ليش تسلم علي جدام اهلي ؟؟؟؟؟؟؟؟؟؟؟؟؟

الكاتب : القائد | المشاهدات : 1,202 | الردود : 27 | ‏24 مارس 2008
  1. القائد

    القائد بـترولـي خـاص

    2,089
    0
    0
    موضوع شيق وبالنسبة لي يطرح تساؤلات مرحة جدا , ليش بعض الناس اذا شافك مع زوجتك, امك , اختك, عمتك , جدتك, بالسوق او جمعية او حتى بالسيارة مار من صوبه مايسلم عليك يتصدد............ مشكلة البعض مايحبك تسلم عليه اذا كانت المدام معاه او امه او اخته السبب i dont know ليش مادري هل هو يستحي او يستشك من هالسلام او انه يرى غير ذلك , ومرات يكون صديق يمون حيل حيل حيل الصراحة مرات اتعمد اذا شفت احد مع زوجته او اخته او امه اني اسلم عليه عشان يبطل من هالعاده ترا الناس خير وبركة :D, وبالنسبة لي لاتستغرب اذا انا جيت سلمت عليك حتى لو معاي جينيفر لوبيز(قوية شوي ) , ياجماعة السلام لله ولما يسلم عليك شخص ومعاك اهلك مو معناتها يقصد شي سيئ بالعكس والله انها قمة الرجولة لانك بذلك اعطيت احساس للشخص اللي جدامك انك معتبره اخ وعزيز عليك , الناس خير وبركة والانسان اللي ينظر لاعراض الناس لاخير فيه , والسلام ختام :confused:
     
  2. مشاااري

    طرح شيق وقوي وفذذذذ

    الله يعطيك العافيه اخوي الغالي

    وهذا الى صاير من اختلاف العادات والتقاليد بين الناس في ناس يشووفونها عادي وناس يشوفونها عيب

    وناس متعودين انهم مايسلمون على احد اذا اهلهم معاهم وهذي من العاده لانهم يشووفوون اخوانهم او ابائهم يسوون هالشي

    لاهنت يالغالي
     
  3. كريستاله

    كريستاله بـترولـي خـاص

    1,358
    0
    0
    عاادي هالشي وطبيعي مايبي ربعه يشوفون اهله
     
  4. القائد

    القائد بـترولـي خـاص

    2,089
    0
    0


    اخت كريستاله انتي فهمتي الموضوع عدل ؟؟؟؟؟؟؟؟؟؟؟
     
  5. مزيون

    مزيون بـترولـي نشيط جدا

    328
    0
    0
    مكانيكي بالقلب
    في أي قلب طيب
    والله أني اتشرف بسلام عليك ياولد عمي حتى لو كنت بوسط عائلتي
     
  6. القائد

    القائد بـترولـي خـاص

    2,089
    0
    0
    لاهنت بو نايف وشاكر مرورك
     
  7. كريستاله

    كريستاله بـترولـي خـاص

    1,358
    0
    0

    هذا اللي فهمته

    ممكن توضح اكثر
     
  8. القائد

    القائد بـترولـي خـاص

    2,089
    0
    0
    القصد ان في ناس يخاف تسلم على اهله وهذا خوفه مو مبرر يعني , في نوع من الخوف انك تطالع اهله بعين الاعجاب او الاثارة , بينما القصد كله سلام وبس
     
  9. بس انا اشووف عادي

    لان العرب من اول وبالوقت الحاضر يعتزون بخواتهم او بأمهاتهم مثل اخو فلانه مثلأ

    لكن دخلت عليها بعض العادات الى غيرتها

    وعادي مافيها شي لكن هذا مو يعني ان العادات غلط

    لا انا واحد من الناس الى لي اليوم متقيد بعادات وتقاليد اهلي وصعب اغيرها ولي الشرف اني اتقيد فيها

    وكلن وطبعه يامشاري ووجهة نظرك واحترمها حبيب وغالي

    اسمحلي على الاطاله
     
  10. القائد

    القائد بـترولـي خـاص

    2,089
    0
    0
    بو نايف انا اقدر كلامك واحترمه وانت تدري بس انا معاك بشي وضدك بشي معاك انها عادات وتقاليد وضدك ان خلاص ياخي دام صادفت شخص تعرفه ما فيها احراج سلم عليه وخل قصدك الله من وراء السلام ​
     
  11. حرف

    حرف بـترولـي خـاص

    1,776
    0
    0
    المسأله مو خوف ان هذا الشخص بيطالع الاهل دام الاهل محتشمين .. واذا هو بيطالع على قولتك بقلت ادب بطيت عيونه :) :)

    الشغله مالها داعي يعني وانا ماشي بالسوق واشوف شباب اعرفهم امشي واسلم على العالم واحد واحد واللى يقعد يسلم ساعه والا يقولك سالفه والا ماادري شنو ليش كل هالبهذله

