طلب الى اتحاد البترول (الظغط على ادارة المؤسسة باعطاء أولوية في التوظيف لأبناء الموظفين)

الكاتب : Q825 | المشاهدات : 1,488 | الردود : 31 | ‏1 ابريل 2008
  1. Q825

    Q825 بـترولـي مميز

    500
    0
    0
    السلام

    طلب الى اتحاد البترول اتمنى منكم انكم تظغطون على ادارة مؤسسة البترول في التوظيف القادم للشركات النفطية الي راح تعلن عنه الشركات عشان تعطي أولوية حق أولاد الموظفين في التوظيف مثل الكثير من اماكن التوظيف في الأماكن الحكومية مثل قبول أبناء الظباط في الكيات العسكرية اتمنى انكم ماتبخلون علينا بهالشي وخاصة انكم بهالشي ماراح تخدمونا احنا بتخدمون موظفين الشركه الي اهما انتخبونكم ووصلوكم سلطة الاتحاد وليكن عالأقل هالأولوية في التوظيف على مستوى الجامعيين أو الجامعيين والدبلوم معا.

    وخاصة أبناء الموظفين الي خدمو بالقطاع النفطي اكثر من 20 سنة و 30 سنة أعتقد هذا يكون تكريم لهم لو عطيتو أولوية في التوظيف لأولاد هالفئة من الموظفين وماعتقد هالشي بكون كبير عليهم جدام مدة عملهم وخدمتهم بالشركة.

    انشاااللله اتحاد العمال يفزع للموظفين الي اخدمو بالشركات النفطيه اكثر من 20 سنة وتظغط على مؤسسة البترول لاعطاء أولوية التوظيف لأبناء العاملين بالشركات النفطية وخاصة هالشي من صميم برنامجهم الانتخابي من خلال كلامهم بالندوات بأنهم مع الموظفين في جميع الحالات.

    ادري الاتحاد السنة الي طافت قدم طلب وتم رفضه لكن اتكنى اتجددون المطالبة فيه مره ثانيه...
     
  2. OK__6

    OK__6 بـترولـي نشيط جدا

    303
    0
    0
    لا ماودك انها تصير وجعلهاااا ماتصير شنوووووو هي ورااثه

    اناواحد من الناس تضررت من هالشغله بالضباط قبل عشر سنين هذ1 مبداهم ولد الضابط له اولويه

    ومادشيت وضاعت من عمري 6سنين التح من معهد لي معهد وغير السنين الي قعتهم بطالي لين الله رزقني ب2004 ودشت القطاع النفقطي
     
  3. HI GUY

    HI GUY بـترولـي جـديـد

    48
    0
    0
    التوظيف للأفضل

    للكفأ

    وللي يستحق الوظيفة عن جدارة

    اللي مؤهله مطلوب

    هذا الكلام غير جائز وغير مقبول

    وهذا ترسيخ لمبدأ الواسطة وهدم ميزان العدالة

    المفروض الكل يتقدم

    والأفضل يترشح للوظيفة من غير واسطة ولا أولوية

    وخلونا من العصبية والحمية

    في ناس تنحرم من وظايف وهم أحق فيها بسبب الواسطة

    إرحموا من في الأرض يرحمكم من في السماء

    وإحنا لازم نعلم الأجيال اللي بعدنا بالإعتماد على النفس وإثبات وجودهم بعملهم

    مو نحط القوانين اللي تخليهم ياخذون الدنيا باردة مبردة

    وتقولون بعد ليش الشباب الكويتي مترف وليش عندنا جنووووس

    لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا للواسطة
     
  4. PIC_NH3

    PIC_NH3 بـترولـي نشيط

    113
    0
    0
    معقوله فيه ناس تفكر بهذا الشكل

    الله لا يوليك على أيتام !!!
     
  5. الشيبة

    الشيبة بـترولـي نشيط جدا

    233
    0
    0
    بترولي وقد يكو ن لي مصلحة بذلك و لكني معااااااااااااااااااااااااااااااارض

    با أخي أنت جذي تقضي على مبدأ تكافؤ الفرص بين الكويتين ... خلونا نفكر بغيرنا , خلونا نفكر بالمصلحة العامة مو نفكر بنفسنا وبس
     
  6. Q825

    Q825 بـترولـي مميز

    500
    0
    0
    ماعتقد فيها ظلم بكل مكان بالدنيا صاير هالشي وموشويه بحق الموظفين الي اخدمو الشركه اكثر من 20 و 30 سنه بعدين انا ماقلت اي واحد منهم ينقبل على طول عالاقل يعطونهم مثلا 20 درجه فوق درجات اختبار الانقليزي والقدرات والتخصص والقابله الشخصيه واذا اتقولون هالشي يعتبر واسطه وفيها عنصريه شوفو عموم موظفين القطاع النفطي كلهم ياخذون مميزات ماياخذها مدير اداره بأي جهه حكوميه موظف قريده معاشه 8 يحصل معاش اكثر من اي جامعي بالحكومه ماتعتبرون هالشي نوع من الظلم والواسطه وبعدين هالشي مطلب من كثير من الموظفين الي اخدمو بالشركه اكثر من 20 سنه فماعتقد المفروض احاد البترول يوقف ساكت جدام هالحق حق الموظفين الي اخدمو اكثر من 20 سنه.

