معقوله وصلنا الى هالمستوى .... ؟!!؟!!

الكاتب : الغالية | المشاهدات : 958 | الردود : 22 | ‏26 مارس 2008
  1. الغالية

    الغالية بـترولـي خـاص

    1,035
    0
    0

    وصلني هالموضوع على الإيميل ... وبصراحه انا بين التصديق وعدمه !! .. لكن ... كل شي يجوز بهالديرة !!!


    حصلت هذه الحادثة عند مواقف الحديقة الخارجية لأحد دواوين الشباب (يعني مرتاديها من الفئة العمرية 24 وحتى 38 سنة) الواقعة على الدائري الثاني (حسب ما رواها احد مرتادي هذه الديوانية) :

    يقول صاحبنا: كنا قاعدين في امان الله مالنا من الشيطان طريج على الكراسي الخارجية للديوانية منقسمين مثل كل يوم بين من يتصفح مواقع الانترنت وبين مشاهدة مباراة الدوري الاسباني (حد النرفزة من النتيجة) ... المهم كان الوضع طبيعي جدا ، وفجأة دخل (سراج) صبي الديوانية ، فدنا من صاحب الديوانية وكلمه بلكنة عربية مكسرة ، فقال: بابا في حرمه داخل سيارة اسود يبي انت.... !!!! ... وسأله صاحب الديوانية عن ماهية هذه المرأة وان كان شافها من قبل تتردد على والدته أو زوجته واخواته ، فجاء رد السيد سراج: لا بابا هذه حرمة اول مرة انا يشوف... !!!

    وبسؤال سراج ان كانت قد طلبت صاحب الديوانية بالاسم قال: لا بابا هذه هرمه ييجي ويوقف جدام حديقة بعدين ينادي انا ويعطي عشرة دينار اكرامية ويسأل منو بابا صاحب ديوانية؟ انا بعدين يقول اسم انت هذا هرمة يقول منو موجود داخل؟ انا يقول اسم انت واسم كل صديق موجود داخل ، طبعا كل الموجودين داخل الديوانية كان ودهم يطقون سراج ويذبحونه من الطق على فضح اسمائهم لناس لا يعرفون هوياتهم.... !!

    المهم ما اطول عليكم قام صاحب الديوانية واخذ صاحبه ، وراحوا للمرأة الموجودة داخل السيارة الالمانية النوع وبأحدث طراز والا وبها ليست واحدة بل اربع حريم تتراوح اعمارهن ما بين اواخر العقد الثاني واواسط العقد الثالث ما عدا المرأة التي تسوق السيارة كانت في اوائل الاربعينات. يقول صاحب الديوانية : طبعا سلمت وقلت نعم اختي.
    فقالت المرأة التي تسوق السيارة بكل جرأة: هلا والله فيك انت فلان الفلاني؟!
    فقال: نعم اختي ، في شي؟
    فقالت: هلا فيك يالغالي تعال قرب ابيك بموضوع مهم.
    فقال لها : ما اعتقد اعرفج علشان يصير بينا مواضيع اختي ، نعم انتي وافقة عند باب الديوانية وطالبتني بالاسم خير ان شاء الله؟!
    ففتحت المرأة الاضاءة الداخلية للسيارة وقالت بكل جرأة مبتذلة: طب وتخير انت وكل من يعز عليك يالغالي ، انا اختك الخطابة ام مساعد وهذه عينة من اللي عندي شي يسر العين ويطيب الخاطر ، وشوف ترا انا ما عندي «هيلق وبياسر» انا كل اللي عندي بنات حمايل واصيليين ويعجبونك ويشتغلون وما عليهم قروض (الظاهر صارت ميزة الوحدة اللي ما عندها قرض) !!!
    ومثل ما انت شايف يالغالي السمرة عندي والبيضة عندي والمحجبة عندي والرشيقة عندي والمتبتبة عندي وشوفهم كلهم يطيحون الطير من السما، انت بس اشر بصبعك وطلبك يكون مجاب...

    طبعا الشباب تسمروا بمكانهم من الشيء اللي قاعدين يشوفونه ويسمعونه مو مستوعبين الوضع ولا المستوى اللي قاعده تتكلم فيه هذه (اللي اسمها ام مساعد).