    يااخي انا مرات اروح السوق بروحي انغث من كثر مااسلم على الشباب اللى اعرفهم

    الشغله سلام من بعيد كافي السلام عليكم والا مساك الله بالخير وانت ماشي

    واذا على قولتك هو عزيز وغالي اكيد بدق عليه وبمره الدوانيه وبسلم عليه وبرحب فيه مو شرط اذا شفته مع اهله اسلم عليه علشان اصير بقمت الرجوله

    ثانيا : الناس اطباع وعادات عندهم يعني لو انت تشوف الشخص هذا وتروح تسلم عليه وقابلك فى نفسيه وسلم عليك بسرعه ومشي شنو موقفك وقتها بتكون حطيت نفسك بموقف بايخ

    علشان جذى خلك من بعيد لى بعيد الا اذا قابلك وجه فى وجه مالك مفر سلم عليه (( وهذى نصيحه ))
     
  12. كريستاله

    كريستاله بـترولـي خـاص

    1,358
    0
    0
    أأيد كلامك
     
  13. عبدالحميد دشتي

    عبدالحميد دشتي بـترولـي مميز

    782
    0
    0
    انا مع اكيليز قلبا وقالبا والي مو عاجبه يحط أهله داخل التجوري :D
    يعني واحد عصبي ماعنده اسلوب :D
     
  14. نعومة

    نعومة بـترولـي نشيط جدا

    193
    0
    0
  15. التمويلي

    التمويلي بيت التمويل الكويتي

    1,176
    0
    0
    أنا مع أخوي حرف بالكلام اللي قاله
     
  16. SOS_KW

    SOS_KW بـترولـي خـاص أعضاء الشرف

    2,252
    0
    0
    موضوع ذو شقين

    الأول اذا مثلا أنا كنت مع زوجي في ا لسوق ... فهل من الصواب اذا رآني زميل لي بالعمل أن بتجه نحوي ويسلم علي ومعي زوجي ؟؟؟

    أعتقد هذا الشي ما زال مرفوضا في مجتمعنا ...

    والشق الثاني بالعكس لو كنت أنا مع زوجي وقابل أحد زملائه في العمل أو أصدقائه .. وتوجه إليه صديقه أو زميله في العمل ليسلم عليه

    يتقدم زوجي نحوه .. ليجعلني وراءه .. وأتنحى أنا بعيدا لحين الانتهاء من المحادثة

    فما زلنا يا عزيزي شرقيون .. مسلمون .. عرب

    مع تحياتي على هذا الطرح الجديد
     
  17. القائد

    القائد بـترولـي خـاص

    2,089
    0
    0

    الشق المضلل انا معاج فيه لايجوز زميل لك بالعمل ان يسلم عليك امام زوجك اما اذا كانت زميلة فانا اؤؤيد سلامها عليك ...... اما الشق الثاني فهذا الصح ان يتقدم الزوج ويسلم وان تتنحي جانبا وهذا اللي قصدته فلذلك سلموا ولا تحاتون
     
  18. القائد

    القائد بـترولـي خـاص

    2,089
    0
    0



    شاكر مرورك اخي الكريم ورايك
     
  19. special

    special بـترولـي نشيط جدا

    184
    0
    0
    العنزي اخوي اتمنى تقبل ملاحظاتي

    انا لاحظت انه هذا ثاني موضوع تكتبه

    بنفس الاسلوب الاول كان عن اللى يقولون

    عن المره ( النساء ) وانت بكرامه والحين

    موضوعك عن اللى ما يبيك تشوف اهله

    من وجهت نظري ان موضوعك الاول هالنسبه من هالنوعيه 5% يعني متى تصادفهم
    وهم الموضوع الثاني 10% يعني نسب لا تذكر (( معناتها ان هالشي مو ظاهره ))

    باختصار ان الموضوع موجه (( للبدو )) وانا اعتقد انك منهم بما انك عنزي
    هل تريد ان تغير عادات هالناس او انه مو عاجبك اسلوبهم من هالناحيه
    ويجب علينا ان نحترم عادات هالناس وتقاليدهم

    واكرر اتمنى انك تقبل وجهة نظر اخوك
     
  20. القائد

    القائد بـترولـي خـاص

    2,089
    0
    0

    مشكور على ملاحظتك بس انا بسالك سؤال منين جبت ال5% من الناس هذي عطني دليلك هذا واحد , الشق الثاني انا بدوي وافتخر بهالشي واذا يعيبك انك تسلم على صاحبك او حتى قريبك قدام اهلك فهذا تفكيرك وانا ما املك اني اغير تفكيرك . وهل ترى انه من العادات والتقاليد اني اقول تكرمون عن طاري النساء اليست امك او اختك او زوجتك من النساء ؟؟؟؟؟ انا صراحة العادات اللي تخليني اقول تكرمون عن طاري النساء ماحترمها لانها مو من عادات الاسلام الصحيح وانا متقبل وجهة نظرك بصدر رحب وشاكر مرورك الجميل
     
جاري تحميل الصفحة...

مشاركة هذه الصفحة