وصلتنا اخبار طازجه من مصادره مقربه من النقابه تقول ان محمد حضيري قاعد يساوم الاعضاء المفصولين بانهم اذا اسحبوا القضيه من المحكمه بانهم سوف يعودون الى مجلس الاداره بعد خوف الرئيس ونائبه من الاطاحه بهم اذا انعقدت الجمعيه العموميه.
اضافه الى الخبر اللي وصلنا ومن نفس المصادر اللي نقلت لي الخبر ان الجماعه المفصولين رافضين مبدأ نائب رئيس النقابه جملة وتفصيلا ولن يتنازلون عن قضيتهم ولو انحل المجلس بكبره.
يعطيك العافية اخوي HA على الموضوع هذا كلام خطير والمفروض ما ينطرح الا مع تقديم الاثبات ومن غيراثباتيعتبر افتراء شاكرلكم مرة ثانية اخوكم الفخر
نتمنى أحد الأعضاء المفصولين يتفضل ويشارك ويكتب هو عن نفسه .... ليش وكالة يقولون أظن مافيه أحد الآن في الشركة ماعنده جهاز شخصي حتى ماتنقل أخبار ليس لها مصادر
حدث العاقل بما يعقل لو صحيح هذي المساومة مجلس الأدارة راح ينهي نفسه بنفسه أفضل أغلاق الموضوع بدل من أثارة البلبلة
المشكله ولا واحد من اعضاء النقابه عنده الشجاعه يرد لانهم عارفين ان شغلهم غلط بغلط ولا لو فيهم خير جان اعقدوا الجمعيه العموميه اذا مو خايفين من شي ليش يبون يطرحون الثقه بالاتحاد علشان اذا انعقدت من تلقاء نفسها وكان الاتحاد هو المراقب عليها هم متأكيدن ان انعقاد الجمعيه مو في صالحهم. وعلشان يقولون فيما بعد ان الاتحاد اللي اشرف على الانتخابات اتحاد غير شرعي مثل ما حصل مع نقابة نفط الخليج. كل هذا حب للكرسي ؟؟؟؟؟
