بنات الشركه الجدد

المشكلة تدرين شنو هالأيام ؟؟؟؟؟؟

 

هذول باعتقادي والله أعلم

علبالهم ان الحضارة والرقي ان الواحد يتشبه بالغرب من لبس وطريقة كلام وينسلخ من العادات والتقاليد ويتحرر منها


هذا على حد فهمهم



طبعا مثل ما أنتي عارفة وأنا عارف

ان الرقي والحضارة بالأخلاق والأعمال الطيبة ومساعدة الناس والتواضع هذي هي الحضارة


للأسف كثير مننا أخذ الاشياء اللي موزينة من الغرب اللي هم أصلا يعانون منها وعندهم مشاكل بسببها


وتركوا الأشياء الزينة اللي ممكن ناخذها منهم ..مثل الصناعات ..وكذلك الجدية في العمل ..وعدم المحاباة لشخص ما على حساب آخر


والعدل في القوانين مع الكل ... والابتسامة ... وحسن الأخلاق مع الناس ...والمصيبة لو تدرين ان هذي الاشياء كلها موجودة في كتبنا الاسلامية وأحاديث نبينا عليه السلام من ألف وأربعمية سنة


لكن عشان أكثرنا ماعنده قدروات صار لي كثير مننا قدوات وللأسف هم من أرزل الناس واوضعهم ...سالتيني ليش؟؟


لأنهم لا توجد فيهم أي سمة من سمات الرقي والحضارة اللي ذكرتها فوق ..

مثل كثير مننا يحط له مغني قدوة ..ا, ممثلة ...أو لاعب كورة ...من هالناس اللي أنتي عارفتهم



هذا رأيي طبعا ..فاشلون تبينهم مايصير هذا حالهم ...باختصار لكل هالحجي ..ان السبب ..ماكو قدوات لهالبنات

 

السلام عليكم ورحمة الله وبركاته

للأمانه يوجد الكثير من البنات محتشمات ومحترمات ولا يمكن لاحد انه يقول كلمه عنهم

وفي المقابل هناك البعض مثل ماذكرتي وان شاءالله انهم مايمثلون اغلبيه ,, واعتبرهم حالات شاذه وللأسف اني شفت منظر في مصفاة ميناء الأحمدي اتمنى اني ماشوفه مره ثانيه والمشكله ان الموظفات في المصفاة ينعدون على الاصابع وفي المقابل يوجد مئات الموظفين من الشباب.

اعتقد ان البعد عن تعاليم ديننا الحنيف لها الأثر الكبير في مثل هذه التصرفات
اضف على ذلك التربيه الصالحه والتي يكون اساسها التمسك بديننا الحنيف وتعاليم رسولنا .

 

بيض الله وجيهكم

خوش كلام

 

والله شنقوول الشرهه على المسؤلين بالرئيسي عندكم
شلون يرضى عليهم لازم واحد يكلمهم او يحثهم على اللبس وكلامهم وحركاتهم ومكياجهم
يعنى مادرى وين بيوصلون باللبس وخدش الحيا
والله المستعان

 

هذولي بس أول ايام مستانسين بالظيفه
بعدها راح تشوفينهم تيشيرت وجينز

ما يدرون ان دوامنا مو مثل الوزارات الحكوميه الثانيه
يعني ما يبيلها هاللبس والميك اب

يعني هذي متى بتقوم علشان تحط الميك أب اذا دوامنا حده لي الساعه 7 ونص وتطلع منه 3 ونص ؟؟

بس بيني وبينج مرات الشركه اهم يبون يوظفون هالنوعيه ينقونهم نقوه
واقرب مثال موظفات الاستقال في المبنى الرئيسي
فل ميك أب جنهم رايحين عروس وغير اللبس(الله يستر عليهم)

 

والله شى يفشل
الله يهديهم

 

يا جماعة صبركم شوي على البنات !

ترى بالنصيحة تنحل المسائل ....
مع اني يضيق خلقي لما اشوف البنت كاشخة ومتمكيجة واللي يسوى واللي ما يسوى يخوزز فيها ....عامل نظافة ...سائق.....

