شنو الفرق؟؟؟؟

الكاتب : koc^girl | المشاهدات : 1,340 | الردود : 14 | ‏27 مارس 2008
  1. koc^girl

    koc^girl بـترولـي جـديـد

    28
    0
    0
    :eek:صبحكم الله بالخير جميعا

    اتمنى الكل يكون بخير وصحه وعافيه

    اذا ماعليكم كنافه اقصد كلافه هيهي ابي اعرف شنو الفرق بين مكافاه النجاح والبونس
    او اهما نفس الشي اثنينهم
    ومنو يحقله ياخذهم
    وشكرا
    ارجو الرد :)
     
  2. وحش المقوع

    وحش المقوع بـترولـي جـديـد

    41
    0
    0
    مساج الله بالنور والخير

    والكنافه ان شاء الله ناكلها اذا اخذتي بونص (((( نطريني )))


    الفرق بين البونص الانسنتف ومشاركه النجاح

    ان مشاركه النجاح تشمل جميع الموظفين ومرتبطه علاقه طرديه مع انتاج الشركه الفائض المالي يعني للكل كل موظف 0000


    اما الانسنتف فهو كل 6 شهور مره وهي تعتمد من مسؤلك ولا تشمل جميع الموظفين تشمل فقط المميزين المفروض جذي بس الى شارب حليب بفيتامين واو اهو الي ياخذ البونص 0000

    وبسج افلوس هههههه تقبلو تحياتي
     
  3. dehen_3ood

    dehen_3ood بـترولـي خـاص أعضاء الشرف

    ليش تخرعها ومن البداية يا وحش المقوع .. صج وحش :)

    الله يصبحج بالنور والكرامة ويمسيح بمثله أختي
    ومثل ما تفضل اخونا الكريم وحش المقوع ..
    البونص والانسينتيف إن شاء الله تاخذينهم واتهنين فيهم بكل سنة مالية :)
    ومشاركة النجاح مرة وحده سنوياً لكل العاملين بالقطاع النفطي والله يبارك لج فيها ..
     
  4. المنصور

    المنصور بـترولـي خـاص أعضاء الشرف

    المشاركة في النجاح هي عبارة عن مكافئة تشمل جميع موظفين مؤسسة البترول وشركاتها التابعة

    والبونص الثاني اللي اهو الانسينتف هو مكافئة تشجيعيه للموظفين المتميزين ومن شروطها ان اخر تقييم سنوي ما يقل عن Very Good
     
  5. المنصور

    المنصور بـترولـي خـاص أعضاء الشرف

    المشاركة في النجاح تكون مره بالسنة وتصرف في شهر ابريل "4"

    اما الانسينتف فـ يكون مرتين بالسنة ، شهر ابريل "4" وشهر نوفمبر "11"


    ما عدى السهو والخطأ
     
  6. الناهض

    الناهض بـترولـي خـاص

    2,144
    0
    0
    شركة نفط الكويت
    ماقصرت أختي دهن العود

    وما أضيف إلي شي واحد

    بالتوفيق لج وتاخذينهم
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    عفواا يااا وحش
    أنت ذكرت الأنسنتف وهي سئلت عن البونص
    وتراا في فرق
    هذا له شروط وهذاك له شروط
    وهذا له وقت وهذاك له وقت

    وسلام عليكم :D
     
  8. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    اشكر مداخلتك اخوى لكن احب اضيف بعض التفاصيل كترتيب افكار :)

    البونص بالشركه نوعين:

    incentive Bonus هو مكافأة تشجيعية تنصرف بالسنه مرتين (كل مره راتبين ونص كحد اقصى حسب التعميم الجديد) ومالها شروط معينه .. وفي محاوله من النقابة لوضع شروط وآليه عشان يكون فيها عداله وتشمل المستحقين وتقلل من اللعب فيها .

    spot Bonus وهذا يكون للموظف العادي بحد اقصى 600 دينار وللموظف المعين بتعميم ادارى 1200 دينار كحد اقصى ، وهذى تكون لإنجاز او شى فيه حماية للأصول وممتلكات الشركه او انقاذ لأحد العاملين من خطر محقق يتم الشكر والثناء على صاحب الانجاز بهذا البونص ومن باب التشجيع واكرام هذا الشخص المميز يتم اعتماد صرف هذا البونص من نائب العضو المنتدب او من رئيس مجلس الادارة.

    اما المشاركة بالنجاح مو مصنفه تحت البونص لانها تعتمد على ارباح المؤسسة السنوية فتعتبر مكافأة award
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    لاهنت ع التوضييح
     
  10. op-2

    op-2 بـترولـي نشيط

    103
    0
    0
    السلام عليكم

    وفو وكفو الاخوان

    الله المستعان
     
  11. المشعل

    المشعل بـترولـي نشيط

    95
    0
    0
    مشاركة النجاح للعموم .... البونص بالمشمش ..!!!!!!
     
  12. STARMARK11

    STARMARK11 بـترولـي جـديـد

    27
    0
    0
    يجزاكم الله خير نورتونا
     
  13. المنصور

    المنصور بـترولـي خـاص أعضاء الشرف

    شاكر لكم على الاضافات

    ودمتم سالمين
     
  14. koc^girl

    koc^girl بـترولـي جـديـد

    28
    0
    0
    مشكووووووووورين
    كلكم اخواني عالردو د
    ويعطيكم الف عافيه على الافاده من ناحيه الفيتامينات اخوس وحش المقوع انا عندي كل الفيتامينات بس مااستعملت شي منهم للحين مخليتهم على قولت القايل ((ةقت الزنأه)) لووووول
    وشكرا
    مره ثانيه
     
  15. n3n7

    n3n7 بـترولـي نشيط جدا

    271
    0
    0
    كلهم فلوووس :>
     
جاري تحميل الصفحة...

مشاركة هذه الصفحة