تكفووون يا جماعة البحر

الكاتب : off shore | المشاهدات : 1,028 | الردود : 14 | ‏30 مارس 2008
  1. off shore

    off shore بـترولـي جـديـد

    34
    0
    0
    بسم الله الرحمن الرحيم


    أخواني وزملائي انتو قاعدين تتكلمون على أهمومكم ومشاكلكم و

    يعينكم أنشاء الله .....

    أنا توني أعرف المنتدى هذا وقريت مواضيع وااااايد بس ما قريت

    عن موظفين (((( البحر ))) الـــ (( off shore )) كوني واحد

    منهم ....

    فـــ ودي أتكلم شوي عن معانات أهل البحر لا يخفي عليكم الدوام

    ستة أيام دوام و أربعة أيام أوف والدوام 12 ساعة يعني متغرب

    عن أهلك وعن ديرتك وفوق كل هذا الشغل إلي ما يخلص ...

    بس بعرف في شركة بالدنيا انتاجها

    واقف على فورمن 1 و2 مشغلين
    يعني لو يصير عندك ظرف أو شغل ما يخلونك تطلع

    ليش لأنه ماكو موظفين ....

    والفرق في الرواتب بين موظف في البر والبحر ما يتعدى 3000

    ريال هذا مع الزيادة !!! يعني زايدين الموظفين علشان يغرون

    الموظفين إلي في البر علشان ينقلون البحر ما شفنا إلا إلي راتبه

    الأساسي عالي محد راتبه عالي إلا المسؤل وحنا نبي مشغلين

    يعني لا طبنا ولا غدا الشر .... لا ما شفتو الخدمات يالله من فضلك

    الاستراحة أو الصالة لا تشوفونها طبعا الزل ما يتغير إلى لما ايي

    مسؤل او في ضيف بيي والغنفات صارلها أكثر من خمس سنوات

    من كثر ما هي رايحه فيها انحط السباحات علشان الخشب إلي

    بالغنفة لا يعورك ....

    خلونا نطلع من الصالة وبوديكم صالة الترفيه !!! يقولون ترفية

    شوفوووو ....

    طاولة البريالدو رايحه فيها يعني الكوره اطقها يمين تروح يسار

    واذا طقيتها يسار تروح يمين .... على فكرة صالة الترفيه بس فيها

    طاولة بريالدو :) ...

    والخافي أعظم


    أدري بتقولون ليش ما تنقل حاولت .. كل ما أقول بنقل يقولن ما

    ما عندنا أحد أذا رحت .. وغيري يروح وايي محد يقولة شي

    طبعا عنده واسطة ...

    نسيت أقولكم كنا في البحر 10 مشغلين وصرنا 2 ... الكل انحاش

    والله يا جماعه قاعدين انعاني بس محد داري عنا .

    ما أقول الله كريم

    أخوانكم

    موظفين البحر
     
  2. نفطي_KJO

    نفطي_KJO بـترولـي نشيط

    111
    0
    0
    الله يعينك ... بس لازم يكون فيه كبش فدا
     
  3. بوشهري

    بوشهري بـترولـي نشيط جدا

    167
    0
    0
    اخوي الغالي اوف شور

    هل تقصد ان موظف البحر يستلم بس 3000 ريال اكثر من موظف الشفت في البر ؟؟ ولا اللي دوامه صباحي ؟

    و بعدين بقولك شى الاداريين يدرون ان الاثاث منتف و المطبخ بالهنزد و المصاروه اللي فيه مسوينها غابه ... على علم و انا اخوك بس مالهم خلق شى
     
  4. جابر

    جابر قــلــم بــتــرولــي أعضاء الشرف

    ماشاء الله عليهم اللى قبوااا ...تبى الصراحه ..فى عندنا إشاعه قديمه تقول إن اللى يحول البحر مايقدر يطلع لين يموت أو يستقيل ...
    المشكله بالكويت مافيه حقول بحريه ..والا قلنالك أنحاش ....مالك إلا تصبر لين تصير بيدك شهاده جامعيه...وبعدها طقهم بالطوفه...الله يكون فى عونك ..
     
