوهم جيد شيصير فيك
    لو تشوف العامل الغير كويتي اللي مقزر الدوام رليف وسوبرة يقول ما يشتغل وبالاخير السوبر يكتبله جيدجدا
    احنا عايشين ايام العصور الوسطى والحكم الاقطاعي
    قالها المتنبي
    اغاية الدين ان تحفوا شواربكم~يا امة ضحكت من جهلها الامم

    الله يعوضك انا اقول ياتروح تشتكي عند النقابه او العلاقات الصناعيه ايهما اقرب
     
  4. Workers

    Workers إدارة المنتدى

    7,767
    30
    48
    ذكر
    الكويت
    الجواب لاتؤثر في التقرير والدليل هو لايستطيع كتابت هذا السبب في تقريرك انما يقولها لك ويوهمك في وجود قصور
    لديك
    وهو يعرف جيدا لايوجد قانون يستند علية في موضوع المرضيات فالقانون لصالحنا والحقيقة لايقولها لانه جبان ولانه سيكتب السبب هو اداء عملك ضعيف بل سيكتب اشياء لن تصدقها لكي يبرر فعلته الظالمة وكل هذا بسبب النسبة
    وتوزيعها بشكل ظالم . اخ يورياوي هذا الظلم حصل معي من قبل ولمعرفتي بان الناظر يتمتع بحصانه من الاداره ولانها
    فاسده فاسده اداريا فلم اجد طريقة سوى الذهاب لمكتبه وقلت :
    والله اني خصمك يوم القيامة
     
  5. يورياوي

    يورياوي بـترولـي مميز

    688
    0
    0
    q8
    والمشكلة يحاجون الناظر واهوه مو هامة لا علاقات صناعية ولا نقابة ويهدد السوبر فايزر اذا رفع العامل ينزل تقريره والنتيجة احنا اللي ناكلها :(
     
  6. Workers

    Workers إدارة المنتدى

    7,767
    30
    48
    ذكر
    الكويت
    طبعا اكثر مايهمة هو حلقة الوصل(المسؤل المباشر) لان مايكتبة يعتمد بس للاسف تجد كل مسؤل مباشر اقل شي جيد جدا ويقولك الناظر هو اللي نزلك فالحقيقة هو الظالم الجبان وتقبل تحياتي
     
  7. يورياوي

    يورياوي بـترولـي مميز

    688
    0
    0
    q8
    لاذمة ولا ضمير بهالشركة
     
  8. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    يورياوي اذا لك حق لاتسكت عنه ... فيه نقابه وعلاقات صناعيه ولو اقتضي الامر فيه محاكم ...

    ولجنة شكاوي في مجلس الامه (اذا الله عطانا عمر ) حقك لاتتنازل عنه ...

    حتي الاجازه يبي يحسبها عليك ؟؟؟!!! انت شمسوي ؟؟؟؟!!!!!

    لايكون انت السبب في عدم توليه منصب المدير ؟؟؟؟؟؟؟

    اتمني ان الاداره تمنحنا كطبقه كادحه ولو لمره واحده في الحياة كتابة تقرير الناظر ....

    وتري الامر منطقي ...

    يعني شهادتنا في الناظر او المسؤول انا اشوف انها اهم من شهادة المدير فيه ...

    التقييم الحقيقي لاي مسؤول ياتي من العاملين في قسمه ...
     
  9. الكايد

    الكايد بـترولـي نشيط

    73
    0
    0
    الظالم راح يلقاها فى نفسه وفى عياله
    وياكثرهم فى هالشركه
    لو اذكر لكم اسماء ما نخلص
    بس حسبى الله ونعم الوكيل
     
  10. يورياوي

    يورياوي بـترولـي مميز

    688
    0
    0
    q8
    الله كريم والظالم له يوم وكما تدين تدان
     
  11. يورياوي

    يورياوي بـترولـي مميز

    688
    0
    0
    q8
    علي فكره انا ماتحجي عن نفسي بس وايد ناس مظلومة لي متي والتشغيل طوفة هبيطة وستاف االصباحي كلهم مميزين والسوبرفايزر كلهم مميزين والاجانب كلهم مميزين شنو العمال اغبياء وبقدرة قادر يصيرون اذكياء لاترقوا الا سوبرفايزرية او صار دوامهم صباحي والا شنو ........

