ليش الشعيبة غير!!!

الكاتب : الخبير | المشاهدات : 1,579 | الردود : 20 | ‏24 أكتوبر 2007
  1. الخبير

    الخبير بـترولـي جـديـد

    35
    0
    0
    لو سألت أي موظف تروح الشعيبة؟
    شيقول ... بل مالك أمل...
    مع ترقية... خل الترقية لك...

    فسؤال يطرح نفسه ليش الشعيبة غير؟

    ناس تقول المسؤولين من الطراز القديم وكان ملعون ابوخامسهم أيام العراقيين والفلسطينيين و تعلموا على هذا الشيء.

    ناس تقول معدات الشعيبة قديمة و مترهلة فطبيعة العمل بالشعيبة غير.

    انا ما أدري كلامهم صح ولا خطا، ولكن أعتقد ان هذا الاختلاف يدل على ان الشركة ليس بها نظام موحد والكل يلعب على كيفه؟

    امثلة:
    الشعيبة عندهم سيفتي 1 وسيفتي 2 وباقي المصافي ما عندهم.
    الشعيبة الموظف فيها يحمد ربه اذا حصل زيادة 7.5% وبميناء عبدالله يزعل اذا حصل اقل من 8.5%
    في الشعيبة اذا رحت كورس في بيت الوطنية كأنك رايح جزر المالديف وباقي المصافي الله يزيدهم أكثر وأكثر.
    في الشعيبة المدير يعطيك اوامر في الممر وانت طالع من الحمام وايدك تقاطر ماي وباقي المصافي تستخدم التسلسل الوظيفي.
    في الشعيبة انت بتاع كله وباقي المصاف كلا حسب اختصاصه.
    في الشعيبة نظام الكرت (الحضور والانصراف) مطبق من زماااان وباقي المصافي زعلانين لان الشركة تنوي تطبيق البصمة.
    في الشعيبة كل اسبوع حريق وباقي المصافي بالسنة 3 تقريبا.
    .
    .
    والله تعبت من الكتابة
    .
    .
    اخليكم تكملون عني ... وأروح الحمام ... وعسى ما يشوفي المدير بالممر ويحطني بلجنة ولا يطلب قطية حق واحد.

    ملاحظ الكلام ما ينطبق على الكل... في مدير ورده الله يهني موظفينه ويخلف علينا واللبيب يفهم.
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أخوي بصراحة كلامك فيه اشياء وايدة من الصواب

    من ناحية العلاوة والكورسات ومن ناحية المعاملة

    لكن فعلا لازم ندور على السبب


    علشان نحله


    ونتمنى من الجميع المشاركة
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للأسف ان سمعة مصفاة ميناء الشعيبه صفر
    الكل ينحاش منها حتى اللي عمره مادشها
    ولكن على كلامهم انه راح يسكرونها مع بداية تشغيل المصفاة الرابعه
    وراح ينقلون موظفين الشعيبه للمصفاة الجديده
     
  4. النابغة

    النابغة بـترولـي نشيط

    140
    0
    0
    مصفاة الشعيبة !!!!!!!!!!

    وما أدراك ...........الشعيبة !!

    الداخل .............مفقود ......!!

    والخارج .............مولود .......!!

    جنون العظمة تراه .......في الشعيبة !

    الطائفية بعينها وعلمها .........تشوفها ........بالشعيبة !!!

    ناس فيها عقدة وجنون ........صراحة تشوفها ..........بالشعيبة !!

    المفروض يحطون عيادة نفسية خاصة ...........بالشعيبة !!

    والله يا فيه بشر أنه حرام مشاهدهم ...........!!!

    الظاهر من كثر الغازات تلوثت عقول بعض الناس فيها !!!!

    لا حول ولا قوة إلا بالله تعالى
     
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت

    كلام منطقي
     
  6. سفاري الكويت

    سفاري الكويت بـترولـي نشيط جدا




    بحبك يا شعيبة

    "موظف فقد عقله "
     
  7. زهرة التوليب

    زهرة التوليب بـترولـي خـاص

    اتوقع مو بس هذي الأسباب

    الأسباب في التعقيدات بالدخول الى منطقه الشعيبه وبعدها دخول المصفاة !!

    وايد موظفين يعانون من هالشي والمباني قديمه

    مع اني عمري ما دشيتها بس اعرف ناس يشتغلون هناك ودايم يتذمرون
     
  8. سفاري الكويت

    سفاري الكويت بـترولـي نشيط جدا

    والله بيني وبينكم تعودنا على الوضع ....
    15 سنة قضيناها فيها .وفي ناس اكثر قاعدين فيها اكثر مني
    والله تعودنا ...يعني لو تقطوني مكان ثاني .اموت

    " يمكن ما شفنا خير بره ! "
     
  9. HUMMER

    HUMMER بـترولـي خـاص

    يسمون مصفاة الشعيبه بالمقبره يعني لاترقيه تنفع ولا مميزات ثانيه
     
  10. gas.tester

    gas.tester بـترولـي جـديـد

    9
    0
    0
    زملائي الاعزاء بما اني موظف في الشعيبة اخذوا مني الآتي :

    * اولا نقدر نقول ان 90% من سيكشن هيد هنود في جميع الادارات ماعدا شؤون الموظفين والمطافي والسكيورتي

    وين راحوا المهندسين الكويتيين؟؟؟ الجواب طفشوا من المعاملة السيئة من قبل المدراء - عدم الاهتمام برأيهم والاخذ برأي المهندس الاجنبي مع العلم انه هنالك الكثير من ( new project) فاشل في كل وحدة من وحدات المصفاة يبقى هذا الخط او المعدة الجديدة بدون ان يستعمل لانه اثبت فشله ولكن لايمكن السماح بأزالته لانه كلف على الشركة الملايين ويتم الطمطمة على الامر كأنه لم يكن.

