في ضيافتهم

الكاتب : حنان | المشاهدات : 2,922 | الردود : 72 | ‏24 أكتوبر 2007
حالة الموضوع:
مغلق
  1. حنان

    حنان بـترولـي خـاص

    2,196
    1
    38
    فكره خطرت في بالي اقتباسا للبرنامج التلفزيوني(في ضيافتهم)
    حبيت اطرحها عليكم اهني
    واهيه اني اكون ضيفه على احد اعضاء المنتدى (كل يوم عضو)
    اساله اساله خفيفه بسيطه تقربنا منه وتخلينا نعرف شخصيته...
    اتمنى ان الفكره تعجبكم واشوف لها صدى مفرح ويسرني...
    طبعا كل واحد باختياره..
    الي ماعجبه الوضع او مايبي اكون ضيفه عليه ومايبي يجاوب الاساله يقدر يقول مابي وخلاص نطوف دوره ونشوف لنا عضو ثاني كل واحد حر

    *الخص لكم قوانين الفكره...
    -يحق لك ماتجاوب نهائيا على شي بس انك تقول مابي اجاوب مو تطنش ..
    -السؤال الي مايعجبك تقدر تقول طاف وتكمل الي وراه
    -بس مايصير تطوف اكثر من سؤالين..


    ممكن ميرا تكون اول ضيف , بطرش لها رسالة خاصة وبشوف اذا بتقبل او لا ... على امل انها تقبل زهبوا اسألتكم...

    هذي الاسئلة لاول عضو بيكون معانا

    بطاقتك الشخصيه..
    ماهي هواياتك؟
    ابرز عيوبك؟
    ابرز ايجابياتك؟
    ترتيبك بين اخوانك
    اكلتك المفضله
    شخبارك ويا الطبخ؟
    دوله تتمنى زيارتها؟
    شخصيه أثرت فيك وايد؟
    ثلاث وردات..لمنو تهديهم؟
    باقه شوك..لمنو تهديها؟
    مثلك الاعلى
    حكمتك في الدنيا

    الضيف الاول اهو اختي Shoomy
     
  2. كنبس

    كنبس بـترولـي مميز

    814
    0
    0
    امممممممممممم
    الموضوع جديد وممتاز وفكرته روعه
    يالله بلشي مع الضيوف اذا قبلو
    تحياتي
     
  3. حنان

    حنان بـترولـي خـاص

    2,196
    1
    38

    مشكور اخوي ان شالله بانتظارهم
     
  4. Shoomy

    Shoomy بـترولـي خـاص

    شالوهقه

    هلا والله حنان
    اول شي يعطيج العافيه على عالموضوع الحلو
    ثاني شي ... شمعنى انا اول شخص؟؟
    :rolleyes:

    بس ماراح اردج .. الحين اجاوبج افا عليج

    بطاقتك الشخصيه.. --> اسمي شيماء ... عمري 21 سنه ... موظفه في شركة نفط الكويت

    ماهي هواياتك؟ --> احب شي اسمه السرعه والمسابق ... :D

    ابرز عيوبك؟ --> دمعتي :( ... بسرعه ابجي

    ابرز ايجابياتك؟ --> اني ماعرف اشيل على احد لو شنو يكون مسوي ومزعلني ارضى بسرعه :eek:

    ترتيبك بين اخوانك --> انا الوسطيه ... حركات مو ;)

    اكلتك المفضله --> السباجيتي

    شخبارك ويا الطبخ؟ --> فنانه بالطبخ والحمدلله ... :p

    دوله تتمنى زيارتها؟ --> مودري والله اي دوله :rolleyes: ... اممممممم ماكو دوله معينه

    شخصيه أثرت فيك وايد؟ --> شنو نوع الشخصيه؟؟ ... يعني تويتي وسندريلا ولا شخصيات كبار ولا شنو بالضبط؟؟

    ثلاث وردات..لمنو تهديهم؟ --> الورده الاولى لأغلى انسان على قلبي :eek:... الورده الثانيه حق اختي:p ... الورده الثالثه حق رفيجتي:D

    باقه شوك..لمنو تهديها؟ --> ما احب اهدي احد شوك لان مصيرهم يتعلمون ويتغيرون فليش اجرحهم؟؟ ;)

    مثلك الاعلى --> ماعندي مثل اعلى تصدقون؟؟ حتى انا مومصدقه هالشي ... كااااااااااااااااااااااااك :D

    حكمتك في الدنيا --> حكمتي :( ... فكما اضحكك الدهر ... فذاك الدهر يبكيكا ...;) تيكا؟؟؟


    بما اني اول ضيف ... اتمنى اني ماكنت ثقيله عليكم وانشالله نشوفكم بالحلقة القادمه من برنامجكم في ضيافتهم مع حنونه الملسونه ... اتغشمر معاج موتزعلين :D
     
  5. MAB12

    MAB12 بـترولـي مميز

    انا موافق وخوش فكرة

    الاسم / ....... ....... .......

