السلام عليكم تتجه نقابة مؤسسة البترول الكويتيه مع النقابات الاخرى مع اتحاد العمال الى التصعيد لانقاص الكادر 120 دينار هل تؤيد هذا التصعيد بعد نزول الكادر بالحسابات ام التصعيد باسرع وقت ممكن وقبل نزولها ؟
بعد النزول ما دام اننا الان ننتظر النزول كما قلتم ....فانا من مؤيدي نظرية خذ وطالب .... وعلى طاري التصعيد ...وين الاخوة بالنقابات والاتحاد ...مو مبينين اشتقنا لهم ...
هذا اللي تبيه الحكومة ان راح نرضى باي شي بسبب التعطيل والانتظار بس ننطر بدون اي استفتاء لان الحسبة صعبة جدا وخاصة لادارة المحاسبة في القطاعات النفطية وما ندري بالضبط شنوا في بيان مجلس الوزراء وكيفية الصرف
لا ناخذ الزياده. لان اذا رضيتو بالزياده هذه و نزلت صدقوني ماراح تاخذون فلس حمر غيره. نطالب بحقنا كامل غير منقوص نبي الكادر كامل + 120. الكوادر اللي قبلنا مو احسن منا خذو كادرهم و هم راح ياخذون 120 و الكوادر اللي بعدنا هم راح تاخذ 120+ كوادرهم. شنو احنى عيال الهنديه ولا مالنا رب. دايماً مظلومين و بالعين العافيه و ساكتين لي متى ؟؟؟؟؟ انا ماني راضي. قبل كنت راضي بالكادر بس لكن الحين عناد يا مثل باجي الناس ولا ما نبي لا تصيرون ضعاف و تخلونهم ياكلون حقنا. نطالب بالكادر +120 او الاضراب و خلنا نشوف شلون ما يرضون حكومة آخر زمن
يا حبيب قلبي أبيك مره وحده تقولي التهديد سو شي وخصوصا في بلد مثل الكويت صدقني حنا بلد بالكلمه الزينه وبأسلوب العقل والمنطق تأخذ حقك وزياده وإذا أنت مو مستعجل على الزياده صدقني غيرك أخذ قرض ومحتاجه أكثر منك ومني
بو حسين حبيب قلبي والله اني مستعجل حالي حال الناس لكن لا والله ماني ساكت عن حقي. اذا تبي الاضراب يجيب فايده لازم يكونون معزمين مو مثل ربعنا اللي قالو راح نصعد اذا ما اقرو الكادر و 120 غير منقوصين. هذا هم نقصو الكادر و احنى ننطر التصعيد لكن ولا واحد فيهم صرح. ما تتكلمون يا اتحاد و تفكونا صدقني حنا بلد بالكلمه الزينه وبأسلوب العقل والمنطق تأخذ حقك وزياده و انا اقولك عدل كلامك بس مو مع هل حكومه الفاشله. والله عيب صرنا مطنزه حق اللي بره الكويت الكل قام يضحك علينا و على حكومتنا اللي تفشل
الاخ العزيز المراقب يعطيك العافية لي طلب صغير ؟؟ المفروض توضح للاعضاء الوضع اللي راح يصير عليه الكادر والزيادة اللي عرفنا انه الزيادة راح تستقطع من الكادر يعني معناتها انه الزيادة دخلت بالكادر ونقصوا من الكادر ( يعني بنظر الحكومه انه اخذنا الكادر والزيادة ) !!!! يعني لازم يعرف الجميع بعد ماينزل الكادر شنــــــــــــــــــو راح تطالبون الحكومــه !!! اكيد راح تنسانه ولا ترد علينا ( وحكومتنا اذا مشت اللي اتبيه انسى ترد عليكم وخصوصا اذا فيها فلوس ) لالالالالالالالالالا نامت عيون الجبنــــــــــــــــــــــــــــــــــــــاء أكيد الاضراب والي خايف ويبي بس فلوس لو اي شي والله مسكين حال وعقل كويتي
انا اقول مالعه داعي الاضراب ولا التصعيد خلنه نقبض بلول وبعدين المطالبه السلمية افضل من التصعيد والاضراب
انت بنفسك تقول ان الحكومه تمشي اللي تبيه وعشان هالشي انه اقول اخذوا اللي وافقت عليه الحكومه لا والله ماتحصلون شي واللي فيه خير خل يسوي اضراب -صدقوني لاتغركم شعارات التصعيد اللي تطلقها النقابات لانها وقت الصجيه غصبا عليها راح ترضخ لمطالب الحكومه وخايف نصفى عال120 واتمنى من الاعضاء انهم يفكرون بالكلام اللي قلته لان الواقع يفرض نفسه وسلامتكم.