  5. HaZzAa

    HaZzAa بـترولـي نشيط

    72
    0
    0
    K G O
    KuWaIt
    أخي الكريم // off shore ..

    كان الله في عونكم ..

    أنا مرة زرت محطة التجميع مع الدائرة و ما صدقت متى نرجع العصر ..

    الله يعينكم .. في عزلـه كااااملـــه !!!

    خصوصا مع سوء الأحوال الجوية .. غبار .. برد .. مطر .. سرايات .. ألخ

    يا ليت توصل هذه المعلومات للإدارة الكويتية الجديدة ..

    و المفروض يكون هناك تحفيز و تشجيع للموظفين بالبحر مو التطفيــش :(!!!

    و تحياتي للجميع ..
     
  6. off shore

    off shore بـترولـي جـديـد

    34
    0
    0
    الله كريم

    اشكركم على المرور ...

    بس بوضح شغله الفرق في الراتب بين موظف البر والبحر 3000 ريال طبعا البحر أكثر للشفت

    المعانات مستمره في البحر :(

    واما بالنسبه لتوصبيل مشاكلنا وهمومنا ما عندك احد ..

    اذا يو المسؤلين وتكلمنا ما نسمع غير كلمة (( أبشروو )) ولا نشوف شي ... يعني عمك أصمخ

    بس لا يصير عندنا (( توتل شداون )) وما في أنتاج ياجماعه لا تشوفون الأتصالات من المسؤلين علشان نرجع الأنتاح

    مثل ما كان .. طبعا مع الكلام الحلو والمعسل ويقولون بنسوي لكم وبنحط وأذا رجع الأنتاج محد يدري عنا :D


    ما انقول إلا الله كريم
     
  7. off shore

    off shore بـترولـي جـديـد

    34
    0
    0
    أخوي جابر إلي سمعته (( إلي يداوم بالبحر وما يقدر يطلع )) هاذي مو أشاعة كلام سليم 100%

    محد يقدر يطلع إلى عنده واسطة لا و قوية بعد ....

    البحر مثل القرقور أذا دشيت فيه ما تطلع
     
  8. ابوحمد

    ابوحمد بـترولـي نشيط جدا

    224
    1
    18
    السلام عليكم

    الله يعينكم ويعوضكم خير باذن الله

    سامع اخبار انه راح يكون لكم off shore جديد كليا وراح يبدا العمل فيه خلال السنه هذي او القادمه باذن الله والميزانيه رصدت على حسب علمي

    والله يكتب اللي فيه الخير للجميع
     
  9. ابوحمد

    ابوحمد بـترولـي نشيط جدا

    224
    1
    18
    مبروك

    هذا باذن الله خبر اكيد انه راح يبدا العمل في الاضافه الجديده السنه القادمه والله يعينكم على الصبر


    وهناك مرفق بالمخطط الجديد


    اتمنى اني قدرت اريحك شوي وتطمأن بانه الامور راح تكون افضل باذن الله ويمكن بعد هذا التغيير لما يكون هناك سكن جديد وصاله ترفيه جديده ومطعم جديد يزيد الاقبال على البحر من الموظفين وتكون صبرت ونلت


    الله يوفقكم جميعا والله يكون في عونكم



    شاهد المرفق
     

    الملفات المرفقة:

    • untitled.JPG
      untitled.JPG
      حجم الملف:
      81.4 ك. ب
      المشاهدات:
      41
  10. جابر

    جابر قــلــم بــتــرولــي أعضاء الشرف

    كفو يابوحمد ........ويعطيك العافيه ..
     
  11. ابوحمد

    ابوحمد بـترولـي نشيط جدا

    224
    1
    18
    كلمه كفو منك ياجابر تسوى ملايين ..

