إشتراكات الإنترنت والوطنيه للإتصالات

الكاتب : RUSTY F | المشاهدات : 662 | الردود : 8 | ‏1 ابريل 2008
  1. RUSTY F

    RUSTY F بـترولـي نشيط

    58
    0
    0
    كل القطاع النفطي بدون إستثناء تعاقد مع شركات الإنترنت وشركات الإتصالات في الكويت لتقديم خدمات مميزه لموظفيها .. اللي صار إن شركتنا عندها عقد مع شركة (زين) والعروض ممتازه ما نختلف على هالشي لكن ليش ما يكون عندهم عقد مع الوطنيه للإتصالات ؟؟ والا على شان شروها قطر ما تبون تنفعونهم من باب الوطنيه والولاء ؟؟
    وبالنسبه للإنترنت حدث ولا حرج الإنترنت صار الوسيله الأهم للإتصال في هالوقت ومحد يقدر يقول إنه ما يحتاجه والدليل في الدوام كلّن قاظب له جهاز والناس صافه دور وراه تنطره يخلص .. إللي أبي أوصل له كان عندكم عقد ممتااااااااااااااااااااااز مع شركة زاجل نت (كيمز) سابقا على شان يقدمون خدماتهم بأسعار تنافسيه للموظفين وناس وايد إشتركوا معاهم لكن فجأه زاد السعر .. وبعدها بفتره زاد مرّه ثانيه ولما إستفسرنا لقينا إن عقدهم مع شركتنا خلص والشركه ما رظت تجدد معاهم ولا مع غيرهم !! شفيكم ؟؟ صكيتوا على شحفان القطو يا مال الفقر !!

    والكلام موجه حق النقابه ألحين .. إنتوا قائمه فاجأت الجميع بالفوز الساااااااااااااااااحق ويعلم الله إني قد أكون مؤيد للإخوان في القائمه السابقه المنافسه لكن ما يمنع إني أعترف إني أحترم كل شخص فيكم بدون إستثناء كلنا إخوان وربع وتبقى العمليه عملية إنتخابات ووجهات نظر .. اللي بقوله إنكم لازم تشدون حيلكم إحنا دخلنا على سنه ماليه جديده وحقوق العمال تنتقص وكل ما يالها لي الأردى هذا وقتكم إنكم تثبتون أنفسكم بإنجازاتكم وصدقوني طالما في إنجازات مشرفه راح تلقون الكل بيوقف معاكم ويسندكم وأتمنى لكم التوفيق بإذن الله .. وسامحونا عالإطاله
     
  2. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    والله كلامك عين العقل
    والظاهر إن عقد الشركة مع زين انتهى بعد اشوف اسعار مكالماتي زايدة بدرجة كبيرة والمسالة فيها شي غريب

    بس المشكلة مادري اشلون احسب المكالمات

    والله يعين على كل حال
     
  3. هلمت

    هلمت بـترولـي جـديـد

    12
    0
    0

    شكلك واجد تقرق يانفطي :)
     
  4. Workers

    Workers إدارة المنتدى

    7,767
    30
    48
    ذكر
    الكويت
    انا نفسك الشهور الاخيرة زايدة واتصلت فيهم قالو ماتغير شي.
    والله اعلم شلون يحسبون المكالمات
     
  5. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    كل الشكر للزميل كاتب الموضوع ....

    فعلا امور تلقاها في الشركات الثانيه من الامور البديهيه ... لما نسألهم ونقول لهم خوش ميزه يستغربون منا ..

    يقولون هذه اشياء تافهه ...!!!!!!

    اقل قسم علاقات عامه في اي شركه يقوم بامور اكبر بكثير من عمل علاقاتنا العامه في شركتنا
     
  6. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    أخوي شركتنا عندها عقد مع الوطنية وأنا قبل 6 أشهر رحت الوطنية وسويت عقد مع الوطنية اشتراكات شركات على بطاقة الشركة
    بقيمة إشتراك ودقايق أقل حسب العرض ولك أيضا خصومات على سعر الخطوط


    وباجي موضوعك فانت مصيب 100% وكلامك صحيح
     
  7. RUSTY F

    RUSTY F بـترولـي نشيط

    58
    0
    0
    شكرا عالتوضيح آنا ما عندي فكره عن العروض مع الوطنيه لأن ما عندي إشتراك عندهم من الأساس بس واحد من الربع معانا في الدوام من جم يوم عندهم قالوا له العروض بس حق البترول الوطنيه ونفط الكويت ومؤسسة البترول وما إعترفوا بهويته !!
     
  8. بايب رينش

    بايب رينش بـترولـي نشيط جدا

    180
    0
    0
    ماعليه الشباب بالنقابه جابو لنا شي حلو

    كرت خصوومات

    ان شالله يشدون حيلهم

    ودمتم
     
  9. امونياوي

    امونياوي بـترولـي جـديـد

    13
    0
    0
    واللة يا بايب رينش مهما يابو محد راح يعجه حتى لو عطو كل واحد سيارة
     

مشاركة هذه الصفحة