مستشار المشروع يفوز بربع المشروع ب 2 مليار

الكاتب : Oil Engr | المشاهدات : 905 | الردود : 16 | ‏29 مارس 2008
  1. Oil Engr

    Oil Engr بـترولـي نشيط جدا

    372
    0
    0
    «فلور» تفوز بـ«الحزمة الثالثة» من مشروع مصفاة الزور بـ 2 مليار دولار
    عدد القراء: 145


    29/03/2008 كتب المحرر النفطي:
    فازت شركة فلور الاميركية بعقد الحزمة الثالثة، التي تغطي خدمات موقع مصفاة الزور وحاجاته، وقال رئيس مجلس الادارة والعضو المنتدب لشركة البترول الوطنية الكويتية فاروق الزنكي لنشرة «ميس» النفطية المتخصصة ان قيمة الحزمة تقدر بملياري دولار، واضاف الزنكي ان الحزمات الاربع المتبقية لبناء مصفاة الزور بطاقة انتاجية 615 الف برميل يوميا ستقر نهاية ابريل، لكنه اشار الى ان موقع المصفاة ما زال قيد البحث والدراسة، «غير انني واثق بأن المسألة ستُحل في اسرع وقت، فهي ليست مشكلة كبيرة» واضاف الزنكي ان «تلزيم العقود في مشروع النفط النظيف، الذي يضم توسيع وتحسين مصافي ميناءي عبدالله والاحمدي، يمشي وفق الجدول الزمني المخصص له، وسترسو الصفقة على احد المقاولين نهاية هذا العام».

    ==============================================================
    شركة فلور هي مستشار المشروع وتفوز بربع المشروع
    يعني هي من وضعت مستندات المناقصة وتشارك بفتح الأظرف في مقرها بهيوستن مع هنود ال Knpc وهى تفور

    سجل يا تاريخ حدث بالكويت بالknpc
     
  2. مزيووووون

    مزيووووون موقوف

    92
    0
    0
    من رأيي يسوون المحطة بالقرب من جزيرة بوبيان


    اووه نسيت انها قاعده


    يحطونها عند النويصيب

    وليييه هم هذي صارت للسعوديين نسيت


    طيب يحطونها بالديرة....... بس مايصير يتأذون حبايبنا


    ماكو إلا عند أم الهيمان


    الله المستعان


    انتحمل بعد شنسوي
     


  3. الله يعين اهل ام الهيمان كل شي صووبهم


    :D
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الله يعين أهل أم الهيمان و أهل الخيران و المشاريع المستقبلية المجاورة للمصفاة

    و ليتذكر المسؤولين هؤلاء الناس سكان هذه المناطق و ليخافوا الله فيهم

    و ليعملوا على تخفيف الملوثات
     
  5. بلبل عنقريزي

    بلبل عنقريزي بـترولـي خـاص

    2,187
    0
    0
    ام لهيمان يقدرون يعفسون هالمصانع والشركات فوق روس تجارها

    بس من عادة البدو طيبين وولائهم للديره

    بس وين اللي يحس
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    أتمنى أن لا يذهب جهد من سعى إلى تأميم النفط في الستينات و السبعينات لحفظ ثروة الكويت .

    اتمنى أن تكون هناك مخافة الله سبحانه و و جود الروح الوطنية الخالصة عند إبرام أي إتفاقات و صفقات

    اتمنى ان تكون كل الدراسات قد أستوفيت بالشكل السليم عند إقرار أي من الخطوات الهامة