    فبادرها صاحب الديوانية قائلا: اختي ام مساعد اهما لوفيهم خير جان ما فتروا بالشوارع على الدواوين يدورون رياييل، بنات الحمايل يقعدون ببيوتهم ليمن الله يدزلهم نصيبهم. هذا اللي احنا نعرفه واللي تربينا عليه بالكويت.

    فقالت: لا حبيبي الحين الوقت تغير يمكن انت تكون متزوج ودك تنوع وتغير وما تدري شنو تسوي، انا اوفر لك المرأة السنعة اللي ترضي حتى تكون الزوجة الثالثة مو الثانية بعد، بعدين اهما مالهم طلبات الشقة عليها والخدامة عليها حتى الدبلة عليها حتى اذا تبي شهر عسل اهيا تضبطك بكل شيء تدري الحياة الحين مشاركة وماكو فرق بين الريال والمرأة. وبعدين انتو الحين لا تستعجلون هذا كرتي وانتو شفتوا العينات فكروا وقولوا حق كل من يعز عليكم وانا تحت امركم تدري انا ادور الاجر والستر لبنات ديرتي (هين !) . وحتى لو كنتوا متزوجين ترا الشرع حلل اربع وانا مثل ما قتلكم ماراح تتكلفون بشي البنت عليها كل الالتزامات انتوا بس عليكم تأشرون، بعدين انتوا امبين عليكم الخير وما اتوقع راح تقصرون مع بنات ديرتكم والمثل يقول «جحا اولى بأكل لحم ثوره».

    عزيز ي القارئ هذا نص الحديث اللي دار بين احدى المرتزقات التي تطلق على نفسها «خطابة» و احد اصحاب الدواوين، ولكن السؤال هو: هل وصلنا الى هذا المستوى بالتسويق على بنات ديرتنا بالفرارة بالشوارع والتدليل عليهن؟ وهل فعلا هؤلاء البنات كويتيات ام ممن يلتصقن بالجنسية الكويتية، ويحاولن تشويه صورة البنت الكويتية؟

    العلم عند الله بس باخر كلامي ما اقول غير الله يستر علينا ويحفظ رياييلنا من هالاشكال الضالة بالشوارع ، يعني يا ربي حتى الدواوين ما سلموا من شر هالافات.. يعني الواحدة وين تخلي ريلها يروح؟؟؟ ان راح قهوه باحد هالمجمعات ما سلم من امهات كشيش وامهات حجاب بقوطي روب اللي الوحدة تمشي جنه شايلة عمارة على رأسها، وان راح مطعم حتى ولو مرته معاه تقعد تخزه من فوق لي تحت جنها مندوبة الفحص الفني بالمطعم تفحص الريايل بس من ساسهم لي راسهم، يعني صج الواحد ابتلش.

    علشان جذي ارجع واقول حق خواتي الحريم حطوا بالكم على ريايلكم وبطلوا عيونكم ترا ام مساعد واشكالها منتشرين بالديرة. والله المستعان


    مــــنــــــقــــــووووووول

     
  2. التمويلي

    التمويلي بيت التمويل الكويتي

    1,176
    0
    0
    الله يستر على بناتنا وبنات المسلمين

    المفروض كان يبلغ عنهم راعي الدوانية
     
  3. لا حول ولا قوة الا بالله

    والله شي يفشل ويسود الوجه

    ماقول الا : انا لله وانا اليه راجعون

    وهذول الخطابات الله يستر منهم

    اي لو فيها خير ما افترت بالشوارع
    مشكوور على الموضوع اخوي والله قهر
     
  4. كريستاله

    كريستاله بـترولـي خـاص

    1,358
    0
    0
    شي غريب


    لهدرجه وصل الحال؟



    لا حول ولا قوة الا بالله
     
  5. اركيديا

    اركيديا بـترولـي جـديـد

    44
    0
    0
    استغفر الله آنا وحده أبي أقولك سالفت رفيجتي مأجرة أهيا ابيت نظام شقق طبعا تقول دخلت البيت وآنا قاعده أمشي بممر الحوش كان أتشوف حرمه عوده قاعده عند مدخل الدرج وتطر قالتها رفيجتي الله يعطيط تقول كملت بصعد الدرج ولا تلحقني العيوز وتقول وآنا صاعده وأشوف ذيك البنت الحلوه والجميله ماشاءالله كان تقول العيوز حق هالبنت الحلوة يله يمه أمشي مالك نصيب اليوم والبنت تقول كانت حدها كشخه ونظيفة والأم أتطر استغفرالله شوف هذا نوع من عرض بناتهم وعلى قولتك يمكن هذيله من اللي يتلصقون بالجنسية الكويتيه استغفراللع الله يهديهم
     