    العمر / 24

    الهوايات / الانترنت و الحداق و تنس طاولة ( جد اتكلم )

    العيوب / الطيبه الزايده

    الايجابيات / احترام الناس اعتبره ايجابيه وانا بصراحه ماقدر اقيم نفسي

    ترتيبي بين اخواني / انا الدلوع ( اصغرهم )

    اكلتي المفضلة / اي اكل هندي

    خبرتي بالطبخ / بس اعرف اسوي بيض عيون

    دولة اتمنى زيارتها / مالديف

    شخصية اثرت فيني / الشيخ جابر الله يرحمه

    ثلاث وردات / الاولى للمنتدى والثانيه للمنتدى والثالثه للمنتدى

    باقة شوك / اهديه حق اللي عطلوا الزيادة :mad:

    مثلي الاعلى / اي انسان ناجح

    حكمتي / القناعة كنزٌٌٌ لا يفنى


    وشكراً على الاسئلة الجميلة
     
  6. المتمكن

    المتمكن بـترولـي خـاص أعضاء الشرف

    1,350
    0
    0
    موضوع مميز وفكره مقبوله وتخلى الواحد يعرف اعضاء هذا المنتدى
    شكرا على الفكره الحلوه يا
    حنان
     
  7. زهرة التوليب

    زهرة التوليب بـترولـي خـاص

    ذكرتي في كرسي الاعتراف اللي بالمنتديات :p

    بصراحه خوش موضوع وخوش فكره


    وعدي جم سؤال لعضوه Shoomy
    اتمنى يكون خفيف على قلبها

    1- اشكثر صار لج موظفه في شركة النفط
    2- شنو الشي اللي ودج تغيرينه في شركتكم ؟
    3- اذا ما كنتي موظفه في شركة النفط شنو كنتي تتمنين تكونين ؟؟

    ويعطيج الف عافيه :)
     
  8. HUMMER

    HUMMER بـترولـي خـاص

    خوش موضوع ومميز وحلو بس هالموضوع حق الفضايح الله يسلمج خلينا جذي
    ورى نكاتنا احسن
     
  9. Shoomy

    Shoomy بـترولـي خـاص

    حتى انتي؟؟



    ردا على اسئلتج اختي زهرة التوليب

    صارلي 10 شهور :p ... توني يديده بقراطيسي
    الشي اللي ودي اغيره بشركتي ... :rolleyes: ... بصراحه قانون الدراسه السخيف اللي عندنا لازم يتغير :cool:
    اذا ماكنت موظفه بشركة النفط :rolleyes: ... اولا كنت راح اكون مدرسه Techer مو مدرسه School :D او اني اشتغل بالبنك

    الله يعافيج يارب
     
  10. حنان

    حنان بـترولـي خـاص

    2,196
    1
    38
    هلا حبوبة انا اقول لج ليش انتي اول وحدة ليشنه من ردودج شكلج مرحة وحبوبة
    ههههههههههه ما خلصوا الاسئلة يا حظي نطري
    ههههههههههه
     
  11. حنان

    حنان بـترولـي خـاص

    2,196
    1
    38
    هلا اخوي خو الله يهداك انطر الحجية لي الحين ما خلص دورها
     
  12. حنان

    حنان بـترولـي خـاص

    2,196
    1
    38
    العفو اخوي ... خوش دام عجبتك الفكرة ممكنت تكون انت اللي بعد الحجية shoomy
     
  13. حنان

    حنان بـترولـي خـاص

    2,196
    1
    38
    هلا زهرة حبيبتي اية تعالي وسألي خلج خوووش بنوتة
    والله اهو كله بوق ;):p حتى هالموضوع بقتة ههههههه
     
  14. Shoomy

    Shoomy بـترولـي خـاص

    حنوووووووونه



    حبيبتي والله تسلمين ياذوووق :p
    ترا استوحوي انا :p

    :eek: ماخلصوا الاسئله؟؟

    :rolleyes: ياترا شنو الياي؟؟

    يالله ناطره باجي الاسئله

    تحياتي :D
     
  15. حنان

    حنان بـترولـي خـاص

    2,196
    1
    38
    هاج تسلي


    اقترح المكان الوظيفي لكل من... و باختصار رايك بكل منهم ..
    الفيصل
    Faisal
    Shmooy
    كنبس
    الوسام
    Frfosha
    دهن عود
    Ahmadi Ambulance
    HUMMER
    ام ريما
    Frfosha
    حنان
    الوسام
    المتمكن
    مختبرجي
    اوشن غيرل
    ولد فحيحيل
    بوحنونة














