كل شي بيد الحكومه لا مجلس الامه ولا النقابات العماليه

الكاتب : فرناس | المشاهدات : 1,170 | الردود : 24 | ‏25 مارس 2008
  1. فرناس

    فرناس بـترولـي نشيط جدا

    183
    0
    0
    يا جماعه الله يخليكم هدوا اللعب شوي وانتوا شايفين وضع البلد وما يخفى عليكم ان اي تصعيد قد يؤدي لاضراب سيتسبب باضطرابات شديده على الاقتصاد مما يدفع الحكومه وبكل بساطه لحل النقابات والاتحادات العماليه ومن ثم ركوب راسها ورفض كل مطالبنا ومكتسباتنا وبعدين تعال عاد فكك وحب خشوم وشوف لك حل ...
    يا جماعه اذا مجلس الامه لما ضايق الحكومه بالاسئله والتحقيقات شالووووه وطيروه بكل بساطه مع انه كان مجلس قوي ... بالله عليكم احنا العمال شراح يسوون فينا لو اضربنا وهزينا اقتصاد البلد ...
    شوري على الاخوان الذين يطالبون بالتصعيد والاضراب انهم يهدون ويبلعون العافيه ولا يقطونا على صخر وخلونا يا جماعه ناخذ الزياده التي اقرتها لنا الحكومه مشكوره وانتهنا فيها شوي وبعدين ما فيه مانع ممكن نطالب ب120 بشكل سلمي وقانوني وبدون تصعيد وتوتير وتهديد لانه هالاسلوب ما راح يجيب لنا شي ويسبب لنا وللبلد الخساير

    باختصار حكومتنا حكومة بن صباح اقوى بكثيييير من مجلس الامه وجميع النقابات العماليه فعينوا خير ولا تزعلونهم وحقوقكم راح تجيكم شوي شوي بس اصبروا وهدوا اللعب ولا ياخذكم الحماس الزايد واللي ما يوكل خبز ولا يفيد
     
  2. wanasa

    wanasa بـترولـي نشيط

    عين العقل يا بن فرناس

    بارك الله فيك
    والله يجزاك خير على هالنصيحة الطيبة وعسى الانفس تهدأ
     
  3. فرناس

    فرناس بـترولـي نشيط جدا

    183
    0
    0
    تسلم عزيزي wanasa والله يهدي بال ونفوس الجميع
     
  4. Q8_oil

    Q8_oil بـترولـي خـاص

    1,387
    0
    0
    هذا للأسف إسلوب الضعفاء
    ليش كل الناس كادرها كامل + 120
    ليش إحنا منقصين من الكادر؟
    أنا ضد الإضراب ولكن إذا السالفة فيها ظلم الله وكيلك أبو الإضراب بعد
     
  5. wanasa

    wanasa بـترولـي نشيط

    السلام عليكم
    منو اللى قال منقصين 120 من الكادر عطنى المصدر؟
     
  6. فرناس

    فرناس بـترولـي نشيط جدا

    183
    0
    0
    يا رجال طول بالك علينا شوي لا هو ضعف منا ولا خوف يا الحبيب وانما حرصا على مصلحتنا ومصلحة البلد وطاعة منا لأولياء الأمر وثقة منا بحكمة الحكومه وولاة الأمر فيها وكلي ثقه انهم راح يعطونا حقوقنا كامله غير منقوصه

    واترك عنك الكلام الكبير لا فيه ظلم ان شاء الله ولا شي وحكومتنا حكومة بن صباح اعدل وازين وارحم واطيب حكومه على وجه الارض ونحمدالله اننا من هالبلد الطيب باهله وبحكامه
     
