هل تباع الكويت بصك البراءه؟ ..سؤال وليس نقد

الكاتب : جابر | المشاهدات : 1,067 | الردود : 24 | ‏1 ابريل 2008
  1. جابر

    جابر قــلــم بــتــرولــي أعضاء الشرف

    ليس الهدف من الموضوع (قدح) لتيار أو جماعه ...لكن لبحث التوقعات ...فى حالة حصل الأسوأ..

    ماهى توقعاتك على الساحه الكويتيه فى حالة إعطاء صك البراءه لعبد الصمد ولارى ؟ شعور الإنتماء ، الإنتخابات وتحالفاتها ...علاقة اهل الكويت ببعضهم ..بعد هالأزمه ....

    أنا شخصيا أعتقد إن الولاء للكويت سيضعف إلى حد كبييير وستبدأ الولاءات الصغيره تنمو ...

    فى السنوات الأخيره ..فكرة القبليه بدأت تضعف بشكل ملحوظ ...والولاء للبلد أو حتى الحزب صار المسيطر ...

    أما إذا تم منح صك البراءه ...فتوقعى الشخصى إن أبناء القبائل سيعودون للفكره الأصليه ..القبيله هى الأساس ..وهى المحك عند كل إختيار ....
    هذا قد يكون سبب فى إن الفئات الأخرى تفعل نفس الشى ....لما لا ...والحكومه نفسها (ليست متفقه) على تعريف الوطنيه ...كل فئة ستجد الامان فى داخلها ...بعد أن (ضاعت) المعايير داخل الكويت ...

    أتمنى أنى ما أكون متشائم وأتمنى رؤية أرائكم ...
     
  2. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    براءه انشالله

    مساكين الشباب كانو ا ما يدرون ان مغنيه مذنب :)

    القانون قانون لو على ....

    هذا كلام وزير الداخليه وأهو أبخص
     
  3. جابر

    جابر قــلــم بــتــرولــي أعضاء الشرف


    المشكله صارت أكبر من جذيه ....من أنهم مايدرون ...وراح يقدمون إعتذار لأنهم أساءوا لمشاعر الشعب :eek:...
    هالحين ....مغنيه (برىء) وما عليه (أدله محسوسه) ...وحزب (الله) غير موجود (نهائيا) ...الفاتووووووره كبيييييره ..:mad:
    ولييييييييييييييييييش تدفع الكويت هالفاتوره :confused:
     
  4. بلبل عنقريزي

    بلبل عنقريزي بـترولـي خـاص

    2,187
    0
    0
  5. R&GL

    R&GL بـترولـي نشيط

    129
    0
    0
    رسالة لادارة المنتدى سؤال مهم عندكم رقابة على المواضيع المنشورة وبعدين ماتلاحظون ان بعض الاشخاص يكررون نفس مواضيع الفتن كل ماتسكر موضوع ىفتحون موضوع ثانى بنفس النفس الى يدعوا للفتنه مثل الاخ الحين يحاول يعتدى على صلاحيات القضاء ويعطى احكام مسبقه وبعدين يحاول يفرق الشعب الكويتى بمقولته ان اذا القضاء براء سيد عدنان ولارى فابناء القباءل راح ينزعون ولاؤهم للكويت ويرجعون لقبائلهم وهذا كلام خطير وحنا ربعنا ابناء القبائل بدوام والدواوين ماعندهم التوجه هذا بالعكس يحاولون يجمعون الصف لانهم يدرون الديره هذى للجميع.
    فارجو من ادارة المنتدى التاكد من هوية البعض الى ىحاول يفتن بين الشعب الكويتى لان هذى امانه
    ادرى ان راعى الموضوع راح يقول الحين شوى شوى فهمتنى غلط لاكن ارجو من جميع الكوتين الاشراف يراجعون كتاباته وبالاخص ادارة المنتدى
     
  6. بلبل عنقريزي

    بلبل عنقريزي بـترولـي خـاص

    2,187
    0
    0
    الموضوع على عبدالصمد ؟
    وين الفتنه هني اخوي

    اقرأ الموضوع عدل اخوي
    القصد من الموضوع ان لم يتم تطبيق القانون بالشكل الصحيح
    ستحدث مشاكل كبيره لان الموضوع ولاء ووطنيه لايحتمل القسمه على اثنين

    ارجو منك التروي اخوي الله يرضى عليك
     
  7. R&GL

    R&GL بـترولـي نشيط

    129
    0
    0

    ماهى توقعاتك على الساحه الكويتيه فى حالة إعطاء صك البراءه لعبد الصمد ولارى ؟ شعور الإنتماء ، الإنتخابات وتحالفاتها ...علاقة اهل الكويت ببعضهم ..بعد هالأزمه ....