    انشااااللله اتحاد البترول يكرر طلبه مره ثانيه هالعام ويوافقون عليه لنا هالشي بكون رد للجميل من الاتحاد للعمال الي اخدمو الشركه اكثر من 20 سنه.
     
  7. zizo76

    zizo76 موقوف

    33
    0
    0
    والله من المفروض ان تكون هناك نسبه للتوظيف لأبناء العاملين في القطاع النفطي ولا تكون الأولويه 100% حتى يستفيد جميع شرائح المجتمع الكويتي
     
  8. جراح

    جراح بـترولـي جـديـد

    43
    0
    0
    إسمحلي فكرك غلط (ظلم)
     
  9. أبودجانة

    أبودجانة بـترولـي جـديـد

    2
    0
    0
    اسمح لي تفكير أعوج

    ماخسبقنا إلا هذا التفكير العوي!!! :mad:
     
  10. نقوشى

    نقوشى بـترولـي جـديـد

    6
    0
    0
    اخوى انت مو لك مشاركة تبى فيها احد يعلمك شنو اسئلة الامتحان مالت الانجليزي عشان التوضيف
     
  11. n3n7

    n3n7 بـترولـي نشيط جدا

    271
    0
    0
    الله يوووفق الجميع لاكن بطريقه هذي يصير سلم وظيفي بالعائله النفطيه
     
  12. Q825

    Q825 بـترولـي مميز

    500
    0
    0
    انا ماقلت ينقبلون على طول الاقل يكون لهم ميزه بالتوظيف ولهم اولويه
     
  13. al-khaldi

    al-khaldi بـترولـي نشيط

    119
    0
    0
    هذا ظلم أذا تطبق واتمنى ان لا تطبق وشكرااااا
     
  14. Q825

    Q825 بـترولـي مميز

    500
    0
    0
    في كلام انشااااللله اتحاد البترول بقدمون هالطلب هالسنه بس انشالللله اداره المؤسسة اللله هديهك و اتوافق
     
  15. roads

    roads بـترولـي جـديـد

    10
    0
    0
    من ينطبق عليه الشروط يتم

    يا جماعة اللي سمعته انه من ينطبق عليه الشروط يتم قبوله فورا يعني يكون محقق الشهادة المطلوبة والمعدل كذلك ...اعتقد هذه عدالة لانه موظف النفط مقطوع عن العالم ومو مضبط علاقات هنا وهناك اي لا يوجد له مكان غير في نفس القطاع ..للاسف...
     
  16. جابر

    جابر قــلــم بــتــرولــي أعضاء الشرف

    مايصير ياشباب ...هذا إحتلال رسمى ....يعنى حنا بالبترول وعيالنا بعد..و عيال عيالنا...وباقى أهل الكويت ...عيال الxxده ...
    السالفه مو وراثه ...طالبوا يتكويت ..إيه ...زيدوا الرواتب ..هم زين ...زيدوا عدد الوظايف ..سووا ابقريد ..عادى...بس هذى مو حلوه
    والسموحه ..
     
  17. عادل

    عادل بـترولـي نشيط جدا

    382
    0
    0
  18. Q825

    Q825 بـترولـي مميز

    500
    0
    0
    مادري شفيكم موراضيين تفمون كلامي انا الحين ماقلت كل واحد من اعيال موظفين لمن يتوظف ينقبل على طول لأ مو جذي كلامي...

    يعني اتكون لها شروط مثل:

    1-يعني ليش ماتكون فقط على مستوى الجامعيين.
    2-أثناء وقت المفاضله بين المتقدمين يكون ولد الموظف أو ولد الموظفة الجامعي له ميزة عن الباجي يعني يعطونه مثلا 30 درجه فوق درجاته الي ماخذها بامتحانات القدرات والانقليزي والمقابله الشخصيه والتخصص.
    3-وهالأولوية محد يستفيد منها الا من ابوه او امه اخدمو بأي شركة من الشركات النفطية فوق 20 او 30 سنه عالأقل تعتبر تكريم لهم بعدين
    شي مطبق بكل مؤسسات الكويت الحكومية والعسكريه وحتى اغلب دول العالم يسوونه.

    وبعد تنحط فيها كذا شرط ذياده على الي حطيتهم لو ماكفو بس هم عالأقل اعيال الموظفين لازم يكون لهم ميزة بالتوظيف مو معقوله الي خدم الشركه أكثر من 30 سنة وماياخذون ولده تفهمون شنو يعني الواحد يخدم الشركة 30 سنة يعني اكثر من نص عمره خدم الشركة.