    ابي واحد بالادارة ماخذ فير ممكن تقولون لي منو مع اختلاف طبيعة العمل بيننا وبينهم .
     
  12. Workers

    Workers إدارة المنتدى

    7,767
    30
    48
    ذكر
    الكويت
    اي والله جماعة الصباحي اوضاعهم طيبة الدوس عالورديات يضبط السوبر مان ويوصيه على ربعه يعصرهم قد مايقدر
    الحل الوحيد المطالبة في الغاء النسبة لانها ظالمة ظالمة بكل المقاييس فصدقوني ياجماعة اذا الغوها والله تشوف الناظر هذا(عادل امام)يجيك يتميلح عطيتك جيد جدا ولاهامة وشكثر ماخذ مرضايات ولا عرضيات
     
  13. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    ودي اصير ناظر

    عشان جذية راح احاسب يورياوي اليوم

    اسمع السنة 365 يوم

    ماخذ اوفات 8 بالشهر يعني 96 يوم بالسنة

    ماخذ مرضية 30 يوم فرضا
    وإجازة 45 يوم
    ودراسية 30 يوم
    وإجازة طارئة 10 ايام
    وإجازة حج 28 يوم
    وغياب بعذر يومين


    وغياب بدون عذر 6 ايام

    يعني المحصلة النهائية تساوي 247يوم

    ترى للحين ما حسبت ساعات التأخير عن العمل

    وما حسبت الساعة الراحة اليومية عن كل يوم تداوم فيه
    يعني باقي من السنة 118 يوم
    يعني حضرتك مداوم عندي 3 اشهر و18 يوم:mad::mad:
    اقولك شي
    اشلون دشيت علي من غير ما تبلغ سوبر فايزرك وين التسلسل الوظيفي:mad::mad:
    اطلع برة وخذ انذارك معاك عشان تصير عبرة لكل من تسوء له نفسة ويفكر يحاسبني
    قال ايه ما عاجبه تقريره
    الحين تقرير وانذار خل احد يفكك
    لا تزعل شكلي تحمست شوي وصدقت اني ناظر:D:D

    اقول الله يعين الموظف على هالشركة
     
  14. يورياوي

    يورياوي بـترولـي مميز

    688
    0
    0
    q8
    [​IMG]
     
  15. سكر زيادة

    سكر زيادة بـترولـي نشيط

    56
    0
    0
    الشكوى لغير الله مذله .............. مالك إلا الدعاء على كل ظالم ظلمك ............... وفي النهاية نام مظلوم ولا تنام ظالم
     
  16. يورياوي

    يورياوي بـترولـي مميز

    688
    0
    0
    q8
    جزاك الله خير
     
  17. هلمت

    هلمت بـترولـي جـديـد

    12
    0
    0
    الله يعينك ومالك الا الدعاء ولهم يوم ان شاء الله .
     
  18. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    تعودنا على ظلم التقارير - صارت عندنا مناعة
     
  19. يورياوي

    يورياوي بـترولـي مميز

    688
    0
    0
    q8
    شنو تعودنا وشنو كل مره اروح احاجي النقابة او اي احد يساعدني وانا لي حق وليش بس التشغيل مظلومين وليش وليش ؟؟؟؟؟؟
     
  20. بايب رينش

    بايب رينش بـترولـي نشيط جدا

    180
    0
    0
    وكل امرك حق ربك

    بس ودي اعرف النظار مااشوفهم هالايام شصاير ؟؟

    بعدين شوضع دوامهم ؟؟
     
جاري تحميل الصفحة...

مشاركة هذه الصفحة