عندي سؤال وابي الاجابه بليييز

الكاتب : ام ريما | المشاهدات : 1,487 | الردود : 25 | ‏23 أكتوبر 2007
  1. ام ريما

    ام ريما بـترولـي مميز

    السلام اشلونكم اخواني واخواتي انا موظفة بالشركة واخذ بدل ايجار زوجي يشتغل بالداخلية قدم على بدل ايجار ماعطوله قالوله زوجتك تاخذ البدل

    هل صحيح اللي انا اخذه اهو نفسه البدل الايجار او غير انا على ماسمعته يقولون هذا موبدل ايجار له اسم ثاني والله موفاكره بس يقولون ماله شغل بالايجار لازم ياخذ زوجك عفيه ابيكم اتفيدوني بالموضوع هذا يعني يقدر يقدم على البدل ومشكووووورين


    اختكم / ام ريما
     
  2. SMART_BOY

    SMART_BOY بـترولـي نشيط جدا

    189
    0
    0
    أم ريما

    موظفين القطاع النفطي رواتبهم تشمل بدل سكن

    وبالتالي بدل إيجار الحكومة يما يشملهم

    هذا اولا


    ثانيا الحمدلله ما قالو لج ادفعي اللي عليج عشان المعاملة تتغير وتصير بحساب أبو ريما


    تحيااااااااااتي
     
  3. ام ريما

    ام ريما بـترولـي مميز

    مشكور اخوي Smart_boy عالرد عيل اذا السالفه جذي خلني ساكته وااايد احسن من وين ادفع بدل السكن مال اربع سنين بلاها ياخذ زوجي :)
     
  4. redrose

    redrose بـترولـي نشيط جدا

    442
    0
    0
    ما له شغل انا اول شي قالوله انه ما يصير وبعدين عطونا الفرق
     
  5. الكويت

    الكويت بـترولـي جـديـد

    41
    0
    0
    اي صاجه اختي رد-روز يعطونج الفرق يعني اذا انتي تاخذين بدل سكن 80 دينار راح يعطونج 20 هههههههههههههههههه

    انزين واذا بدل السكن 120 تهقين ياخذون العشرين منا ؟؟؟؟؟؟؟ هههههههههههههه


    ترى الي قاعد يصير مصخره :( شنو هذا ترى احنا في ديره عربيه والريال العربي ما يرضى على نفسه ان زوجته تدفع عنه الاجار ( قاعده ارفع لكم يا معشر الرجال )
     
  6. dehen_3ood

    dehen_3ood بـترولـي خـاص أعضاء الشرف


    اهم شي إنج اترفعين لهم هههههه

    أهم شي إن الوحده فينا تساعد زوجها بالمصاريف

    والأحلى إنها ما تعلمه اشكثر ينزل لها ولا إتييب له طاري :p:D
     
  7. الكويت

    الكويت بـترولـي جـديـد

    41
    0
    0
    ههههههههههههههههههههههههههههههههههههههههههههههههه

    لا تعليق وانتي كلج صح
     
  8. SMART_BOY

    SMART_BOY بـترولـي نشيط جدا

    189
    0
    0
    آسف اختي أم ريما

    أنا حسبت على نفس ينزلي بدل ايجار 150 وظنيت كل الناس مثلي

    طبعا كلام الاخوات صح

    إذا في فرقية لج او عليج سيتم المحاسبة بها

    في العادة الفرقية لج


    تقبلي مروري أم ريما

    تحياتي
     
  9. K.O.C

    K.O.C بـترولـي جـديـد

    2
    0
    0
    الحل عندي :)

    قدمي استقالتج بعدين خلي ريلج يقدم بدل الايجار بالاسكان
    بعدييييين ييبي واسطه عشان تردين شركه النفط وتاخذون بدلين بدال بدل واحد لانه الردي شركه النفط تعطي المعاش من ضمنه بدل السكن

    نصب واحتيال ههههههه

    على طاري بدل السكن انا يجماعه متوهق حدي اكيد بعد بعض الشباب متوهقين مثلي
    انا تعينت وانا عزوبي وكان يمشي لي بدل سكن 90 طبعا لما تزوجت طلعت تقرير راتب عشان اروح الاسكان يكملونه لي ويخلونه 150
    المشكله : انه دايركت من تتزوج يرفعون البدل الى 135 وتكمله من الاسكان 15 دينار بس انا خذيت التقرير قبل لايعدلونه الشركه ورحت وديته الاسكان وزادوني 60 بدال 15 دينار ... الحين انا شسوي هل الفلوس اللى اخذها حرام ولازم اردها ولا اخليها عادي

    عطوني الفتوه بارك الله فيكم :)
     