    أنا شخصيا أعتقد إن الولاء للكويت سيضعف إلى حد كبييير وستبدأ الولاءات الصغيره تنمو ...
    فسر شنو يقصد
    بعدين تعتقد اهو احرص على الكويت من رئيس الوزراء والشيوخ والقضاء
     
  8. جابر

    جابر قــلــم بــتــرولــي أعضاء الشرف

    حرية الرأى مكفوله للجميع ...مادام مافيها تعدى على أحد .:rolleyes:..
    الموضوع (للى يفهم) سؤال وليس نقد ...عن سعر فاتورة التبرئه ... موضوع جديد وثقيل ...له علاقه باخر تصريح لسمو رئيس مجلس الوزراء ...مو كل الناس تبى تقرب صوبه ..مفهومه .:(..

    أما التدخل بالقضاء ...فالظاهر إنك ماتقرأ جرايد :eek:
    سبق السيف العذل :(

    بالنسبه للولاء ...فيه فرق كبيييير بين التحريض وبين عرض نتيجه محتمله ..النص وااضح ..
    ومواضيعى ومشاركاتى على المنتدى تقدر أنت وغيرك تشيك عليها .....ماراح تلقى فيها قبليه ولا عنصريه ولامذهبيه...وأنت مو فاهم غلط ..أنت فاهم صح ...بس هذى الطريقه الوحيده اللى (تنهى) فيها هالنوعيه من المواضيع ...ونتمنى إنك ماتلقى أحد يساعدك :)
     
  9. جابر

    جابر قــلــم بــتــرولــي أعضاء الشرف

    أنا شخصيا ==== يعنى رأى شخصى .... من حقك تخالفه وتقول ...لا ماراح يصير هالشى ...
    لكن أنت فضلت تتهم الناس ...بدلا عن إعطاء رأيك ....وهذى سمه فى النقاش ...قالها د.الموسوى فى أحد مقالاته فى المنتدى ياليت تقرأها
     
  10. بلبل عنقريزي

    بلبل عنقريزي بـترولـي خـاص

    2,187
    0
    0
    اخوي الغالي بعيدا عن التشنج

    عندما ترتخي القوانين امام اشياء واضحه هنا يتشجع ضعاف العقول على اشياء واشياء

    اما بسالفت احرص بقول لاتعليق كل شي امامك وعينك ترى :)
     
  11. TIME OUT

    TIME OUT بـترولـي نشيط

    52
    0
    0
    اعتفد في ناس تطرح موضوع وواحد يدش يساند ومايبي احد يعارضة الموضوع اكبر من ان يطرح ولايكون هناك من يعارض وبعدين للاسف الولاء للقبيلة قبل الوطن لايحتاج الي اشارة او دليل انظر بعين المنصف ولاتاخذك العصبية الجاهلية الوطن يجب ان يحتوي الجميع والامير هو الامير لاغير اما ان يكون عدة امراء فهوة الكارثة والولاء لايتجزا والذي لايعجبة مقالة رئيس الوزراء ولدية الدليل الكافي علي ادانت مؤبني مغنية فاقول هذا الميدان القضاء العادل تعال وادلوا بماعندك من شهود ودلائل علي جريمة الجابرية اما الطنطنة بلا دليل ملموس ومادي بان قال فلان وشاهد علان نريد الحقيقة لاغير وعلي كل من يملك ذرة من حقيقة حادثة الجابرية ان يتقدم الي القضاء العادل حتي يتم قطع الشك باليقين.
     
  12. جابر

    جابر قــلــم بــتــرولــي أعضاء الشرف

    المعارضه فى مثل هذى المواضيع ...ثمينه ...بقدر ...الموافقه ...ومن حق كل شخص يقول رأيه ...بس لايدخل بالنيات ...وإتهام صاحب الموضوع أو المشاركين ...القصد جمع الأراء

    الرأى الأخر ..قد يظهر لك أدله ..أو طريقة تفكير مختلفه ...قد ينفعنا جميعا نجربها ...ولو مره واحده ...

    لا يوجد خلاف على تعريف الوطنيه ...لكن الإرباك موجود ...والحكومه صرحت بأكثر من محتوى متناقض ..وكل اللى صرحوا من الأسره الحاكمه ...يعنى مافيه أحد يتجرأ و يقول دوافعهم (مشكوك فيها) ....وهم موكلين على أمانتها (الكويت) صغيرهم قبل كبيرهم............بس ليش التخبط ؟:confused:

    وبعدين سمو رئيس مجلس الوزراء صرح ..وإنتهى تصريحه ...والقضيه لازالت تنظر ...صح ... واليوم الطباخ (محامى عبدالصمد) طلب إضافة تصريح سمو رئيس مجلس الوزراء لملف القضيه .... هذا اللى نتكلم عنه ...هل ممكن تتضرر الكويت من هالتصريح أو تتضرر القضيه المنظوره عند القضاء ..هذا لب الموضوع ..