    لا تنسوا المواطن و يكن المشروع مصدر هام لتشغيل أبناء المواطنين بالدرجة الأولى
     
  7. اشاطرك الرأي يا عبدالله


    والله يحفظ اهلنا في ام الهيمان ويعينهم على الغازات والتلوث

    وانشالله نشووف نواب يوقفون هالمشاكل والمصايب والصفقات السريه والمحسوبيه
     
  8. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    آمين يا بو نايف

    و مثل ما نشد العفاسي ما هي للبيع الكويت
     
  9. اي والله ماهي للبيع الكويت


    الكويت اولأ قبل كل شي فكروا بهالديره والى عايش فيها والى بيعيشوون فيهاا
     
  10. Helmet

    Helmet بـترولـي نشيط

    56
    0
    0
    مساكم الله بالخير ..... تاخذها فلور واهي الشركه العالميه احسن مماتاخذها شركه كوريه مانعرف راسها من كرياسها .... اكلمكم لاني مجرب وحده اشتغلو فيها الكوريين الله لايبارك فيهم (sk).... وطبعا هم احسن من شركة توهم مسوينها باسم واحد يصير حق عضو ويعفسها فوق تحت طبعا الشركات من هالنوع وايد الله لا يبارك اب هييييك أعضاء
    ثانيا: لو اهل ام الهيمان يقدرون يسوون شي جان سوووها اهل الفحيحيل من قبل.. بينهم و بين الاحمدي شارع واذا الهوا كوووس (جنوب) وراحت كمبرسر وحدة Fgru مساكين شيابهم كلهم طابور على جهاز الربو بالعدان ..... ترا الوحده هذي تروح اقل شي بالاسبوع مرتين ......
     
  11. Oil Engr

    Oil Engr بـترولـي نشيط جدا

    372
    0
    0

    مكان شوق شرق او الكوت
     
  12. Oil Engr

    Oil Engr بـترولـي نشيط جدا

    372
    0
    0
     
  13. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    الللللللللللله واكبر ...

    صج صج صج ......... مافيه تلااااااعب .؟

    لوووووووووووووول >>> مافي تلاعب
     
  14. Helmet

    Helmet بـترولـي نشيط

    56
    0
    0
    انت تقصد على ما اعتقد ال AGRP

    اشرها على المصري الى دزوه على المشروع والى توهم مرقينه على TPL الى درحه 18 و 19 .

    انا سألت ربع SK عن المشروع وقالولي انهم فنشو طاقم المشروع .

    وربعنا بدل لا يودونهم النيابة قاموا بترقيتهم :D
    [/QUOTE]

    لا اخوي وانت الصاج اكلمك عن ال CCR وحدة البانزين بالاحمدي ليلحين كل شهرين ثلاث يايبين فندر من برا ياخذله شي وشويات بسبة مشاكل التركيب ولا المعدات والتقنيه اللي فيها ماعليها كلام بس المشاكل كلها بالتركيب ... وطبعا التركيب كوووووري :rolleyes:
     
  15. الصنفره

    الصنفره بـترولـي نشيط جدا

    198
    0
    0
    الله يعين أهل أم الهيمان و أهل الخيران و المشاريع المستقبلية المجاورة للمصفاة

    و ليتذكر المسؤولين هؤلاء الناس سكان هذه المناطق و ليخافوا الله فيهم

    و ليعملوا على تخفيف الملوثات
     
  16. SCC

    SCC بـترولـي نشيط

    59
    0
    0

    اخوي انت مصدق ان فلور راح تنفذ !

    انا متأكد انها سوف تعطي لمقاول كوري او هندي بالباطن و تطلع بارباح خياليه لأنها حصلت على العقد من غير عطاءات منافسه ... يعني وذمتك يصير المستشار الذي حضر العقد و الذي يشرف عليه ينفذه !

    صارلنا سنين نتعامل مع فلور وما شفتهم ينفذون شي و حتى موظفينهم يا هنود او غربيين متقاعدين يعني اعمار 60 وفوق وعندهم كم متدرب جايين من الجامعه يجربونهم و يعلمونهم عندنا باسعار الخبراء طبعا... تعال شوف اخطاء التصميم ومطالبات المقاوليين لتصليح هذه الاخطاء

    بالنهايه الKOC عطتهم عقد بعد

    وابشرك SK حصلت على مشروع كبير بالاحمدي يبدأ تنفيذه قريبا
     
  17. Helmet

    Helmet بـترولـي نشيط

    56
    0
    0
    المفروض الشركه تجبرهم على التنفيذ بالعقود الكبيره في شرط يتفاهمون عليه الطرفين واهو انه المقاول مايعطي اي شركه بالباطن.... بس لو نرجع ونشوووف منو وكيل Sk بالكويت راح نعرف مييين الللي خبزها ومييين اللي اكلهاااااا .... وطبعا بالنهايه الاوبريشن بياكللللون هوااااا
     
جاري تحميل الصفحة...

مشاركة هذه الصفحة