تسقط النقابه

الكاتب : كابتن-koc | المشاهدات : 992 | الردود : 13 | ‏27 مارس 2008
  1. كابتن-koc

    كابتن-koc بـترولـي جـديـد

    7
    0
    0
    الى اخوانى اعضاء الجمعيه العموميه المحترمين المطلوب اجتماع عاجل و ضروري لاسقاط النقابه الى تمثل الاداره و ليس العامل و للاسف ولا واحد فيهم طلع او صرح او فعل بموضوع الكادر المنقوص وقت الصجيه ماكو وقفه قويه لنقابه للاسف ضعيفه
     
  2. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
  3. special

    special بـترولـي نشيط جدا

    184
    0
    0
    والله انا مالي بسوالف النقابات بس الحق ينقال

    موضوع ان النقابه مع الاداره هالشي ما يدش العقل وماله شغل بموضوع الزياده
    لان الزياده اذا بتنصرف للعامل معناتها بتنصرف للاداره فما اتوقع الاداره لها شغل
    السالفه سالفه مجلس وزراء وديوان الخدمه المدنيه

    وانا قبل فتره كاني شفت صوره مادري باي جريده تجمع كل رؤساء النقابات بمافيها
    الخطوط وغيرها اللى موقفين كادرهم يعني الجماعه قاعدين يشتغلون

    واختلاف الرأي لا يفسد للود قضيه

    تحياتي
     
  4. ع-العازمي

    ع-العازمي بـترولـي جـديـد

    40
    0
    0
    الله كريم ولا تستعجيل يالغالي الشباب فيهم خير وبركه
     
  5. elec

    elec بـترولـي جـديـد

    23
    0
    0
    يعطيكم العافية وانا ما الومك تبي التغيير بمعنى الكلمة انا معاك بس ترى بيدنا مو تنطر احد وعلى اللي يقول لا تستعيل وننطر ونشوف واللي يقول الجماعة شغالين بس شوي شوي اولا اعضاء النقابة في منهم من كان عضو سابق واعتقد من المفروض انا يكون عند الافكار والخبرة الكافية حاليا وهم باجي الاعضاء من المفروض انا ما يكون الشخص مرشح نفسه للتكليف واهو مو قده الشي او مو عارف شنو النقابة واذا ماكان للنقابة دور صريح وقوي الحين واحنا يمكن باهم موضوع واهو الكادر والزيادة متى بيكون لها دور انا ما اتكلم بس ماديا لا معنويا بعد لان السالفة مو بس كادر وزيادة لا فيها ظلم بعد واذا بتكلم عن الظلم اللي حاصل ماراح اخلص بس لازم يكون لهم حل صارم بالموضوع ومابي اطيل بكلام وشكرا
     
  6. kuwaitq8

    kuwaitq8 بـترولـي نشيط

    143
    0
    0
    احب ابلغ الشباب اللي يبون يسقطون النقابه اولا المجلس السابق هو منكان متعامل وبشكل كبير مع النقابه المهم بالنسبه للتصاريخ انا اقوول ابشروا بكل خير فيه تصعيد راح يكون قريبا بس اتمنى من كل واحد عامل جو لنفسه لما نتلقى دعوه للاعتصام اتمنى انه يكون موجود وقد اللي بيصير لو مهما كان ما نبي كلالالالالالالالالالالالام وبس نبي افعااااال وبنشوف وسنكون من الشاهدين
     
  7. kuwaitq8

    kuwaitq8 بـترولـي نشيط

    143
    0
    0
    كككككككككككككك والله ضحكتني تصدق يقولون اعرفوك النقابه لما نقلت لهم وجهة نظرك :) خيرها بغيرها واللي بالجدر ابشرك طلعه الملاس
     
  8. علميني الحب

    علميني الحب بـترولـي نشيط جدا

    365
    0
    0
    صج صج مسكين وكسر خاطري
    وش دخل الإداره بالنقابه بخصوص الكادر
    وعشان تعرف إنك بس تصفق مع اللي يصفقون هذي زياده مو كادر
    وللأسف إني عطيت الموضوع أكبر من حجمه
     