    انا أقول إيه القضيه تضررت...لأن سمو رئيس مجلس الوزراء مو شخص عادى .:eek:..
    إنت تقول لا مافيه ضرر ومن حقه .......رأيك مقبول ....مانفرض عليك الوصايه وماتفرضها علينا ..صح:)
     
  13. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    الولاء للكويت اولا واخير والكويت باقيه ونحن الفانون الى الاخره
    ومن سيضعف ولاءه للكويت بعد الاحداث الاخيره انا اقوله انته ما عندك ولاء من الحين لا قبل الاحداث ولا بعدها
    لانه مهما صار ولو شنو يصير الولاء للكويت
     
  14. جابر

    جابر قــلــم بــتــرولــي أعضاء الشرف

    كلام معقول ...وجهة نظر مختلفه ...وإن كان مو القصد ندين ..اللى قل ولائه ..لأن الهدف ..وجهة نظر وليس إصدار أحكام ...

    لكن الحقيقه المره تقول إن الولاء للدوله خاضع لمتغيرات ...ممكن تزيده إلى أضعاف ..مثل ماصار وقت الغزو ...تم نسيان الفروقات الطبقيه والمذهبيه ..,اصبح التمسك بالأسره الحاكمه والكويت فى أقوى صوره ..

    ظرف ...زاد الولاء والوطنيه ....

    من هالمنطلق ..ظرف اخر ...ممكن يقلل الولاء أو الوطنيه ....

    فىه ناس كثيره تتهم (بعض التجار) إن ماعندهم وطنيه ...فلوس وخدماتهم برا والكويت محرومه ..حتى صدقاتهم صارت ترسل للخارج ....هل هؤلاء التجار طول عمرهم ومن ايام ابائهم (خيرهم) لبرا ...والله بس هالحين ...واذا كان هالحين بس ...هل هذا نتيجة لتغير (قوة) الولاء للوطن بسبب ظروف (هم أدرى فيها) ظهرت للتو...

    الحقيقه المره تقول ...المتغيرات اللى تمر علينا ...تغير بطبيعة الولاء للبلد ..منهم من اللى وضع (الولاء) لحزب أو (مذهب) أو (قبيله) ....ومنهم اللى (ماقامت تفرق معاه) همه الراتب وبدى أعيش ومالى شغل ...
     
  15. جوري بس فحل

    جوري بس فحل بـترولـي نشيط

    143
    0
    0


    وزير الداخليه يقول ( مافيه كويتي شريف يدافع عن مغنيه)

    رئيس مجلس الوزراء يقول( لانملك دليل قاطع او مادي علي ان مغنيه هو خاطف الجابريه)



    اللي يحل اللغز اعلاه...

    له مني جائزه .. وهي اول ماينزل الكادر ان شاءالله ( تكون من نصيبه ):)
     
  16. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    أكو ناس بتموت بتذبح نفسها بس عشان تسوي فتنه لووووول

    شي مضحك
     
  17. جابر

    جابر قــلــم بــتــرولــي أعضاء الشرف

    للعلم ...أحسن طريقه لحرق أى موضوع مايعجبك ...تتجاهله ...أنت بهالطريقه (الرد الهجومى على الأشخاص)...ترفع الموضوع ...يعنى تخليه شغال ....والرد اللى تحطه عمره مايقنع أحد ...يعنى قاعد تضر وجهة نظرك ;)
     
  18. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    لا والله لا هجمت ولا شي

    يا اخ جابر انت ويا الأخ بوصالح تدورون أي شي على فلان وعلان عشان تسوون سالفه من لا شيء

    خلاص كلنا ندري باللي صار ماله داعي نعيد ونزيد

    انت وبو صالح والله أدري تموتون على الكويت وما ترضون عليها

    خل الحكومه تشوف شغلها إهي أبخص

    وسلامتك
     
  19. جابر

    جابر قــلــم بــتــرولــي أعضاء الشرف

    والله يا KNPC15 مادرى شقولك ... معظم كلامك صحيح .. ماعدا اللى باللون الأحمر :eek:
    يمكن فعلا الأسلم للأعصاب إن الواحد يترك هالأمور ...ويقول خلاص بطّلنا ...ماراح أكون أحن على البلد من الشيوخ ..
    بس بأخر لحظه تقرأ رد ....من واحد يقولك (مغنيه شهيييييييد) ....تقرر بعدها إنك تكتب شى ترد فيه للكويت إعتبارها ...تضع نفسك مدافع عن الكويت فى وجه (مغنيه) وأنصاره..مع إنه فيه غيرك مليون واحد ..

    إحتمال كبير جدا ...لولا وجود ناس لازالت تمجد وتدافع عن مغنيه وحزب (الله) وتحاول إظهار كل شخص يفتح جبهه على مغنيه بأنه مثير للفتن ..وعنصرى وقبلى ...كان تركت (شخصيا) هذا كله ..وقلنا الحكومه أبخص...من أول يومين أو ثلاثه أيام على هالنقاشات..

    ويعطيك العافيه ...
     
  20. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    خلاص

    روح حق عدنان ولاري شخصيا وواجههم بدل ما تكتب هني انت ويا الاخوان

    ولا شرايك ؟ مو أريح تفضي اللي بخاطرك ؟ :)
     
جاري تحميل الصفحة...

مشاركة هذه الصفحة