ليش الشعيبة غير!!!

أخوي بصراحة كلامك فيه اشياء وايدة من الصواب

من ناحية العلاوة والكورسات ومن ناحية المعاملة

لكن فعلا لازم ندور على السبب


علشان نحله


ونتمنى من الجميع المشاركة

 

للأسف ان سمعة مصفاة ميناء الشعيبه صفر
الكل ينحاش منها حتى اللي عمره مادشها
ولكن على كلامهم انه راح يسكرونها مع بداية تشغيل المصفاة الرابعه
وراح ينقلون موظفين الشعيبه للمصفاة الجديده

 

مصفاة الشعيبة !!!!!!!!!!

وما أدراك ...........الشعيبة !!

الداخل .............مفقود ......!!

والخارج .............مولود .......!!

جنون العظمة تراه .......في الشعيبة !

الطائفية بعينها وعلمها .........تشوفها ........بالشعيبة !!!

ناس فيها عقدة وجنون ........صراحة تشوفها ..........بالشعيبة !!

المفروض يحطون عيادة نفسية خاصة ...........بالشعيبة !!

والله يا فيه بشر أنه حرام مشاهدهم ...........!!!

الظاهر من كثر الغازات تلوثت عقول بعض الناس فيها !!!!

لا حول ولا قوة إلا بالله تعالى

 

كلام منطقي

 

بحبك يا شعيبة

"موظف فقد عقله "

 

اتوقع مو بس هذي الأسباب

الأسباب في التعقيدات بالدخول الى منطقه الشعيبه وبعدها دخول المصفاة !!

وايد موظفين يعانون من هالشي والمباني قديمه

مع اني عمري ما دشيتها بس اعرف ناس يشتغلون هناك ودايم يتذمرون

 

والله بيني وبينكم تعودنا على الوضع ....
15 سنة قضيناها فيها .وفي ناس اكثر قاعدين فيها اكثر مني
والله تعودنا ...يعني لو تقطوني مكان ثاني .اموت

" يمكن ما شفنا خير بره ! "

 

يسمون مصفاة الشعيبه بالمقبره يعني لاترقيه تنفع ولا مميزات ثانيه

 

زملائي الاعزاء بما اني موظف في الشعيبة اخذوا مني الآتي :

* اولا نقدر نقول ان 90% من سيكشن هيد هنود في جميع الادارات ماعدا شؤون الموظفين والمطافي والسكيورتي

وين راحوا المهندسين الكويتيين؟؟؟ الجواب طفشوا من المعاملة السيئة من قبل المدراء - عدم الاهتمام برأيهم والاخذ برأي المهندس الاجنبي مع العلم انه هنالك الكثير من ( new project) فاشل في كل وحدة من وحدات المصفاة يبقى هذا الخط او المعدة الجديدة بدون ان يستعمل لانه اثبت فشله ولكن لايمكن السماح بأزالته لانه كلف على الشركة الملايين ويتم الطمطمة على الامر كأنه لم يكن.

* شلون الفيلد اوبريتر يعمل تحت ضغوطات نفسية وبدنية يستطيع ان ينتج؟ اقرب مثال حدث قبل يومين اثنين مشغلين يلزمهم المسئول بعمل(deplugging) لخط ما والنتيجة اصابات وحروق من الدرجة الثانية . تدرون ليش. هذا المشغل يعلم ان العمل مو عمله وفعلا كان خطأه ولكن هل السوبر فيزر يعلم ان هذا العمل مو عمل المشغلين اذن لماذا طلبت منهم ذلك. ولما تحصل المصيبة يقولون خطأ المشغل واذا مانفذ الأمر يقولون تقاعس المشغل عن العمل . بالله عليكم هذا كلام.

* المعدات الصدأه والترقيع الدائم للبايب لاين وما ينتج عنه خطر الانفجارات اعطيكم مثال لاين ينفجر وتطفي الوحده يتم تغيير اللاين المعطوب فقط دون تغيير باقي اللاين ويتم اخذ الثيكنس ويبين ان اللاين ضعيف ولكن never mind شغل وبعد شهر راح نطفي عشان الطلبية راح تطول وراح نخسر وايد اذا تمت الوحدة طافية!!!! زين ارواح الناس مو مهمة ؟؟؟؟الله المستعان وللحديث بقية

 

بيييييييييييه كل هذا عندنا وانا مادري!!!!الله يهديهم انشالله

 

اذا انت في الشعيبة ...على الاقل مراعينكم يا البنات

 

مصفاة الشعيبه غير؟؟؟؟ لان فيها ناس يديرونها مثل حبيب اتش .....اللي يعطون كورسات حق ناس وناس أمثال عيال عمهم من عايلة أتش اللي يشتغلون مع المقاول ..... واللي يعطون سيارة خاصه لبعض المهندسين كأمثال عوني سالم وتفضيلة على بقيت المهندسين دون وجه حق .

 

صايد الجرائم حرام عليك... حبيب اتش حقاني وانتا اذا من شعيبة تعرف اهو اشلون ينزل لي ابسط الناس ما شفت باقي المنجرز في الشركة
وعدين اشوووفه مرقي حيدر اتش من 5 سنين تيم ليدر
وسلامتك وتعيش

 

بوجاسم وين حقاني اللي اتقول عنه ياحصره؟؟ والله ماشفنا منه الخير انسان ظالم ومايخاف الله جان ماظلم الموظفين اللي عنده؟؟؟ وحبدر ماترقى علشان كلنا عارفين السبب يعني موبيده واضن اتعرف بيد منو وقتها
اسئل الناس اللي معاك وقولون لك طال عمرك
للاسف انت اتدافع عن ناس ماعندها مبدأ .... خل حقاني وشوف معاناة اخوانك المظلومين ..... ولا ماخذ حقك اخوي ومرتاح وراضين عليك؟؟؟

 

الحمدالللللللللللللله وشكر لله
الف حمد وشكر لك يا رب
اني مو بالشعيبه

 

الشعيبة ام الخير بس تالي ما فيها خير اي لها الله

 

ما اشكك بكلامك اخوي....اما بالنسبه للمطافي العكس صحيح

 

طبعا ماخذ حقه وراضين علية............ولا ماجان قال هالكلام

يا انه قلبة ابيض ومو شايف المستور......يا انه قلم مأجور!!!
الله يهديك يابوجاسم...!!!

 

]

شلونج انجينيرا؟؟ اشوى انج طلعتي موبشعيبة عاد توني ابي انصحج تطلبن نقل حق مكان ثاني..... عالعموم خلج بالمكتب الئيسي يبا احسن لج شغل برستيج وشغل اقل يتناسب مع طبيعتج كبنت رقيقه....... وما انصحج اتكثرين من الكوفي موكا اللي بالكافيه عندكم.