    * شلون الفيلد اوبريتر يعمل تحت ضغوطات نفسية وبدنية يستطيع ان ينتج؟ اقرب مثال حدث قبل يومين اثنين مشغلين يلزمهم المسئول بعمل(deplugging) لخط ما والنتيجة اصابات وحروق من الدرجة الثانية . تدرون ليش. هذا المشغل يعلم ان العمل مو عمله وفعلا كان خطأه ولكن هل السوبر فيزر يعلم ان هذا العمل مو عمل المشغلين اذن لماذا طلبت منهم ذلك. ولما تحصل المصيبة يقولون خطأ المشغل واذا مانفذ الأمر يقولون تقاعس المشغل عن العمل . بالله عليكم هذا كلام.

    * المعدات الصدأه والترقيع الدائم للبايب لاين وما ينتج عنه خطر الانفجارات اعطيكم مثال لاين ينفجر وتطفي الوحده يتم تغيير اللاين المعطوب فقط دون تغيير باقي اللاين ويتم اخذ الثيكنس ويبين ان اللاين ضعيف ولكن never mind شغل وبعد شهر راح نطفي عشان الطلبية راح تطول وراح نخسر وايد اذا تمت الوحدة طافية!!!! زين ارواح الناس مو مهمة ؟؟؟؟الله المستعان وللحديث بقية
     
  11. engineera

    engineera بـترولـي مميز

    626
    0
    0
    بيييييييييييه كل هذا عندنا وانا مادري!!!!الله يهديهم انشالله
     
  12. سفاري الكويت

    سفاري الكويت بـترولـي نشيط جدا

    اذا انت في الشعيبة ...على الاقل مراعينكم يا البنات
     
  13. صائد الجرائم

    صائد الجرائم بـترولـي جـديـد

    6
    0
    0
    مصفاة الشعيبه غير؟؟؟؟ لان فيها ناس يديرونها مثل حبيب اتش .....اللي يعطون كورسات حق ناس وناس أمثال عيال عمهم من عايلة أتش اللي يشتغلون مع المقاول ..... واللي يعطون سيارة خاصه لبعض المهندسين كأمثال عوني سالم وتفضيلة على بقيت المهندسين دون وجه حق .
     
  14. بو جاسم

    بو جاسم بـترولـي نشيط

    113
    0
    16
    صايد الجرائم حرام عليك... حبيب اتش حقاني وانتا اذا من شعيبة تعرف اهو اشلون ينزل لي ابسط الناس ما شفت باقي المنجرز في الشركة
    وعدين اشوووفه مرقي حيدر اتش من 5 سنين تيم ليدر
    وسلامتك وتعيش
     
  15. صائد الجرائم

    صائد الجرائم بـترولـي جـديـد

    6
    0
    0

    بوجاسم وين حقاني اللي اتقول عنه ياحصره؟؟ والله ماشفنا منه الخير انسان ظالم ومايخاف الله جان ماظلم الموظفين اللي عنده؟؟؟ وحبدر ماترقى علشان كلنا عارفين السبب يعني موبيده واضن اتعرف بيد منو وقتها
    اسئل الناس اللي معاك وقولون لك طال عمرك
    للاسف انت اتدافع عن ناس ماعندها مبدأ .... خل حقاني وشوف معاناة اخوانك المظلومين ..... ولا ماخذ حقك اخوي ومرتاح وراضين عليك؟؟؟
     
  16. engineera

    engineera بـترولـي مميز

    626
    0
    0
    الحمدالللللللللللللله وشكر لله
    الف حمد وشكر لك يا رب
    اني مو بالشعيبه
     
  17. Waluigi

    Waluigi بـترولـي مميز

    822
    0
    0
    امممممممممممم بترولي
    دول الضد
    الشعيبة ام الخير بس تالي ما فيها خير اي لها الله
     
  18. اطفائي طموح

    اطفائي طموح بـترولـي نشيط جدا

    175
    0
    0

    ما اشكك بكلامك اخوي....اما بالنسبه للمطافي العكس صحيح
     
  19. Reader

    Reader بـترولـي جـديـد

    44
    0
    0

    طبعا ماخذ حقه وراضين علية............ولا ماجان قال هالكلام

    يا انه قلبة ابيض ومو شايف المستور......يا انه قلم مأجور!!!
    الله يهديك يابوجاسم...!!!
     
  20. صائد الجرائم

    صائد الجرائم بـترولـي جـديـد

    6
    0
    0
    ]

    شلونج انجينيرا؟؟ اشوى انج طلعتي موبشعيبة عاد توني ابي انصحج تطلبن نقل حق مكان ثاني..... عالعموم خلج بالمكتب الئيسي يبا احسن لج شغل برستيج وشغل اقل يتناسب مع طبيعتج كبنت رقيقه....... وما انصحج اتكثرين من الكوفي موكا اللي بالكافيه عندكم.
     
جاري تحميل الصفحة...

مشاركة هذه الصفحة