شعر فيه حكمه وغزل وضحك

الكاتب : skipper | المشاهدات : 779 | الردود : 14 | ‏30 مارس 2008
  1. skipper

    skipper بـترولـي مميز

    578
    0
    0
    البارحة جاني مـن الحـب مرسـال

    من عقب ما بينـي وبينـه خصيمـة



    وأنا ترى في الحـب مانيـب فعّـال

    ولا بعـد ولّـع بقلبـي هشيـمـه



    ولا بعد غنّيت فـي ساعـة وصـال

    ولا بعد ذقـت الفـراق وجحيمـه



    ولا جرى دمعي على الخـد همَّـال

    ولابعـد جربـت مــرّ الهزيـمـة



    حتى وردنـي تالـي الليـل جـوال

    وأنا على شاهي وبسكـوت ديمـة



    الرقم بايخ لكـن الصـوت قتـال

    كنه مثل صـوت المذيعـة حليمـة



    قالت مساء الخير يـا طيّـب الفـال

    قلـت ارحبـي ترحيبـةٍ مستديمـة



    بالعود والصفـري ودلـة وفنجـال

    واجبك يا بنت الأصـول الكريمـة



    ردت بضحكة ثم قالت وش الحـال؟

    قلت اشهد إن الحال عقبك سقيمـة



    قالت وهي تضحك بعد مثل الأطفال

    وأنا بعـد كنـي بدونـك يتيمـة



    من يـوم قالتهـا تزلزلـت زلـزال

    من فجعتي كنـي مسـوي جريمـة



    قلت ارفعي صوتك ترى مابه ارسال

    كـذاب لكـنّ المصيبـة عظيمـة



    قالت أقول اسمع ترى هرجنـا طـال

    ممكـن تصاحبنـي ترانـي وسيمـة



    واسمي الحقيقي أول حروفـه الـدال

    لكـن يسمّونـي البنـات الزعيمـة



    صحيح أحب الفخفخة واعشق المال

    لكـن ترانـي طاهـرة مستقيـمـة



    ما عندي امغازل ولا (لعب أطفـال)

    ما عندي إلا في الشرف والحشيمـة



    بس الصراحة قلبي لشوفتـك مـال

    واصبحت وحدك جالسٍ في صميمه



    فكّر بعقلك واترك القيـل والقـال

    واحذر تطيع أهل العقـول العقيمـة



    وارسل علي الحين خمسميـة ريـال

    أشحن بهـا جـوال أختـي غنيمـة



    أو طقم غالي فيه خاتـم وسلسـال

    أروح بـه فـي عـرس ولاّ عزيمـة



    قلت الحقيقة مانيب رجـل أعمـال

    ولانـي بتاجـر والمـوارد عديـمـة



    أنا الصراحة شبـه عطّـال بطّـال

    وعلاقتـي بالفقـر جـداً حميـمـة



    والراتب الله يرحم الحـال مـا زال

    محـدود والمصـروف ربـي عليمـه



    والدين بـالآلاف والبنـك شغّـال

    ياكـل فلوسـي بالربـا والظليمـة



    والسوق طايح والغلا ضيّـق البـال

    والموت والله صايـر اكبـر غنيمـة



    قالت تحمّل بـس والحمـل ينشـال

    خلك شديد الباس صلـب العزيمـة



    ياخي تصرّف جعلك اتصيـر نشّـال

    أهـم شـي إن النوايـا سليـمـة



    لابد تفهمني علـى كـل الأحـوال

    ما دمت من أهل العقـول الفهيمـة



    قلت إيه والله فاهم اللي على البـال

    لكن تـرى هـذي علينـا قديمـة



    يا بنت هـذا صايـر اليـوم مـوال

    للي تبي تلعب علـى ابـن اللئيمـة



    يا بنت ما تدرين كـم فيـه محتـال

    يلعب على الحبلين وانتـي غشيمـة



    يا بنت كم من جاهلة دمعها سـال

    من عقب ما جات العواقب وخيمـة



    والبنت لا اقفى عرضها بيد الأنـذال

    والله مـا يبقـى لهـا أي قيـمـة



    قالت تبي ولاّ فخلّك علـى جـال

    مهوب ناقصنـي نصايـح حكيمـة



    عز الله إنك للأسف منـت رجّـال

    وانك قليل الذوق ما فيـك شيمـة



    يا لعنبو اللي مـا يسطّـرك بنعـال

    حتـى يعلمـك الغـزل يـا بهيمـة



    ( تفو ) عليك وصكّت الخط في الحال

    مدري ( تفو ) هي مدح ولاّ شتيمة

    ------------------

    منقوووووووووووووووووووول
     
  2. القحطاني

    القحطاني بـترولـي خـاص أعضاء الشرف

    4,717
    0
    0
    الله يعطيك العافيه على الموضوع

    صح السان الشاعر
     
  3. غيوم

    غيوم بـترولـي خـاص أعضاء الشرف

    7,298
    1
    0
    صح لسان الشاعر

    و الله يسلم ايد ناقلها


    تحياتي لك
     
  4. skipper

    skipper بـترولـي مميز

    578
    0
    0
    مشكورين على المرور :)
     
  5. صح السااانه وقصيده جزله وفيها من الفكاهه ومن العبره

    كاتبها شاعر متمرس وسهل ممتنع

    لاهنت على النقل
     
  6. skipper

    skipper بـترولـي مميز

    578
    0
    0
    القحطاني وغيوم وابونايف
    شاكر مروركم الكريم ويعطيكم العافيه
     
  7. KOC08

    KOC08 بـترولـي نشيط جدا

    219
    0
    0
    حلوه عجبتني الابيات .......... مشكور
     
  8. skipper

    skipper بـترولـي مميز

    578
    0
    0
    العفوووووووووووووووووو
    حاضرين للطيبين :cool:
     
  9. كريستاله

    كريستاله بـترولـي خـاص

    1,358
    0
    0
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    لاهنت علي النقل

    وفالك الكادر والزياادة
     
  11. skipper

    skipper بـترولـي مميز

    578
    0
    0
    مشكورين عالمرور
    وفالكم البيرق
     
  12. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
  13. SAD_SHU

    SAD_SHU بـترولـي خـاص

    2,276
    0
    0
    صح لسان القايل بس عاحبني بسكوت ديمه بصراحه
     
  14. skipper

    skipper بـترولـي مميز

    578
    0
    0
    مشكورين على المرور ويعطيكم الف عافيه
     
  15. meshaaal32

    meshaaal32 بـترولـي نشيط جدا

    226
    0
    0
    ملاحظ تسويق
    السره
    صراحه هالابيات قمه بالروعه تسلم يا الذوييييييييييييق
     
جاري تحميل الصفحة...

مشاركة هذه الصفحة