    كلمات لمن تهدينها؟
    عتب
    للصبر اخر
    ليه الغرور؟
    افا ياكيف
    تاخرتي
    الصد والهجران
    تعودنا
    نسيتونا
    سير علينا
    تقوى الهجر


    هدفك ب الدنيا؟
    تعريفك للعزوبيه؟
    دعوه عشاء..لمنو ؟


    موقف محرج مريتي فيه
    موقف مضحك
    موقف محزن
    وجبتك المفضله؟
    جم تعطين نفسك نسبه صبر؟؟%؟؟
    جم تعطين نفسك نسبه ذكاء؟
    اغنيتك المفضله؟
    مطربك المفضل
    مطربتك المفضله
    فنانك المفضل
    نوعيه الكتب او المقالات التي تفضلين قرائتها؟؟



    ثقتك باللي حولك متى تزيد ؟ ومتى تنقص ؟

    ومنو الشخص اللي يستاهل ثقتك فيه 100% ( صفاته ) ؟

    وهل في صعوبة بهالموضوع ؟

    حلم حياتك تحقق ولا بعد؟؟

    راضيه بحالك ؟؟ ولا ترغبن بالتغير؟؟


    لو بيدك ترجعين لمرحلة من عمرك تغيرين فيها شغلة كانت ممكن تكون السبب بتعديل أخطاء كثيرة بحياتك الحالية, شنو هالنقطة من عمرك؟ وشنو اللي تحبين تغيره؟

    منو الأقرب للنفس.. الصديق؟أو الأخ؟ من وجهة نظرك .. ؟

    شخصية تحسين انها نسخة او صورة عنك بالمنتدى ؟

    كلمة "لو" .. جم مرة تتردد باليوم على لسانك, وهل تؤمنين بفعاليتها؟

    شنو اكثر اقسام المنتدى تجذبك؟


    شنو سبب اختارج لهذه الصورة الشخصية؟

    برايج ليش اعضاء المنتدى ما يشاركون؟

    شنو العيب اللي في شخصيتج وتتمنين تتخلصين منه؟

    لو حكمتي العالم يوم شنو راح تسوين؟ او شنو القرار اللي تحسين نفس راح تتخذينة وبيفيد الناس او الامه العربية؟

    شنو الشي اللي ما تستغنين عنه في جنطتج؟

    لو رزقتي بطفل شنو راح تسمينة؟ وليش بالذات هلاسم؟

    شنو الكلمات اللي ما تحبين تسمعينها؟

    بنظرك شنو اهم انجاز سويتيه في حياتج؟

    متى اخر مرة بجيتي وشنو السبب؟

    اختار ي المسافه القائمه بينك و بين هذه العبارات ,, باختيارك لهذه الكلمات // قريبه جدا , قريبه , وســط , بعيده , بعيده جدا //

    الحــــــزن

    الفــــــرح

    الوحــــــده

    الأم

    الأخــــت

    النـــــت

    الكــــتاب

    جم مرة ختمتي القران؟


    :p
     
  16. Shoomy

    Shoomy بـترولـي خـاص

    وي وي وي

    كل هذا؟؟؟

    امتحان الله يهداج ;)

    يبيييله وقت بصراحه عشان اقدر ارد على كل هالاسئله

    انشالله برد عليهم باقرب وقت بس مو اليووم ... عشان تنطرون الاجابه ;)

    تحياتي
     
  17. Shoomy

    Shoomy بـترولـي خـاص

    بعد؟؟

    اقترح المكان الوظيفي لكل من... و باختصار رايك بكل منهم ..