  7. بلبل عنقريزي

    بلبل عنقريزي بـترولـي خـاص

    2,187
    0
    0
    الغالي فرناس
    كلامك عين العقل
    بس مع الاسف انه تنازل تنازل والله عن حقوقنا ولعب على عقولنا
    ماراح يصير الا العافيه
    شركة النفط مو نفس مجلس الامه
    وثاني شي الاضراب حق من حقوقنا كفله لنا الدستور
    وخير دليل اضراب الطيران
    هل قطعوا روسهم ؟
    مشوا كلامهم لان فيه نقابه ماتبيع برًد يابت اللي يبونه غصب مو بحب خشوم
    هددوا واضربوا والدستور يكفل هالشي

    احنا مانبي توصل الامور للتصادم نبي بو خضوره مادري بوخضير لايظلم الناس اللي تشقى وتتعب وتضيع وقتها كله بهالشركه
    وانت عندك خبر ان الكادر بلعوب بحسبته وبطريقه ذكيه على شان ماتطالب ولاتفكر انك تطالب بال120
    بصراحه احنا مع نقابتنا
    واللي تقرره معاها
     
  8. wanasa

    wanasa بـترولـي نشيط

    الأفضل التأكد من نزول الكادر ، و التأكد من الجداول الرسمية المرفقة الواقعية ، ثم التأكد من نزول الزيادة مع كافة الموظفين في

    الحكومة.

    ثم لكل حادث حديث



    ابصراحة عجبنى هالرد من صفحة اخرى وقلت انقله
    http://www.q8ow.com/vb/showthread.php?t=8353&page=12
     
  9. بلبل عنقريزي

    بلبل عنقريزي بـترولـي خـاص

    2,187
    0
    0
    واذا طلع ملعوب بحسبة الكادر ومخصوم منه 120 شراح يكون ردة فعلك امانه تجاوب بصراحه
     
  10. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    نود رؤية الجداول المعتمدة بتواقيع و غيرها أيضا
     
  11. wanasa

    wanasa بـترولـي نشيط

    وليش اقدم الشى السلبى على الشى الايجابى
    الى الان لم يصدر اى قرار رسمى بانقاص الكادر او خصم من الكادر
    وكل القرارات تبين انه لاوجود للافكار هذى
    اشلون تبينى ازهب ردة فعلى من دون وجود شى؟
     
  12. فرناس

    فرناس بـترولـي نشيط جدا

    183
    0
    0
    يا رجال لا تشيل هم بو خضور ذا تراه لا يهش ولا ينش يا بوي اقولكم الامر كله بعد الله واوراق الحل كلها بيد حكومتنا حكومه بن صباح الكرام وان شاء الله كل الخير راح يجينا على ايدينهم كالعاده طول تاريخ الكويت الحبيبه ما جانا خير الا عن طريق شيوخنا الكرام من آل الصباح الكرام واترك عنك بو خضةر والشمالي واترك عنك مجلس الامه الذي ما نفع الا نفسه واعضاءه وجماعتهم وبس وما سوى شي للكويت خصوصا من بعد التحرير حتى الآن واترك عنك النقابات تراهم بياعين حجي هذولا هم صار لهم سنه يطالبون ويهددون ويتوعدون وما شفنا منهم الا الفلس والكلام الفاضي
     
  13. بلبل عنقريزي

    بلبل عنقريزي بـترولـي خـاص

    2,187
    0
    0
    هذا اللي كنت ابيه
    ردة فعلك جاهزه وتبي الدليل
    والدليل بيني وبينك واضح من يوم اعلن مجلس الوزراء خصم الكادر 120

    وراح تشوف باجر
     
  14. بو حسين السحلول

    بو حسين السحلول بـترولـي نشيط

    69
    0
    0
    محاسب
    الكويت
    أنا مع أخوي فرناس قلبا وقالبا إذا عندكم أضراب بعد ما ينزل الكادر سو اللي تبون تسونه ترا كلنا عيال قريه وكلن يعرف أخيه بلا مظاهر كذابه ومصالح أنتخابيه وفرد عضلات على الفاضي
     
  15. فرناس

    فرناس بـترولـي نشيط جدا

    183
    0
    0
    بعدي والله تسلم يا بوحسين وهذا الكلام الصحيح ... يعني اخذوا وطالبوا بدون مهايط وصراخ على الفاضي
     