    ولي يشوف فيها ظلم لبعض فئات الشعب الكويتي اقوله خل الميزات الي انته تاخذها مع زوجتك واعيالك بالشركه خل ياخذها باجي الشعب الكويتي وراها انا ماطالب باعطاء أولوية لولد الموظف ولا الي انته الي تاخذه ماتشوف انك تحرم ناس وايد مايشتغلون بالشركه من الشعب الكويتي.

    اعطيك أمثله من الي انته تاخذه وغيرك محروم منه :
    _________________________________________


    1- انتو لكم مستشفى خاص لكم لكل موظف بالشركات النفطية تتعالجون فيه الموظف ومرته وعياله وامه وابوه والباجي من الشعب مايتعالجون فيه.
    2- لكم نادي خاص بأغلب الشركات النفطية اعيالكم يبلعبون فيه ويتسبحون (نادي الحباره ونادي الاتحاد ونادي بوبيان وغيره من النوادي) والباجي من الشعب مايستفيدون منه.
    3- لكم مخيم خاص لكل شركه وخاصه شركة النفط يطل عالبحر اتقول جنه يم ميناء الزور يعني حاطيلكم البحر يم البر والباجي من الشعب مايدشونه.
    4- لكم تذاكر سنويه اتكون حق الموظف وزوجته و4 من اعياله والباجي من الشعب ماياخذون هالميزة.
    5- عندكم خصومات للموظف واسرته والباجي من الشعب ماعندهم هالشي.
    6- كل موظف له الحق يطالب ابيت بمنطقة الاحمدي والباجي من الشعب مولاقي يسكن.
    7- معاشاتكم ومميزاتكم المالية الكثير من الموظفين بالحكومه ماعندهم مثل مميزاتكم الماليه حتى اصغر موظف بأغلب الشركات النفطية لو فرضنا على قريد 10 ومتزوج عندكم معاشه احسن من معاش مدير قسم بأي جهه حكوميه وخدمته 5 سنين ومعاه ماجستير.
    8- لكم خصومات كثيرة في اماكن الترفيهيه في البلد لكم خصومات والباجي من الشعب مايتمتعون بهالمزايا.
    .
    .
    وبعد عندكم اكثر من هالميزات غير المعاش التقاعدي ومكافأة نهاية الخدمة...

    وكل الي الي قلته لكم ماتعتبره انك تحرم الباجي من الشعب ومحد يستفيد من هالميزات الا انت وزوجتك واعيالك وشنو تفرق لمن اتظيف عليها انك تعطي ولد الموظف الي خدم الشركه أكثر من 30 سنة أولوية في التوظيف الي اعاقد انها حق من حقوق العاملين ايضا بالشركات النفطيه.

    يمكن البعض منكم يقول انكم تتعبون بالشغل وتستحقون هالميزات انا اقولكم انتو تستحقون هالشي بس هم الي بره الشركه يتمنون انهم يشتغلون مكانكم بتقولي انك أكفأ اقولك اسمحلي ثلاث ترباع الموظفين متعينين بالواسطه بالشركه بس الي بره موحصله بسبب الواسطه.

    بعدين كل الميزات الي تاخذونها كانت النقابات السابقة اهي الي كانت اطالب فيها وتحققلكم هالانجازات ولمن اطالب اتحاد البترول يعطي أولويه لولد الموظف او ولد الموظفه اثناء التوظيف اعتقد انها حالها حال الميزات السابقة الي ذكرتها واذا ماتوقف مع حق الموظف الي خدم الشركه اكثر من 30 سنه في توظيف ولده متى بتوقف معاه وأهوه الي بصوته مع الكثير من الموظفين الي خدمو الشركه اكثر من 30 سنه وصلوهم لي قيادة الاتحاد.

    بعدين بدون ماطالب الاتحاد بهالشي اعتقد اتحاد البترول المفروض مايبخل على من خدم الشركه بأكثر من نص عمره باعطاء ولد الموظف او ولد الموظفه هالميزه وتكون وفيه جدام عطاءات وخدمات ابوه او امه الي قدموها بأي شركه من الشركات النفطية.
     
  19. Helmet

    Helmet بـترولـي نشيط

    56
    0
    0
    هلووو افري بدي ... بالبترول الوطنيه هالشغله صايره مادري اذا اهي رسميه ولا لأ بس من بعد المتزوج الاولويه حق ولد الموظف وبعده الشهاده القديمه اذا شلنا الواسطه من الحسبه .... وهالكلام متأكد منه اميه بالاميه وشكررررررررررررررررررا
     
  20. Q825

    Q825 بـترولـي مميز

    500
    0
    0
    بصراحه هذا الصح
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,172
  2. المحرر النفطي
    الردود:
    3
    المشاهدات:
    7,317
  3. سالم الخالدي
    الردود:
    7
    المشاهدات:
    948
  4. المحرر النفطي
    الردود:
    0
    المشاهدات:
    1,519
  5. المحرر النفطي
    الردود:
    7
    المشاهدات:
    1,898

مشاركة هذه الصفحة