    ماعليك زود والله يعافيك

    مشكور
     
  12. مغرم

    مغرم بـترولـي نشيط جدا

    252
    0
    0
    الاخ off shore

    تصدق ان جالس اتخيل هالشيء لاني اعرف ان الحقول البحرية اقرب واحد فيهم يبعد حوالي 100كم عن الشاطيء

    الله يكون بعونك .. 6 أيام في البحر واحسب لانك كويتي قبلها هالستة ايام نايم بدري بليلة وصاحي من ساعة 4 الفجر.

    واربعة ايام فقط راحة لا تكفي المفروض يعطونكم 6 في 6 ويتم تقسيم العمل على الجميع وبالتساوي واذا فيه نقص

    بالوقت الحالي يتم تعويض النقص بفتح باب التوظيف والاعلان عن وظائف شاغره لذوي الاختصاص.

    اتمنى ان توصل كلامك لنقابة وان شاء الله يحلون مشكلتك
     
  13. المظلوم وضح النهار

    المظلوم وضح النهار بـترولـي جـديـد

    22
    0
    0
    اخوي الكريم/ off shore

    صح لسانك وسلم بنانك على هل موضوع الذي يوضح معانات اخواننا المعتقلين في البحر والذي يعانون اشد المعانة

    من الظلم الذي حل بهم سواء المشغلين ام اخوانهم في الصيانة ... نسأل الله ان يفك اسرهم وان يهيىء لهم من

    يعينهم .اما بخصوص الترفيه حدث ولا حرج صارت صالة البلياردو ملجىء للهنود لعدم وجود سكن لهم فسكنوهم في صالة الترفيه

    فأين نذهب ؟ .. شكرا للجميع ولي عودة ..
     
  14. بوشهري

    بوشهري بـترولـي نشيط جدا

    167
    0
    0


    سلام عليكم اخوي الغالي انا توني توظفت بالبحر و شفت المعاناة ... حبيتاعلق تعليق بسيط

    مو من حق اي احد يقولك انقل ... من باب اذا مو عاجبك اطلع ... احنا عيال اوادم و ناس مو جايبينا من الشارع نشتغل ... عشان يقولون لنا اذا مو عاجبكم نقلوا ..

    من حقنا كبشر قبل ان نكون موظفين ان نطالب بالتعديل و التحسين و توفير سبل الراحه و (((( النظافه ))))) لنا في مكان عملنا و الا فهذا انتقاص من حقوق الانسانيه ..

    يقولون راح يركبون plat form جديده في سنتين على الاكثر !

    شنو نسوي احنا في هالسنتين في غنفات موليه و رايحه فيها !! و صاله ترفيه مسوينها مخزن للخرده مافيها شى صاحي ولا ابشرك كلها غبار !!!

    ولا الحمامات اجلكم الله واللي عندي يقين ان حمامات غرف الهنود و الصعايده في خيطان اشرف منها !

    ناهيك عن الانتقاص من حقوقنا في البحر في صرف البدلات مثل بدل الخطر او غيره .. و الاوفر تايم اللي المفروض يرفعونه لانه لا يرتقي الى مستوى التعب والشغل ! اللي مو بس ما يخلص .. الا اللي ينهك قواك طول اليوم بسبب انتهاء صلاحية المعداء و كثرة الاعطال فيها مثل ال GAS LEFT turbine !

    ماكو احد يشتغل مثل شغلنا و انا اتحدى كل القطاعات النفطيه بالكويت اذا كانوا يعملون مثل عملنا و يوقفون بالشمس كثرنا ... :) هذا عمل ما نقول لا .. بس بالمقابل نبي مردود مجزي .. و عناية و احترامنا كبشر في وسط البحر محد يدري عنا !
     
  15. عمليات الخفجي

    عمليات الخفجي بـترولـي نشيط جدا

    349
    13
    18
    الحمدلله يارررررررب

    فكني الله من الانتاااج والعمل فيها بشرر صاااج .. !! .. >> يازين cbd >>

    الله يكون في عونك يا هل البحررر. . وان شاء الله تحسن اوضاعكم ..

    والله يعينكم ..
     
جاري تحميل الصفحة...

مشاركة هذه الصفحة