    الفيصل --> مدير عام
    Faisal -- > وي وي وي شحطك؟؟ ... رئيس المنتدى :D ( ماعرفت شحطك)
    Shmooy -- > chairman ;)
    كنبس --> مادري شقول عنك والله بس شسميك؟؟
    الوسام -- > مصلح اجتماعي :p
    Frfosha -- > ماعرفها :cool:
    دهن عود -- > نائبتي بعد مايبيله
    Ahmadi Ambulance --> ماعرفه والله :cool:
    HUMMER --> اخييييييييييه ياهمر شحطك ... ماشالله انت بسميك دينامو المنتدى وانت النائب الثاني لي :D
    ام ريما --> ام الاسئله العجيبه ... سكرتيره زين؟؟
    حنان --> انتي سكرتيرتي التنفيذيه بعد مايبيله يالملقوفه .. وهقتيني
    المتمكن --> حبيب قلبي المتمكن بخليه تيم ليدر بس اي قسم مادري :D
    مختبرجي --> ابو دم خفيف ... نكك المفروض قاعد بالمختبر بس بحطك بالحقول عشان تغير جوو مو كله مختبرات
    اوشن غيرل--> ماعرفها والله :cool:
    ولد فحيحيل --> الغايب الحاضر ... يعني موجود ومو موجود .. وين احطك؟؟ امممممم شرايك خباز؟؟ اتغشمر:D
    بوحنونة --> لا عاد بوحنونه مايصير احطه شي عادي يعني اذا حنانو سكرتيرتي شخلي ابوها؟؟ ... امممممم يالله تيم ليدر بعد





    كلمات لمن تهدينها؟
    عتب--> حق زماني :cool:
    للصبر اخر --> حق تيم ليدري :D
    ليه الغرور؟ --> ماعرف احد مغرور واللي مروا عليي كسرتهم فما اهديها لاحد
    افا ياكيف --> حق رفيجاتي اللي نسوني بسبب الدوامات
    تاخرتي --> أمي
    الصد والهجران --> حق الناس اللي جرحتني
    تعودنا --> حق اقرب الناس لقلبي
    نسيتونا --> محد
    سير علينا --> حق ولد خالتي حمود :D
    تقوى الهجر --> مودري ماكو احد


    هدفك ب الدنيا؟ --> اني اكون نفسي وانجح بحياتي وارفع راس اهلي فيني
    تعريفك للعزوبيه؟ --> والله اولا اهي راحه ووناسه بس ماتدوم
    دعوه عشاء..لمنو ؟ --> اهديها لج بصراحه ... يالله متى ؟؟;)


    موقف محرج مريتي فيه --> بييه ايام الثانويه والله ... عقب ماخلص الدوام رحت ركبت سياره وانا اتحلطم وازف .. واقوله ماتحرك خو ولا تبي تنام ؟؟ عبالي اخوي لانه كانت نفس السياره :cool: ... من يومها ما اركب السياره الا اذا نزلولي :D
    موقف مضحك--> وييييييييييي عد وخربط خو انا كل حياتي مواقف مضحكه بس ماكو شي على بالي الحين
    موقف محزن --> يوم وفاة يدي الله يرحمه
    وجبتك المفضله؟ --> ماك تشكن من ماكدونالدز ... الحين يقولون سوت دعايه :cool:
    جم تعطين نفسك نسبه صبر؟؟%؟؟ --> 100 الحمدلله... اصبر واصبر واصبر بعدين انفجر عاد :D
    جم تعطين نفسك نسبه ذكاء؟ ا--> ممممممم ذكاء ؟؟؟ شنو الذكاء اول شي ؟؟ :D اتغشمر يعني 60 زين؟؟
    اغنيتك المفضله؟--> ياجرح - الاخوه ... اهي الايام - عبدلله الرويشد
    مطربك المفضل ؟ --> مايبيله .. عبدالله الرويشد
    مطربتك المفضله؟ --> نوال طبعا"
    فنانك المفضل ؟ --> طارق العلي
    نوعيه الكتب او المقالات التي تفضلين قرائتها؟؟ --> اولا انا والكتب موربع بس اذا قريت اقرا اشياء رعب وخرافات ... احب اخرف :D



    ثقتك باللي حولك متى تزيد ؟ ومتى تنقص ؟ --> تزيد لمن اشوفهم صج يبون مصلحتي وخايفين علي وتنقص بالعكس طبعا ( يعني عكس طريقته بالزياده)

    ومنو الشخص اللي يستاهل ثقتك فيه 100% ( صفاته ) ؟ اللي يفهمني ويعرفني عدل واللي مايضلمني ويسمع كل اللي عندي قبل لا يحكم عليي ... موشرط يكون واحد ترا حتى لو وحده الثقه مافيها تخصيص

    وهل في صعوبة بهالموضوع ؟ --> ايي وااايد لاني من الناس اللي انضلمت من حيييييييييل ومن اقرب الناس لي عشان جذي صعب احط ثقه باحد بسرعه :(

    حلم حياتك تحقق ولا بعد؟؟ --> لا للحين ... انشالله قريب

    راضيه بحالك ؟؟ ولا ترغبن بالتغير؟؟ --> ماكو احد يرضى بللي اهو فيه واكيد يبي التغيير


