في ضيافتهم KOCiya

هلا والله حجيه حنان
سوري على التأخر في تلبية النداء توني اشوف الموضوع

وان شاء الله اقدر على اجابة كل الاسئلة ..
بس تكفييييييييييين لا تسأليني السؤال اللي يحتم علي اكتب المكان الوظيفي حق ثلاث ارباع اعضاء المنتدى ..
بسم الله نبدأ ..
.
.بطاقتك الشخصيه.. البطاقة الشخصية يعني كل شي
ماهي هواياتك؟
تصدقين لما اقولج ما عندي !! << ليش عايشه!!
ابرز عيوبك؟
سريعة الغضب للأسف
ابرز ايجابياتك؟
قلبي طيب << على حسب الموقف مو كل مره تسلم الجره
ترتيبك بين اخوانك
الثالثة
اكلتك المفضله
الباستا عموما
شخبارك ويا الطبخ؟
تمام
دوله تتمنى زيارتها؟
جزر المالديف
شخصيه أثرت فيك وايد؟
الشيخ جابر الأحمد الله يرحمه
ثلاث وردات..لمنو تهديهم؟
الأولى والثانيه والثالثة حق زوجي
باقه شوك..لمنو تهديها؟
اقسمها بين البنك المركزي وديوان الخدمة << حدي حاقده
مثلك الاعلى
أمي الله يطول بعمرها
حكمتك في الدنيا
إن كان حبيبك حلو لا تاكله كله .
.
تنك يو

 

لازال المكيالين هو الفرق ياحنان ولازلت ناس وناس

 

حبيت اشكر الاخت حنان على استضافة الاخت kociya

واحب امسيكم بالخير جميعاٌ

واسألتي هي :-


ليش اخترتي هالنك نيم؟



شنو طموحج؟ وشنو هدفج؟



وكافي اسأله اليووم نكملها بوقت ثاني

 

كي او سيا اخت محترمة وعزيزة عالكل وشهادتي فيها مجروحة بس اب اسألها شنو استفدتي من المنتدى

 

هلا وغلا بو نايف يحييك ربي

ليش اخترتي هالنك نيم؟
بصراحة افتخر كوني من موظفات الـKOC ..
شنو طموحج؟ وشنو هدفج؟
طموحي الحصول على شهادة الماستر، وهدفي تكوين أسرة بأعلى المعايير << الله يقدرني

.
.
بانتظار عودتك أخي الكريم

 

الله يوفقج وينولج على الوصول الى طموحج انتهت اسألتي

اكتفي بالمشاهده

شاكرلج

 

يستاهل مكافئة النجاح ...

 

عزيز وغالي يا مشاري
.
.
بالنسبة لسؤالك فالاستفادة تتمثل بمعرفتكم الطيبة بالإضافة إلى معرفة الأخبار اللي تهم كل موظف بالقطاع النفطي أولا بأول ، وخصوصا اللي بالفترة الأخيرة ..
أتمنى إني جاوبت على سؤالك الكريم بما يرضيك

 

يزاك الله خير ..
واتشرف بمرورك

 

يامرحبا يامرحبا باختنا الغاليه كيوسيه :d

اول شي اشكر صاحبة الموضوع الاخت حنان ومن تميز الى تميز يالغاليه

اما بالنسبه لاختي كيوسيه مداخلات خفيفه جدا

قلتي بجواب بأحد الاساله انج تطبخين ميه ميه وانا اعارض وانتي عارفه السبب
هل ياترى شنو السبب بحالة التسمم اللي صارتلي او انج تعلمتي الطباخ تو ياليت الاجابه لو سمحتي

لو يرد الزمن للوراء هل بتتوظفين بالكي او سي وياليت مع ذكر السبب

واخير شي الله يوفقج يارب بحياتج الزوجيه وتتشاركون بمشاركة النجاح والتذاكر :d

 

يعطيكم العافيه على الموضوع الحلوووووو
ممممممممممم
مادري شقول وشسأل الشباب كفووو وفوووو
ممممم
KOCiya
يعطيج العافيه وعساج عالقوه انشالله وسؤالي لج
لو قالولج اختاري شركه نفطيه غير ال koc اي شركه تختارين ؟
والسؤال الثاني
شنو هواياتج
وتحبين الرياضه ولا لاء
واي نادي تشجعين ؟
و احلى مطعم تحبين تروحيله وتاكلين منه ؟
بسسسسسسس مادري شقول
يعطيكم العافيه