  6. غيوم

    غيوم بـترولـي خـاص أعضاء الشرف

    7,298
    1
    0
    حسبي الله و نعم الوكيل

    لدرجه هذه وصلنا لمستوي الله العالم فيه
     
  7. Blue angel

    Blue angel بـترولـي خـاص

    لا حول و لا قوه الا بالله ، الله يستر علينا و على بنات المسلمين ، يعديك العافيه حبوبه :)
     
  8. حرف

    حرف بـترولـي خـاص

    1,776
    0
    0
    لا حول ولا قوة الا بالله

    وحسبي الله عليها

    ياجماعه ديربالكم من الخطابات صارت تجاره عندهم هالشغله الله ياخذهم ويفكنا منهم

    الله يستر على بناتنا وبنات المسلمين
     
  9. silent

    silent بـترولـي نشيط جدا

    219
    0
    0
    وينها ام مساعد خلوها تمر علينا بالدوانية عندنا 3 اخوان عزابيه اتخير فيهم وجميع الاعمار بعد
     
  10. الناهض

    الناهض بـترولـي خـاص

    2,144
    0
    0
    شركة نفط الكويت
    فعلا أنا مصدوم من هالسالفه

    معقوله الديره وصل مستواها جذي

    اللهم عافنا وعفو عنا
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    دائما أركز على مواضيع الاخلاقيات و السلوك

    و مع الاسف طلعت لنا ظواهر عجيبة و غريبة

    و قمنا نتقزز أكثر و أكثر من ناس فقدوا الجاذبية الأرضية

    و حسبي الله و نعم الوكيل

    اللهم أستر اعراض المسلمين
     
  12. الغالية

    الغالية بـترولـي خـاص

    1,035
    0
    0
    اللهم آمين يارب

    اخوي التمويلي .. يبلغ عنهم بتهمة شنو ؟!!

    مانقول إلا يالله الستر والصلاح ...

    مشكور اخوي على المرور :)
     
  13. الغالية

    الغالية بـترولـي خـاص

    1,035
    0
    0
    العفو اخوي بو نايف

    والله يستر علينا من الخطابات وضعاف النفوس :)

    اسعدني مرورك ..
     
  14. الغالية

    الغالية بـترولـي خـاص

    1,035
    0
    0
    مقيوله اختي كريستاله ... ان لم تستح فاصنع ما شئت

    ويا ما بنشووووووووووف من العجايب يالله السلامه

    شاكرة مرورج المعطر فديتج :)
     
  15. brilliant

    brilliant المـراقب الـعـام

    8,477
    0
    0
    Engineer
    Kuwait
     
    آخر تعديل بواسطة المشرف: ‏16 فبراير 2015
  16. Me2

    Me2 بـترولـي نشيط جدا

    189
    0
    0
    اممممم !!
    الاحمـــدي سيتي
    استغفر الله ..!!

    معقوله جذي قاعد يصير .. ؟؟

    حسبي الله ونعم الوكيل ..
     
  17. غيوم

    غيوم بـترولـي خـاص أعضاء الشرف

    7,298
    1
    0
  18. حرف

    حرف بـترولـي خـاص

    1,776
    0
    0
    دق على اى خطابه وقول انك من دول الخليج وليس كويتي وحال تتقن الدور واسمع العجب
     
  19. السيدة العجوز

    السيدة العجوز بـترولـي نشيط جدا

    314
    0
    0
    حجي انتر نت لا اكثر ولا اقل وين قاعدين احنا بطنجة
    مستحييييييييييييييييييييييييل ويعطيكم العافية
     
  20. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ههههههههههههههههههههههه كااااااااااااااااك اخ يا بطني حلوووووه طب و تخير بعد خطابة توصيل منازل هههههههه لا يا جماعة ترى سالفه ما تصدق :)
     
جاري تحميل الصفحة...

مشاركة هذه الصفحة