  16. wanasa

    wanasa بـترولـي نشيط

    ابى الدليل لان اكثر الردود اللى بالمنتدى اشوفها سلبية ومن دون وجود قرار رسمى
    فى حين القرار الايجابى صار رسمى والى الان الناس متخوفه اتصدقه ومتشككه منه


    متى اعلن انه يخصم ؟
    الجريدة اللى انشرته؟
     
  17. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    الله يرفع عنا ولا يبلانا

    شوي شوي ونبجي :)

    كويتي
     
  18. فرناس

    فرناس بـترولـي نشيط جدا

    183
    0
    0
    آمين الله يرفع عنا ولا يبلانا ويستر علينا وعلى بلدنا من الفتن والقلاقل والاضطرابات
     
  19. بو حسين السحلول

    بو حسين السحلول بـترولـي نشيط

    69
    0
    0
    محاسب
    الكويت
    يا ليت كل الموظفين مثلك والله كان ما خذين حقوقنا من زمان تعرف شنو مشكلة بعض الموظفين والبعض الأخر ما يهمني لأنه ميوله أنتخابيه ويبي يفرض نفسه أنه هو المدفع عن حقوقنا بس اللي يهمني اللي مو ميوله أنتخابيه ويبي يسوي أضراب وبس ولا هو عارف شي وأبي أتكلم معه بالعقل والمنطق (( الحين صار شي رسمي علشان تسوي أضراب أيش تسو عليك لو سيويت أضراب وسألوك على شنو سويت أضراب طبعا قلت علشان 120 وردو عليك قالو حنا منزلينه لك بالحساب تعرفون يا أخواني متى تسون أضراب لما يكون عندكم دليل ملموس يعني نزلو الكادر بالحساب وما نزلو 120 أو نزلوها منقوصه باللحظه هذي أنا راح أكون أولكم يسوي أضراب لأن عندي دليل أقدر أتكلم فيه فهمتوووووووووووووووووووووووووووووووووووووووو أو ما فهمتوووووووووووووووووووووووووووووووووووو
     
  20. فرناس

    فرناس بـترولـي نشيط جدا

    183
    0
    0
    عين العقل كلامك عين العقل يا اخوي بوحسين بس وين اللي يركز شوي عشان يفهم المكتوب

    وبعدين انا معاك انه لازم نطالب بحقوقنا اذا نقصوا منها فلس واحد وما نسكت على حقوقنا بس مو لازم ولا هو شرط ان حقوقنا ما تجي الا بالاضراب ... وبعدين يا بو حسين انت والله كفو وانا مصدقك انك راح تضرب بس واللي يرحم والديك انت تصدق انه نقابات راح تصمل وتوصل الامر للاضراب يا رجال والله ما غير حجي في حجي ولا يجرؤون على الاضراب ولا هم حوله ولوكان عندهم مصداقيه كان عملوا اعتصام وليس اضراب من يومنهم وقفوا الزياده في شهر 11 الماضي
    كل الذي اقول للاخوان انهم لا يندفعون في الحماس الزايد والحكي الكبير اللي ما يوكل خبز وخلونا ناخذ زيادتنا وبعدين لكل حادث حديث ... مع اني ما عندي ثقه بالمره لا بالاتحاد ولا بكل النقابات البتروليه .. والتجربه الماضيه خير برهان
     
جاري تحميل الصفحة...
مواضيع مشابهة
  1. king_salem
    الردود:
    0
    المشاهدات:
    5,598
  2. المحرر النفطي
    الردود:
    0
    المشاهدات:
    7,432
  3. المحرر النفطي
    الردود:
    3
    المشاهدات:
    6,993
  4. المحرر النفطي
    الردود:
    0
    المشاهدات:
    12,938
  5. المحرر النفطي
    الردود:
    0
    المشاهدات:
    5,589

مشاركة هذه الصفحة