اجتماعات وقرارات وسفرات ودورات وتناسوا الأهم

الكاتب : f-operator | المشاهدات : 609 | الردود : 8 | ‏31 مارس 2008
  1. f-operator

    f-operator بـترولـي نشيط

    78
    0
    0
    ماشاءالله ولا إله إلا الله وتبارك الرحمن مهام تدريبية !!!!!!!!!!!!!!!! يعني شنو ؟؟؟؟؟؟؟؟؟؟؟؟؟ هالشيء أول مرة نسمع عنه !! لا يكون قصدهم الدورات الخارجية اللي نسمع عنها ولا نشوفها ( بيض الصعو ) ؟؟ والله يمكن !! بس أنا أذكر دوراتهم الخارجية أما انها تكون في مركز التدريب البترولي أو في أحد الفنادق !! بس ما أفتكر بيوم ودونا بطيارة حق هالأماكن وإلا يمكن ودونا وأنا نسيت مادري كل شيء جايز !!!!!!!!!
    يا جماعة اجتمعوا على شيء يهم الجميع مو على درجة سياحية ودرجة رجال أعمال والا درجة أولى ودوري أبطال !!!! شوفوا مشاكل العاملين بالقطاع النفطي وعطوها الأولوية بالاجتماع ووضع الحلول النهائية . ترى الكل عارف ان هالرحلات المكوكية تخص ناس معينين بالقطاع أو بالأصح كبار الموظفين أو اللي عندهم واســــــــــــــــــــــــــــــــــــــــــــــطة واللا الموظف العادي يدري وين بتكون دورته وشنو الدورة اللي دازينه لها .
    شتقولون عن دورة تخص الموظفين الاداريين تتعلق بالتأمين وكيفية كتابة بوليصة التأمين والتحقيق في التأمين ,, بمشغلين المصافي وطبيعة عملهم ؟؟
    عرفنا ان الموضوع لا يمت بصلة لطبيعة عملنا كمشغلين مصافي وان الموضوع هو ملء الكراسي الخالية من الأشخاص واسكات الأفواه التي تنادي بالدورات وملء الجيوب بالخردة بالنسبة للمحاضرين وشركاتهم .

    وشتقولون عن دورات للفنيين وتخص المشغلين تم ارسال موظفين اداريين لمعرفة كيفية وطريقة تشغيل احدى المعدات الحديثة !!!! والله العظيم عجيبة أمور هالقطاع ؟ هل الاداري سيقوم بتشغيل هذه المعدة ؟؟ هل الاداري سيستدعى في حالة الطوارئ ؟؟ هل الاداري سيصاب في حالة حدوث لا سمح الله حادث لهذه المعدة ؟؟؟

    يا جماعة ,,,, دوختونا باجتماعاتكم اللي ما منها فايدة ولا عايدة ,, شوفوا مشاكل التغذية بالمصافي .. وينكم عن مستشفى الشركة وعلاجه المتخلف والتشخيـــــــــــــــــــــــــــــــــــــــص الخاطئ في أغلب الحالات ,, وعيادة الأسنان اللي مواعيدها بالأشهر .. وينكم عن أجهزة الأشعة الحديثة المقطعية والرنين المغناطيسي ,, وينكم من مواعيد العيادات التخصصية اللي يموت المريض ودوره ما وصل ؟؟ اهتموا الجماعة بصبغ المستشفى وبديكوراته ونسوا احتياجاتهم من أجهزة ومن أطباء متخصصين ,,,,,,,, لا وأزيدكم من الشعر بيت إذا احتاسوا وماعرفوا شنو مشكلتك دزوك لمستشفيات الحكومة ودووووووخ يا عمي .
    والحين مجتمعين وحالتهم حالة على كراسي بالطيارة ؟؟ يعني اذا طاحت الطيارة بيموت اللي في الدرجة السياحية وبيتعور اللي بدرجة رجال الأعمال واللي بالدرجة الأولى ما يصيبه شيء ؟؟؟؟؟؟؟؟؟ ودي أفهم !!!!!!!!
    يا ناس يا عالم اجتمعوا على مشاكل تخص الجميع ولا تضيعوا وقتكم على وسائل ترفيهية لناس معينين ومعدودين على أصابع اليد ..
    وسامحوني اذا اخطيت واعذروني اذا زلييت .........

    اخوكم f-operator / .
     
  2. المردم

    المردم بـترولـي نشيط

    119
    0
    0
    الله المستعان عزيزي..تتكلم عن قطاع فما بالك بالام وتعرف شنو اقصد.. عساك عالقوه
     
  3. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    خلها على الله حبيبي

    حسبي الله ونعم الوكيل
     
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    كلام منطقي والله

    الملاحظة أن الاجتماعات من أجل اعطاء ميزات لكبار الموظفين تأتي بثمارها باسرع وقت بدون مواعيد طويلة ووعود

    لكن صغار الموظفين تكون المفاوضات لسنوات من أجل ميزة واحدة تأتي للموظف

    كلامك منطقي أخوي
    والا شركة ال knpc لا تبعث صغر موظفينها البتة الى دورات خارجيةالا بشروط تكون شبه مستحيلة لجميع الموظفين
    لابد أن تكون آلة لا تمرض أبدا صفر مرضية بالسنة حتى يتم ترشيحك مرة واحدة في حياتك :) لتذهب في كورس الى دبي :) ومرة واحدة في حياتك
    أنا أطالب بالمركزية ... والاندماج مع المؤسسة وبأسرع وقت

    تسلم أخي على الموضوع
     
    آخر تعديل: ‏31 مارس 2008
  5. f-operator

    f-operator بـترولـي نشيط

    78
    0
    0
    شاكر لكم مروركم ,,,, ويا ليتهم يحسون .
     
  6. f-operator

    f-operator بـترولـي نشيط

    78
    0
    0
    لا ................وإذا زعل واحد من الكبار ويبون يراضونه طلعوله دورة ما أدري من وين وهو يختار الدولة اللي يبي ياخذ فيها الكورس على مزاجه !!!!!!!!!! والله عجيبة !!!!!!!!!!
     
  7. f-operator

    f-operator بـترولـي نشيط

    78
    0
    0
    خووووووووووووووووووووووووووش كورسات !!!!!!!!!!!! انت ازعل وأنا أراضيك بكورس سياحي على مزاجك ,, والا كورسات المشغلين حدث ولا حرج ,, ترى في دورة جديدة راح تنزل هاليومين ومن سبق لبق والدورة هذي وايد زينة والكل بحاجة لها . انزل تحت وسجل فيها

    علما بأن عدد الكراسي محدود للرجال والنساء والقاعات مفصولة أي ممنوع الاختلاط وممنوعة على كبار الموظفين





















































    دورة مياه
     
  8. mjf_q8

    mjf_q8 بـترولـي نشيط

    84
    0
    6
    ذكر
    Kuwait

    أخي العزيز الوسام

    أسمحلي آنه أخالفك بموضوع المركزية والاندماج

    عشان بس الدماء الزرقاء تروح الدورات الخارجية وأحنا انظل طول عمرنا بكلاسات مركز التدريب البترولي :)

    وحهة نظر
     
  9. بو حمود

    بو حمود بـترولـي نشيط جدا

    175
    0
    0
    والله هذا اللي قاعد يصير ..واختار الدوله قبل الكورس ..وكلها لهههههههههههههط بلهههههههههههههههههههط
     
جاري تحميل الصفحة...

مشاركة هذه الصفحة