ترى مو بس القبايل عندها فرعي

الكاتب : فرناس | المشاهدات : 878 | الردود : 20 | ‏25 مارس 2008
حالة الموضوع:
مغلق
  1. فرناس

    فرناس بـترولـي نشيط جدا

    183
    0
    0
    على حكومتنا الرشيده ان تتنبه اذا ارادت فعلا تطبيق منع الفرعيات والسبب ان الكل في الكويت عنه فرعيات

    فاذا كان ابناء القبايل عندهم فرعياتهم الخاصه

    فكدلك حدس عندها فرعي

    والتجمع السلفي عنده فرعي

    والعلمانيين او الليبراليين عندهم فرعي

    والتجار بعد عندهم فرعي

    والتجمع الشعبي عنده فرعي

    والشيعه عندهم فرعيات بعد ما تبين التحالف والشيرازيين والحساويه

    وباقي الحضر عندهم فرعي مثل تجمعات الكنادره والعوضيه والفيلكاويه

    فلازم الحكومه بارك الله فيهم يطبقون القانون على الجميع وليس فقط على ابناء القبايل

    ومثل ما يقول المثل : الظلم في السوية ....... عدل في الرعيه

    فمن غير المعقول ولا المقبول التركيز على الدائرتين الرابعة والخامسه والتضييق عليهم وترك باقي الدوائر على راحتهم وعلى كيفهم تراها كلها فرعيات بفرعيات وان اختلفت مسمياتها مشاوره تصفيه تزكيه كلها فرعيات
     
  2. WOLF

    WOLF بـترولـي نشيط جدا

    180
    0
    0
    أضم صوتي الى فرنـــــــــــــــــــــــــــــــــــــاس وأيده بقوه
     
  3. هذااا الكلاااام ولا بلاااااااااش
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
  5. بلبل عنقريزي

    بلبل عنقريزي بـترولـي خـاص

    2,187
    0
    0
  6. knpc-wow-99

    knpc-wow-99 بـترولـي جـديـد

    23
    0
    0
    تعليق وبس


    والله حبيت ارد عليك

    هل تعتبر منع الانتخابات الفرعية ظلم ؟؟؟؟

    اخوي الكريم ،،،

    منع الفرعيات سواء لأخوانا البدو او اي تيار آخر او أي طائفة اخرى يصب في صالح الوطن ،،، لأننا لازم ننتخب الأصلح للوطن دون النظر لقبيلته او طائفته او تياره ،،، الأصلح اللي يدور مستقبل زاهر للشعب الكويت ولآجيالنا القادمة .

    استغرب من طريقة التفكير هاذي ....

    وبعدين الانتخابات الفرعية الظاهرة مثل الشمس هي اللي قاعده تنظم من قبل اخوانا ابناء القبائل ،،، واللي كل عارف بهذا الشي ...

    وخلهم اول ما يطبقون على ابناء القبايل علشان يكونون عبرة لغيرهم ،،، ما فيها شي ,,,

    وبعدين اكبر عيب ضرب أبناء الكويتيين من منتسبي ( القوات الخاصة ) تدرون ليش لأنهم يمثلون رمز وهيبة القانون ...

    تقبل نقدي اخوي

    ساعات الحقيقة مرة وصعبة

    والله احب الجري اللي رافض يخوض الانتخابات القادمة ... رجل مواقف
     
  7. اه ياكويت

    اه ياكويت بـترولـي نشيط

    61
    0
    0
    الاطفاء
    الكويت
    لا صحيح ولاهم يحزنون كلام فاضي لان على كلامك الفرعية الي تصير في التجمعات الي ذكرتها ماهي على اساس قبيله معينة او طائفة معينة لا تحاولون تخلطون الاوراق ادري راح تقولي شوف الانتخابات الامريكية فيها فرعية نفس الكلام ينطبق عليهم
     
  8. h2s

    h2s بـترولـي نشيط

    54
    0
    0
    أخوي أحب أنبهك أن مو أكثر القبائل بل كلها تقوم بأنتخابات فرعية
    لأن همهم مو منو زين ولا منو شين بل همهم أنه إبن قبيلتهم ينجح عشان الرزة والواسطة وأسمحلي على صراحتي ترى ما أقصد الإهانة
    كل القبايل على العين والراس بس هذي إهي الحقيقة وإن كان فيه إنتخابات فرعية لباقي التجمعات فهي نشأت بعد فرعيات القبائل
    كطريقة لضمان النجاح لأنه الكل عارف أن عدد القبائل كبير وكل قبيلة تعطي حق ولدهم حتى لو كان مو زين وإلا صار عيب في حقهم على كل هالعدد ما يطلع واحد أو أثنين منهم على الأقل في المجلس
     
  9. جابر

    جابر قــلــم بــتــرولــي أعضاء الشرف

    اسمحلى أخوى بهالمداخله ، ردودى بين النص .
     
  10. جابر

    جابر قــلــم بــتــرولــي أعضاء الشرف

    هلا بH2S ..سلامتك مو كل القبائل اللى تسوى إنتخابات فرعيه ...القبائل اللى حجمها كبير فى المنطقه ..اما البقيه فأما أن تتحالف مع أحد المرشحين (سواء بدوى أو حضرى) ..فى مقابل إنه يعتبر نفسه (مرشح عنهم) ومايرفع (الجام) لما ينجح ...

