!!! شروط الزواج في عصرنا هذا !!!

الكاتب : ACmilan | المشاهدات : 858 | الردود : 16 | ‏24 مارس 2008
  1. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    شاب فقير خطب بنت عمه المليونير

    وزود عمه طلباته عليه فقال القصيده:









    سبحان من يرزق بتوع الملاييـن------------------

    ------------------ الرازق اللي ما يخيب الرجـا بـه

    لي عم عنده معـرضٍ للصواليـن-------------------

    -------------------أموت واعرف بس من وين جابـه

    وإذا سألته قـال بعـت الدكاكيـن--------------------

    ------------------ما يدري إني ما هضمت الإجابـه

    الشاهد إني رحت له قبـل يوميـن -------------------

    ---------------------في قصره العامـر ودقيـت بابـه

    قال ارحب ارحب عدّ ورد البساتين ----------------

    ---------------------يا مرحبا باللـي لفـا يـا هلابـه

    قلت البقا عـدّ النفـل والرياحيـن--------------------

    -----------------يا شيخ شمل اهل الكرم والذرابـه

    قال اسلم الله يحفظك لي من العين -----------------

    -----------------وآمر أوامر حضرتـك مستجابـه

    قلت الصراحة طالبٍ قرب غاليـن------------------

    -------------------ودي تزوجنـي كريمتـك يـابـه

    ثنّى وقال اهليـن والله وسهليـن -------------------

    ----------------والكون ترخص لجل عينك رقابـه

    لكن ترا عندي شـروط وقوانيـن------------------

    ----------------قلت اشرط اشرط يا حبيب الغلابـه

    قال أولاً مهر العروسـة ثمانيـن------------------

    ----------------غير الرسوم وغير حق العصابـه

    والثانية عمك يبي منـك سبعيـن------------------

    ------------------رسم الأبـوّة والنسـب والقرابـه

    وام العروسة حقها منـك ستيـن ------------------

    -----------------عشانها ست الحسـن والمهابـه

    واخوانها كلن يبي منـك خمسيـن-----------------

    ------------------عداً ونقـداً تنـدرج فـي حسابـه

    وخواتها الخمس اعطهن من ثلاثين--------------

    -----------------عشان تتوثـق عـروق النسابـه

    وتجيب طقم عيار واحد وعشريـن ---------------

    ---------------وخاتم من الماس المصفى ترابـه

    واكياس متروسة كعوب وفساتيـن---------------

    -----------------ألوانهـا واشكالهـا مـا تشابـه

    وموتر بسواقـه وفيـلا بدوريـن ------------------

    ------------------أثاثهـا مـن بطرتـه ينحكـابـه

    واحجز لنا قاعة بقصر السلاطيـن---------------

    ---------------واحجز بهـا رقاصتيـن وربابـه

    وامنع دخول اهل اللحى والبزارين--------------

    ----------------واعزم أميـر المنطقـة بالنيابـه

    هذي الشروط اللي على بالي الحين--------------

    ---------------وذكرني اللي ما حسبنـا حسابـه

    قلت اذكر الله يا عـدو المساكيـن----------------

    ------------------واستغفـره لا يبتلـيـك بعـذابـه

    الظاهر إنك منت عارف أنا ميـن -----------------

    ----------------أنا لو ارقا فـوق متـن السحابـه

    ما جبت حتى نص درزن مواعيـن----------------

    --------------واضحك بكيفك واعتبرهـا دعابـه

    شروطكم هذي شـروط المجانيـن-----------------

    ---------------شروطكم شغـل ابتـزاز ونهابـه

    شروطكم تقصم ظهـور البعاريـن-----------------

    -----------------شروطكـم همّـن وغـم وكآبـه

    شروطكم والله سيوف وسكاكيـن----------------

    --------------تذبح بنات المجتمع مـع شبابـه

    وين الرضا والعطف واليسر واللين--------------

    ----------------اللي ذكرهـا الله بمحكـم كتابـه

    وين الصفات اللي أمرنا بها الديـن ---------------

    ------------ وين اختفى نهج النبي والصحابـه

    يا عم جعل اللي خلقنا من الطيـن----------------

    ----------------يرد عقلك مـن خطـاه لصوابـه

    ويجعل نصيبي عند غيرك قل آمين---------------