 

انا مااقول الا الله يستر عليهم بس وين اهلهم من لبسهم
واذا باجر واحد تعدى عليها يقول اكيد مدمن ولا سكران ومايشوفون بنتهم اشلابسه
والله خوش رقابه

 

"]عفوا يا جماعة أولا البنات علحسب كلام الأخ قاعدين بروحهم.
وثانيا ليش تبيهم شلون يلبسون. بس لو تعطينا وصف اللبس ألي أنت تحب تشوفة عليهم؟
وثالثا التسمع والتصوخ على الغير شي غير محبب أخلاقيا.
ورابعا من كلامك ما أعتقد أنهم ما يشتغلون لأن نقدك بس على اللبس وكلام سمعته بين بناتهم كابنات.
بس ما أعتقد أنهم رايحين حفلة في هذا الوقت.
أذكرك: تراك ما أنتقدة عملهم وأنا أشكرهم على تأدية واجبهم بأكمل وجه.[/

 

السلام عليكم ،،

يعطيج العافية اختي frfosha على الموضوع الرائع والطرح الاروع

للاسف في مجتمعنا دائما ننظر على ان الماضي كان احسن من الحاضر والحاضر احسن من المستقبل وهذا اعتقاد خاطيء لكل جيل مميزات وعيوب .

انا معاج ان بنات هالايام غير محتشمين وللاسف على طول كاشخين بالارض بالجو بالبحر ولكن !!! واذا تبين الحق كلنا عارفين الفساد قبل وعارفين شنو يصير بالادارات سواء كان موظف قديم ولا سمع بالموضوع .

مع هذا ما يمنع ان الموظفة تكون محتشمة ومؤدبة لان الاحتشام من غير ادب ما ينفع والعكس

ما نقول الا الله يهدي الجميع

شاكرلكم مرة ثانية واسف على الاطالة

اخوكم الفخر

 

باجر يكبرون يعرفون انه اللي سووه كان غلط وكانوا صغار
بس المهم لابد من الناس اللي يحبونهم يتواصلون معاهم
ويعلمونهم الصح من الغلط وانه الشي هذا مو فخر بس
لابد من مراعات انه الشباب والبنات راح يكون ردهم جاسي على
الناس اللي تحب تنصح لانهم لغايت الحين في مرحلة الشباب



ولكم مني كل تقدير

 

يا جماعه البنت ما غلطت ,, وشافت شي وحبت تتكلم عنه صراحه في بناات مع احترماتي لهم اىشي باللبس وفي بنات لا والله محتشماات وعارفين نفسهم

ولاتسولفون بالموضووع هذا وايد لان وين ما تروحين تلاقون الزين والشين,, وسوالف البنات ولبسهم والله تعب الواحد

والله يستر على البنات ويهديهم يارب

 

والله شى يفشل
الشرهه على المسؤلين

 

اتمنى ان لا يأخذ الموضوع اكبر من حجمه ( اقصد من ناحية اللبس)
لاني اعتبرها حريه شخصية وهي وليدة من رحم المجتمع الذي اصبح الان يجمع بين كثير من الامور يمكن ان نضعها في خانه او نقتنع بها ان اللبس سواء للرجل او المرأه اخذ نوعا ما من التغير الى التحرر وهذا يمكن ان يحز في خاطرنا كمسلمين او على الاقل كعاداتنا وتقاليدنا ونحن هنا ننتقد لبس الموظفات كأنهم يعملون لدينا وللاسف لاننا نعمل في مكان مغلق ومستوى العلاقات العامه فيه سلبي جدا فأن هذا الشيء موجود في جميع مؤسسات الدوله وليس فقط في المكتب الرئيسي....

انا كان ودي ان يكون الانتقاد للعمل فقط وحاجتي للموظف او الموظفه وطيب ان ننتقد انفسنا نحن الموظفين في انتاجيتنا واخلاصنا في عملنا. ونتباحث المشاكل اللي تهمنا وبعدين هناك الكثير من القصور وقلة الاهتمام في المكتب الرئيسي في اقسام المحاسبه وشؤون الموظفين ( اللي اعتقد ما وصلت لهم تكنلوجيا التلفون ) .
اتمنى ان نناقشها احسن من انتقاد اللبس . ​

 

اعتقد في الامارات عندهم لبس رسمي قانوني حق الحريم و محتشم .

اذا انا غلطان صححو لي كلامي.

 

الله يعطيج العافيه على الموضوع
المشكله في اساس التربيه بالبيت
لكن النصيحه ممكن تنفع
عندي كلمه دائما اقولها
( اللي ما يرد نفسه محد يرده )