امر الكويت بأيدكم يا اهل الكويت

الكاتب : شركة من صادها عشى عيالة | المشاهدات : 256 | الردود : 8 | ‏27 مارس 2008
حالة الموضوع:
مغلق
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    الحين كل واحد بأيده يأسس برلمان دموقراطي يبني و ينمي الكويت و يحل المشاكل المستعصية و يعطي كل ذي حق حقه ... اي صوتي و صوتج الحين يحددون اذا كنا نبي مجلس فيه اعضاء يخافون من الله و يطبقون القانون و يضرب بيد من حديد على كل من تسول له نفسه ايذاء الكويت ... خلال ايام قريبة راح يتشكل مجلس اخترناه بكيفنا و محد غصبنا عليه .... قولولي هل راح ننتخب الافضل ( القوي الامين ) ام ننتخب على اساس طائفي قبلي .... هل سنختار من يعطينا ثمن صوتنا و يأخذه من الكويت اضعاف مضاعفة ... هل سننتخب من يدوس القانون لأجل عيونا و يمشي معاملاتنا المخالفة او ننتخب من يحفظ القانون و يرعى سيادته ...

    ابدأ بنفسي اقسم بالله اني سأنتخب الافضل لبلدي ( حسب الظاهر ) سوءا كان سني شيعي بدوي حضري عيمي .

    كل واحد ابيه الحين يعلن موقفه من غير اي مجاملات و كلمات منمقة .... بالكويتي راح تنتخب شخص من غير طائفتك او قبيلتك اذا عرفت انه يمثل النائب المناسب القادر على تسييير امور البلاد ؟

    انت و انتي منو راح تنتخبون ؟؟؟؟؟؟؟



    الحين بشوف اللي تكلموا عن الوطنية و حب الوطن يأيدون كلامهم بأفعال و ينتخبون القوي الامين مو ابن الطائفة او القبيلة يا الله ورووني حب الوطن و قولوا لنواب الخدمات لا و لنواب شراء الاصوات لا و الف لا .
     
  2. بلبل عنقريزي

    بلبل عنقريزي بـترولـي خـاص

    2,187
    0
    0
    كلام سليم ياشركه
    وبالنسبه لي بحياتي ماصوت الا الشخص اللي احسه يستحق ويفيد الكويت
    ويدافع عن حقوق المواطنين

    على فكره دائما تصويتي خارج القبليه للعلم اخوي
     
  3. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    انا صوتي باللي بفوز بالفرعي


    ويبقى الشايب علي العهد باقي :)
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ان شاء الله يكون صوتك للافضل سوء كان ضمن القبيلة و لا خارجهاا .

    يعجبني الانسان اللي قول وفعل .
     
  5. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    يعني حتى لو كان اللي ناجح بالفرعي شخص ما يستحق يوصل مجلس الامة ؟


    اذا كان جوابك نعم عيل لا تلوم الا نفسك لي دخلت مستشفى حكومية و لقيتها خراب او لي شفت مسوول يدوس ببطن القانون جدامك او لي صار التعليم عندنا يخرج ناس من الثانوي ما يعرفون الفرق بين y و u .
     
  6. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    يا رجال سنع البنغاليه اللي بالديره وعقب تعال


    بنغالي تجيبه من هناك ما يعرف شي


    يومين ويصير خريج من كليه الحقوق عارف كل القوانين


    وانا مع الفرعي واللي بفوز بالفرعي معه سواء زين سواء شين
     
  7. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    مو معنى انه ناس وايد عايشين بالغلط نروح نقلدهم و نصير مع الخيل يا شقرى .

    اخوي وين راحت الضمه و راح الضمير اذا كان يتساوى عندك الشين و الزين يعني اللي يسرق مثل اللي يحفظ اموال البلد و اللي يسعى لتطوير الخدمات البلد مثل اللي يدور المناقصات و الرشاوي .... اسمح لي اقولك منطقك اعوج .

    اما اذا كنت تقصد ولائك للقبيلة يا اخي تقدر تنتخب الزين من عيال قبيلتك و توصله مجلس الامه لانه كل اصل فيه الشين و الزين و لو خليت خربت .
     
  8. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    انا اتكلم بالفرعي اكيد بصوت للزين بس اذا فاز الشين اخليه يعني :)


    مالي شغل في اموال الدوله ولا من سرق ولا حافظ

    وبعدين بعض الوزراء الحكومه اختارتهم وسرقو ولعبو بالديره


    وش نسوي يعني وقفت علي انا :)
     
  9. scout leader

    scout leader بـترولـي نشيط جدا

    370
    0
    0
    موظف
    الكويت


    إذا كان قصدك يالشايب انك بترشح حي الله واحد بس لان فاز بالفرعية

    فهذا شي يناقض مبدأ المصلحه العامه

    اما إذا أنت مقتنع بهذا الشخص فهذا قرارك والأمانة الواجب تأديتها

    وفي ملاحظة ياجماعة

    أحبى أذكر أن الله سبحانه وتعالى حثنا على التعاون على البر والتقوى ونهانى عن التعاون على الأثم والعدوان
    وإذا كل واحد رشح شخص بس عشان ينتميله مع العلم بأنه عارف أن هذا الشخص ماهو الأصلح
    فمعناته أن الشخص تعاون على الأثم والعدوان (( لأن شخص مثل هذا مايستحق يفوز))
    والعكس صحيح
    إذا كنت عارف ان في منافس ثاني ولكنه صالح
    وعطيته صوتك فأنت تعاونت على البر والتقوى وأديت الأمانه

    تحياتي للشايب ولك اعضاء المنتدى
     
جاري تحميل الصفحة...
حالة الموضوع:
مغلق

مشاركة هذه الصفحة