فداك القلب يا يمّه

الكاتب : ehs | المشاهدات : 339 | الردود : 6 | ‏1 ابريل 2008
  1. ehs

    ehs بـترولـي نشيط جدا

    186
    0
    0
    فداك القلب يا يمّه **

    اقرأو معي ما كتبه هذا الشاب الذي تعرض إلى حادث وكانت معه أمه فتوفيت وبقي هو على قيد الحياه وكتب هذة القصيدة:


    يواسيني وانا الميت وحالي يجبر الدمعات
    تسيل من الذي فيني ويبكي وهو يواسيني

    وانا ابكي واتنهد وارسم بالحزن لوحات

    يجبروني عشان امشي ورجلي ما تمشيني

    قتلت رعايتي بيدي قتلت الحب والرحمات

    حرمت النفس من حقها وانا ابكيها وتبكيني

    وكنه حلم قدامي يقيدني من الصرخات

    ابي اصحى ولكني عجزت القى ال يصحيني

    فداك القلب يايمه ومهما قلت من كلمات

    صغيره في كبر حقك بس اتمنى تعذريني

    نهبت الفرح من بيتي صحيح اني خسيس الذات

    صحيح اني ولد طايش وكل ما أسمعه فيني

    تجول عيونهم فيني تفصل مني قياسات

    وتشيح وجوههم عني وكني غيرت ديني

    يظنوا حزنهم اكبر وهم اصحاب هالمأساة

    وانا اتحدى اذا فيهم ربع ما يحترق فيني

    نقص قدري بعد موتك وغابت نشوة اللذات

    وصار الهم عكازي اباكيه ويباكيني

    عطيتيني بدون حساب ولا سمعتك تقولي هات

    وانا اشرب حيل من دمك ودمك ما يكفيني

    يايمه ارجعي كافي ابجلس معك لو لحظات

    واقبل ايدك ورجلك وافرش لك رمش عيني

    يايمه ما تحملهم يقولوا فات ما قد مات

    تعالي غيري هالقول واطيعك باقي سنيني

    واترك عادة التدخين وانفذ ما تبي بسكات

    واصلي الفجر في المسجد قبل منتي تصحيني

    يايمه ارجعي تكفين وطفي شمعة الآهات

    ابيك انتي ولا غيرك على موتك تعزيني

    وضميني وداويني مثل ما كانت الهقوات

    ما ابي احدن يواسيني ابيك انتي تواسيني

    دخيلك بس لا تبكي اذا شفتي بي الدمعات

    انا مقوى ابكيك اذا انتي تبكيني

    أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه ورسالة صغيرة إلى كل عاق لوالديه أن يراجع حساباته ويعود لهما ويبرهما فطاعة الوالدين مقرونة بطاعة الله ... ورضا الله من رضاهما
     
  2. السيدة العجوز

    السيدة العجوز بـترولـي نشيط جدا

    314
    0
    0
    قصيدة مأثره وفيها مرارة الفراق من صوب وكسر القلب في موت الام من صوب ثاني
    ويعطيك العافيه
     
  3. كريستاله

    كريستاله بـترولـي خـاص

    1,358
    0
    0
    وايد مؤثره هالقصيده ومؤلمه
     
  4. غيوم

    غيوم بـترولـي خـاص أعضاء الشرف

    7,298
    1
    0
    صح لسان شاعرها

    و تسلم ايدين ناقلها

    تحياتي لك
     
  5. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    الزوجه تي مكانها زوجه و الاخ ينولد بعده اخ و الصديق نتعرف على غيرة لكن اهياا وحده ما لها بديل الام .

    الله يعين صاحب القصيدة على بلواه .
     
  6. MamLOoO7a

    MamLOoO7a بـترولـي مميز

    حرمت النفس من حقها وانا ابكيها وتبكيني

    وكنه حلم قدامي يقيدني من الصرخات

    ابي اصحى ولكني عجزت القى ال يصحيني

    فداك القلب يايمه ومهما قلت من كلمات

    صغيره في كبر حقك بس اتمنى تعذريني

    نهبت الفرح من بيتي صحيح اني خسيس الذات

    لاهنت

    قصيده مؤثره ومعبره وتعور القلب

    الله يرحم موتى المسلمين ويرحمنا برحمته
     
  7. Blue angel

    Blue angel بـترولـي خـاص

جاري تحميل الصفحة...

مشاركة هذه الصفحة