  9. الارياق

    الارياق بـترولـي نشيط جدا

    196
    0
    0
    اخوي كابتن ماجد ترى مع الاسف الشديد ان الامور الي قاعد تنبث في المنتدى كلها اشاعات وكلام فاضي وموضوعك الي انت كاتبه المقصود فيه تشويه سمعة الاعضاء لا اكثر ولا اقل والدليل انك مو مفرق بين الاداره والنقابه ولا الزياده والكادر يعني من الاخر ماعدك معلومه وحده صحيحه وتنتقد ناس نقابين وتم ترشيحهم من غالبية العمال وبالنهايه لا يسعني الا ان اشكرك على الموضوع الجبار
    تحياتي لك
    اخوك الارياق
     
  10. بدل فاقد

    بدل فاقد بـترولـي جـديـد

    24
    0
    0
    السلام عليكم

    أرجو الا يصل مستوى النقاش لهذا المستوى والحفاظ على هذا المنتدى الذي فرحنا به لنناقش فيه مختلف همومنا واهدافنا المشتركه

    اما فيما يخص الموضوع فإني استغرب من طرح العضو لموضوع أعلن سمو الامير حفظه الله انه اصبح بيده وجعله بين مجلس الوزراء ومجلس الخدمه المدنية

    ربما لا اكون مؤيد للنقابة الحالية او السابقه او غيرهما ولكن اعتقد ان طرحك وانتقادك الغير موضوعي هو اشادة قوية بالنقابة الحالية لعجزك عن ايجاد تهاون واضح او محسوبية جلية او تلكؤ في خدمة الموظفين


    ارجو ان تسامحني اخي العزيز فبدون اثارة قضية واضحه فلن نستطيع ان نتجاوب معك لعدم وجود موضوع ناهيك عن قصر عمر النقابة الحالية

    وتأكد بأن مدة سنتين هي قصيرة فعلا وأعضاء الجمعية العمومية اذا لمسوا اي تقصير او اخلال بالوعود فلن ينتظروا اثارات جوفاء حتى يسندوا المهمة لمجموعة اخرى
     
  11. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    انتهت السالفة والاخ توه قاعد من النوم او جاي من البلانت :D

    ناس فاضية والمشكلة يسوي روحه فاهم يا الحبيب روح لاتحاد نقابات البترول اهي اللي تتعامل مع المؤسسة ( شنو نقابة وادارة واجتماع عاجل !!) الاخ ناطق رسمي ؟؟ شلونك انت طيب زين ؟؟:D



    صج بلشـــة ;)

    كويتي
     
  12. fawaz79

    fawaz79 بـترولـي نشيط

    140
    0
    0
    السلام عليكم ورحمه الله وبركاته

    اخوي الكريم ، شلون نحكم على نقابه لازالت باول مشوارها بانها نقابه فاشله ؟


    وفي اخبار ساره نقلها الاخ فيصل الكندري بخصوص تقليل سنين الخبره للاب قريد ، طبعا اذا الخبر اعتمد هذا يعتبر انجاز بوقت قصير

    وايضا اعاده فتح باب تقديم طلبات الاسكان ، اذا كانت النقابه وراءه مثل ما سمعناه ، ايضاا يعتبر انجاز يذكر ، خصوصا بعد ايقافه مده ليست بالبسيطه ، مع ان ودي يتم الغاء شرط القريد 13 ليستحق العامل تقديم طلب الاسكان ليتمتع بمميزات الشركه .

    وهذه الاشياء اللي سمعنى عنها وان شاء الله تعتمد ، واعتقد بان المسيره ستستمر ان شاء الله ..

    ولازم ان نساند نقابتنا الحاليه في مثل هذا الوقت لتحقيق متطلباتنا ..

    مع الشكر
     
  13. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ما نقدر نحكم عليهم بهالسرعة لازم ياخذون فرصتهم و بعدها نحاسبهم .
     
  14. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    لا لا لا ياخوي
    لا تحبط بالرجاال
    يمكن كان عنده عين ع التيست أو شي
    خله يعبر عن رأية لو حتي متأخر بس ماعليه :D
     
جاري تحميل الصفحة...

مشاركة هذه الصفحة