    لو بيدك ترجعين لمرحلة من عمرك تغيرين فيها شغلة كانت ممكن تكون السبب بتعديل أخطاء كثيرة بحياتك الحالية, شنو هالنقطة من عمرك؟ وشنو اللي تحبين تغيره؟ --> مرحله الدراسه وبالذات بعد الثانويه ... جان زين كنت داشه الجامعه وماخذه شهادتي الجامعيه وبعدين توظفت :D

    منو الأقرب للنفس.. الصديق؟أو الأخ؟ من وجهة نظرك .. ؟ --> الصديق بصراحه ... انا عندي في حدود بيني وبين الاخ يعني ماقدر اقوله كل شي بس الصديق حتى لو في حدود بس اقدر اقوله اللي ابيه

    شخصية تحسين انها نسخة او صورة عنك بالمنتدى ؟ --> للحين ماشفت احد لاني ماعرفت كل اللي بالمنتدى بس اللي احس انه قريب مني اخوي smart_boy

    كلمة "لو" .. جم مرة تتردد باليوم على لسانك, وهل تؤمنين بفعاليتها؟ --> بيييييييييييييييييه اقولها شكثر بس مالها فعاليه لان الزمن عمره مارد :(

    شنو اكثر اقسام المنتدى تجذبك؟ --> كل الاقسام بس اكثر شي العام لاني احب السوالف والضحك وانا انحاش من روتين الدوام وضيقة الخلق وايي عشان استانس واغير جو :D اذا ماعندكم مانع طبعا "


    شنو سبب اختارج لهذه الصورة الشخصية؟ --> لانها تمثل الشركه اللي انا تابعه لها

    برايج ليش اعضاء المنتدى ما يشاركون؟ --> بسبب مشاغلهم لان كلهم موظفين ويعتمد على الوقت اللي يكونون فاضين فيه فيشاركون بهالوقت :D ... شعليكم طلعتلكم عذر بعد شتبون؟؟

    شنو العيب اللي في شخصيتج وتتمنين تتخلصين منه؟ --> طيبة قلبي لان بصراحه هالزمن اللي قلبه طيب مايعيش لازم يقسى :cool:

    لو حكمتي العالم يوم شنو راح تسوين؟ او شنو القرار اللي تحسين نفس راح تتخذينة وبيفيد الناس او الامه العربية؟ --> بصراحه ما ابي احكم العالم ولو يتني هالفرصه راح اتنازل عنها للي يستاهلها واللي يعرف يستغلها عدل :rolleyes:

    شنو الشي اللي ما تستغنين عنه في جنطتج؟ --> علوجي :D اموت على العلوج

    لو رزقتي بطفل شنو راح تسمينة؟ وليش بالذات هلاسم؟ --> اسميه حسن ... لانه هالشخص هو الاقرب الى قلبي

    شنو الكلمات اللي ما تحبين تسمعينها؟ --> وااايد ... فلا تعليق احسن :p

    بنظرك شنو اهم انجاز سويتيه في حياتج؟ --> اني ضعفت وغيرت من نفسي

    متى اخر مرة بجيتي وشنو السبب؟ --> اخر مره امس بالليل :( .. تذكرت ايام مضت :(

    اختار ي المسافه القائمه بينك و بين هذه العبارات ,, باختيارك لهذه الكلمات // قريبه جدا , قريبه , وســط , بعيده , بعيده جدا //

    الحــــــزن --> قريبه جدا"

    الفــــــرح --> وسط

    الوحــــــده --> وسط

    الأم --> بعيده

    الأخــــت --> قريبه جدا"

    النـــــت --> وسط

    الكــــتاب --> بعيده جدا"

    جم مرة ختمتي القران؟ --> بصراحه بصراحه واقولها وانا مفتشله ... مرة وحده بس :(




    الحمدلله خلص الامتحان :D

    انشالله ماكون صدعت راسكم

    تحياتي :D
     
  18. dehen_3ood

    dehen_3ood بـترولـي خـاص أعضاء الشرف

    يا سلام عليج يا شومي خوش اختيار ونجحتي فيه .. بالمبارك إن شاء الله :D وعقبال الدكتوراه

    [​IMG]
     
  19. Shoomy

    Shoomy بـترولـي خـاص



    تسلمين حبيبتي والله

    اجمعين يارب :D
     
  20. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    مشكورة ..شومي على هالمشاركة .. وشكرا على تسميتي مصلح اجتماعي

    ونتمنى تكون مشاركاتج دايما فعالة ويانا بالمنتدى


    والى الأمام
     
جاري تحميل الصفحة...
حالة الموضوع:
مغلق

مشاركة هذه الصفحة