التدريب الصيفي لأبناء الموظفين

الكاتب : زهرة التوليب | المشاهدات : 559 | الردود : 6 | ‏25 أكتوبر 2007
  1. زهرة التوليب

    زهرة التوليب بـترولـي خـاص

    طبعا كلكم تعرفون ان في فتره الصيف نشوف أبناء الموظفين موجودين في الدوائر لتدريب
    وهذا شي حلو بس هل له قوانين وضوابط ؟؟؟

    الجواب : في قوانين بس مافي تطبيق ولا في ضوابط
    او بالأصح على ناس وناس

    اول شي الشهادات المطلوبه تكون : جامعي - دبلوم - ثانوي

    بس مرات أشوف أبناء موظفين كبااار ( يعني مدره) ما خلصوا الثانوية
    يعني توه في أولى او ثانيه ثانوي !!
    هل فعلا اهو محتاج تدريب ؟؟

    طبعا لأ يايبه ابوه علشان الراتب كل آخر شهر :p
    وياريت يدلوم ؟؟ تلقاه نايم بالبيت ومسجلينه بس اسم
    والراتب نازل له كل آخر شهر

    وفي شي ثاني بعد ان التدريب يختص على أبناء الموظفين
    بس اللي اشوفه مرات ان مو بس أبنائهم !! تلقون عيال اختهم واخوانهم وعيال اخوانهم !!!


    انا اقول ان هالقوانين ليش حاطينها دامها مو ماشيه على الكل ؟
    والا علشان هذاك مدير كيفه !!

    لازم يكون في قوانين وضوابط تنطبق على المسؤولين قبل الموظفين
    علشان ما تصير السالفه لعب

    والا انتوا شرايكم ؟؟
     
    آخر تعديل: ‏25 أكتوبر 2007
  2. HUMMER

    HUMMER بـترولـي خـاص

    الاقربون اولى بالمعروف
    واذا حبتك عيني ماظامك الدهر
     
  3. زهرة التوليب

    زهرة التوليب بـترولـي خـاص

    اي والله وانت صاج اخوي همر

    شكرا على تواجدك في الموضوع
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    اختي الكريمه موضوع مهم جدا

    ولكن انا ماشفت هذا الشي عندنا

    الا اذا كان مثل ماتقولين مسجلين وهم مايداومون فهذا شي ثاني
    ولو كان عندج دليل على هذا الكلام فأعتقد ان احد الاخوان كتب موضوع يطلب فيه اي تجاوزات ماليه في القطاع النفطي ليتم محاسبة المسؤل عنها واعتقد انه موظف في ديوان المحاسبه
     
  5. frfosha

    frfosha بـترولـي مميز

    753
    0
    0
    اقولج لوليت شوفي منو أهم اللي قاعد يتدرب يا ولد مدير يا ولد الجيرمن يا ولد مشرف تقدرين تحاجينهم وتقوليلهم ليش وربج تقعدين مليون سنه ما تشمين ريحت الترقيه وتصيرين منبوذه وحالتج حاله بس أنا اقول كل اللي يدش ببطونهم حرام في حرام وشكرا جني انفعلت اشويه :)
     
  6. زهرة التوليب

    زهرة التوليب بـترولـي خـاص

    اخوي هالشي موجود بكثره خاصه في المبنى الرئيسي
    في دائرتي أكثر من موظف مسجل عياله وما يداومون

    وبعضهم عيال مدره :p

    الحين الصيف خلص ماكو فايده
    لازم ننطر السنه اليايه ونشوف
     
  7. زهرة التوليب

    زهرة التوليب بـترولـي خـاص


    مو هذا اهو
    ان تكلمتي وما سكتي عن الغلط يحطون عليج
    مع ان معاج الحق

    بس شتقولين

    تسلمين حبيبتي على مشاركتج
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    8,399
  2. المحرر النفطي
    الردود:
    14
    المشاهدات:
    3,197
  3. المحرر النفطي
    الردود:
    0
    المشاهدات:
    7,858
  4. المحرر النفطي
    الردود:
    0
    المشاهدات:
    989
  5. المحرر النفطي
    الردود:
    0
    المشاهدات:
    1,134

مشاركة هذه الصفحة