    اذا إبتعدنا عن قانونية الفرعيات :eek::

    من حق القبائل يكون لها أعضاء فى المجلس لأن عددها كبير ...ومن حقها تنسق ...بس ترى اللى موزين مايطوف الفرعى لو يمووووت ...حتى لوكان أمير قبيله..لأن التصويت سرى..الا بحاله وحده ..إن هالشخص (اللى موزين) يملك كرت إضافى ..ضااامن أفراد كبار من خارج القبيله أو (حزب) قادره تصعده ...او على الأقل (يخرب) وضع هالقبيله ...هنيه يحاولون يلقون حل وسط ..
     
  11. فرناس

    فرناس بـترولـي نشيط جدا

    183
    0
    0
    مشكور يا الحبيب على التعليق والتأييد القوي
     
  12. فرناس

    فرناس بـترولـي نشيط جدا

    183
    0
    0
    مشكور على التعليق الطيب اخوي ابونايف تحياتي لك
     
  13. فرناس

    فرناس بـترولـي نشيط جدا

    183
    0
    0
    مشكور اخوي المراقب على التعليق والتاييد تحياتي لك
     
  14. فرناس

    فرناس بـترولـي نشيط جدا

    183
    0
    0
    صح بدنك اخوي بلبل وشكرا لك على التعليق والتاييد
     
  15. فرناس

    فرناس بـترولـي نشيط جدا

    183
    0
    0
    اشكركم جميعا على المشاركة والتعليق وان كنت لا اوافق على ما طرحتم من آراء واكتفي برد الاخ جابر عليكم تحياتي لكم جميعا
     
  16. فرناس

    فرناس بـترولـي نشيط جدا

    183
    0
    0
    الف شكر لك اخوي جابر على المشاركه والردود الرائعه ارفع لك عقالي مع خالص شكري وتقديري وتحياتي لك
     
  17. سيف العز

    سيف العز بـترولـي نشيط جدا

    192
    0
    16
  18. الشوردي

    الشوردي بـترولـي نشيط

    98
    0
    0
    أأيد كلامك 100% وحكومتنا الحبيبه بس حاطه حيلها على عيالها عيال القبايل اللي ولاؤهم مطلق للكويت

    والا الباقين من احزاب وتكلات غاضه عنهم الطرف ولا كأنها تشوفهم وتشوف انتخاباتهم وتصفياتهم

    حكومتنا الحبييييبه تطلع علينا حنا يا عيالها وعيال القبايل العين الحمرا وعلى جماعة التأبين عدنان ولاري بردا وسلاما

    والله حاله وتخبط وبربسه شنو السبب يا ترى هل لان الآخرين مدعومين ووراهم ظهر خارجي يهدد ويتوعد والحكومه

    تحسب له حساب زين اذا كان هذا الكلام صحيح شنو ذنب عيال القبايل اللي مالهم ظهر ولا سند بعد الله الا الكويت

    وهذا جزاء اللي لهم ولاء مطلق وخالص وكامل للكويت يا سلااااااااام عليج يا حكومتنا الحبيبه برغم كل شي
     
  19. عبدالحميد دشتي

    عبدالحميد دشتي بـترولـي مميز

    782
    0
    0
    انا وايد قمت استغرب من شغلة اشوفها مترددة خصوصا بالمنتدى يجيك واحد ويحصر الولاء للكويت بالقبائل وكأنه باقي الكويتيين ولاءهم حق يوغسلافيا !!!!
    ياعمي مو بس انت ولائك حق الكويت كل الكويتيين وانا اكرر كل الكويتيين ولاءهم حق الكويت وبس فلا تخصص الولاء بالقبائل وانت والقبائل على راسي :D عشان لا يكون عبالك قاعد اهاجمك بس ذبحتنا كل شوي عايدلي نفس الجملة الي مخصص فيها الولاء للكويت للقبائل وبس. والغزو أكبر دليل ان كل الكويتيين كان ولاءهم للكويت سواء الي كانوا صامدون داخل الكويت او الي كانوا مؤيدين للكويت بالخارج. والله يحفظ الكويت وأميرها انشاء الله
     
  20. الشوردي

    الشوردي بـترولـي نشيط

    98
    0
    0
    يا الحبيب انا ما حصرت الولاء بالقبايل فقط لكن معروف تاريخيا ان القبايل موالية للنظام بشكل مطلق لاحظ كلمة مطلق

    وثانيا انا قارنت بين تعامل الحكومه معهم برغم ولاءهم المطلق لها وبين الخونه الذين أبنوا المجرم مغنيه ممن لهم وبشكل واضح ومكشوف ولاء لمراجعهم في ايران وحزب الله الايراني اللبناني
    فرجاء لا تنسب لي شي ما قلته كلامي وااااضح اما باقي الكويتيين من حضر وسنه وشيعه فلهم عندي كل التقدير والاحترام واكيد انهم مثلهم مثلنا لهم ولاء للكويت لم اشكك فيه لا انا ولا غيري ولا يحق لي لا انا ولا غيري احتكار الوطنيه
    مره ثانيه يا بن دشتي اقرا عدل ولا تنسب لي ما لم اقل والمقارنه كانت في الفرق في المعامله بين اهل الولاء والطاعه عيال القبايل وبين اهل التأبين والولاءت الخارجيه مثل عدنان ولاري وامثالهم فقط بدوووون تعميم
     
جاري تحميل الصفحة...
حالة الموضوع:
مغلق

مشاركة هذه الصفحة