 

تستاهل الطيب
والله يستاهل أكثر

 

السلام عليكم

جاوبي كي يو سيه على الاساله الحلوه
{ .. أسئلـة تخـص المنتـدى .. }

1] اشلـون تعرفت ع المنتـدى ؟
2] 3 أعضاء وعضـوات تعجبك نكاتهم ؟
3] قسمك المفضل ؟ وقسم ما تدخله كلش ؟
4] اوصف لنا دوورك كـ بترولي ؟ لووول أكيد شاق
5] أحلـى موضوع مر عليـك فالمنتـدى ؟
6] شنهي الاشياء اللي ودك تغيرها أو تضيفيها فالمنتـدى ؟

 

يا هلا يا هلا
قلتي بجواب بأحد الاساله انج تطبخين ميه ميه وانا اعارض وانتي عارفه السبب
هل ياترى شنو السبب بحالة التسمم اللي صارتلي او انج تعلمتي الطباخ تو ياليت الاجابه لو سمحتي؟
لوووووووووووول ضحكتني الله يغربل ابليسك ، وبعدين العتب مو على الطبخه العتب على اللي مبربس فيها
لو يرد الزمن للوراء هل بتتوظفين بالكي او سي وياليت مع ذكر السبب ؟
بصراحة إي .. أولا أنا اخترت الشركة على الرغم من إني كنت موظفة بمكان ثاني .. والسبب إن الشركة لها سمعتها ومكان زقرت والواحد يقدر يوصل فيها ادري بتقول حلمانه بس لكل مجتهد نصيب وما يخفيك اني انصدمت من بعض أمور المحسوبيات والحفار ولكن احنا قدها وقدود مشكور وايد على أسألتك وربي يوفقك وين ما كنت

 

يعافيك ربي skipper
لو قالولج اختاري شركه نفطيه غير ال koc اي شركه تختارين ؟
همممم بصراحة ما أدري الشركات الباجي شنو نظامهم وعشان جذي راح اتبع المثل القائل خلك على مينونك لا اييك اللي أين منه
شنو هواياتج
وتحبين الرياضه ولا لاء
واي نادي تشجعين ؟
ما ادري ما عندي شي معين !! وهالشغله باطه جبدي
احب الرياضة بس لا تقولي كرة قدم ! وقبل كنت أشجع كاظمة خخخخخ لا تقولي فرق أجنبية كلش مو مالت هالسوالف
احلى مطعم تحبين تروحيله وتاكلين منه ؟
فدركرز <<<< يم يم
شكرا على مرورك

 

موفقة إن شاء الله اختي الكريمة KOCiya وعسى الله يحقق لج كل إللي تبينه وتاخذين الماستر ويسعدج بحياتج ويهنيج

ومشكورة اختي حنان على هالاختيار الجميل

 

وعليكم السلام ورحمة الله وبركاته ..
حيالله القحطاني
1]اشلـون تعرفت ع المنتـدى ؟
ايميل وصلني من أحد الزملاء ..
2]أعضاء وعضـوات تعجبك نكاتهم ؟
بلبل عنقريزي ، Engineera ، نفطه
3] قسمك المفضل ؟ وقسم ما تدخله كلش ؟
القطاع النفطي ، واللي ما ادخله منتديات باجي الشركات
4] اوصف لنا دوورك كـ بترولي ؟ لووول أكيد شاق
أجل أجل شاق بس مو مثل ربعنا اللي بالمواقع الله يعطيهم العافية
5] أحلـى موضوع مر عليـك فالمنتـدى ؟
بدون ادنى شك كتاب على الهاجري بخصوص الزيادة
6] شنهي الاشياء اللي ودك تغيرها أو تضيفيها فالمنتـدى ؟
همممم .. والله مفيش بس ودي ان الاعضاء يخفون شويه من المشاحنات ويحاولون يبتعدون عن مواضيع إثارة الفتن الله يكافينا شرها ..
وبس
شكرا على مرورك