  10. العنيد

    العنيد بـترولـي نشيط

    57
    0
    0
    الأخت أم ريما أعتقد انك تقصدين بدل السكـــــــــــــــن..فاللي يأخذ بدل السكن لايحق له المطالبه ببدل ايجار الا في حالة تغيير المسمى في شهادة الراتب من بدل سكن الى اي مسمى اخر..هذا بالنسبه لشخص واحد أما بالنسبه لوضعك انتي وزوجك فهنا انصحك بسؤال دائره الموارد البشريه ممكن يفيدونك في الموضوع.
    مع تمنياتي بالتوفيق,,
     
  11. SMART_BOY

    SMART_BOY بـترولـي نشيط جدا

    189
    0
    0
    والله يا خي ما عندنا فتاوي

    حنا عندنا بس بلاوي

    خخخ
     
  12. ام ريما

    ام ريما بـترولـي مميز

    مشكورين على الرد والمعلومات المفيده .... بس انا زوجي لما طالب عطوه الفرق 20 دينار لما كان بدل الايجار اللي عندي 80 بس انا الحين اخذ 150 مسكين الريل يدفع ومايلحق وانا اخذها بارده مبرده :)

    طبعا على بالعافيه :)
     
  13. Phox

    Phox بـترولـي نشيط جدا

    400
    0
    0
    ام ريما صباح الخير

    اللى اعرفه ان بدل السكن ماله علاقه في بدل الايجار ... اما اذا درجتج 13 وفوق وقدمتى على (منحة الاثاث +بدل الايجار) راح يكون من ضمن الاوراق المطلوبة شهادة راتب الزوج التفصيليه اللى تثبت فيها انه ما يستلم بدل ايجار

    راح اعدل المعلومه اذا كانت غلط بس تقريبا 90% متأكد منها
     
  14. Phox

    Phox بـترولـي نشيط جدا

    400
    0
    0
    انا قريت رد سمارت وخربطنى ...

    دامج تآخذين "بدل ايجار" ما يصير يستلم ريلج بدل ايجار .. اما اذا تستلمين بدل سكن (درجتج تحت 13) فعادي يقدم على بدل ايجار بالاسكان ويعطونه
     
  15. أبو خالد

    أبو خالد بـترولـي نشيط

    129
    0
    0
    محاسب
    الكويت
    أنا اخاف تعمين على زوجش

    المفروض هو اللي يمشي له بدل وانتي لأ (قانون الشركة)

    قانون الشركة يقول إذا الزوج ياخذ بدل ايجار الزوجة مايمشيلها بدل على اساس انها بالقطاع النفطي
    يعني سواء ان الزوج في القطاع النفطي او غيره ويمشيله بدل ايجار . . فالزوجة ما يمشون لها بدل من الشركة
     
  16. HUMMER

    HUMMER بـترولـي خـاص

    عندج المحاسبه يفيدونج وان شاء الله راح يساعدونج
     
  17. KOCiya

    KOCiya بـترولـي خـاص

    1,596
    0
    0
    بدل الايجار يا اختي غير بدل السكن..
    يعني انا بدل السكن عندي 110 د.ك /قريد13..
    وزوجي ياخذ بدل ايجار الحكومة كامل ..
    انتي شوفي اللي عندج شنو وعلميني :)
     
  18. Phox

    Phox بـترولـي نشيط جدا

    400
    0
    0

    دقيت وسالت توه ... حالتج اخت KOCiya عاديه ... ما راح تآخذين بدل اجار اللى يسمونها (منحه السكن للدرجه 13)

    بس العكس لها حاله ثانيه نفس سؤال ام ريما ...

    المؤسسة العامة للرعاية السكنه عندهم ان "بدل السكن" الموجود بالراتب الاساسى هو نفسه بدل الايجار ... فاذا الزوجه تشتغل بالقطاع النفطي راح يطلبون على الزوج شهادة تفصيلية براتب الزوجه وراح يبين "بدل السكن"

    في هذى الحاله راح يعطون الزوج الفرق بين بدل السكن عند الزوجه و 150 دينار بدل الايجار الحكوميه

    مثلا : الزوجه على الدرجه 13 وتستلم 110 دنانير بدل سكن .. الزوج راح يستلم من الاسكان 40 دينار (تكملة بدل الاجار 150 دينار الحكوميه)

    للعلم .. منحة السكن او بدل الايجار اللى بالقطاع النفطي اللى تنصرف للدرجه 13 وما فوق ما تبين بشهادة الراتب
     
  19. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يمكن حسب رتبته ماعطووه
    عفوااا اهووو ارقااام علي كتفه ولااا تيجااان (:)
     
  20. Phox

    Phox بـترولـي نشيط جدا

    400
    0
    0
    صارت مخاطبات بين ادارة مؤسسة البترول الكويتيه (بحكم ان نسبة البنات هناك عالية) وبين المؤسسة العامة للرعاية السكنيه وبنك التسليف بخصوصا ن منحة السكن تختلف عن بدل السكن ... بس وصلوا لطريق مسدود وارفضوا انهم يمنحون بدل ايجار كامل للأزواج الموظفات بالقطاع النفطي واكتفوا بالفرقيه -اذا وجدت-
     
جاري تحميل الصفحة...

مشاركة هذه الصفحة