    ------------ويحسن عزا الصابر ويجزل ثوابه

    قال انت لو فكرت تفكير صاحيـن ----------------

    -------------ما شفت في مجمل شروطي غرابه

    حنا بعصـر العولمـة والمزاييـن ------------------

    ------------ ماهوب عصر الفلسفة والخطابـه

    الناس تسعى للرتـب والنياشيـن-----------------

    ---------------وانت اهتمامك بالشعـر والكتابـه

    والشعر ما ينفعك لو هو دواويـن ---------------

    ----------------ما دام جيبك مثـل بيـت الخرابـه

    يا بوك لا تسمع كلام المصاخيـن---------------

    ------------واسأل مجرب عاش في وسط غابه

    قلت الله اكبر يا محـرر فلسطيـن -----------------

    --------------من يسمعك يحسبك ذيـب الذيابـه

    تراك شايب راس مالـك رياليـن -----------------

    ------------- والبنت ما تسوى جنـاح الذبابـه

    قال انقلع مالت على وجهك الشين---------------

    ----------------لا عاد اشوفـك عندنـا يالزلابـه

    قلت ابشر ابشر لكن الباب من وين---------------

    -------------واقفيت من عنده على صوت بابـه
     
  2. dehen_3ood

    dehen_3ood بـترولـي خـاص أعضاء الشرف

    قصيدة جداً جميلة ومعبرة لحال غلاء المهور والعنوسة إللي يشهدها الخليج كله !!

    يا مال العافية على هالطرح الجميل والهادف ...

    وبانتظار جديدك المميز ...
     
  3. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait

    الله يعافيج

    واشكر مرورج وكلامج الطيب
     
  4. SOS_KW

    SOS_KW بـترولـي خـاص أعضاء الشرف

    2,252
    0
    0
    هلا بمشرفنا المتميز .. حتى في اختيارك للمواضيع متميز ..
    [​IMG]
     
  5. التمويلي

    التمويلي بيت التمويل الكويتي

    1,176
    0
    0
    يعطيك ألف عافيه

    مافيك حيله دائماً متميز

    قصيدة جميله

    تقبل تحياتي
     
  6. القائد

    القائد بـترولـي خـاص

    2,089
    0
    0
    شاكرلك قصيدتك اللي تدق باب خطييير في الزواج
     
  7. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait


    والله التميز في مواضيعج وردودج انتي

    اشكرج يا سوس
     
    آخر تعديل بواسطة المشرف: ‏24 مارس 2008
  8. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait

    الله يعافيك يالتمويلي

    واشكر مرورك الطيب
     
  9. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    اشكرك يا مشاري

    على مرورك
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    صحت يمناك يا مشرفنا العزيز
    وجبتهاا ع الجرح
    والزواج بذا الوقت بدال مايكون مناسبة أفرااح صاارت مناسبة هم وغم وتكويد أقصاد
    الله المستعان
     
  11. MamLOoO7a

    MamLOoO7a بـترولـي مميز

    حلوه القصيده وهادفه

    بس الحين مانلومكم يوم ماتتزوجون :)

    لاهنت
     
  12. كي او سي

    كي او سي بـترولـي خـاص أعضاء الشرف

    مشكوووووووووور ميلان

    وهذا سبب العنوسه في المجتمع العربي الاسلامي والسبب الثاني ان البنات اكثر من الشباب

    بس القصيده ما انتهت

    تقول نهايتها

    كملت مشاوري وقمت اطق باب وبابين----------------
    ----------------------- ويارب محد(ن) يصوب صوبي سهامه

    لاهنت ومشكور
     
  13. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait

    اشكرك يا جونم على مرورك
     
  14. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait

    الله يعطيج العافيه على مرورج
     
  15. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait


    كي او سي

    اشكرك على مرورك وعلى اظافتك
     
  16. Blue angel

    Blue angel بـترولـي خـاص

    يعطيك العافيه و تسلم ايديك على القصيده الجميله :)
     
  17. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait


    الله يعافيج وتسلمين على مرورج الطيب
     
جاري تحميل الصفحة...

مشاركة هذه الصفحة