شكرا ولكن!

الكاتب : jinxed | المشاهدات : 440 | الردود : 4 | ‏31 مارس 2008
  1. jinxed

    jinxed بـترولـي نشيط

    63
    0
    0
    قبل كل شي احب ابارك لجميع العاملين بالقطاع النفطي على الزيادة العامة (وليس الكادر) اللي طال انتظارها والله عوضكم على صبركم و طولت بالكم... لكن مازلت اعتبر مهندس القطاع النفطي غير منصف و وضعه غير مستقر والزيادة ما تعني انه المهندس اب يبذل كل جهده و اب تتغير حياته و تصير وظيفته بالنفط dream job. والله يستر شنو بسوون فينا من بعد ما يعطونا الزياده شكله البصمة من ثاني يوم وتشتغل الخصومات

    و شاكرين لكم ولادارة المنتدى
     
  2. mjf_q8

    mjf_q8 بـترولـي نشيط

    84
    0
    6
    ذكر
    Kuwait
    أخي العزيز تفاؤل خير انشاءالله تعدل

    بس ودي أوضحلك شي ترى الهدف من اقرار الكادر وعطونا جزء من الزيادة عشان يرضونا لأن في تسرب مو طبيعي للمهندسين بالقطاع النفطي ويرفعون رواتبنا عن موظفي الحكومة وانشاءالله يتعدل وضع المهندسيين للأفضل مع العلم ترى توهم احسون بأهمية المهندس

    السنة السابقة لا تشوف المهزلة بتعيين المهندسين بأحدى الشركات النفطية قاموا اطرون مهندسين يستقبلونهم عند الباب بالهدايا واشتراكات الانترنت ولما شفت هالموقف قلت أفا هذي شركة نفطية :)

    كلامك بمحله والواحد فينا يشتغل بدون حافز بس عشان احلل معاشه :(
     
  3. engr.Kuwaiti

    engr.Kuwaiti بـترولـي نشيط

    105
    0
    0
    Senior Petroleum Engineer
    Kuwait
    يا جماعة الخير التسرب كان والله كارثة كبيرة في السنين الماضية .... وأنا من الناس اللي قدمت استقالتي بسبب عدم التقدير المادي والمعنوي في الشركة اللتي كنت أعمل بها في السابق ..... والحمدلله أكرمني الله بالأفضل الآن. والله يوفق الجميع انشالله
     
  4. jinxed

    jinxed بـترولـي نشيط

    63
    0
    0

    يعني كلش مو قصدك ال KNPC ;)

    ترى عادي الكل عرف سالفة 5 اعلانات في جريدة وحدة اب يوم واحد والشركة صارت تطر المهندسين و تترجاهم يتوظفون فيها!

    اشكرك اخي الفاضل انك تحاول تخليني اتفائل لكن انا كل اللي كنت ابي اقوله انه المهندس ما زال مظلوم في هذا القطاع....يعني هل يعقل يستقيل كل هالكم من المهندسين وتصير كل هالفوضة عشان يحسون اب قيمة المهندس وتقر بعض حقوقه؟ وهل راح يتكرر هذا السيناريو في كل مره تصبح للمهندسين مطالب جديدة؟ اسألة وايد لكن اجوبة قليلة




    كان سيناريو الاستقالات وايد مخيف في البترول الوطنية بالتحديد! لدرجة انه بين كل فترة و فترة تنصدم وانتا تسمع انه فلان استقال و فلان لاحقه والوضع استمر على هذا المنوال لمن صار في احباط مو طبيعي والمسؤلين بالشركة كان كل همهم التعتيم على الوضع بدل ما يواجهون المشكله و ايجاد الحلول المناسبة!!!

    كنت دايما في الاجتماعات مع المدراء اطرح سؤال مهم: شنهي سياسة الشركة للحفاظ على الكوادر والخبرات الكويتية؟ لكن للأسف ما كان فيه جواب
     
  5. mjf_q8

    mjf_q8 بـترولـي نشيط

    84
    0
    6
    ذكر
    Kuwait
    كلامك بمحله

    عدل أقصد knpc الي أشتغل فيها

    بس على قولة القايل نفتح صفحة يديدة

    وراح يبين ردود أفعال الادارة العليا بالنسبة للمهنسين بمطالبة ثانية

    ولازم اكون في سياسة للحفاظ على الكوادر والخبرات الكويتية سواء فنية أو ادارية لأن هالكوادر باجر اهيا راح ادير الشركة

    والله كريم
     
جاري تحميل الصفحة...

مشاركة هذه الصفحة